Dagblaðið Vísir - DV - 08.08.2001, Page 11

11
MIÐVIKUDAGUR 8. ÁGÚST 2001______________________________________________________________________________________________
I>V Útlönd
Áætlanir um klónun
manna gagnrýndar
Heitar umræður um klónun á
mönnum áttu sér stað á ráðstefnu
vísindamanna í Bandaríkjunum
sem sett var í gær. Þar kynntu þrír
vísindamenn áætlanir sínar um að
klóna fólk í þeim tilgangi að hjálpa
ófrjóum pörum að eignast börn.
Vísindamennirnir þrír, Zavos
Panos, Severino Antinori og
Brigitte Boisselier, sem kynntu
áætlanir sinar, sátu fyrir spurning-
um sem og gagnrýni annarra vis-
indamanna, sérstaklega þeirra sem
unnið hafa við klónun á dýrum.
Rudolf Jaenisch, liffræðingur og
einn þeirra fyrstu til að klóna dýr,
kallaði áætlanir starfsbræðra sinna
léleg vísindi. Hann telur, eins og
flestir aðrir sem fundinn sátu, að
klónunartæknin í dag sé engan veg-
inn nógu fullkomin til að réttlætan-
legt sé að nota hana við klónun á
mönnum. Jaenisch segir að aðeins
1-5 prósent klónaðra dýrafóstra lifi
af fæðingu. Af þessum deyi mörg
eftir fæðingu vegna ýmissa fæðing-
argalla. Einnig sé offita algengt
vandamál hjá klóhuðum dýrum.
Brjálaðir vísindamenn?
Antinori, Pavos og Boisselier sitja fyrir svörum á ráöstefnu og verja áætlanir
sínar um klónun á fólki til getnaöar á ráöstefnu um klónun í Bandaríkjunum í
gær. Þau hyggjast hefjast handa ekki síöar en í nóvember.
Þótt aðferðir við klónun eigi eftir að
verða fullkomnari þá er það skoðun
flestra vísindamanna að klónun á
mönnum sé engan veginn siðferðis-
lega réttlætanleg.
Antinori og Pavos, sem starfa
saman, fullvissuðu starfsbræður
sína, blaðamenn og almenning um
að þeir myndu vinna hörðum hönd-
um að öruggum aðferðum til klón-
unar. Pavos benti hins vegar á að
náttúrulegur getnaður væri hvergi
nærri fullkominn. Ekkert væri
100% öruggt. Boisselier er talsmað-
ur Clonaid, hóps tengdum Raelian-
sértrúarhópnum sem telur að
mannkynið sé tilkomið vegna erfða-
fræðitilrauna geimvera. Hún segir
mikla eftirspurn vera eftir klónun
til getnaðar. Hún telur að fólk ráði
sjálft hvað það gerir við eigin gen.
Vísindamennirnir gáfu ekki upp
hvar klónunin mun fara fram. Bann
við klónun á mönnum til getnaðar
eða allri klónun ríkir nú í 24 lönd-
um í heiminum og líklegt þykir að
Bandaríkin bætist þar inn. Þar gæti
klónun orðið glæpsamlegt athæfi.
Solo Spirit yfir Kyrrahafi
Belgfarinn Steve Fossett svífur enn
yfir Kyrrahafi. Ein tilraun hans end-
aöi í sjónum austur af Nýja-Sjálandi.
Fossett svífur
yfir Kyrrahafi
Milljónamæringnum og ævin-
týramanninum Steve Fossett geng-
ur hægt en ágætlega í sjöttu tilraun
sinni til að fljúga í kringum jörðina
í loftbelg. Hann reynir nú að verða
fyrstur til að gera þrekvirkið ein-
samall en alþjóðlegt teymi varð
fyrst til að klára hringflug fyrir
tveimur árum.
Leið Fossetts á loftbelgnum Solo
Spirit liggur frá Ástralíu austur yf-
ir Kyrrahaf til Suður-Ameríku. Það-
an fer hann yfir Suður-Afríku og
austur yfir Indlandshafið til Ástral-
íu þar sem ferðinni lýkur, gangi bet-
ur en í síðustu 5 skipti. Hann flýgur
í 9 kílómetra hæð yfir jörðu í 50
metra háum silfurloftbelg.
Vopnin kvödd
Barn skilar hér inn vopni sínu. Yfir 1000 uppreisnarmenn í Afríkuríkinu Sierra
Leone hafá afvopnast eftir aö Sameinuöu þjóöirnar hófu friöargæslu í
landinu. Af þessum 1000 uþpreisnarmönnum eru meira en 100 börn.
Sendiráð Kólumbíu
í Ástralíu hertekið
Hópur Kólumbíumanna, þar á
meðal nokkur börn, tóku sendiráð
Kólumbíu í Sydney, Ástralíu, her-
skildi i nótt. 16 Kólumbíumenn með
ástralskt ríkisfang vildu mótmæla
því sem þeir kölluðu „bandaríska
innrás" inn í heimaland sitt. Tals-
maður hópsins sagði hann tilheyra
samtökum sem kalla sjálf sig Bóli-
víska hreyflngu fyrir öðru sjálf-
stæði og berjast gegn yfirráðum
Bandaríkjamanna í Suður-Ameríku.
Mótmælendunum var ekki síst illa
við bandaríska áætlun gegn straumi
vímuefna frá Kólumbíu. Þess ber að
geta að Kólumbía er mesti kókaín-
framleiðandi heims og fá skæruliða-
samtök mikið af sínum tekjum frá
sölu vímuefna.
Mótmælum Kólumbiumannanna
16 lauk friðsamlega en 100 þung-
vopnaðir lögreglumenn voru mættir
á staðinn þegar þeir gáfust upp.
Viöbúnaður í Sydney
100 þungvopnaöir lögreglumenn voru
fyrir utan sendiráö Kólumbíu í nótt.
Barn svívirt í
áætlunarflugi
Tíu ára gömul stúlka hefur sakað
27 ára gamlan indverskan mann um
að hafa svívirt sig í áætlunarflugi
milli Kansasborg og Detroit. Maður-
inn er með tímabundið atvinnuleyfi
í Bandaríkjunum og var í tengiflugi
til heimaborgar sinnar, Bombay.
Hann sat við hliðina á stúlkunni í
fluginu sem tók tæpa tvo tíma.
Stúlkan greindi foreldrum sínum
frá því á flugvellinum að Indverjinn
hefði farið með höndina undir
blússu hennar og buxur. Hún segist
hafa verið of hrædd til að segja frá
atvikinu um borð í vélinni.
Indverjinn heldur fram sakleysi
sínu og segist ekki hafa snert stúlk-
una á óviðeigandi hátt. Hann hafi
reynt að róa hana en annað ekki.
FBI rannsakar nú málið.

Seljum síðustu sýningarvagna sumarsins með góðum afslætti
bæði á Akureyri og í Reykjavík.
Coleman vagnar af öllum stærðum og gerðum,
hlaðnir lúxusbúnaði! . ____
20%
afsLáttur af
sérmerktum aukahlutum
&
Athugið aðeins 10 vagnar í boði
BÍLASALA
AKUREYRAR HF
Sími 461 2533
EVRO
Grensásvegi 3 (Skeifumegin) • s: 533 1414 • www.evro.is