Dagblaðið Vísir - DV - 02.08.2001, Blaðsíða 20

Dagblaðið Vísir - DV - 02.08.2001, Blaðsíða 20
24 FIMMTUDAGUR 2. ÁGÚST 2001 + I Tilvera I>V ú\j. dbandagagnrýni **** Sumar myndir eru svo góðar að þær fara með manni út úr kvik- myndahúsinu. Góð dansmynd gerir mann léttan í spori, góð gamanmynd getur spriklað í manni heilan dag og góðir þrillerar skilja mann eftir óör- uggan og spenntan og Memento gerir það svo um munar. Pálminn fer til leikstjórans og handritshöfundarins Christophers Nolans sem vefur sögu áreynslulaust úr nútíð í fortíð í nútíð þannig að allt gengur upp og enginn laus endi sem situr eftir eins og vont > bragð í munni. -SG Bridget Jones's Diary **** Bridget Jones er persóna sem skríður beint inn í hjartað á manni og maður bæði hlær og finnur til með henni. Handritið er eins og best verð- ur á kosið: bæði hnyttið og róman- tískt og það er ekki nóg með að aðal- persónurnar þrjár séu vel úr garði gerðar, með þeim er heill hópur af velheppnuðum og vel leiknum auka- persónum, nokkuð sem aðeins virðist geta gerst í breskum myndum. -SG The Virgin Suicides *** Sofia Coppola hefur skapað al- veg sérstaka kvikmynd sem byggist meira á stemningu en atburðarás. Hún er ákaflega áferðarfalleg með hlýjum, rauðum, gulum og gullnum litum, stundum minnir hún helst á auglýsingar frá áttunda áratugnum ef ekki væri fyrir þurran húmorinn sem vegur upp á móti draumkenndri dramatikinni. Sofia leikstýrir af miklu öryggi og fær alla leikara til að sýna okkur betri hliðina. -SG Tilisammans * *** Lukas Moodysson leikstýrði Fucking Ámál. Tillsammans er ekki eins áhrifamikil eða eins þétt kvik- mynd og Fucking Ámál án þess hún valdi vonbrigðum. Um er að ræða skemmtilega úttekt á frjálslyndi í lok hippatimabilsins á áttunda áratugn- um og hvaða áhrif skoðanir og gerðir foreldra hafa á börnin sem þau ala upp í umhverfi sem þau eru ekkert sérlega hrifm af. -HK *** Skrekkur er ein af þessum ör- fáu barnamyndum sem fullorðnir hafa líka gaman af. Persónurnar í Skrekk eru kannski ekki raunveru- legar (enda hvað væri skemmtilegt við það?) en svo lifandi og hver and- litsdráttur svo listilegur, hver hreyf- ing svo ekta að það út af fyrir sig er ævintýralegt. En ef tæknin væri það eina sem gerði myndina athyglis- verða hefði hún ekki haldið manni jafh hugfbngnum og hún gerði. Sagan er einfaldlega skemmtileg og afskap- lega vel skrifuð. -SG SpyKids *** Robert Rodriguez er heldur bet- ur búinn að skipta um gír í Spy Kids, laufléttri og skemmtilegri fjólskyldu- mynd þar sem honum tekst að skemmta öllum fjölskyldumeðlimum á hvaða aldri sem þeir eru. Spy Kids "•» er alveg laus við sykursætan sögu- þráð sem oftar en ekki einkennir fjöl- skylduvænar kvikmyndir Myndin er stórfenglegt sjónarspO tæknibrellna og fyndinna atriða í samanþiappaðri atburðarás sem svikur engan. -HK Brother *** Söguþráðurinn er ekki merki- legur. Upprisa og fall glæpagengja er býsna algengt viðfangsefhi og Brother bætir ekki neinu við á þeim vettvangi og satt best að segja hafa mun betri myndir verið gerðar í þessum flokki. •? Það sem Brother hefur við sig er að vel er haldið á spöðunum í því flókna kerii sem myndast þegar jafh ólikir glæpamenn og japanskir Yakuzar með sínar ströngu hefðir og svartir götusalar fara aö starfa saman. Þá eru hin mörgu ofbeldisatriði það hröð að áður en maður veit af liggur fjöldi ^. manns í blóði sínu og dregur það nokkuð úr neikvæðum áhrifum. -HK Jurassic Park m Risaeðlurnar enn sprelllifandi Það var aðeins tímaspursmál hvenær þriðja Jurassic Park-mynd- in yrði gerð. Fyrirrennarár hennar eru meðal vinsælustu kvikmynda sem gerðar hafa verið og má segja að kvótinn sé ekki almennilega fylltur fyrr en búið er að búa til tríólógíu. Risaeðlumyndirnar eru tvímælalaust einhverjar mestu og bestu ævintýramyndir sem gerðar hafa verið og þó alls ekki sé hollt að fara með ung börn á þær þá eru þær mikil upplifun fyrir alla sem hafa gaman af spennu og ævintýrum. Fyrsta kvikmyndin var gerð eftir skáldsögu Michaels Crichtons og leikstýrð af Steven Spielberg árið 1993. Crichton skrifaði framhalds- bókina The Lost World sem Spiel- berg geröi einnig kvikmynd eftir. Þriðja myndin sker sig nokkuð frá hinum að því leytinu til að Crichton kemur hvergi nálægt