Dagblaðið Vísir - DV - 03.08.2001, Side 39
47
FÖSTUDAGUR 3. ÁGÚST 2001
X>V Tilvera
Kalkúnninn var
eins og klipptur
úr bíómynd
- þangað til maður sá allt bráðnaða plastið sem
hafði lekið um hann
“Þegar maöur er ungur, óöruggur og ástfanginn þá var maöur tilbúinn til
þess aö gera allt til þess aö ganga í augun á fjölskyldu þeirrar sem maöur
elskaöi til þess aö maöuryröi „samþykktur". Stressið og taugatitringurinn
sem ég gekk í gegnum þetta kvöld er eitthvaö sem ég vona aö ég þurfi
aldrei að uþþlifa aftur."
Matgæðingur vikunnar að þessu
sinni er Guðmundur Hauksson,
markaðsfulltrúi hjá Randburg.
Flestöll lendum við i því einhvern
tímann á ævinni að reyna að heilla
tilvonandi tengdaforeldra okkar og
þar er Guðmundur engin undan-
tekning. Guðmundur ætlar að deila
með okkur stuttri sögu um það
hvernig hægt er að klúðra hlutun-
um þegar maður er undir miklu
álagi.
Innst inni í mér leynist Ijúf
húsmóðir
„Ég var búinn að vera með kon-
unni minni í einhvern tíma þegar
við hófum að ræða það hvernig
heimilishaldið hjá okkur yrði í
framtíðinni. Hún benti mér á það að
ef þetta samband ætti að vera til
frambúðar þá þyrfti ég aö taka til
hendinni og sýna meiri áhuga á
heimilishaldinu. Ég tók þetta nú
frekar nærri mér í fyrstu þar sem
mér fannst ég taka fullan þátt í öllu
sem tengdist heimilinu, en þegar ég
fór að velta því fyrir mér hvað hún
flokkaði undir heimilisstörf þá átt-
aði ég mig á því að það væri ekki
nóg að kenna stráknum að spila fót-
bolta og grilla á sumrin til þess að
friða hana.
Þar sem ég var búinn að komast
að þeirri niðurstöðu að hún væri
konan sem ég vildi eyða ævinni
með ákvað ég að slá tvær flugur í
einu höggi með því að halda matar-
boð fyrir fjölskylduna hennar og
sanna þar með að innst inni í mér
leyndist ljúf húsmóðir," sagði Guð-
mundur og það eru eflaust margir
sem hafa lent í svipaðri aðstöðu og
hann.
Leið eins og 14 ára stelpu í
fataverslun
„Ég ákvað að bjóða til veislu á
laugardegi en þannig myndi ég hafa
nægan tima til þess að undirbúa
mig undir herlegheitin. Konan mín
var fljót að forða sér úr húsi um
morguninn til þess að ég fengi frið
þannig að ég var alsæll og vongóð-
ur. Ég tók til i íbúðinni okkar og fór
sjálfur i búðina til þess að velja
kræsingarnar. Þegar ég var kominn
í búðina leið mér eins og 14 ára
stelpu í fataverslun því mér hafði
hingað til ekki verið treyst til þess
að fara einn út í búð með tékkheft-
ið. Þegar ég kom auga á risastóran
kalkún þá hreinlega táraðist ég, ég
sá fyrir mér hlaðborð af kræsingum
og þennan myndarlega kalkún í
miðjunni, alskreyttan grænmeti. Ég
var viss um að þessi kalkúnn myndi
bræða hjarta tilvonandi eiginkonu
minnar. Mér til ómældrar gleði var
einmitt tilboð á þykkri og mikilli
uppskriftabók sem ég var viss um
að yrði mér til mikillar hjálpar Ég
náði mér í nýja kerru (hin var orð-
in vel full) og gekk stoltur maður að
kassanum. Það var ung stúlka sem
afgreiddi mig og þegar hún sá mig
gat hún ekki annað en skellt upp úr
og spurt mig hvort ég væri að kaupa
inn fyrir ættarmót. Ég hugsaði bara
með mér að hún vissi ekki hvað til
þyrfti til þess að halda flott matar-
boð, hún væri nú svo ung og alveg
örugglega reynslulaus i eldhúsinu
(annað.en ég). í miðju hláturskast-
inu rétti hún mér kassakvittunina
og upphæðin var svo há að ég sá
fram á að þurfa að vinna yfirvinnu
næstu mánuði til þess að borga fyr-
ir matinn. „En eins og einhver sagði
þá er ekkert of gott fyrir tengda-
mömmu þegar maður er ekki búinn
að giftast dóttir hennar."
