Dagblaðið Vísir - DV - 02.08.2001, Blaðsíða 2

Dagblaðið Vísir - DV - 02.08.2001, Blaðsíða 2
FIMMTUDAGUR 2. ÁGÚST 2001 Fréttir JOV Úrskuröur skipulagsstjóra um Kárahnjúka: Getur breytt afstöðu lífeyrissjóðanna - segir Þorgeir Eyjólfsson. Setur strik í reikninginn, segir Geir í Reyðaráli m:.. „Það er ekki útilokað að þessi úr- skurður skipulagsstjóra um Kára- hnjúkavirkjun geti breytt einhverju um aðkomu lífeyrissjóðanna að álvers- málum. En við þurfum núna að kynna okkur þennan úrskurð og meta málið í heild sinni,“ sagði Þorgeir Eyjólfsson, forstjóri Lifeyrissjóðs verslunar- manna, í samtali við DV. Sem kunnugt er hafa fimm stærstu lífeyrissjóðimir í landinu kannað hugsanlega fjárfestingu í álversffam- kvæmdum á Austurlandi. Fimm lífeyr- issjóðir hafa ákveðið að taka þátt í dæminu og hefur þátttaka þeirra verið talin mikilvæg eigi álvershugmyndir að ná fram að ganga. Þorgeir sagði að úrskurðurinn hefði enn ekkert verið ræddur meðal for- ystumanna lífeyr- issjóðanna og taldi að það yrði ekki gert fyrr en eftir verslunarmanna- helgi. „Þessi úrskurð- ur setur óneitan- lega strik í reikn- inginn, menn væru óraunsæir ef þeir viðurkenndu það ekki,“ segir Geir A. Gunn- laugsson, stjómarformaður Reyðaráls. Hann segir að menn hafi vissulega vænst þess að skipulagsstjóri myndi Þorgeir Eyjólfsson Getur breytt af- stööu lífeyris- sjóöanna. með úrskurði sín- um gefa grænt ljós á virkjun við Kárahnjúka og út frá því hafi allt undirbúningsstarf vegna álversins hingað til verið unnið. „Nú verða menn að fara ná- kvæmlega yfir málið og ákveða hver næstu skref ______ verða. Gaumgæfa hvað í úrskurðin- um felst og hvort rétt er að kæra hann til umhverfisráðherra,“ sagði Geir og minnti á að forystumenn Landsvirkj- Geir A. Gunnlaugsson Þurfum aö gaumgæfa máliö. unar hefðu þegar gefið sterklega í skyn að sú leið yrði farin. Geir kvaðst ekki treysta sér til að bera mál í það hvort niðurstaða skipu- lagsstjóra hefði áhrif á áhuga Norsk Hydro á að byggja álver við Reyðar- íjörð. Hins vegar lagði Geir áherslu á að stefna sfjómvalda í landinu væri skýr að því leyti að virkja skyldi fall- vötnin og byggja upp stóriðju. Hann sagði að talið væri að allt að þriðjung- ur af aliri óbeislaðri orku fallvatnanna í landinu væri á svæöinu norðan Vatnajökuls. Stæði úrskurður skipu- lagsstjóra óhaggaður mætti hins vegar í raun afskrifa að sá orkumöguleiki væri yfirleitt til staðar. -sbs Kviknaði í fisk- verkunarhúsi Eldur kom upp í fiskverkunarhús- um að Hrannargötu 4 í Keflavík undir lok vinnudags í gær. Slökkviliðið réð niðurlögum eldsins á hálfum öðrum tíma, en hann kom upp hjá fyrirtæk- inu Ljósfiski. Þak hússins skemmdist en eldurinn var stöðvaður áöur en hann breiddist út í sambyggð hús. Talsvert vatn barst inn í húsið og olli nokkra tjóni á húsnæði og afurð- um, en í morgun var ekki ljóst hversu mikið tjónið kann að vera. Eldurinn er talinn hafa kviknað vegna rafmagns. -JBP Össur Skarphéðinsson: Er sáttur „Ég er mjög sáttur við þessa niður- stöðu enda er hún unnin á faglegum forsendum," segir Össur Skarphéðins- son, formaður Samfylkingarinnar, um úrskurð Skipulagsstoíhunar. „Niðurstaðan er afdráttarlaus og vel rökstudd, og erfitt að ímynda sér að henni verði breytt í kæra- ferli nema þá sam- kvæmt pólitískum pöntunarlista úr stjómarráðinu. Við- brögð forsætisráð- herra vora fyrirsjá- Össur an,eg: Hefðbundinn Skarphéöinsson. hótunartónn gagn- vart opinberum starfsmönnum sem ekki spila eftir