Dagblaðið Vísir - DV - 29.08.2001, Blaðsíða 13
13
MIÐVIKUDAGUR 29. ÁGÚST 2001
DV
Sigurður Flosason eitt,
Benjamin Koppel núll!
- Jóel Pálsson hlýtur starfslaun Reykjavíkurborgar
Jóel Pálsson og Sigurður Rosason
„Tveir saxistar meö bassaieikara og trommuleikara er ekki nýtt fyrirbrigði í djasstóniist. Þó hefur
ekki komiö fram svona kvartett, sem hefur vakiö verulega athygli, frá því á dögum Zoot Sims-AI
Cohns og Sonny Stitt-Eddie Davis. En ég leyfi mér aö fullyröa aö Siguröur-Jóel er samstæöa
sem gæti náö langt ef tækifæri gæfist."
Sumarið 2001 er nú
þegar orðið eitt viðburða-
ríkasta djasssumar hér-
lendis um áraraðir. Hér í
Reykjavík höfum við átt
kost á tónlist bæði inn-
lendra og erlendra djass-
leikara sem margir hverj-
ir hafa leikið fyrir okkur
skemmtilega, forvitnilega
og nýstárlega djasstón-
list.
Á Menningarnótt
Reykjavíkur mátti til
dæmis heyra Guðmund
„Djasspabba" Steingríms-
son hjá Eymundsson, Jón
Pál Bjarnason á Kaffi
Vídalín, Jagúar á Ingólfs-
torgi, Hafdisi Bjamadótt-
ur hjá Eggerti feldskera,
Sigurð Flosason á Jóm-
frúnni og Koppel-feðgana
í Norræna húsinu.
Ég var ákveðinn í þvi
að hlusta á feðgana Kopp-
el og Jacob Andersen,
slagverksleikara þeirra, í
Norræna húsinu. En þeg-
ar ég kom þangað var
húsið troðfullt. Það var
varla hægt að finna vegg-
pláss til að halla sér upp
að. Sennilega hafa djass-
áhugamenn tekið eftir
klausunni í fréttatilkynn-
ingu um tónleikana sem sagði af „KAK“ trióinu
af slíkri og þvílíkri mærð að ætla hefði að Kopp-
el-feögarnir væru því næst sem einstakir í verald-
arsögunni. Þar sagði meðal annars: „Tónlistar-
mennirnir ... hafa eftir sjö ára samvinnu náð að
stilla svo saman hljóðfæraleik sinn að jaðrar við
hugsanaflutning. Hnökralaust skipta þeir á milli
tónlistartegunda, stíltegunda, fastra útsetninga
og spuna, leikur þeirra einkennist af öryggi og
fingrafimi, tilfinningu og innlifun."
Það fór ekki á milli mála. Anders Koppel, org.,
og sonur hans Benjamin, alto, eru framúrskar-
andi tónlistarmenn. Anders er mjög góður org-
anisti en mér fannst meiri djass í organleik Agn-
ars Más á Ozio um daginn þegar Agnar lék sér
með Joel og Matthíasi á skemmtilega blúsaðan
hátt.
Benjamin Koppel er að sama skapi mjög góður
altoisti. Hann hefur persónulegri stíl en karl fað-
ir hans en leikur hans var mjög alvarlegur og
„settlegur"! Sem gerði það að verkum að mér
fannst hann fara mjög troðnar slóðir án þess að
taka nokkra áhættu i spuna sínum. Það kallast á
góðri ensku „to play it safe.“ Sem sagt: Mjög góð-
ur en ekki nægilega skemmtilegur fyrir minn
smekk!
Tónlist
Ég yfirgaf því Norræna húsið og hélt á Jóm-
frúna í Lækjargötu. Þar lék Sigurður Flosason,
alto, og fór á kostum. Ég heyrði Sigurð leika síð-
ast með Sunnu Gunnlaugsdóttur í Húsi Málarans
þar sem Siggi lék afskaplega skemmtilega og með
miklum tilþrifum. Á góðum degi er Sigurður
Flosason betri en flestir altoistar sem ég þekki til.
