Dagblaðið Vísir - DV - 13.08.2001, Blaðsíða 12
12
Útlönd
MÁNUDAGUR 13. ÁGÚST 2001
DV
Bjargaö frá skæruhernaöi
Indverskur hermaður gætir hér
drengla sem skæruliðar ætluðu að
þjálfa til skæruhernaðar.
Skæruliðar:
Felldu átján her-
menn í Kasmír
Liðsmenn eins skæruliðahóps
múslima í Kasmírhéraði í Indlandi
sögðust hafa fellt átján hermenn í
næturárás á herbúðir indverska hers-
ins. Staðfesting hefur ekki fengist frá
indverskum yfirvöldum.
Mörg helstu skæruliðasamtök
múslíma í Kasmír hafa þvertekið
fyrir að standa á bak við árás á tvær
konur í borginni Srinagar. Sýru var
skvett í andlit þeirra þar sem þær
löbbuðu um slæðulausar sem er brot
gegn lögmálum Kóransins. Tals-
menn samtakanna segja verknaðinn
fyrirlitlegan og telja að indverskir
hermenn hafi staðið á bak við árás-
ina til að koma slæmu orði á
múslíma.
Víndrykkjumenn
ríkari og gáfaðri
Á meðal þess sem kemur í ljós við
skoðun danskra rannsóknarmanna
á tengslum víndrykkju og heilsu er
að víndrykkjumenn eru að jafnaði
efnaðri og betur gefnir heldur en
þeir sem drekka bjór eða sterka
drykki. Einnig kom fram að vín-
drykkjufólk stundaði yfirleitt heil-
brigðara liferni og ætti sjaldnar við
andleg vandamál að stríða.
Samkvæmt rannsókninni eru
bjórdrykkjumenn mun líklegri til
að þjást af kvíða og taugaveiklun
heldur þeir sem drekka vín.
Fyrri rannsóknir á víndrykkju
hafa sýnt fram á fyrirbyggjandi
áhrif gegn hjartasjúkdómum og
vissum tegundum krabbameins.
Mullah Abdul Salam Zaeef
Sendiherra Afganistans í Pakistan
hefur ofan af fyrir sendifulltrúum.
Fá ekki að hitta
trúboðsfangana
Sendifulltrúar Þýskalands,
Bandaríkjanna og Ástralíu bíða enn
í Pakistan eftir því að fá vegabréfs-
áritun inn í Afganistan til að hitta
þegna landanna sem eru þar í haldi
Talebana. Um er að ræða 4 Þjóð-
verja, 2 Bandaríkjamenn og 2 Ástr-
ala.
Þeir eru ákærðir fyrir bera út
boðorð kristinnar trúar sem hægt
er að refsa með dauðadómi. Yfírvöld
i Afganistan vilja ekki veita áritun-
ina ef fulltrúarnir hyggjast hitta
fangana. Hins vegar fá þeir hana ef
þeir vilja ræða við fulltrúa stjórn-
valda í Afganistan. Þau hafa sagt að
fangamir fái fimm ára dóm.
Palestínsk f jölskylda:
Sonurinn syrgður
sem píslarvottur
Palestínskur sprengjumaður Ji-
had-samtakanna sprengdi sjálfan
sig í loft upp á kaffihúsi í bænum
Kiryat Motzkin í ísrael í gær en
tókst ekki að fella fleiri með sér. 15
gestir kaffihússins slösuðust hins
vegar í árásinni.
Fjölskylda árásarmannsins
syrgði hann sem píslarvott í gær.
Faðir hans, sem er lamaður, kallaði
son sinn sannan karlmann og sann-
trúaðan múslíma eftir sjálfs-
morðsárásina í gær. Hundruð
Palestínumanna lögðu leið sína í hí-
býli fjölskyldu sprengjumannsins í
gær og vottuðu foreldram hans og
tólf systkinum virðingu sína.
Muhammad Mahmoud Nasr gekk
inn í Wall Street-kaffihúsið í Kiryat
Motzkin í gær í þeim tilgangi að
sprengja sjálfan sig og fleiri í loft
upp. Hann staðnæmdist þegar hann
kom inn og horfði í augun á gengil-
beinu: „Veistu hvað þetta er?“
spurði hann og benti á bringuna á
sér. Hann kallaði síðan: „Guð er
mikill" og tendraði sprengjuna.
Muhammad Nasr
Jihad-samtökin dreifðu mynd af
manninum sem sprengdi sjálfan sig
upp á kaffihúsi í ísraei í gær.
Vitni segja Muhammad hafa
aflimast við sprenginguna og lenti
höfuðið af honum á nálægu borði.
Þetta er önnur sjálfsmorðsárásin
í ísrael á fjórum dögum. Sjálfs-
morðsárásunum tveimur var beint
gegn ísraelskum ungmennum. Eftir
sprengjuárás sem drap 15 manns i
Jerúsalem á fimmtudag tók ísraels-
her Austurlandahúsið herskildi en
það hýsir höfuðstöðvar Frelsissam-
taka Palestínu, PLO. Ariel Sharon
forsætisráðherra segist aldrei
nokkurn tímann ætla að skila hús-
inu aftur.
Talsmaður ísraelsstjórnar sagði í
gær að hver sjálfsmorðsárás kostaði
sitt fyrir Palestínumenn. Nú ætlaði
ísrael að „breyta leikreglunum" og
gripa til afdrifaríkari aðgerða.
Ónefndur háttsettur ísraelskur
stjórnmálamaður greindi frá því í
gær að Sharon forsætisráðherra
hefði fallist á endurnýjaðar friðar-
viðræður við Palestínumenn í gær,
fyrir sjálfsmorðsárásina.
