Dagblaðið Vísir - DV - 30.08.2001, Blaðsíða 6
6
FIMMTUDAGUR 30. ÁGÚST 2001
Fréttir DV
íslenska ákvæðið í Kyoto-bókuninni lokkar
og laðar:
Ný stóriðja fær
framleiðslustyrk
5-10 milljarða styrkur á ári í pottinum
„Ekki er vitað hvað losunarheim-
ildir koma til með að kosta en tölur
á bilinu 10 til 25 Bandaríkjadollarar
hafa komið fram sem líklegt verð.
Verðmæti íslenska ákvæðisins gæti
þvi árlega numið á annan milljarð
króna, eða á bilinu 5 til 10 milljarða
króna á fyrsta skuldbindingartíma-
bilinu." Þetta segir Tryggvi Felix-
son, framkvæmdastjóri Landvernd-
ar, í grein á heimasíðu samtakanna
þar sem hann er að gera grein fyrir
þróun Kyoto-bókunarinnar eftir
fundinn í Bonn í sumar. „Framan-
greind fjárhæð gæti orðið ígildi
framleiðslustyrks til nýrra orku-
frekra iðnfyrirtækja eins og álvera
og járnblendiverksmiðja. Á alþjóð-
lega vísu gæti staðsetning orkufreks
iðnaðar á íslandi orðið enn fýsilegri
en hingað til. Þetta þýðir að sjálf-
sögðu að áhugi á byggingu og
rekstri virkjana
vex að sama
skapi,“ segir
Tryggvi enn
fremur. Ýmsir
hafa orðið til
þess að beina at-
hyglinni aö stöðu
íslands gagnvart
Kyoto-bókuninni
í kjölfar augljós-
lega vaxandi
áhuga á álframleiðslu og raunar
annarri stóriðju á Islandi og talið að
tengsl væru milli þess áhuga og
hugsanlegrar hlutdeildar í þeim
„framleiðslustyrk" sem íslenska
ákvæðið felur í sér. Sérstaka athygli
vekur í þessu sambandi að öll þessi
nýju ver eiga að vera komin í gagn-
ið fyrir 2008, þegar næsta viðmiðun-
artímabil Kyoto-bókunarinnar
Tryggvi
Felixson.
Álverin stækka
Lítiö lát viröist vera á
stækkunaráformum þeirra álvera
sem starfrækt eru í landinu. Hér
sést teikning af stækkun ÍSALs.
hefst.
Ljóst er að íslenska ákvæðið er
ekki kveikjan að því að ásóknin í að
setja upp álverksmiðjur hér er svo
mikil sem raun ber vitni, enda voru
þreiflngar um slíkt hafnar áður en
það kom í höfn. Hins vegar er ekki
ólíklegt að tilkoma þess liðki fyrir.
„Mér finnst ekkert ólíklegt að ís-
lenska ákvæðið hafi áhrif á áhuga
fyrirtækja á að koma hingað. Norð-
menn eru að undirbúa kvótakerfi í
losun gróðurhúsalofttegunda og
Norsk Hydro gerir sér væntanlega
grein fyrir að þeir verða settir undir
slíkt kerfl í Noregi," segir Tryggvi
Felixson í samtali við DV. Hann seg-
ir að á sama tíma séu Kanadamenn
enn undir Kyoto-bókuninni - það séu
einungis Bandaríkjamenn sem „hafi
hlaupið frá því“ - en þar og í fleiri
ríkjum, þar sem veruleg álfram-
leiðsla sé, lendi undir þaki Kyoto-
bókunarinnar. „Þeir sem eru fram-
sýnir í ákvarðanatöku eigi e.t.v.
möguleika á að losna undan losunar-
þaki í framtíðinni," segir Tryggvi.
Svlðsmynd
Jökulsárlón á Breiöamerkursandi og umhverfi þess er jafnan eftirsótt myndefni. Hér er veriö aö gera auglýsingamynd fyrir Hyundai-bifreiöar og sleöahundar,
selskinn á þönum og fiskur á trönum bregöa grænlenskum blæ á sviöiö.
DV-MYND SÆDÍS HELGA GUÐMUNDSDÖTTIR
Hola í höggi
Anna er hér viö brotna gluggann
sem búiö var aö byrgja til bráöa-
birgöa en í hendinni heldur hún á
golfkúlunni.