hans eigin nótum,“ segir Össur. Hann segir niðurstöðuna þýða að ís- lendingar geti ekki lengur virkjað eða aukið stóriðju í landinu. „Ég er sjálfur þeirrar skoðunar að það kæmi sér vel fyrir þróun efnahags- lífsins að við réðumst núna í stækkun ísals og Norðuráls, enda er vel hægt að afla orku til þess án þess að ráðast á friðlandið í Þjórsárverum" segir hann. Össur segir að ríkisstjómin standi í skuld gagnvart Austfirðingum: „Hún hefur dregið þá á asnaeyrum." -rt DVJvlYND ÞORSTEINN G. KRISTJÁNSSON Verðmætum bjargað Strax og menn komust inn í fiskverkunarhúsin var hafist handa um aö bjarga miklum verömætum, dýrum fiski úr frystigeymsium og vinnsiu. Smári Geirsson: Alvarlegt fyrir þjóðarbúið - og einsýnt að kæra „Það er alvörumál ef þessi úr- skurður skipulagsstjóra mun koma í veg fyrir að hægt verði að nýta fallorkuna á svæðinu norðan Vatna- jökuls. Málið er alvarlegt fyrir þjóð- arbúið allt,“ sagði Smári Geirsson, forseti bæjarstjórnar Fjarðabyggð- ar. Smári sagði að sér virtist fljótt á litið að Skipulagsstofnun tæki frem- ur tillit til sjónarmiða þeirra sem væru mótfallnir virkjun við Kára- hnjúka en Landsvirkjunar sem lét gera umhverfismatið. „Því tel ég að stofnunin hafi nálgast þetta mál á pólitískum fremur en faglegum for- sendum,“ sagði Smári. Skipulagsstofnun segir að í mats- skýrslu Lands- virkjunar vanti upplýsingar um vissa þætti fyrir- hugaðra fram- kvæmda við Kára- hnjúka svo unnt sé að meta um- hverfisáhrif þeirra. Einnig hafi ekki verið sýnt með nægi- lega glöggum hætti hver ávinn- ingur af fyrirhug- uðum framkvæmdum verði, þ.e. hvort hann vegi upp þau umhverfis- Smári Geirsson Úrskurðurinn er alvörumál. áhrif sem virkjun hafi i fór með sér. Smári segist vera þessu ósammála; skýrslan, sem kostaði hundruð millj- óna að vinna, sé að sínum dómi vönd- uð og þeirrar skoðunar hafi einnig verið erlendur ráðgjafi sem vann að gerð hennar. „Úrskurður skipulagsstjóra kemur mér ekki endilega á óvart að fenginni reynslu af samskiptum við stofnanir sem vinna að skipulags- og náttúru- verndarmálum," segir Smári sem seg- ir það ekki mega gerast að ekki verði virkjað eystra. Því sé einsýnt að kæra skuli úrskurð skipulagsstjóra til um- hverfisráðherra en ákvörðun þar um sé auðvitað Landsvirkjunar. -sbs Steingrímur J. Sigfússon segir fásinnu að halda áfram: Úrskurðurinn er afdráttarlaus „Ég fagna þessum úrskurði skipu- lagsstjóra. Röksemdirnar gegn Kárahnjúkavirkjun hafa verið yfir- gnæfandi og því gerði ég mér vonir um aö umhverfisáhrifin yröu metin á þá lund sem nú hefur gengiö eft- ir,“ sagði Steingrímur J. Sigfússon, alþingismaður og formaður VG. „Mér hefur þótt meintur ávinningur af þessum framkvæmdum hafa ver- iö of óljós til að hægt sé að nota hann til réttlætingar á jafnmiklum umhverfisáhrifum og þetta hefði í fór með sér,“ sagði Steingrímur og nefndi sérstaklega gerð uppistöðu- lóns. Steingrímur kvaðst vænta þess að stjómvöld drægju sinn lærdóm af þessu máli. „Það væri fásinna ef stjómvöld þrjóskuðust áfram í málinu. Nú á tafarlaust að setja af stað áætlun um byggðamál á Austurlandi til að mæta þeirri hættu á bakslagi sem get- ur komið í kjölfar þessa úrskurðar. Ál- vershugmyndir hafa skapað miklar væntingar eystra og þann byr veröur Steingrímur J. Sigfússon Ávinningurinn var óljós. að nýta en ég vil þó undirstrika hve mikil hætta hefur verið fólgin í þess- ari nauðhyggju að setja málið upp sem annaðhvort álver eða dauði.