Dagblaðið Vísir - DV - 02.08.2001, Síða 11

11
FIMMTUDAGUR 2. ÁGÚST 2001
DV
Utlönd
Málamiðlun náð um
tungumál Albana
Mikilvægt skref í átt til friðar
milli slavneskra og albanskra íbúa
Makedóníu náðist í gær. Fjórir
helstu stjórnmálaflokkar landsins
sættust á um málamiðlun i deilu-
málinu um hvort albanska verði
gerð opinber sem annað ríkismál í
landinu. Það hefur lengi staðið frið-
arviðræðum fyrir þrifum að
Makedónar vilja ekki viðurkenna
albönsku sem opinbert tungumál en
það er grundvallarskilyrði Albana
fyrir sátt. Þeir vilja aukin réttindi
fyrir albanska þjóðarbrotið og við-
urkenning tungumálsins er helsti
áfanginn í því.
Samkomulagið felst í því að al-
banska verði gert opin-
bert tungumál á svæð-
um í Makedóníu þar
sem 20 prósent íbú-
anna eru Albanar, en
um þriðjungur lands-
manna eru af albönsk-
um uppruna.
Makedónska verður
sem áður helsta tungu-
málið.
Francois Leotard,
sendifulltrúi Evrópu-
sambandsins i
Makedóníu, varar þó
við því að bjöminn sé
ekki unninn með
Francois Leotard
Sendifulltrúi ESB í
Makedóníu loksins með
góðar fregnir.
þessu. Þó að deilan um
tungumálið hafi verið
stærsti steinninn í götu
friðarviðræðnanna velt-
ur árangur á því að sátt
náist i öðrum pólitísk-
um deilumálum.
Stærsta málið sem nú
þarf að leysa snýst um
að Albanar vilja fá
meiri aðild að löggæslu
í landinu.
Norður-Atlantshafs-
bandalagið hefur til-
kynnt að stefnumark-
andi nefnd bandalagsins
fari ekki í sumarleyfi
eins og ráðgert hafi verið. Nefndin
verður vakandi fyrir árangri í
Makedóníu en ætlunin er að Nató
gegni mikilvægu hlutverki í fram-
kvæmd friðarsamkomulags. Ef sam-
komulag næst hyggst bandalagið
senda 3000 hermenn til Makedóníu
sem munu standa að afvopnun al-
banskra skæruliða. Gagnrýnt hefur
verið að ferlið eigi einungis að taka
mánuð, sem þykir fullknappur tími.
Ekki voru allir í sáttahug í
Makedóníu í gær, þrátt fyrir al-
menna bjartsýni. Innanríkisráð-
herra landsins lýsti því yfir að eina
leiðin til að koma á friði væri að
sigra Albana í stríði.
Bandaríkin:
Missa af lestinni
Vísindamenn í Bandaríkjunum
hafa lýst yfir verulegum áhyggjum
með samþykkt fulltrúadeildar
Bandaríkjaþings um bann við klón-
un. í lögunum segir að þeir sem
klóni til að búa til börn eða búa til
fósturvísa í rannsóknir eigi yfir
höfði sér háar sektir eða fangelsis-
vist. Bannið nær einnig yfir inn-
flutning á klónuðum fósturvisum
sem og lyfjum eða aðrar læknismeð-
ferðir sem byggðar eru á klónun.
Bush forseti styður lagafrumvarpið.
Bandarískir vísindamenn óttast
að Bandaríkin dragist aftur úr á vís-
indasviðinu og að toppvísindamenn
flykkist úr landi til að vinna við
rannsóknir á klónun sem leyfðar
eru annars staðar í heiminum, t.d.
Bretlandi. Paul Berg, prófessor við
Stanford-háskóla og nóbelsverð-
launahafi í sameindafræði, segir
það hræsni að ætla að svipta banda-
rískan almenning þeim rétti að
njóta þeirra lækninga sem kunni að
verða til út frá klónun. Hann telur
þó klónun til barnsburðar ósiðlega.
Fórnarlamb flóöanna
Maður og drengur frá þorpinu Desa Sihareo standa nálægt fórnarlambi
flóða, undir blööunum, sem gekk yfir eyna Súmötru í fyrradag. Að minnsta
kosti 60 manns létust í flóðum og aurskriðum og 200 er enn saknað.
Fella þarf tvær
milljónir lamba
Bændur á Bretlandi búast við að
þurfa að slá af hátt í tvær milljónir
lamba á næstunni. Bann ríkir á út-
flutningi lambakjöts frá Bretlandi
vegna gin- og klaufaveikifaraldursins
og því er ljóst að mikið kjöt verður
ekki hægt að selja. Sérstaklega bitnar
þetta á þeim sem rækta unglömb sem
fara eiga í slátrun. Engin venja er fyr-
ir því að borða slíkt kjöt á Bretlandi
og því eru þau að mestu ræktuð til út-
flutnings.
Lítill tilgangur er að ala þau og fá
engan pening fyrir og því verður að
slátra lömbunum. Matvælaráðherra
Bretlands, Whitty lávarður, situr
neyðarfund Bændasamtaka Bretlands
í dag. Talið er að hann muni kynna
áætlun ríkisstjórnarinnar um að
kaupa lömbin af bændunum til slátr-
unar og frystingar. Ætlunin er að
reyna að markaðssetja kjötið í Bret-
landi en talið er miklu 'verði hent.
Ríkisstjórn Bretlands ræðir nú að
hefja bólusetningarherferð gegn gin-
og klaufaveikifaraldrinum. Hátt í 4
milljónir sauðfjár hefur verið fellt síð-
an faraldurinn gaus upp.
Hlutabréfarabb
- í Garðheimum Mjódd
O’
GARÐHEIMAR
DV
I kvöld kl. 20-21 verður hið vinsæla hlutabréfarabb Islandsbanka haldið í síðasta
skipti í sumar. Yfir rjúkandi kaffibolla og smákökum njóta gestir líflegrar fræðslu
og taka þátt f umræðum um hlutabréfamarkaðinn í þægilegu umhverfi.
Umræðuefni fundarins verður til umfjöllunar í DV.
Létt djasssveifla frá kl. 19.30. Árni Heiðar Karlsson spilar á píanó
og Olafur Stolzenvald á kontrabassa.
Umræðuefni:
Bandarísk hlutabréf
- hvernig velur þu þau bestu?
Willy Blumenstein sjóðstjóri.
Aðgangur er ókeypis og allir hjartanlega velkomnir.
GARÐHEIMAR
VIB ber nú heitið Islandsbanki - Eignastýring og
mun framvegis verða kynnt undir nýju merki bankans.
ISLANDSBANKI
EIGNASTÝRING
www.isb.is
1
íliliLUIÍii
alls staðar!!

SLYSflVflRNflFELflGIÐ
LPNDSBJÖRG