Þetta kom svo sannarlega í ljós á Jómfrúnni.
Kvartettinn náði sér á flug í „Have You Met Miss
Jones“ þar sem Sigurður lék frábærlega, sérstak-
lega í skemmtilegum „Coda“
með Jóel Pálssyni, tnr. En auk
þeirra saxista léku þeir Tómas
R. Einarsson, bs, og Matthías
M.D. Hemstock, trm.
Ef ég mætti velja djasslands-
lið í dag veldi ég án nokkurs
vafa þennan kvartett. Hann er,
að öðrum snillingum ólöstuö-
um, eitthvað það besta sem ís-
lenskur djass hefur upp á að
bjóða um þessar mundir. Benja-
min Koppel gleymdist á auga-
bragði og Sigurður Flosason tók
við - og flaug með áheyrendur
sina um víðan völl sígrænna
djasslaga. Og það fór ekki á
milli mála að áheyrendur
kunnu að meta djassinn.
Tveir saxistar með bassaleik-
ara og trommuleikara er ekki
nýtt fyrirbrigði í djasstónlist. Þó
hefur ekki komið fram svona
kvartett, sem hefur vakið veru-
lega athygli, frá því á dögum
Zoot Sims-Al Cohns og Sonny
Stitt-Eddie Davis. En ég leyfi
mér að fullyrða að Sigurð-
ur-Jóel er samstæða sem gæti
náð langt ef tækifæri gæfist.
Kvartettinn lék svo að segja óað-
finnanlega; Tómas R. traustur
og ákveöinn meö skemmtilegar
fléttur, og Matthías ótrúlega
„boppaður"!! Það mætti halda
að hann hefði tekið þá Guð-
mund Stgr. og Pétur Östlund til athugunar nýver-
ið! !
Jóel var feikivel upplagður. Hann er stöðugt að
koma okkur á óvart. Einleikur hans var skemmti-
lega uppbyggöur og kímnin aldrei langt undan.
Ekki sakar að Jóel er með fallegan tón sem nýtist
honum vel. Leikur hans með „Body and Soul“ var
í reynd sýnishorn af góðri meðferð á djassball-
öðu. Það var því vel viðeigandi að fagna með hon-
um í huganum þar sem á þessum afmælisdegi
Reykjavíkurborgar var tilkynnt að Joel væri einn
þeirra listamanna sem hefðu fengið starfslaun frá
Borginni. Einn fárra djassleikara sem þau hafa
hlotið. Til hamingju!
Ólafur Stephensen
Menningarnótt í Reykjavík, 18. ágúst. Norræna húsið:
Anders Koppel, Benjamin Koppel, Jacob Andersen.
Jómfrúin: Jóel Pálsson, Matthias M.D. Hemstock, Sig-
urður Flosason, Tómas R. Einarsson.
Klassíkin streymir inn á www.andante.com:
Bein útsending frá La Scala á vefnum
Fyrir fimm árum ákvað franskur lögfræðingur i
New York að stofna fyrirtæki til að svala ævilangri
löngun sinni í klassíska tónlist. Alain Coblence
vildi gefa út á geisladiskum klassískar upptökur á
klassískum verkum. Um þessar mundir kemur út
fyrsta sex diska safnið sem gefið verður út á veg-
um fyrirtækisins en áætlað er að gefa út um eitt
þúsund diska á næstu fimm árum. Ástæða þess að
Coblence réðst í útgáfustarfsemina var að hann
vildi endurheimta þá virðingu og væntumþykju
sem gömlu vínylplötumar áttu á uppvaxtarárum
hans. Það gerir hann meðal annars með þvi að um-
búðir geisladiskanna eru ekki hefðbundnar heldur
em þeir inni í harðspjalda bókum þar sem ítarleg-
ar upplýsingar um tónskáldin, verkin, flytjendurna
og upptökuna er að finna.
