Dagblaðið Vísir - DV - 03.08.2001, Qupperneq 8

8
Útlönd
FÖSTUDAGUR 3. ÁGÚST 2001
I>V
Ovinsælt eldflaugavarnakerfi
Bush þarf líka að sannfæra heima-
menn um ágæti kerfisins.
Eldflaugavarnir
stöðvaðar á þingi
Ef George W. Bush, forseta
Bandaríkjanna, tekst ekki að sann-
faera umheiminn, sérstaklega Rússa
og Kínverja, um ágæti eldflauga-
varnakerfis síns er lítill möguleiki
að það verði samþykkt á bandaríska
þinginu.
Öldungadeildarþingmaðurinn og
demókratinn Joe Bliden stendur á
bak við þessa stefnu. Bliden er einn
af áhrifameiri þingmönnum 1 öld-
ungadeildinni og stýrir utanríkis-
nefnd þingsins. Hann segir nokkuð
öruggt að hann nái að.tryggja sér
nægan atkvæðafjölda til að stöðva
verkefnið á þingi. Ef samningavið-
ræður ganga hins vegar vel við er-
lend ríki mun Bliden ekki standa
fyrir eldflaugavarnarkerfinu.
Frekari landtökur
í Zimbabwe
Landbúnaðarráðherra Zimbabwe,
Joseph Made, tilkynnti í gær sam-
tökum bænda í landinu, sem eru að
miklum meirihluta hvítir, að ríkis-
stjórn landsins hygðist taka meira
land fyrir svarta. í upphaflegum
áætlunum var ákveðið að taka 5
milljónir hektara en sú tala hefur
nú verið hækkuð í 8,3 milljónir.
Landið verður tekið og miðlað til
svartra íbúa landsins.
Made varaði bænduma við að
reyna að hindra landtökuna þá geti
málin endað með ósköpum. Hann
varaði þá einnig við því að reyna
takast á við landtökumenn sem sitja
nú á mörgum jörðum. Ríkisstjóm
Zimbabwe hefur sett lög sem vernda
þá gegn málsóknum og árásum.
Radislav Krstic
Ber ábyrgð á dauða þúsunda.
Þrír Bosníumenn
handteknir
Stjómaher Bosníu handtók í gær
þrjá háttsetta herforingja sem
stýrðu Bosníu-múslímum í borgar-
styrjöldinni í Bosníu. Ekki er vitað
hverjar ákærurnar á hendur þeim
eru. Stríðsglæpir meðal Bosníu-
múslíma voru ekki jafn algengir og
meðal króatískar og serbneskra
samlanda þeirra.
Bosníu-serbinn og fyrrverandi
herforingi Radislav Krstic var í gær
dæmdur í 46 ára fangelsi fyrir þjóð-
armorð af alþjóðadómstólnum í
Haag.
Hryðjuverk í
Lundúnum
Bílasprengja sprakk nærri krá i
Vestur-Lundúnum um klukkan ell-
efu í gærkvöld. 7 slösuðust í spreng-
ingunni sem varð nærri neðanjarð-
arlestarstöðinni Ealing Broadway.
Lögreglan segir það kraftaverk að
ekki skyldi fara verr. Verknaðurinn
hefði auðveldlega getað breyst í
íjöldamorö, enda er um líflegt hverfi
að ræða og eru þar jafnan margir á
ferli á kvöldin. 40 kílógramma
sprengjan var skilin eftir á verslun-
argötu þar sem eru margir veitinga-
staðir og krár. Höggbylgja frá
sprengingunni olli því að rúður í
200 metra fjarlægð brotnuðu og fólk
hentist í götuna. Vitni segja örvænt-
ingu hafa gripið fólk eftir spreng-
inguna og streymdi ungt fólk út úr
öldurhúsum i nágrenninu.
Líklegt er talið að norður-írski
hryðjuverkahópurinn Hinn sanni
írski lýðveldisher hafi staðið að
Ealing í London
Lögreglan kallar það kraftaverk að
enginn skyidi farast í sprengju-
árásinni í Vestur-London í gærkvöld.
verknaðinum. Enginn hafði lýst
verknaðinum á hendur sér i morg-
un. Viðvörun var hringd inn á spít-
ala um hálftíma fyrir sprenginguna.
Hún var of óskýr til þess að lögregla
gæti fundið sprengjuna.
Hryðjuverkið kemur í kjölfar
þess að Tony Blair, forsætisráð-
herra Breta, og Bertie Ahem, for-
seti írlands, kynna friðartillögur
sínar varðandi Norður-írland.
Vopnahlé, kennt við föstudaginn
langa, hefur verið við lýði frá árinu
1998. Irski lýðveldisherinn, IRA,
virðir enn vopnahléið en klofnings-
hópar eins og Hinn sanni lýðveldis-
her eru ekki á sama máli. Sanni lýð-
veldisherinn ber ábyrgð á versta
hryðjuverki í sögu átakanna á
Norður-írlandi þegar sprengja varð
29 manns að bana í verslunarstöð í
Omagh og 300 slösuðust.
Ekki með viðskiptavild í hollenskum bönkum
Gleðikonur í Hollandi hafa undanfarið kvartað yfir vandkvæðum við að fá viöskiptavild í bönkum í landinu. Starfskonur
þessarar elstu iðngreinar í heimi fá hvergi meiri viðurkenningu en í Hollandi og borga m.a. skatta eins og hver annar
borgari. Ljósmyndari Reuters fékk að smella mynd af þessari ónefndu gleðikonu þótt slíkt sé jafnan bannað.