Eignir prins settar undir hamar
Angela Ng frá Malasíu viðir hér fyrir sér klósettáhöld úr gulli á uppboði á eigum Jefri prins, bróður Soldánsins af Bru-
nei. Fyrirtæki Jefri fór á hausinn og skyldi eftir 1600 milljarða skuld. Alls eru uppboðshlutirnir geymdir i 21 vöru-
skemmu, þ.á m. nokkrar snekkjur, og er vonast til að það fáist um 1700 milijarðar króna heila klabbið.
Hætta á að IRA dragi
tilboð sitt til baka
Með því að leggja niður heima-
stjórnina í Norður-írlandi tima-
bundið telur Martin McGuinness,
aðalsamningamaður Sinn Fein, að
breska ríkisstjórnin hafi grafið
undan friðarferlinu í héraðinu.
John Reid, ráðherra yfir málum N-
írlands í bresku ríkisstjórninni,
ákvað á fóstudag að leggja niður
heimastjómina í héraðinu. Sú að-
gerð stóð aðeins i 24 tima og var
þannig nýtt smuga í lögum um N-
írland sem gerir það að verkum að
deiluaðilar hafa auka sex vikur
aukalega til að ná sáttum um fram-
kvæmd á friðarsamkomulaginu
sem kennt er við föstudaginn
langa.
McGuinness segir að með því að
leggja niður heimastjómina, þó
ekki væri nema í smátíma, þá hafi
það valdið því að IRA, írski lýð-
PTslarvotta minnst
Gerry Adams, leiötogi Sinn Fein,
talar á minningarathöfninni í gær.
veldisherinn, gæti ákveöið að slíta
sambandi við John de Chastelain,
formann alþjóðlegrar nefndar sem
hefur yfirumsjón með afvopnun
skæruliðahópa á N-írlandi, og
dragi sig alfarið úr friðarferlinu.
McGuinness telur einnig að Dav-
id Trimble og aðrir leiðtogar sam-
bandssinna hafi gert lítið úr störf-
um de Chastelains. Þeir heimtuðu
áþreifanlegar aðgerðir i átt til af-
vopnunar af IRA og virtust ekki
treysta Chastelain og nefndarfélög-
um hans. John Reid segist verða
fyrir miklum vonbrigðum ef IRA
gengur út úr friðarferlinu eftir
samkomulagið sem náðist í sein-
ustu viku.
í gær var haldin minningarat-
höfn um tíu kaþólikka sem sveltu
sig í hel í mótmælaskyni vegna
hersetu Breta á Norður-írlandi.
Mannúðlegar landtökur
Robert Mugabe,
forseti Simbabve,
sagði í gær að land-
tökuáætlun hans
væri mannúðleg en
hún miðar að því
að bújarðir hvítra
verði settar í hend-
ur blökkumanna.
„Við köstum ekki Bretunum út þó
þeir kasti okkur vanalega út úr
heimalandi sínu.
Fótalaus vill á Everest
Bandaríkjamaður sem missti
báða fæturna í flugslysi gerir nú til-
raun til að verða fyrsti maðurinn án
fóta til að klífa Everest. Einungis
neðri hluta fóta hans vantar,
nokkra sentímetra fyrir ofan ökkla.
Níðingalisti á glámbekk
Breska lögreglan rannsakar nú af
hverju leynilegur listi með nöfnum
200 kynferðisafbrotamanna í
Lincolnskíri fannst á bílastæði fyrir
utan verslunarmiðstöð.
Fidel Castro á afmæli
Fidel Castro Kúbuleiðtogi er 75
ára í dag. Hann tók í gær forskot á
sæluna og fagnaði með Hugo
Chavez, forseta Venesúela, sem kall-
aði kommúnistaleiðtogann eilifðar-
ungling við tilefnið.
Yfir 100 látnir í flóðum
Skyndileg flóð hafa orðið að
minnsta kosti 108 manns að fjör-
tjóni í norðausturhluta írans um
helgina. Óttast er að mun fleiri séu
þegar látnir.
Stokkar upp ríkisstjórn
Mohammad
Khatami, nýlega
endurkjörinn for-
seti írans, skipaði í
gær 5 nýja ráð-
herra og lét einn
skipta um ráðu-
neyti. Ekki er
reiknað með að
stefnubreyting fylgi uppstokkun-
inni og telja stjómmálaskýrendur
líklegt að Khatami muni ekki fær-
ast frekar í umbótaátt af ótta við að
vekja upp úlfúð meðal íhaldsmanna.
Bændur gegn McDonald s
2000 þúsund bændur, undir for-
ystu bændaleiðtogans Joses Boves,
mótmæltu alþjóðavæðingu fyrir ut-
an McDonald's-veitingastað í smá-
bæ í Frakklandi í gær. Bove rústaði
sama veitingastað árið 1999.
Frjósamar pöndur
13 pöndur í
Sichuan-héraði í
suðausturhluta
Kína eiga von á sér
á næstu mánuðum.
Reynslan sýnir að
helmingur þeirra
mun eiga tvíbura
og er því von á 13
til 20 nýjum pöndum í heiminn.
Pöndur eru í útrýmingarhættu og
eru aðeins 1000 í heiminum.
Ráðist á Votta Jehóva
Hópur, vopnaður stálrörum, réðst
á samkomu Votta Jehóva í fyrrum
Sovétlýðveldinu Georgíu í gær.
Fossett enn á lofti
Ævintýramaðurinn Steve Fossett
nálgaðist Páskaeyju í gærkvöld á
áttunda degi hnattflugs síns með
loftbelg. Talið er að hann eigi að
minnsta kosti viku eftir á flugi