Dagblaðið Vísir - DV - 02.08.2001, Side 10

10
Útlönd
FIMMTUDAGUR 2. ÁGÚST 2001
JDV
Ken Livingstone
Hefur ávallt haft horn í síðu Tony
Blairs og vina hans.
Rauði Ken
pirrar Blair
Ráðgjafi borgarstjóra London,
Ken Livingstone, hefur gagnrýnt
einkavæðingaráform rikisstjórnar
Tony Blairs á neðanjarðarlestakerfí
borgarinnar. Ráðgjafinn Robert
Kiley er virtur á sínu sviði og hefur
m.a. endurbætt lestakerfin í
Chicago og New York. Hann segir
að áform stjómarinnar komi til með
að enda í sömu ósköpunum og
einkavæðing bresku járnbrautanna,
sem taldar eru þær dýrustu, hættu-
legustu og ótraustustu í Evrópu.
Kiley var ráðinn sem ráðgjafi Bla-
irs fyrir kosningar en rekinn aftur
eftir þær. Hann er þó enn í vinnu
hjá Livingstone. Þeir berjast nú fyr-
ir dómstólum fyrir að mega birta
efni skýrslu Kiley um galla einka-
væðingar og hugmyndir sínar um
endurbætur á þeim.
Vilja bora eftir
olíu í Alaska
Fulltrúadeild Bandarikjaþings
samþykkti í gær lagafrumvarp rík-
isstjórnar George W. Bush forseta
um orkuáætlun fyrir landið. í frum-
varpinu er gert ráð fyrir að borað
verði eftir olíu á vernduðum svæð-
um innan heimskautsbaugs, viö
Alaska.
Viðauki við lagafrumvarpið frá
demókrötum og nokkrum hófsöm-
um repúblikönum um að ekki yrði
borað á verndarsvæðunum var
felldur, enda fulltrúadeildin á valdi
repúblikana. Samkvæmt ríkisstjórn
Bush koma olíuboranir ekki til með
að menga á vemdarsvæöunum.
Frumvarpið á enn eftir að fara í
gegnum öldungadeildina þar sem
demókratar eru í meirihluta.
Kofi Annan
Er orðinn langeygur eftir að
Bandaríkin geri upp skuldir sínar.
Bandaríkin borgi
Kofi Annan, aðalritari Samein-
uðu þjóðanna, hvatti bandarísk
stjórnvöld til að borga skuldir sínar
við samtökin. Bandaríkin skulda
Sameinuðu þjóðunum tæpa 60 millj-
arða króna. Bandaríkin hafa verið
treg til aö borga vegna þess að þar-
lendum stjórnvöldum þykir landið
axla of mikið af fjárhagslegri
ábyrgð. Samkomulag náðist um
greiðslur í vetur en bandaríska
þingið hefur ekki samþykkt greiðsl-
una enn. Annan segir að tregða til
að borga grafi undan leiðtogahlut-
verki landsins innan samtakanna.
Yasser Arafat:
Kallar á erlenda
eftirlitsmenn
Einn Palestinumaður féll í
klukkutímalöngum skotbardaga
milli palestínskra byssumanna og
ísraelskra landnema við borgina
Hebron. Auk þess særðist einn land-
nemi lítillega sem og þrír Palestínu-
menn, þ.a. einn krakki sem fékk
skot í hendina. Bardaginn hófst eft-
ir mikil mótmæli syrgjenda þeirra
átta sem létust í þyrluárás ísraels-
manna á þriðjudaginn.
Yasser Arafat, leiðtogi Palestinu-
manna, er nú staddur i opinberri
heimsókn á Ítalíu. Hann kallaði á
aðstoð frá alþjóðaheiminum og
ítrekaði ósk sína um að erlendir eft-
irlitsmenn verði sendir á átaka-
svæðin fyrir botni Miðjarðarhafs.
Fordæming erlendra ríkja á
þyrluárásina virðist engin áhrif
hafa á stefnu ísraelsmanna. Á með-
an á mótmælum tugþúsunda Palest-
ínumanna stóð, þar sem kallað var
á hefnd og dauða ísraels, réttlættu
ísraelsk stjórnvöld þyrluárásina.
Útför fórnarlamba
Lík þeirra er féllu í þyrluárás ísraels-
hers við upphaf útfarar.
Ariel Sharon, forsætisráðherra ísra-
els, kallaði árásina eina best heppn-
uðu árás sem ísraelsher hefur gert.
Varnarmálaráðherra ísraels, Binya-
min Ben, sagði að árásin hefði lík-
lega bjargað hundruðum mannslífa.
ísraelska ríkisstjórnin ætlar aö
halda árásum á valin skotmörk á
svæði Palestinumanna áfram.
Raana Gissin, einn helsti aðstoð-
armaður Ariels Sharons, gagnrýndi
vestrænt fólk sem kemur til að vera
„mannlegir skildir" fyrir Palestínu-
menn. Nokkur friðarsamtök senda
félaga sína til að gista hjá palest-
ínskum fjölskyldum á átakasvæðum
til að draga úr hættunni á að ísra-
elskir hermenn skjóti á húsin. Giss-
in sagði þetta fólk vera notað af
palestínskum hermdarverkamönn-
um til að skýla sér í skotbardögum.
Hann sagði einnig að það væri á
ábyrgð þeirra sem hleyptu fólkinu
inn á átakasvæðin ef eitthvert
þeirra særðist eða félli.
