Dagblaðið Vísir - DV - 09.08.2001, Page 5
Umdeildur Hallsvegur
Kirkjugaröur
Gagnvegur
Iþróttahús
FIMMTUDAGUR 9. AGUST 2001
Fréttir
DV
- röng gögn lögð til grundvallar framkvæmdinni, segir talsmaður íbúanna
Ibúar í Húsahverfi í Grafarvogi,
sem búa við þann umdeilda kafla
þar sem Hallsvegur á að koma, eru
ævareiðir eftir að skipulagsstjóri
úrskurðaði öðru sinni að fram-
kvæmdin megi fara fram.
íbúarnir telja að úrskurðurinn sé
illa unninn og hann einkennist af
því að ekki sé tekið tillit til athuga-
semda þeirra og ibúasamtaka Graf-
arvogs. Verði Hallsvegur stofn-
braut, svo sem gert er ráð fyrir á
skipulagi, mun að mati íbúanna
verða beint gífurlegum umferðar-
þunga um brautina og í gegnum
Grafarvog. Að mati ibúanna er að-
eins það eitt til ráða að láta þann
500 metra kafla sem um er að ræða
í stokk. Borgin gerir nú ráð fyrir að
Hallsvegur verði grafmn niður um
þrjá metra á umræddu svæði auk
þess að háar hljóðmanir rísi. Þetta
segir Jón Sigurðsson, einn forsvars-
manna íbúanna, að eyðileggi ekki
aðeins útsýni íbúanna þar sem man-
irnar skyggi á húsin, heldur muni
niðurgrafinn vegurinn verða snjóa-
kista að vetri. Þá sé Ijóst að hávaði
verði mikill af bílaumferðinni. „Það
er óskiljanlegt að framkvæmdaaðil-
inn, borgin og Vegagerðin skuli
ekki ljá máls á því að setja veginn í
stokk. Sú framkvæmd myndi leysa
þessi vandamál," segir Jón.
Nú búa íbúarnir sig undir það að
fara fyrir dómstóla með málið sem
þeir segja allt eitt allsherjar skipu-
lagsklúður sem þeim sé ætlað að
súpa seyðið af með því að fá hrað-
braut við bakdyr sínar. Jón segir að
gangi framkvæmdin fram með þeim
hætti sem nú er um rætt verði kraf-
an fyrir dómstólum sú að eignir
þeirra sem næst búa við Hallsveg
verði keyptar upp. Kostnaðurinn
við uppkaupin yrði að mati Jóns
10 ára bar-
áttusaga
1988. Lóðaúthlutun hefst.
1991. Nýtt aðalskipulag,
1999-2010, auglýst.
1991. íbúar við Garðhús mót-
mæla legu Hallsvegar.
1994. Skipulagsnefnd sam-
þykkir 2 til 3 metra hljóðmön.
1995. Nýtt aðalskipulag,
1996-2016. Hallsvegur, stofn-
braut frá Sundabraut að Vest-
urlandsvegi og í Hamrahlíðar-
lönd.
1999. íbúar mótmæla legu
Hallsvegar og visa til umhverf-
ismála.
2000. Umhverfismat kynnt.
2000. íbúar senda inn at-
hugasemdir í 22 hðum.
2000. Skipulagsstjóri sam-
þykkir Hallsveg með skilyrði.
2000. íbúar senda inn stjórn-
sýslukæru til umhverfisráð-
herra.
2000. Umhverfisráðherra úr-
skurðar um að fara skuli fram
frekara mat. Sjö atriði.
2001. Frekara mat á um-
hverfisáhrifum kynnt.
2001. Hallsvegur lækkaður í
landi um 3 metra.
2001. íbúar senda inn at-
hugasemdir til skipulagsstjóra.
2001. Skipulagsstjóri gefur
grænt ljós á framkvæmdina.
svipaður því að vegurinn yrði sett-
ur í stokk. í þessu máli er athyglis-
vert að kostnaður af stokknum félli
á Vegagerðina en komi til skaða-
bóta vegna skipulagsmistaka þá
verður borgin að greiða þann reikn-
ing. Áætlaður kostnaður við stokk-
inn er um 400 milljónir króna en
uppkaup húsa við Garðhús gætu
kostað rúmlega hálfan milljarð
króna.
Tengibraut varð stofnbraut
Upphaf deilunnar um Hallsveg
má rekja allt til þess tíma þegar lóð-
um var úthlutað árið 1988. Þá gerði
skipulag ráð fyrir að milli Gufu-
nesskirkjugarðs og Garðhúsa kæmi
tengibraut sem kölluð var Vetrar-
braut. Árið 1991 var skipulaginu
breytt og nú var ákveðið að hin nýja
gata skyldi heita Hallsvegur. íbúar
mótmæltu þegar og í framhaldinu
var fundað með umhverfisráðherra
og borgarstjóra. Þá var ákveðið að
Hallsvegur ætti að liggja liggja 10
metrum norðar eða úr 20 metrum
frá lóðarmörkum í 30 metra. Árið
1994 samþykkti skipulagsnefnd
teikningu þar sem sýnd er 2-3
metra hljóðmön. Þar var vísað til
samþykktar íbúanna sem þeir segja
að hafi aldrei átt sér stað að því
undanskildu að einn verktaki sam-
þykkti skipulagið.