Fyrsta útgáfa Andante er væntanleg og inniheld-
ur hún píanókonserta Beethovens en hver þeirra
er fluttur tvisvar. Flytjendur eru Ania Dorfmann,
Walter Gieseking, Clara Haskil, William Kapell,
Marguerite Long, Artur Rubinstein og Rudolf Serk-
in. Einnig er von á kammermúsík eftir Schubert
auk þess sem gefnir verða út diskar tileinkaðir lista-
mönnunum Wilhelm Backhaus og Josep Szigeti.
En útgáfa geisladiska er ekki það eina sem fyrir-
tækið fæst við. í apríl síðastliðnum setti fyrirtækið,
Andante upp heimasíðuna www.andante.com.
Coblence vildi að heimasíðan yrði eitthvað meira en
sölutæki og það hefur svo sannarlega ræst. Vefsíðan
www.andante.com er orðin ein mest sótta klassiska
heimasíðan og nauðsynlegur hluti af tilveru margra
unnenda klassískrar tónlistar.
Allt um klassíkina
Á vefsíðu Andante er hægt að finna nánast allt
um klasstska tónlist; upplýsingar um tónskáld, lista-
menn, tímarit á vefnum og svo mætti lengi telja.
Mörgum þykir til dæmis mikill fengur í þvi að geta
séð fréttir hvaðanæva að úr tónlistarheiminum og
umfjöllun um konserta og óperur víða um veröld-
ina. Viðtöl við listamenn eru birt og einnig ritgerð-
ir um ýmislegt sem tengist sígildri tónlist. Einnig
eru æviatriði tónskálda aðgengileg á síðunni. Hægt
er að fá upplýsingar úr Concise Grove Dictionary of
Music og leita að tónleikum eftir dagsetningum, tón-
verkum og flytjendum.
Scala í beinnl
Þótt margir gestir heimasiðunnar vilji fá lesefni
um höfunda og listamenn og tóndæmi úr útgáfum
Andante er liklegast að hugur þeirra verði fang-
aður af öðrum þáttum síðunnar. „Musicroom"
er einn þeirra þátta sem vakið hafa verðskuld-
aða athygli. Þar inni er hægt að hlusta á streym-
andi tónlist í vefútvarpi Andante þar sem hver
gullmolinn af öðrum er leikinn í klassískum út-
gáfum. Einnig er hægt að fletta upp í skrám
Andante og hlusta á verk að eigin vali.
Mesta byltingin er þó eflaust fólgin í öðrum
eiginleika „Tónlistarherbergisins". Sá nefnist
„Webcast" en í honum felst sá möguleiki að
hægt er að horfa á ýmsa tónlistarviðburði á
vefnum og jafnvel í beinni útsendingu. Meðal
þeirra sem tekist hefur samstarf við er Sinfóníu-
hljómsveitin í Fíladelflu, Sinfóníuhljómsveit
Lundúna og Fílharmóníuhljómsveit Vínarborg-
ar. Meðal þess sem hægt er að hlýða og horfa á
á www.andante.com eru nýlegir tónleikar Fíl-
harmóníuhljómsveitarinnar undir stjórn Pierre
Boulez en á efnisskránni var Níunda sinfónía
Bruckners.
Coblence hefur einnig náð samningum við La
Scala-óperuhúsið en á döfinni eru útsendingar
þaðan. Einnig verður vefvarpað beint frá Paris nú
í september þegar Jessye Norman syngur í
Vetrarferðinni eftir Schubert.
Enn sem komið er geta netveijar hlustað á tón-
listina án þess að borga fyrir það. í október stend-
ur hins vegar til að taka greiðslu fyrir aðgang að
vefsíðunni. Er gert ráð fyrir því að einn mánuður
kosti 10 dali en árið 100 dali. Inni í því er aögang-
ur að upptökum og beinum vikulegum útsending-
um frá tónlistarviðburðum.
Byggt á New York Times.