Fékk golfkúlu
gegnum eldhús-
gluggann
DV, GRUNDARFIRDI:
Anna Aðalsteinsdóttir brá sér af
bæ um helgina sem kannski er ekki
í frásögur færandi nema þegar heim
var komiö var eldhúsglugginn brot-
inn. Sökudólgurinn, golfkúla, lá
sakleysisleg á gólfinu. Greinilegt
var að einhver hafði verið að æfa
golf á Þríhyrningnum, sem er grænt
svæði, með þessum afleiðingum og
þykir mildi að enginn var við glugg-
ann er óhappið átti sér stað. Anna
segist ekkert hafa á móti því að fólk
æfi golf á þessu svæði en vill koma
því á framfæri að notaðar séu svo-
kallaðar æfingakúlur sem ekki
valda eins miklum skaða. Eigandi
kúlunnar getur vitjað hennar á
Grundargötu 15 - ef hann þorir.
-DVÓ/SHG
Samgönguráðuneytið skerst í Rússaleikinn á Marz Ak:
Norsk yfirvöld beöin um aöstoö
- viö að koma lögskráningu skipverja í lag
Samgönguráðuneytið hefur sent
norskum yfirvöldum beiðni þess efnis
að þau sjái um að ísfisktogarinn Marz
AK-80 láti ekki úr höfn í Oksfjord í
Noregi án þess að lögskráningu skip-
veija sé komið í lag. Skipið kom inn til
Oksfjord sl. þriðjudagsmorgun. Ólafúr
Þór Hauksson, sýslumaður á Akra-
nesi, sendi ráðuneytinu bréf eftir að
hann hafði fengið staðfest að togarinn
væri kominn til hafnar, þar sem hann
óskaði liðsinnis þess í málinu.
Sýslumannsembættið á Akranesi
fékk í síðustu viku staðfest að átta Rúss-
ar væru um borð í Marz AK sem hefur
verið að veiðum á Barentshafi. Grunur
leikur á að þeir séu óskráðir og þar með
ólöglegir. Embættið hefur krafið útgerð-
araðilann um skýringar á veru Rúss-
anna um borð. Hann sagði þá að þeir
væru ekki hluti af áhöfninni.
Engin tilkynning hefur borist um
skráningu rússneskra sjómanna á
skipið. Séu þeir að störfum á því er um
að ræða klárt brot á lögskráningarregl-
um og atvinnuleyfisveitingu útlend-
inga hérlendis.
„Það er ljóst samkvæmt íslenskum
lögum að skipið má ekki fara úr höfn
nema lögskráning skipverja sé í lagi,“
sagði Ólafur Þór við DV.
Einungis sjö eru lögskráðir í áhöfn
Marz AK sem er 526 brúttótonn að
stærð. Venja er að 15-16 menn séu í
áhöfn togara af þessari stærð. Útgerð-
araðilinn hefur sagt við DV að 7-8 ís-
lendingar séu við störf á skipinu. Því
vekur það athygli að útgerðin lét
tryggja 15-16 manna áhöfh áður en tog-
arinn hélt frá landi. Talið er að Rúss-
arnir sem eru á skipinu hafi komið um
borðíNoregi. -JSS
Fjölmenni og danskt grín á dönskum dögum:
Nektarsúla fór á 15 þúsund kall!
DV, STYKKISHÓLMI:
Eina alvöru nektardanssúlan í
Stykkishólmi, gripur sem var
smíðaður í bænum forðum fyrir
eina nektardansstaðinn, seldist á
aksjón á dönskum dögum fyrir 15
þúsund krónur! Nokkrir kátir
smábátasjómenn keyptu og ætla
aö setja súluna upp í skemmu
sem þeir eiga við höfnina.
Danskir dagar í Stykkishólmi
um helgina tókust afburðavel að
öllu leyti enda var um mjög góða
dagskrá að ræða. Tjaldsvæðin
voru öll full og öll gisting full-
nýtt.' Erill hjá Iðgféglunni var
Nektarsúla í boði
Þegar nektardanssúlan var boöin
upp færöist líf í tuskurnar og boöin
mögnuöust. Aö lokum fór súlan á
stórfé, 15 þúsund krónur.
svona rétt eins og um venjulega
helgi.
Furðufataganga leikskólabarna
setti svip á bæinn á fostudeginum
og mikið var um að vera svo sem
brekkusöngur, uppboð Lions-
manna, bryggjuball og alls kyns
tónleikar og stórbrotin flugelda-
sýning í boði smábátasjómanna.