Ári síðar var samþykkt nýtt aðal-
skipulag 1996 til 2016 þar sem Halls-
vegur er orðinn stofnbraut frá
Sundabraut að Vesturlandsvegi og
upp í Hamrahlíðarlönd. Enn mót-
mæltu íbúarnir. Þann 17. apríl árið
2000 tilkynnti Vegagerðin fram-
kvæmdina til Skipulagsstofnunar
og 5. júní sendu íbúarnir inn at-
hugasemdir til skipulagsstjóra í 22
liðum. Eigi að síður féllst skipulags-
Reynir Traustason
blaðamaður
stjóri á lagningu Hallsvegar með
skilyrði um að hljóðstyrkur fari
ekki yfir 55 desíbel í íbúðabyggð og
reynt verði að ná honum niður í 45
desíbel.
í ágúst sama ár gripu íbúarnir til
þess að kæra úrskurðinn til um-
hverfisráðherra, í desember kvað
umhverfisráðherra upp þann úr-
skurð að úrskurður skipulagsstjóra
væri úr gildi felldur og að frekara
mat skyldi fara fram. Ráðherra tí-
undar þar sjö atriði. Hið einkenni-
lega er að kjörnum borgarfulltrúum
voru ekki kynntar athugasemdir
ráðherrans.
í júní sl. var lagt fram frekara
mat á umhverfisáhrifum. Þar er til-
greint að Hallsvegur verði lækkað-
ur í landi um 3 metra. íbúarnir við
Garðhús mótmæltu til Skipulags-
stofnunar sem í fyrradag gaf grænt
ljós á framkvæmdir.
Röng gögn
íbúarnir eru ekki af baki dottnir
þrátt fyrir þann úrskurð. Jón Sig-
urðsson, talsmaður andófsmann-
anna við Garðhús, segir úrskurðinn
stórgallaðan og hann taki ekki
nema að litlu leyti tillit til athuga-
semda umhverfisráðherra. Þannig
sé á engan hátt skoðaður sá mögu-
leiki að setja umrædda 400 metra í
stokk svo sem kveðið sé á um í úr-
skurði ráðherra.
Skipulagsstjóri takist á hendur að
lýsa þvi að of dýrt sé að setja um-
ræddan kafla í stokk án þess að
meta arðsemi allrar framkvæmdar-
innar frá Vesturlandsvegi að Sunda-
braut.
„Með þessu móti gefur embættið
ráðherranum langt nef,“ segir Jón.
Hann segir úrskurðinn vera í fleiru
afar undarlegan. Þannig sé ekkert
tillit tekið til umsagnar Hollustu-
verndar sem segir umsögn varðandi
hávaðamörk í matsskýrslu ekki
vera nógu skýr.
Umdeilt svæði
Hér á Hallsvegur að koma - ef borgin hefur sitt fram.
Andófsmenn
Árni Friðbjarnarson, Gunnar Sigurðsson og Jón H. Sigurðsson hafa í 10 ár barist við borgaryfirvöld.
„Umsögn Hollustuverndar er
hundsuð," segir hann.
Gamlar áætlanir
Jón segir að alvarlegasta atriðið
varðandi Hallsveg sé að notast sé
við gamlar áætlanir varðandi um-
ferðarþunga. Þannig sé talað um 25
þúsund bíla á dag um Vesturlands-
veg þegar nýrri rannsókn segi um-
ferðina verða 45 þúsund bíla dag-
lega. Þetta skipti máli þar sem um-
ferð af Vesturlandsvegi og úr
Hamrahlíðarlöndum muni að miklu
leyti fara um Hallsveg og þaðan á
Sundabraut.
„Þarna er verið að koma með eitt
stykki Miklubraut í gegnum Grafar-
vog sem mun kljúfa hverfið. í ein-
fóldu máli er verið að koma með
hraðbraut í bakgarða okkar. Því
unum við ekki og baráttan heldur
áfram. Við munum ekki taka skellinn
af þessu skipulagsklúðri," segir Jón.
Hann og aðrir íbúar við Garðhús
eru búnir að berjast við borgina í 10
ár vegna þessa máls. Jón segir
kostnað þeirra vegna þessarar bar-
áttu vera 3 milljónir króna. Það
skipti þó engu máli og baráttan
haldi áfram.
„Við munum væntanlega kæra
úrskurðinn aftur til umhverfisráð-
herra og ef við neyðumst til að fara
fyrir dómstóla þá gerum við það.
Taki borgin þá áhættu að þurfa að
greiða okkur húsin út og reiða af
hendi jafn mikla peninga og það
kostar Vegagerðina að koma vegin-
um í stokk, þá er það í lagi okkar
vegna. Við munum berjast til loka
þessa máls,“ segir Jón.
íbúar við Garðhús í Grafarvogi íhuga að leita til dómstóla vegna Hallsvegar:
Hraðbraut í bakgarðinn