Jaröarber og ostakaka
„Ég gat ekki beðið með það að
fletta upp í nýju kokkabókinni
minni til þess að flnna einhverja
gómsæta uppskrift fyrir kalkún. Ég
tók að krydda kalkúninn sam-
kvæmt leiðarvísi bókarinnar en
mér brá heldur betur i brún þegar
ég sá að kalkúnninn yrði að vera sjö
og hálfan tíma í ofninum. Ég ákvað
að láta þetta ekki á mig fá heldur
byrjaði að matreiða meðlætið sem
var allt frá súkkulaöihúðuðum jarð-
arberjum til ostaköku með gulrótar-
kremi.“
Hálftættar kalkúnasneiöar
„Konan mín mætti ásamt fjöl-
skyldunni á slaginu 19.00. Ég sá á
augnaráði hennar hversu mikið
henni létti þegar hún fann lyktina
úr eldhúsinu. Hún brosti til mín og
sagði að hún hefði ekki getað fund-
ið sér betri mann. Ég kunni nú ekki
við að segja henni að aðalrétturinn
yrði aðeins of seinn en kalkúnninn
átti ekki að vera tilbúinn fyrr en
21.30. Ég hugsaði með mér að það
væri bara betra því þá væri gestirn-
ir orðnir svangir.
Gestirnir fóru svo að spyrja um
kalkúninn svo ég ákvað að fara nú
og líta á hann. Mér til mikillar undr-
unar fann ég skrýtna lykt úr eldhús-
inu og þegar ég opnaði ofninn varð
hún enn sterkari. Ég flýtti mér að
kippa kalkúninum út því ekki vildi
ég að þessi lykt myndi festast við
hann. Þegar ég tók að skoða kalkún-
inn fékk ég nett áfall, byrjaði að
svitna og það fór hrollur um mig. í
öllu þessu stressi hafði ég gleymt að
taka innyflin úr kalkúninum og pok-
inn sem þau voru í var bráðnaður!
Nú voru góð ráð dýr og ég sagöi gest-
unum að það yrði einhver töf, en
núna voru allir orðnir hálfpirraðir
þar sem að þá var farið að langa í
matinn sinn og það þýddi ekkert að
bjóða þeim fleiri jarðarber. Ég sá
fram á það að það þýddi ekki að segja
að kalkúnninn væri ónýtur því kon-
an mín hefði orðið fyrir ótrúlegum
vonbrigðum þar sem hún var búin að
sitja allt kvöldið og lýsa þvi fyrir fjöl-
skyldunni hversu góður kokkur ég
væri. Ég horfði á kalkúninn og sá
fram á það að það væri ekki leið til
þess að fela þetta fyrir gestunum þvi
bráðnaða plastið myndi ekki fara
fram hjá neinum. Ég tók því að leita
að einhverjum hníf en mér til mikill-
ar mæðu fann ég engan sem var mjög
beittur. Ég lét mér nægja bitlausa
hnífinn sem ég fann og reyndi að
skera kalkúninn í frambærilegar
sneiðar. Eftir þónokkurn tíma fór ég
fram með stóran disk með hálftætt-
um kalkúnasneiðum. Gestirnir urðu
frekar skrýtnir á svipinn og tóku að
spyrja mig út í það hvers vegna ég
kæmi nú ekki fram með þennan
stóra kalkún," sagði Guðmundur og
það fer ekki á milli mála að honum
er skemmt er hann rifjar upp þetta
eftirminnilega kvöld.
Ónotalegt augnaráö
„Þegar þeir brögðuðu á kalkúnin-
um urðu þeir strax mjög sáttir og ég
fann að þetta kvöld var loksins að
heppnast. Allt í einu tók tengda-
mamma mín að hósta allískyggilega
og hrækti einhverju út úr sér yfir
borðið. Konan mín athugaði auðvitað
strax hvað um væri að vera og fann
plastið af kalkúninum sem hafði
staðið í mömmu hennar. Augnaráðiö
sem ég fékk var ekki milt þannig að
ég þóttist ekki vita neitt. Konuna
mína og fleiri hafði þó verið farið að
gruna eitthvað þar sem að þau höfðu
öll fundið einhverja undarlega litla
búta (plastið) í kjötinu.“
Konan klikkar ekki á smá-
atriðunum
„Þar sem konan mín sá hversu
niðurbrotinn ég var reyndi hún að
gera gott úr þessu með því að bjóða
gestunum upp á eftirréttinn.