.... . i J. • tíf i i J i; 11);,;
Menning
Umsjón: Sigtryggur Magnason
Síöust við orgelið
Flautuleikarinn
Martial Nardeau og
organistinn Lenka
Mátéová eru sið-
ustu gestir tón-
leikaraðarinnar
Sumarkvölds við
orgelið í Hallgríms-
kirkju í ár. Þau
halda tónleika i há-
deginu fimmtudaginn 30. ágúst og
hefja leik kl. 12.00. Efnisskráin hefst
á ljúfri barokktónlist. Fyrst hljómar
flautusónata eftir Hándel og síðan
hið alþekkta Adagio eftir Albinoni.
Þar á eftir leika hljóðfæraleikararnir
tónlist frá upprunalöndum sínum,
Frakklandi og Tékklandi. Þar er um
að ræöa frægt flautustykki eftir
Gabriel Fauré og kóralfantasíu eftir
Petr Eben.
Eileen Torpey
á horninu
Laugardaginn 1. september næst-
komandi, á horni Amtmannsstígs og
Þingholtsstrætis, klukkan 16.00,
verður önnur sýning útilistaverkefn-
isins „Listamannsins á horninu"
formlega opnuð. Bandaríski lista-
maðurinn Eileen Olivieri Torpey
býður gestum og gangandi að njóta
vettvangsverksins „Söfnunar" með
sér. Verkið fjallar um þrá mannsins
til þess að hafa áhrif á og - eða ná
valdi yflr náttúrunni eins og lista-
maðurinn segir sjálfur: „Þá nota ég
ílát og vatn sem myndlíkingu fyrir
hringrás lífsins og bið þá sem
framhjá fara að staldra við og gefa
því kyrrlátlega gaum.“
Með hugmyndinni „listamaðurinn
á hominu" er ætlunin að hreyfa við
viðteknum hugmyndum um samspil
lista og samfélags og leita nýrra leiða
til að virkja listamenn til mótunar á
sínu nánasta umhverfi. Einnig að
gera tilraun til þess að hafa áhrif á
hversdagsleika borgarsamfélagsins
án þéss að vera innan ákveðinna
ramma eða afmarkáðra svæða, s.s
listasafna, listigarða. Þungamiðja
hugmyndarinnar er að gera tilraun
til að breyta hefðbundnum hugmynd-
um um útilistaverk í að vera eðlilegt
flæði hugmynda en sýningin á að
vera virk á alllöngu timabili eða frá
miðjum ágúst fram í miðjan desem-
ber. Listamaöurinn vinnur út frá
ákveðnum stað í borginni og býr til
tímabundin verk sem breytt geta sýn
staðarins án þess að byggja sjálfum
sér minnisvarða. Þannig geta lista-
mennirnir ögrað viðteknum hug-
myndum um almenningsverk.
Sunna á Blues Alley
Sunna Gunn-
laugs hélt nýverið
tónleika á Blues
Alley í Washington.
Skrifað er um tón-
leikana í Wash-
ington Post og fær
hún afar góða
dóma. Sagt er að
hin íslenska Gunn-
laugs hafi þróað með sér yfirvegaðan
en tígulegan stil sem geri það að
verkum að nöfn Bills Evans og
Keiths Jarretts komi upp i hugann.
Gagnrýnandinn segir að nafn nýj-
ustu plötu Sunnu, Mindful, eigi mjög
vel við tónlist hennar.
Sunna er nú á tónleikaferðalagi
með tenórsaxófónleikaranum Peter
Hess, bassaleikaranum Matt Pavolka
og trommaranum Scott McLemore.
101 Los Angeles
101 Reykjavík
hefur fengið góða
dóma vestur i Los
Angeles að undan-
fórnu. í Los Angeles
Times segir að
myndin nái góðri
dýpt og það sé aðdá-
unarvert að Hilmir
Snær geti látið
áhorfendum þykja svolítið vænt um
Hlyn miðað við alla hans galla. Tón-
list Damons Albarn og Einars Arnar
fær einnig góða dóma, svo og leik-
stjórinn, Baltasar Kormákur, og
kvikmyndatökumaðurinn Peter
Steuger sem sagt er að ráði jafn vel
við innitökur á börum og á tignarleg-
um fjöllum.