Dagblaðið Vísir - DV - 08.08.2001, Blaðsíða 24

Dagblaðið Vísir - DV - 08.08.2001, Blaðsíða 24
28 MIDVIKUDAGUR 8. AGUST 2001 Tilvera JE>V lífiö E F T I R V I N N Tónleikar í Deiglunni I kvöld verða tónleikar í Deiglunni á Akureyri þar sem sópransöngkona Guðrún Ingimars- dóttir og Duo Serenade sem er skipað Alexander Auer þverflautu- leikara og Heike Matthiesen gítarleikara koma f ram. Á efnisskránni eru spönsk og suður- amerísk sönglög og tangóar. Tónleikarnir hefjast klukkan 20.30. Siöustu forvoð ERLA VAN DYCK I LISTHUSI OFEIGS I Listhúsi Ofeigs aö Skóla- vöröustíg 5 lýkur í dag sýningu á teikningum eftir Erlu Reynisdóttur van Dyck. Erla er búsett á Englandi og starfar þar sem kennari en hún kennir vefnað og hrynjandalist. Erla vinnur verk sín mjög hratt og er í mikilli nánd viö viðfangsefniö (fyrir- myndina), þar af leiðir að verkin eru sjálfsprottin sköpun augnabliksins, þar sem formið sjálft er ekki eins mikilvægt og upplifun andartaksins. Erla notar auk blýants ýmis óhefð- bundin áhöld eins og t.d. reyrstifti, fjaðrir og fingurna og notar báöar hendur jafnt í listskopun sinni. Rokk TALTONLEIKAR HINS HUSSINS OG RASAR 2 I dag klukkan 17 verða síðustu Taltónleikar Hins Hússins og Rásar 2. Nú munu hljómsveitirnar Mínus og Vígspá stíga á svið og sýna færni sína. Hljómsveitimar tilheyra báðar harðkjarnasenunni sem nýtur sífellt meira fylgis. Klassík KELTNESK TONLIST HJA BLAU KIRKJUNNI Næstu tónleikar í tónleikaröð Bláu kirkjunnar á Seyðisfirði verða í kvöld kl. 20.30, en þá mun nýr og vinsæll hópur Alba leika keltneska tónlist. Alba var stofnaöur í Reykjavík árið 1999. Aö tónleikunum loknum er hægt að skella sér á Kaffi Láru eöa á Net@ffi í menningarmiðstööina Skaftfell eftir tónleika. Miða á tónleikana má fá á skrifstofu Bláu kirkjunnar, Ránargötu 3 á Seyðisfirði og í kirkju fyrir tónleika. Aðgangs- eyrir er krónur 1000, frítt fyrir 16 ára og yngri. Göngur OVISSUGANGA A VEGUM FERDAFELAGS ISLANDS I kvöld klukkan 19.30 verður farið í gönguferö út í óvissuna á vegum Ferðafélags íslands. Farið verður frá BSÍ og komið við í Mörkinni 6. Mikill leyndardómur hefur ávallt verið yfir þessum óvissugöngum því ekki hefur neinn vitað hvert farið er fyrr en á áfangastað er komið. Þó má Ijóstra upþ að reiknað er meö 2 til 3 klukkustunda göngu. Veröið í gönguna er kronur 1500 en 1200 fyrir félagsmenn. Sýningar Myndlistarmaðurinn Da5i Guðbjörnsson sýnir í Galieríi Sölva Helgasonar að Lónkotl í Skagafirði. Myndirnar er vatnslitamyndir og hefur Daði unnið þær allar á þessu ári. Myndefniö er landiö, sjálfstæö tilvera málverksins og sálarkima förumannsins, enda þótt hann hafi skort þau fínu tæki sem nútímalista- maðurinn hefur til hámenningar tilburða. Sýningin stendur til 15. ágúst. Bonsai-garðurinn í Hellisgerði: Ævaforn japönsk ræktunaraðferð Hellisgerði í Hafnarfirði er einn af elstu skrúðgörðum landsins, hann er líka einn sá fallegasti. í hrauninu eru marglitar blómplönt- ur og sjaldgæf tré sem lífga upp á umhverfið og veita skjól fyrir næð- ingi. Burknar af öllum stærðum vaxa út úr sprungum og ef vel er að gætt má eflaust sjá skrautklædda blómálfa leika sér 1 grasinu. Á einum stað í garðinum er búið að koma upp sýningarreit fyrir ís- lensk bonsai-tré eða dvergtré. Hall- dór Gunnar Haraldsson, vaktmaður í bonsai-garðinum, segir að hann annist trén í sumar ásamt því að vera starfsmaður hjá skattinum. „Ég sótti bara um starfið af rælni þegar ég sá það auglýst og er ánægð- ur með það. í starfinu felst m.a. að vökva trén og leiðbeina gestum um svæðið." Harðgeröar plöntur „Frá og með 1. ágúst verður safn- ið opið frá klukkan þrjú til átta á virkum dögum en frá eitt til sex um helgar. Tíminn styttist um tvo klukkuiíma í hvorn enda þegar kemur fram í október en það er lok- að frá 1. nóvember og fram á vor." Sitkagreni Bonsai er ræktunaraðferð þar sem galdurinn felst í því að rækta tré í pottum. Tré geta orðið mjög gömul þrátt fyrir að vera smávaxin. Stöðug aðsókn „Ég er alltaf að fá meiri og meiri áhuga fyrir