Ferðamaður sem DV ræddi við
sagðist sjaldan hafa skemmt sér
annað eins. Það væri rosalega
skemmtilegt að koma í Stykkis-
hólm og örugglega færi hann á
næstu dönsku daga að ári.
-DVÓ
* Umsjón: Höröur Kristjánsson
netfang: hkrist@ff.is
Eggert hættur
Ekkert lát er á flótta fólks af Stöð 2
en eins og við greindum frá í heita
pottinum í gær hverfur nú þaðan
hver skrautfjöðrin af annarri, svo
sem Helga Guð-
rún Johnson, sem
hefur tilkynnt
brottför sína. Nú
er ljóst að Eggert
Skúlason, sá skel-
eggi fréttamaður,
hefur sagt skilið
við fleytuna uppi á
Lynghálsi. Eggert á að baki farsælan
fréttamannsferil á Stöðinni í áratug,
auk þess að smíða haganlega veiði-
þætti og snaggaralega viðskiptaþætti.
Eggert er að skipta um ham því hann
hefur ráðið sig í stjórnunarstöðu hjá
fyrirtækinu Emax, sem býður upp á
þráðlausar netlausnir. Eggert sumsé
farinn og fleiri fræg andlitin ku vera
að hugsa sinn gang. Gárungarnir
segja aö bráðum þurfi að fara að taka
saman stuttan lista yfir þá sem enn
eru eftir á Stöðinni...
Hvað gerir Ingibjörg?
Heldur virðist vera orðið grunnt á
því góða i sam-
skiptum bæjarfull-
trúa í Kópavogsbæ
og meirihlutafull-
trúa í borgarstjórn
Reykjavíkur. Gunn-
ar I. Birgisson, for-
maður bæjarráðs
Kópavogsbæjar, er
æfur vegna afskipta umhverfis- og
heilbrigðisnefndar Reykjavíkur af
áformum Kópavogsbúa um notkun á
landi við Vatnsenda. Þykir honum
svo langt gengið að engu sé líkara en
þetta fólk þurfi sérstaka meðferð hjá
sálfræðingi. Nú bíða menn spenntir
eftir svari Ingibjargar Sólrúnar
Gísladóttur, borgarstjóra. Svarar
hún í sömu mynt fyrir sitt fólk, eða
fer hún að ábendingu Gunnars og
sendir sitt lið til sálfræðings ...?
Svakalegar töflur
í fréttum Rikissjónvarpsins í fyrra-
kvöld mátti hlýða á alvarlegar fréttir
af innflutningi á
baneitruðum e-töfl-
um- Þar lýsti
fréttamaður fjálg-
lega þessum hræði-
legu töflum sem
væru mikið verri
en sá óþverri sem
hingað til hefur
gengið á svörtum markaði á íslandi.
Áhugasamir áhorfendur uröu þó fyrst
hvumsa af undrun þegar frétttamað-
urinn lauk umfjöllun sinni. Eftir að
vera búinn að lýsa merkingum á töfl-
unum klykkti hann út með þvi að
segja að töflumar væru hvorki meira
né minna en 8 sentímetrar i þvermál.
í heita pottinum þóttu það undur og
stórmerki að ungdómurinn væri far-
inn að maula slíkar risa-eiturkökur
og þá væntanlega í staðinn fyrir
gamla góða Frónkexið...!
Undir hvaöa flaggi?
Heldur virðist vera farið að hrikta
í innviðum Samfylkingarinnar ef
marka má fréttir
af Austurlandi.
Forystumenn Sam-
fylkingar hafa
reyndar verið mjög
tvístígandi i afstöðu
tii virkjanamála og
stóriðju fyrir aust-
an. Kannski er það
ekkert skrítið þar sem það þykir ekki
efnilegt til vinsælda að berja niður
slíkar ofur-uppbyggingarhugmyndir á
landsbyggðinni. Svo virðist sem Ein-
ar Már Sigurðarson þurfi nú að
leggjast undir feld til að íhuga þrýst-
ing flokksmanna sinna á Austurlandi
sem ólmir vilja stökkva af skútunni
hjá össuri Skarphéðinssyni. Spurn-
ingin er bara hvert þeir fara. Varla
eru Vinstri-grænir fýsflegur kostur í
allri sinni andstöðu við málið og
Framsókn hefur ekki heldur verið
hátt skrifuð á Samfylkingarbænum.
Engu er því líkara en Einar Már og
félagar verði að draga Fálkann að
hún, nema samningar náist kamjski
við Sverri Hermannsson...!