Dagblaðið Vísir - DV - 11.08.2001, Síða 6
6
LAUGARDAGUR 11. ÁGÚST 2001
Fréttir
DV
íbúasamtök Grafarvogs standa heils hugar að baki íbúum Garðhúsa:
Embættismenn
troða á borgurum
- segir Hallgrímur N. Sigurðsson, formaður samtakanna
Ibúar við Garðhús í Grafarvogi
hafa mótmælt úrskurði skipulags-
stjóra um lagningu Hallsvegar og
íhuga að leita til dómstóla með mál-
ið sem nú hefur staðið í 10 ár. íbúa-
samtök Grafarvogs hafa staðið að
baki íbúunum í málinu og segir
Hallgrimur N. Sigurðsson, formað-
ur samtakanna, að málinu sé
hvergi nærri lokið, það sé ekki
hægt að embættismenn séu að
troða á þegnum borgarinnar með
slíkum hætti.
„Að sjálfsögðu tökum við undir
gagnrýni íbúanna varðandi lagn-
ingu Hallsvegar. Þetta er ákveöinn
yfirgangur í embættismannakerf-
inu þar sem í raun er verið að
koma götunni inn á íbúa á fölskum
forsendum," sagði Hallgrimur í
samtali við DV. „Það er verið að
segja fólki að umferðin um götuna
verði minni en skipulagsstjóri í
raun gerir ráð fyrir sjálfur. Þar á
bæ segja menn að verið sé að skoða
að setja niður tveggja akreina götu
á meðan fram kemur í gögnum að
setja eigi niður hraðbraut með fjór-
um akréinum. Þeir virðast ætla að
troða þessu upp á menn í byrjun og
að því loknu er ekkert um að ræða
annað en gatan verði sett í stokk,
hún breikkuð og ibúamir fái ein-
hverja aumingjastyrki til að kaupa
sér þrefalt gler í gluggana."
Hallgrímur segir skipulagsstjóra
ekki hafa tekið tillit til athuga-
semda sem gerðar voru, hvorki frá
umhverfisráðherra né frá íbúum
Garðhúsa og íbúasamtökunum.
„Umhverfisráðherra felldi fyrri úr-
skurð skipulagsstjóra úr gildi og
bað um að framkvæmdin yrði skoð-
uð betur, og setti fram í sjö liðum
þau atriði sem hann ætlaðist til að
yrðu unnin betur. Það hefur ekki
verið gert með fullnægjandi hætti
og virðist það ekki henta að gera
þetta eftir tillögum ráðherra af ein-
hverjum orsökum. Þar er meðtal-
inn sá kostur að skoða hvort ekki
þurfi að breikka götuna í framtíð-
inni og setja hana í stokk. Við hjá
íbúasamtökunum gerðum athuga-
semdir í mörgum liðum við mats-
skýrslu sem send var út varðandi
framkvæmdina, þar sem vandað
var til verks og íbúarnir í Garðhús-
um gerðu enn vandaðri athuga-
semdir með lögfræðiaðstoð sem
þeir greiddu fyrir dýrum dómum.
Síðan fá aðilarnir engin formleg
svör eða rökstuðning gegn athuga-
semdum sínum heldur er birtur
einhver úrskurður og engin svör
gefin frekar."
Málinu er hvergi nærri lokið og
segir Hallgrímur enga von um það
að íbúamir láti við svo búið standa.
„Það er ljóst að hvorki íbúarnir
eða íbúasamtökin geta sætt sig við
þetta, málinu verður fylgt eftir og
það kært til umhverfisráðherra á
ný. Vonandi tekur hún á þessu af
sömu röggsemi og áður og komið
verði í veg fyrir að embættismenn
troði á þegnum borgarinnar. Ef sú
leið dugar ekki er dómstólaleiðin
ein eftir. Það verður ekkert hætt,
fólk er búið að eyða milljónum í að
verja sínar eignir og það lætur ekki
embættismenn strika þær út fyrir
ekki neitt,“ segir formaður íbúa-
samtakanna. -gk
SUS vill tafarlausa einkavæðingu Ríkisútvarpsins:
Einkavæðing
ekki á dagskrá
- segir Björn Bjarnason menntamálaráöherra
Björn
Bjarnason.