dvergtrjám og hef verið að lesa mér til, en ég er ekki farinn að skipta mér af ræktuninni. Það var Páll Kristinsson sem kom trján- um á legg og hann sér enn þá um þau." Halldór segir að það sé misjafnt milli daga hvað komi margir að skoða garðinn. „Ætli það séu ekki á milli tuttugu og þrjátíu manns og stundum koma hingað stórir hópar af túristum á vegum ferðaskrifstof- anna." Fjörutíu og níu ára gömul ilmbjörk Halldór leggur áherslu á að þetta séu allt venjuleg tré en ræktunarað- ferðin geri þau svona smá. „Þetta er ævaforn japönsk aðferð sem hefur náð miklum vinsældum um allan heim. Ég held að bærinn eigi um hundrað og tuttugu tré en það eru bara fimmtíu til sýnis í einu. Elsta bonsai-tréð í garðinum er fjörutíu og níu ára gömul ilmbjörk. Tré eru flest tuttugu til þrjátíu ára gömul. Persónulega held ég mest upp á birkið og mér finnst sitkagrenið líka mjög flott. Annars finnst mér mjög erfitt að gera upp á milli þeirra - þau er öll mjög falleg." -Klp Maöur Irfandi Grimm helgi Kolbrún Bergþórsdóttir skrífar. Sjá nánar: Lífiö eftir vlnnu á Vísi.is Þá er mesta sukkhelgi ársins að baki. Maður fylgdist með henni á skjánum. Hún minnti um of á hryllingsmynd. Æskulýðurinn streymdi frá byggð út 1 náttúru og hið grimma frumskógarlögmál tók völdin. Of margir voru étnir. Þar sem maður sat heima mest- alla helgina hvarflaði einstaka sinnum að manni að maður ætti að vera þarna úti eins og allir hin- ir. Svo komu sjónvarpsmyndirnar og birtu nöturlegan veruleika. Dauðadrukkið fólk sem hájöi ekki rænu á að taka til efti|Plig ög brenndi tjöld sín fremup 'eh að pakka þeim saman. Ekki til fyrir- myndar en sýndist þó saklaust miðað við fréttir af nauðgunum og eiturlyfjaneyslu. „Slæm mál, slæm mál," sögðu mótshaldarar, en manni fannst samt eins og þeir gerðu ekki ráð fyrir öðru en að svona hlyti þetta að vera. Það er víst mikÚ harka í þessu samfélagi og erfitt að ráða við hana. Fyrir allnokkrum árum sagði mér ungur piltur frá þvi þegar hann og félagar hans hefðu um verslunarmannahelgi haft samfar- ir við dauðadrukkna og rænulausa stúlku. Hann sagði frá atburðinum eins og skemmtisögu. Þegar ég nefndi orðið nauðgun horfði hann á mig furðu lostinn. Hann leit ekki síg sem „Þar sem maður sat heima mest alla helgina hvarflaði einstaka sinnum að manni að maður œtti að vera þarna úti eins og allir hinir. Svo komu sjónvarpsmyndirnar og birtu nöturlegan veru- leika. Dauðadrukkið fólk, sem hafði ekki rœnu á að taka til eftir sig og brenndi tjöld sín fremur en að pakka þeim saman." nauðgara. Hann var bara ungur strák- ur með náttúru, eins og vinirnir, og stúlkan hafði verið full. Hann skildi ekki fordæmingu mína og reiði, fór í vörn og varð meira að segja sár. Hon- um fannst hann ekki sekur. Hann kom frá góðu heimili, hafði fengið ágætt uppeldi og var í skóla þar sem hann tók góð próf. Hann hefði átt að gera sér grein fyrir glæp sínum. Það gerði hann hins vegar ekki. Honum fannst stúlkan hafa boðið upp á þetta með þvi að verða drukkin. í hans augum var hún bara drusla. Ég hef ekki séð piltinn síðan hann sagði mér þessa sögu en veit að hann er í góðri stöðu, er giftur og á börn. Hann hefur semsagt komið sér ágætlega fyrir í lífinu. Ég veit ekki hvort hann leiðir nokkru sinni hugann að stúlkunni sem hann nauðgaði. Reyndar held ég að menn flýi ekki misgjörðir sínar þótt þeir losni við opinbera ákæru heldur verði að lifa með þeim. En það er bara mín heim- spekilega afstaða og byggist senni- lega fremur á sterkri tilfinningu en beinni rökhyggju. Fréttir siðustu helgar um nauðganir og hópnauðganir hljóta að kalla á viðbrögð. Ég á í sjálfu sér enga lausn. Ég held hins vegar að ef fólk gerir sér grein fyrir því að náunginn er manneskja eins og það sjálft þá leiki það sér ekki að því að skaða hann. En það virðist æði erfitt að koma þessari hugsun til skila - ekki hvað síst um verslun- armannahelgi, þar sem hluti af „skemmtuninni" virðist vera að sleppa öllum hvötum lausum.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.