Forsætisráðherra hvetur
til hernaðaraðgerða
Þjóðhátíðarræða sem Ljubco
Georgievski, forsætisráðherra
Makedóníu, hélt í suðurhluta
Júgóslavíu í gær varpaði nokkrum
skugga yfir friðarviðræður milli al-
banska minnihlutans þar í landi og
stjórnmálamanna af slavnesku
bergi brotinna.
Georgievski, sem tilheyrir harð-
línuhluta makedónsku ríkisstjórn-
arinnar, hvatti til hernaðar í því
skyni að endurheimta landsvæði
sem albanskir skæruliðar hafa náð í
norður- og vesturhluta Makedóniu.
Þar búa margir af albönskum ætt-
um. Forsætisráðherrann sagði það
nauðsynlegt til að koma í veg fyrir
að albanskir skæruliðar í Makedón-
iu, Kosovo, Serbíu og Svartfjalla-
landi komi áætlunum sinum í fram-
kvæmd sem að mati hans er að
stofna stórt albanskt ríki.
Aðstoö berst
Aibönsk kona grætur þegar hjáipar-
stofnanir ber að með aðstoð.
Georgievski gagnrýndi einnig frjáls-
lyndari stjórnmálamenn með forseta
Makedóníu, Boris Trajkovski, í
broddi fylkingar. Hann sagði öflugt
fólk búa í Makedóníu en hefði
óákveðna leiðtoga. Forsætisráöherr-
ann sagöi að lokum að hann vonaðist
til að hægt yrði að koma í veg fyrir
borgarastríð með samningum. Hins
vegar ætti ekki að skrifa undir neitt
fyrr en landsvæðin hafi verið endur-
heimt.
Þónokkur bjartsýni hefur verið
með samningahorfur milli deiluaðila i
Makedóniu. Samkomulag hefur verið
um flest nema stöðu albanskrar tungu
í landinu. Erlendir embættismenn
telja samkomulag ekki langt undan.
Makedónskur lögreglumaður særð-
ist i gær í skotbardaga við albanska
skæruliða. Læknar segja hann ekki í
lífshættu.
Evrópuvirkið burt
Tony Blair, for-
sætisráðherra Bret-
lands, áminnir önn-
ur Evrópusam-
bandsríki um að
búa ekki til Evrópu-
virki með við-
skiptahömlum.
Fleiri en ESB-lönd-
in verði að fá aðgang að mörkuðun-
um. Hann lét ummælin falla í
Mexíkóheimsókn í gær.
Forsætisráðherra allsber
Tveir blaðamenn í Senegal hafa
verið handteknir fyrir að birta fals-
aðar nektarmyndir af fyrsta kven-
kyns forsætisráðherra landsins.
Birt var samsett mynd af höfði for-
sætisráðherrans sem skeytt var við
nakinn búk. Þeir bera við gríni.
G8-löggur reknar
Innanríkisráðherra Ítalíu hefur
látið reka tvo lögreglustjóra vegna
taumlauss ofbeldis lögreglunnar
gegn mótmælendurn á G8-fundi í
síðasta mánuði.
Ekki meira ofbeldi
Yasser Arafat, leiðtogi Palestínu-
manna, segir að menn ættu að bera
klæði á vopnin í Palestínu hið
fyrsta. Hann fór frá Róm í gær, þar
sem hann hitti meðal annars Jó-
hannes Pál páfa annan.
Kristnir viija fiengja
Kirkja Guðs, samtök bókstafstrú-
aðra kristinna Kanadamanna, eiga
nú í harðvítugri deilu um að fá að
flengja börn sín. Yfirvöld tóku tvö
börn úr forræði foreldra í samtök-
unum vegna flenginga með prikum.
Handtökuskipun gefin út
Perúskur dómari
gaf í gær út alþjóð-
lega handtökuskip-
un á Alberto Fuji-
mori, fyrrverandi
forseta. Hann flúði
úr landi undir lok
síðasta árs og er nú
ákærður fyrir að
skyldum sínum.
Strippari sveik aldraða
Ljóshærður strippari stal 800 þús-
und krónum af ellilífeyri frá 73 ára
og 80 ára gömlum Norðmönnum á
heimili þeirra á dögunum. Félag-
amir fengu 15 mínútna nektardans
fyrir vikið.
hlaupast undan
Kemur með lýöræðiö
Abdurrahman
Wahid, atvinnulaus
fyrrverandi forseti
Indónesíu, sneri aft-
ur til heimalands-
ins í morgun eftir
vikudvöl í Banda-
ríkjunum í læknis-
rannsóknum. Hann
var rekinn úr forsetastól af þinginu
í síðustu viku og heitir því nú að
berjast fyrir lýðræði í landinu.
Afhöföuöu fjóra kristna
Múslímskir uppreisnarmenn á
Suður-Filippseyjum afhöfðuðu fjóra
kristna þorpsbúa í morgun eftir að
hafa rænt um 30 þeirra.
Etna róast
Gosið í eldfjallinu Etnu á Sikiley
fer minnkandi og er hraungos að
hætta. Enn rýkur duglega úr fjall-
inu og björgunarsveitir vilja ekki
slaka á verðinum of snemma.