Stjóm Sam-
bands ungra
sjálfstæðismanna
hefur sent frá sér
áskorun þar sem
skorað er á ríkis-
stjóm Islands og
menntamálaráð-
herra að breyta
rekstrarfyrir-
komulagi Ríkis-
útvarpsins tafar-
laust! Ályktun þessi kemur í kjöl-
far ummæla Bjöms Bjarnasonar
menntamálaráöherra á fjölmiðla-
þingi í vikunni þar sem hann telur
eðlilegt að hlutafélagavæða RÚV þó
rikið eigi áfram hlutabréfin í fyrir-
tækinu.
Jafnframt kom fram hjá Bimi að
hann telur ótímabært að RÚV Sjón-
varp fari af auglýsingamarkaði á
meðan dreifikerfið er ekki full-
komnara en það er enda myndi
slíkt leiða til þess að Stöð 2 hefði
nánast einokun á auglýsingamark-
aði í sjónvarpi viða um land. í
ályktun SUS segir að stjórn sam-
bandsins telji „að íslenska ríkið sé
með veru sinni á íslenskum fjöl-
miðlamarkaði að þrengja verulega
að rekstri einkarekinna fjölmiðla.
Til þess að sporna við þeirri þróun
telur stjóm SUS nauðsynlegt að
Ríkisútvarpinu verði tafarlaust
breytt í hlutafélag og hlutur rikis-
ins í félaginu verði síðan seldur
einkaaðilum.“
Björn Bjarnason menntamála-
ráðherra tekur ekki undir með
ungliöunum í flokki sínum: „Ég hef
svo oft sagt að það sé ekki stefna
mín sem menntamálaráðherra að
einkavæða Ríkisútvarpið að ég
þarf varla að endurtaka það. Ég hef
hvorki umboö frá ríkisstjórn né
þingflokkum hennar til að hafa
slíka stefnu og
Sjálfstæðisflokkurinn hefur ekki
heldur ályktað á þann veg. Það er
eitt að breyta RÚV í hlutafélag og
annað að taka ákvörðun um að
selja það,“ segir menntamálaráð-
herra í samtali við DV. -BG
Sveitarfélög í Þingeyjarsýslum:
Sameiningar-
kosning á döfinni
Reinhard
Reynisson.
íbúar í sjö
sveitarfélögum í
Þingeyjarsýslum
munu ganga að
kjörborðinu 3.
nóvember og
greiða atkvæði
um það hvort
sameina eigi
sveitarfélög
þeirra í eitt.
Sveitarfélögin
sem um ræðir eru Skútustaða-
hreppur, Reykjahreppur, Aðaldæla-
hreppur, Tjörneshreppur, Keldu-
neshreppur, öxarfjarðarhreppur
og Húsavík.
Fari svo að sameiningin veröi
samþykkt í öllum sveitarfélögun-
um sjö verður ný sveitarstjórn
kjörin í kosningum í maí á næsta
ári. Skiptar skoðanir eru varðandi
það hvort sameiningin verður sam-
þykkt, Reinhard Reynisson, bæjar-
stjóri á Húsavík og formaður
nefndar sem vinnur að undirbún-
ingi sameiningarinnar, hefur sagt
aö hann trúi ekki öðru en samein-
ingin nái fram að ganga enda séu
hagsmunir íbúanna best tryggðir á
þann hátt. Sveitarstjómarmaður í
ööru sveitarfélagi, sem DV ræddi
við, sagðist vantrúaður á samein-
ingu, ekki sist með tilliti til þess að
fjárhagsstaöa sveitarfélaganna
væri mjög mismunandi. Hún væri'
t.d. mjög slæm á Húsavík og í Aðal-
dælahreppi. -gk
Tvær viö Fagrafoss
Þærganga fram hjá Fagrafossi, upp af Klaustri, á leiö sinni í Laka. Fagrifoss
er til víöa um land en þessi er þó sá fegursti - finnst þeim.
Verslunarmannahelgi í Hvalfjarðargöngum:
27.841 bíll í gegn
og metið slegið
DV, HVALHRDI:_____________________
Mun íleiri bílar fóru um Hval-
fjarðargöng um verslunarmanna-
helgina nú en í fyrra. Frá föstudegi
til mánudags fór alls 27.841 bíll um
Hvalfjarðargöng en 22.669 bílar á
sama tímabili í fyrra og 24.215 bílar
um verslunarmannahelgina þar
áður, árið 1999. Samdrátturinn í
fyrra var einkum rakinn til þess að
þá föru mun færri til Akureyrar en
um verslunarmannahelgina 1999.