sögunni. Að vísu eru persónur sem hann skap- aði kallaðar til leiks og Steven Spiel- berg lætur nægja að vera í sæti framleiðandans og lætur Joe John- ston (Honey, I Shrunk the Kids, Jumanji) um að leikstýra myndinni. Þegar við skildum við risaeðlurn- ar síðast lifðu þær góðu lífi á af- skekktri eyju, án mannlegra af- skipta. Auðkýfingurinn Paul Kirby hefur mikinn áhuga á risaeðlum og leitar upp dr. Alan Grant, sem er sá sem veit mest um risaeðlur og viö kynntumst í fyrstu myndinni, og býður honum mikinn rannsóknar- styrk komi hann með sér á staðinn. Dr. Grant veit vel hve hættulegur slíkur leiðangur gæti verið en slær til þar sem skoðunarferðin fer fram úr lofti. En þegar komið er á áfanga- stað brýtur Kirby sinn hluta sam- komulagsins og lætur lenda flugvél- inni enda kemur í ljós að tilgangur hans var annar en hann lét uppi. Skyndilega er hópurinn kominn í framandi heim þar sem maðurinn er ekki lengur efstur í fæðukeðj- unni. Eftir nokkurra ára þróun eru risaeðlurnar mun hættulegri en áður og fátt bendir til þess að fólkið komist lífs af. Tveir leikarar úr fyrstu mynd- inni koma fram á sjónarsviðið á ný, Sam Neill og Laura Dern, sem heyja bar- áttu við út- dauðu risana i annað sinn. Njóta þau aðstoðar Téu Leoni, Williams H. Macys og Michaels Jeters. Eins og í fyrri myndun- um eru tæknibrellurnar stórkostleg- ar og virðist þetta ævintýri vera langt frá því að deyja út. Leikstjórinn, Joe Johnston, er enginn nýgræðingur í kvikmynda- bransanum og var áður en hann hóf eigin leikstjórnarferil einn mikil- vægasti hónnuðurinn hjá George Lucas og vann við allar Star Wars- myndirnar og með Steven Spielberg við Indiana Jones-myndirnar. Fyrsta kvikmyndin sem hann leik- Professor Allan Grant Sam Neill leikur prófessorinn í annaö sinn. Hann er fenginn á fölsum forsendum til risaeölueyjarínnar Isla Sorna. stýrði, Honey I Shrunk the Kids, hlaut mikið lof og góða aðsókn. í kjölfarið komu The Rocketeer, The Pagemaster (leikni hlutinn), Jumanji og nú síðast October Sky sem Johnston hefur fengið mörg verðlaun fyrir. Jurassic Park III verður frum- sýnd á morgun í Háskólabíói, Sam- bíóunum, Laugarásbíói og Borgar- bíó á Akureyri. -HK Antitrust: Kvikmyndin Antitrust, sem frum- sýnd verður í Sambióunum og Nýja bíói á Akureyri á morgun, segir frá forritaranum Milo sem hefur það sem til þarf til að komast á toppinn I tölvuheiminum. Hann hefur kom- ið sér upp tölvufyrirtæki og mark- mið hans er búa til tækni sem getur breytt lifnaðarháttum fólks í kom- andi framtíð. Hins vegar breytist allt þegar Gary Winston, eigandi risatölvufyr- irtækis, býður honum einstakt tækifæri í fyrirtæki sínu. Milo tek- ur tilboðinu og kynnist á nýja staðnum forritaranum Lisu sem er einstaklega hæflleikarík á tövusvið- inu. Þegar síðan hræðilegur glæpur er framinn sem snertir Milo per- sónulega fer hann að líta öðrum augum á stöðu sína og kemst í leið- inni að ýmsu sem væri betra fyrir hann að vita ekki. í hans stöðu get- ur sannleikurinn verið hættulegur og traust þýtt dauðadóm Mllo og Usa Ryan Phillippe og Rachael Leigh Cook í hlutverkum sínum sem forritararnir Milo og Lisa í spennumyndinni Antitrust sem fjallar um skuggahliöar tölvuheimsins. Ryan Phillippe, sem þekktur er úr myndum á borð við Cruel In- tentions, Playing by Heart og I Know What You Did Last Summer, fer með hlutverk Milos. Aðalkven- leikkonur myndarinnar eiga það sameiginlegt að hafa báðar leikið á móti Freddy Prinze Jr. í nýlegum myndum. Claire Forlani leikur Alice, kærustu Milos, en hún er best þekkt fyrir hlutverk sitt í myndinni Meet Joe Black þar sem hún lék á móti kvennagullinu Brad Pitt. Með hlutverk Lisu fer Rachael Leigh Cook sem er aðeins tvítug. Það er síðan leikarinn Tim Robb- ins sem leikur Gary Winston. Tim hefur leikið í fjölda kvikmynda og hefur einnig haslað sér völl sem handritshöfundur og leikstjóri í kvikmyndaheiminum. Eitt eftir- minnilegasta hlutverk hans var í kvikmynd Roberts Altmans, The Player, en fyrir það hlutverk fékk hann verðlaun sem besti karlleikari á kvikmyndahátíðinni í Cannes í Frakklandi og Golden Globle-verð- launum fyrir aðalhlutverk í söngva- eða gamanmynd. -MA ! ðfe Skuggahliðar tölvuheimsins • -f

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.