“ Aðspurður hvort úrskurður skipulagsstjóra væri ekki áfall fyr- ir forystumenn Framsóknarflokksins og aðra þá sem helst hafa talað fyrir orkuveram og stóriðju á Austurlandi kvaðst Stein- grímur biðjast undan að svara þeirri spumingu. „Nú vil ég að menn skapi nýjar byggðaaðgerðir á Austurlandi. Það er affarasælasta leiðin fremur en að að kæra úrskurðinn, sem er mjög vel afdráttarlaus. Umhverfisráðherr- ann er líka kominn í gapastokkinn ef hann gengur gegn úrskurði skipulags- stjóra," sagði Steingrímur. -sbs Stuttar fréttir 60 komið á nauðgunarmóttöku Níu stúlkur leituðu til Stígamóta eft- ir að hafa verið nauðgað um verslun- armannahelgina í fyrra. Samkvæmt upplýsingum frá Stígamótum koma að- eins örfáar þeirra stúlkna sem er nauðgað á neyðarmóttöku Landspítal- ans en 97 einstaklingar leituðu þangað í fyrra. Talan er komin í 60 það sem af er þessu ári. Meiri greiðslur til lækna Heildargreiðslur hins opinbera til lækna á síðasta ári námu 8,1 milljarði króna að meðtöldum rekstrarkostnaði. Þær höfðu hækkað um 86% frá 1992 þeg- ar greiöslumar námu 4,3 milljörðum. Þetta er niður- staða könnunar sem Ríkisendurskoð- un hefur gert fyrir heilbrigðis- og tryggingaráðuneytið. Meðallauna- greiðslur til lækna námu 6,5 milljón- um króna á síðasta ári en 4,2 milljón- um árið 1992 sem er 53% hækkun. Það er í samræmi við almenna launaþróun í landinu. RÚV greindi frá. Póstur í síma Póstur í síma er ný þjónusta hjá Símanum sem hentar vel þeim sem vilja hafa góðan og stöðugan aðgang að tölvupóstinum sínum og geta skoöað hann hvar sem er og hvenær sem er. Aðgengi að póstinum er frá mörgum viðmótum í símanum. Hægt er að nálg- ast póstinn í gegnum VIT-valmynd, WAP-valmynd eða með SMS-skamm- vali. Aðgangur að pósthólfinu er alger- lega óháður því hvaðan netfóngin eru. Sigurbjörn keppir Sigurbjöm Bárðar- son mun keppa með landsliðinu á heims- meistaramóti ís- lenskra hesta í Aust- urríki síðar í mánuð- inum. í upphafi var hann ekki valinn í liðið þar sem Sigurð- ur Sæmundsson landsliðseinvaldur taldi hann ekki nægjanlega vel ríðandi á úrtökumótinu. Nú hefur verið geng- ið frá því að Sigubjöm keppi á Gordon frá Stóra-Ásgeirsá og er búist við tíð- indum þegar þessi knapi og þessi hest- ur leggja saman. Morgunblaðið greindi frá. Ekki hunsað Alþingi Bjöm Bjarnason menntamálaráðherra segir það rangt að hann hafi hunsað vilja Alþingis og ekki látið gera könnun á læsi fúllorðinna ís- lendinga. Svanfríður Jónasdóttir alþingis- maður hélt þessu fram i kvöldfréttum útvarps fyrr í vikunni. Bjöm segir að strax eftir að þingsályktun um könnun á læsi íslendinga var samþykkt í maí i fyrra háfi menntamálaráðuneytiö leit- að til Jóns Torfa Jónssonar, prófessors við félagsvísindadeild Háskóla íslands, og beðið um álit hans á því hvemig best væri að standa að slíkri könnun. Jón Torfi skilaði áliti sinu I sumar og þar kemur fram að hann telji slíka könnun ekki þjóna miklum tilgangi. Þetta kom fram hjá RÚV. Krónan styrktist Krónan styrktist nokkuð í gær og endaði gengisvísitala hennar í 135,0 stigum sem er 1% styrking innan dags- ins. Leita þarf aftur til 11. maí til að finna svo lágt lokagildi vísitölunnar. Helst má rekja þessa styrkingu til auk- innar bjartsýni um minnkandi fjár- streymi úr landi sem rekja má til minnkandi vöruskiptahalla á fýrri hluta ársins og neikvæðra hreinna er- lendra verðbréfakaupa í júni. Þetta kemur fram í Hálffimmfréttum Búnað- arbankans. -BG

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.