Aukningin nú kann að eiga sér að
hluta skýringar í mannfjöldanum á
kántríhátíöinni á Skagaströnd en
annars var einfaldlega mikil umferð
í allar áttir í veðurblíðunni um
verslunarmannahelgina nú.
Föstudaginn fyrir verslunar-
mannahelgi fóru 9.085 bílar um
Hvaifjarðargöng, sem er metumferð
frá því byrjað var að innheimta þar
veggjald sumarið 1998. Til saman-
buröar má geta þess aö 7.184 bílar
fóru um göngin á sama sólarhring
árið 2000 og 7.587 árið 1999. -DVÓ
Umsjön: Birgir Guömundsson
Kastljósið á Björn
Ný könnun Gallups á stöðu fylk-
inganna tveggja í borginni, Sjálf-
stæðisflokks og Reykjavíkurlista,
hefur dregið athyglina enn einu
sinni að forustu-
málum sjálfstæð-
ismanna í I
Reykjavík. í I
könnuninni I
mælist R-listi með I
54% fylgi á móti I
46% fylgi sjálf-
stæðismanna sem
á engan hátt getur '
talist viðunandi fyrir sjálfstæðis-
menn - ekki síst þegar flokkurinn
er í stórsókn á landsvísu. 1 pottin-
um heyrðist í gær að margir
flokksmenn, sem höfðu talið að
Inga Jóna væri að ná tökum á
ástandinu og því viljað gefa henni
séns, hefðu aftur snúið við henni
baki og sífellt fleiri horfðu nú til
Björns Bjarnasonar ...
Ný kenning
En það eru fleiri blikur á lofti
og sem kunnugt er hafa Frjálslynd-
ir i hyggju að bjóða fram við borg-
arstjómarkosningarnar. Hefur
Margrét Sverris-
dóttir (Her-
mannssonar) ver-
ið nefnd sem
hugsanlegur odd-
viti þess lista. Nú
er sú kenning að
ryðja sér til rúms
að öfugt við það
sem jafnan hefur
verið talið muni framboð Frjáls-
lyndra fyrst og fremst skaða R-list-
ann en ekki D-listann í kosningun-
um. Rökin eru þau að þeir sem á
annað borð kjósi Frjálslynda séu
að mótmæla einhverju og miklu
fleiri muni þá mótmæla valda-
flokknum R-lista en stjórnarand-
stöðuflokknum D-lista. í samræmi
við þessa kenningu munu ýmsir
gegnheilir sjálfstæðismenn nú
famir að mæla eindregið með
framboði Frjálslynda flokksins ...!
Summa lastanna
I pottinum heyrast sífellt raddir
- ekki síst frá eldri borgurum -
sem eru hissa á því að Ámi
Johnsen skuli hafa rataö í þau
vandræði sem,
hann nú sé kom-
inn í. Oft er við-1
kvæðið aö þetta
sé nú sýnu
merkilegra þar
sem „ekki sé nú
óreglunni fyrir að
fara hjá Árna“, en I
Árni er sem kunn-'
ugt er annálaöur bindindismaður.
Sagt er að þegar gamall maður
hafi viðrað þessar skoðanir sínar
við einn þingmann Sjálfstæðis-
flokksins úti á landi hafi þingmað-
urinn sagt: „Já, en gættu að því að
summa lastanna er alltaf sú
sama!“
Nýr Lofsöngur?
Þorvaldur Þorsteinsson, mynd-
listarmaður og rithöfundur, dvelur
nú í heimabæ sínum, Akureyri,
við skriftir. Ekki er vitað um hvað
bókin sem hann
er aö skrifa fjall-
ar en hitt er vitað
að Þorvaldur sit-
I ur á Sigurhæðum
við vinnu sína,
húsi Matthíasar
Jochumssonar. í
samtali við Menn-
ingarvef Akureyr-
ar segir Þorvaldur að góður andi
sé í húsi skáldsins og ’gott að ein-
beita sér að verkefninu enda öll
aðstaða til fyrirmyndar. í pottinum
velta menn því nú fyrir sér hvort
Þorvaldur, sem er laginn við að
semja ljóð við lög, geti ekki nýtt
sér andagift hússins til að semja
nýjan Lofsöng við annað lag sem
henti betur til flutnings á þjóðhá-
tíð í Eyjum en þjóðsöngurinn sem
sunginn var þar á dögunum. Þá
fengi kannski Lofsöngur Matthias-
ar og lag Sveinbjörns að vera í
friði fyrir brekkusöng...