Þetta kvöld var kvöldið sem stað-
festi það fyrir mér að ég myndi
aldrei sleppa henni því hún er svo
rosalega góöur kokkur og myndi
aldrei klikka á svona smáatriði. Ég
hef ekki enn þann dag í dag lagt í
það að elda fyrir fjölskyldu konunn-
ar minnar. Dóttir okkar, Hrund, út-
skrifaðist í vor og konan mín pass-
aði vel upp á að hvorki ég né dóttir
mín kæmum nálægt eldamennsk-
unni. Það er því mikið happ fyrir
okkur að sonur okkar Einar er
kokkur þannig að hann getur hjálp-
að mömmu sinni í eldhúsinu," sagði
Guðmundur að lokum. -Saga
Kjúklingabringur með
spergilkálsfyllingu
Fyrir 4
4 kjúklingabringur, beinlausar
3 msk. matarolía til steikingar
salt og pipar
Spergilkálsfylling
1 kjúklingabringa, hamflett og
beinlaus
1 eggjahvíta
1 dl rjómi
50 g spergilkál
salt og pipar
Estragonsósa meö spergilkáli
200 g spergilkál
2 laukar
2 tsk. estragon
1 dl hvítvín, óáfengt
4 dl kjúklingasoð
1-2 msk. sósujafnari
3 msk. matarolía
salt og pipar
Meölœti
100-150 g pasta
Skerið djúpar raufar í hliðamar á
bringunum svo hægt sé að fylla
þær. Setjið fyllinguna í, brúnið
bringurnar í heitri olíu, bragðbætið
með salti og pipar. Leggið í eldfast
form og ofnsteikið við 200° C í 18-20
mínútur. Skerið hverja bringu í 3-4
sneiðar við framreiðslu.
Spergilkálsfylling
Skerið kjúklingabringuna í bita
og maukið síðan í matvinnsluvél
ásamt eggjahvítunni. Bætið rjóma
saman við, bragðbætið með salti og
pipar. Þá er spergilkálið sett út í og
blandið saman við fyllinguna - en
aðeins grófmaukað. Setjið í bring-
urnar og lokið, t.d. með tannstöngl-
um.
Estragonsósa með spergilkáli
Saxið laukinn og léttsteikið í olí-
unni. Skerið spergilkálið smátt og
bætið á pönnuna með hvítvini,
kryddi og kjúklingasoði. Látið suð-
una koma upp og sjóðið í 1-2 mín.,
jafnið með sósujafnaranum. Skiptið
á diska og leggið kjúklingabring-
urnar ofan á.
Meólœti
Sjóöið pasta skv. leiðbeiningum á
pakka.
Uppskr'rftir
Lambakótilett-
ur meö eplum
og grænpip-
arsósu
Fyrir 4
1200 g lambakótilettur
1 msk. grænn pipar (piparkorn)
2 epli
1 rauðlaukur
1 tsk. rósmarín
150 g sykurbaunir
1 msk. sykur
Nýkaup
l>ar semferskleikinn býr
Uppskriftirnar eru fengnar frá Nýkaupi
þar sem allt hráefni í þær fæst.
2 dl kjúklingasoð (vatn og Knorr-
teningur)
3 msk. matarolía
30-40 g smjör
salt og pipar'
Meölœti
4 stk. bökunarkartöflur
Steikið lambakótiletturnar á báð-
um hliðum í heitri olíu í 84 mín.,
bragðbætið með salti og pipar. Hald-
ið heitum í 150° C heitum ofni.
Flysjið eplin, fjarlægið úr þeim
kjarnann og skerið í báta. Setjið
grænan pipar, epli, sneiddan lauk,
krydd og sykurbaunir á pönnuna,
stráið sykrinum yfir og brúnið.
Bætið kjúklingasoði og smjöri á
pönnuna, hitið í gegn og beriö fram
með kótilettunum. Bragðbætið með
salti og pipar ef vill.
Meðlæti
Bakið kartöflurnar við 180-200° C
í 45-60 mínútur eftir stærð.
Súkkulaði-
búðingur
Fremur einfaldur desert og bragð-
lítill - gott að bragðbæta með kon-
íaki eða rommi.
170 g suðusúkkulaði
3 1/2 dl mjólk
3 1/2 dl rjómi
1 tsk. vanilludropar
40 g sykur
6 blöð matarlím
§,
Hitið
mjólk og
súkkulaði
við vægan
hita, leysið
upp matar-
límið og setj-
ið saman við
mjólkina og látið leysast upp. Kælið
lítillega áður en þeyttur rjóminn er
settur saman við. Setjið í skálar eða
glös og berið fram með þeyttum
rjóma og súkkulaðikurli.
Hnetufylli
Tekur dálítinn tima og er svolítið
viðkvæmt.
200 g heslihnetur
150 g flórsykur
1/2 tsk. vanilludropar
130 g rjómasúkkulaði
1 msk. smjör
Heslihneturnar eru lítillega brún-
aðar á pönnu, flórsykri er blandað
saman við og hann látinn leysast
upp. Hnetunum er helit yfir á kalda
plötu og kælt, sett því næst í mixer
og unnið í góða oliu. Súkkulaðinu
og smjörinu sem er búið að bræða
saman er blandað saman við. Kælið
lítillega og hellið á plötu eða í form.
Skerið svo út og hjúpið með
súkkulaði.