Umhverfisverndarsinnar á járnbraut
Frönskum umhverfisverndarsinnum tókst að tefja lestarferð frá Þýskalandi með kjarnorkuúrgang um hálfíma í gær,
með því að hlekkja sig við járnbrautarteinana. Lögreglan sagaði þá lausa og handtók þá svo. Fylgismenn mótmæl-
endanna voru með uppsteyt fyrir framan lögreglustöðina í kjölfarið og heimtuðu lausn þeirra.
Friðartillögur fyrir Norður-írland:
Sprengja aftengd á
flugvellinum í Belfast
Sérfræðingar breska hersins af-
tengdu stóra bílasprengju á alþjóða-
flugvellinum í Belfast í gær.
Sprengjan var viðbrögð kaþólska
hryðjuverkahópsins „Hins sanna
IRA“ við nýjum friðartillögum á
Norður-írlandi frá Tony Blair, for-
sætisráðherra Breta, og Bertie
Ahern, forseta írlands. Tvær sima-
viðvaranir voru gerðar við sprengj-
unni. Sú fyrri var óskýr og reyndist
sprengjusérfræðingum erfitt að hafa
uppi á sprengjunni. Leit var gerð í
þúsundum bifreiða en það var ekki
fyrr en frekari upplýsingar bárust
að i ljós kom að silfurgrár Volvo
innihélt sprengjuna. Ekki er efast
um að fjöldi fólks hefði getað fallið
eða slasast ef sprenging hefði orðið.
Nú beinast augu allra að hryðju-
verkahópum á Norður-írlandi. Það
Belfast
Sérfræðingar breska hersins af-
stýrðu hörmungum í gær þegar þeir
aftengdu sprengju á flugvellinum.
skiptir sköpum fyrir viðhald friðar-
samkomulags á svæðinu að þeir
haldi ekki einungis að sér höndum
heldur aíhendi vopn sín. Tregða
írska lýðveldishersins til að fram-
fylgja þeim skuldbindingum sínum
varð til þess, fyrir nokkrum vikum,
að stefna friðarferlinu í uppnám.
David Trimble, leiðtogi mótmæl-
enda, sagði þá skilið við friðarvið-
ræðumar. Blair og Ahern hafa gefið
deiluaðilum frest þar til á mánudag
til að bregðast við tillögunum. Þeir
setja kaþólikkum og mótmælendum
úrslitakosti. Tillögurnar fela meðal
annars í sér að endurbætur verði
gerðar á her- og lögreglusveitum á
Norður-írlandi sem samanstanda
mestmegnis af mótmælendum. Líf
heimastjómarinnar veltur á því að
þeim verði tekið fyrir 12. ágúst.
pffTtrmi'n—i
Fékk blóðgjöf
Elísabet drottn-
ingarmóðir i Bret-
landi var lögð inn á
sjúkrahús í gær.
Fjöldi hvítra blóð-
korna var of lítill
hjá henni og fékk
hún því blóðgjöf.
Hún verður 101 árs
þykir kjarnakona.
Smokkar á Suðurskautið
Tveir smokkasjálfsalar hafa verið
sendir á nýsjálenska bækistöð á
Suðurskautslandinu. Um 400 manns
fara í gegnum stöðina á ári hverju
og þar dveljast vísindamenn og
verkamenn langdvölum.
á laugardag og
Ráðgáta með flugnema
Yfirvöld í Kúbu og Bandaríkjun-
um velta nú vöngum yfir þvi hvað
fékk 55 ára gamlan flugnema og
pitsusendil til að nýta fyrsta sóló-
flug sitt í að stinga af og brotlenda á
strönd Kúbu. Talið er að hann eigi
við geðvandamál að stríða.
Samkynhneigðar giftast
Frá því í gær mega hommar og
lesbíur gifta sig í Þýskalandi.
Kampavínið freyddi í gær og fjöldi
samkynhneigðra notaði tækifærið
til að opinbera ást sína.
Toppar í 9 milljöröum
Nýir útreikningar visindamanna
benda til þess að mannkynið muni
mest ná 9 milljörðum árið 2070 en
fækka svo. Um 40 prósent fólks
verður yfir 60 ára gamalt árið 2100.
Sýnir ráðherra hörku
Talsmaður Jun-
ichiro Koizumis, for-
sætisráðherra Jap-
ans, segir líklegt að
utanríkisráðherrann
Makiko Tanaka
muni gefa eftir í
deilu ráðherranna,
ellegar verði hún
rekin. Ráðherrarnir eiga í deilu um
mannaráðningar.
Meira ofbeldi í sjónvarpi
Bandarísk börn upplifa meira of-
beldi og ljótara tal í sjónvarpi á
virkasta áhorfstímanum en áður.
Minna var um kynlíf en það er gróf-
ara. Algengasta blótsyrðið var orðið
„rass“ og heyrðist það einu sinni á
hverjum klukkutíma.
Vill loka herstöðvum
George W. Bush
Bandaríkjaforseti
mun í dag biðja
þingið um að loka
fleiri herstöðvum
heima fyrir. Hann
vill beina auknu
Qármagni í að nú-
tímavæða vopna-
búr Bandaríkjahers.
Fiskveiðideilur við Japan
Japanar hafa kallað heim sendi-
herra sína í Rússlandi og Suður-
Kóreu eftir að síðarnefnda þjóðin
hóf fiskveiðar við eyjar sem Rússar
halda eftir seinni heimsstyrjöld.
Þeir gerðu samning við Suður-
Kóreumenn og leyfa 26 skipum að
veiða við eyjarnar.
Kim Jong-il fór úr lestinni
Kim Jong-il, leiðtogi Norður-
Kóreumanna, gerði 24 tíma stopp á
lestarferð sinni í Omsk í gær. Hann
kemur til Moskvu á morgun.