Dagblaðið Vísir - DV - 30.08.2001, Blaðsíða 16

16
FIMMTUDAGUR 30. ÁGÚST 2001
Skoðun DV
Spurning dagsins
Hvaða fagi myndir þú vilja
bæta við í framhaldsskólana?
Þórhildur Ólafsdóttir nemi:
Snyrtifræði.
Ásta Bjarndís Bjarnadóttir nemi:
Ég myndi vilja bæta við tónlistar-
braut og læra t.d. söng.
Halla Másdóttir nemi:
Tónlistarbraut og ég myndi vilja
læra á fiðlu.
Rallívegur - sóun
á almannafé
Frá „rallíakstri"
„Aö heimila „rall“ á viökvæmum vegi, sem nýbúiö er aö eyða tugum milljóna
í aö laga, er gróf sóun á almannafé!" (Tekiö skal fram aö myndin tengist ekki
staöháttum sem bréfritari ræöir um).
Þröstur Sverrisson
skrifar:
Um liöna helgi lagöi ég leið mína
upp í Borgarfjörð. um Þingvöll upp
hjá Meyjarsæti, yfir Tröllháls,
beygði svo inn á Uxahryggi viö
Kaldadalsafleggjara og svo niður í
Lundarreykjadal.
Tilefni þessa pistils míns er að í
báða enda þessarar leiðar hafa ver-
ið sett upp skilti þar sem tilkynnt er
um lokun leiðarinnar, hluta laugar-
dagsins 1. september nk. Vegur
þessi hefur verið lítt skemmtilegur
yfirferðar.
En nú bar svo við á síðasta ári að
gerðar voru verulegar lagfæringar á
umræddri leið. Og var, muni ég rétt,
eytt í veginn tæpum 40 milljónum!
Þessar vegabætur voru að mínu
mati fullkomlega tímabærar þvi
talsverð umferð er um þessa leið á
sumrin. Og sjálfur fer ég hana nokk-
uð oft á ári.
Þessi leið hefur til margra ára
verið vinsæl „rallíleiö", enda vegur-
inn verið grófur, hlykkjóttur og all-
ur hinn versti yfirferðar - og því lít-
iU skaði að slíkum keppnum. - Allt
síöastliðið sumar var þessi leið
dýrðleg til aksturs, vegurinn nánast
rennisléttur og mjúkur yfirferðar -
búið að byggja hann upp að stórum
hluta að nýju og bera ofan í hann
allan svonefnt „harpað“ efni.
En Adam var ekki lengi í paradís!
Strax síöasta sumar var fyrsta „raU-
inu“ hleypt á veginn. Ég ók þessa
leið tveimur vikum fyrir „raUið“ og
svo viku eftir það. Og það verður að
segjast eins óg er að það tjón sem
þetta eina rall hafði valdið var eig-
inlega ólýsanlegt. Nýi og fini ofaní-
burðurinn, sem lagður hafði verið á
allan veginn fyrr um sumarið, hafði
„Ég ók þessa leið tveimur
vikum fyrir „rallið“ og svo
viku eftir það. Og það verð-
ur að segjast eins og það er
að það tjón sem þetta eina
rall hafði valdið var eigin-
lega ólýsanlegt. “
sópast af honum á stórum köflum í
tonnatali.
Um fátt annað hefur verið rætt og
ritað siðustu vikur en sóun og/eða
misnotkun á almannafé. Um þetta
hefur mest verið rætt í tengslum við
ákveðna menn, eða ákveðnar fram-
kvæmdir á vegum opinberra aðila.
En einnig hafa atburðir síðustu
vikna vakið almenna umræðu um
meðferð á almannafé.
Þær leiðir sem eru mönnum til-
tækar til þess að sóa fé skattborgar-
anna eru að sjálfsögðu ótalmargar
og það er meira að segja ekki nauð-
synlegt að brjóta lög til þess. Það er
augljóslega ekki ólöglegt að heimila
„rall“ á viðkvæmum vegi sem nýbú-
ið er að eyða tugum milljóna í að
laga, en það er í mínum huga ekkert
annað en gróf sóun á almannafé!
Ég vil þvi skora á þá sem hafa
með málið að gera, sem eru að sjálf-
sögðu Vegagerðin og sýslumenn
þeirra umdæma sem vegurinn ligg-
ur um, að koma í veg fyrir frekari
eyðileggingu á umræddri leið með
því að heimila ekki fyrirhugaða
keppni þar.
Þungaflutningar á þjóövegi
Þeir fari aö reglum.
Vörubílar víki
M.Ó. hringdi:
Ég er ekki óvön því að aka á þjóð-
vegum landsins, og þannig hef ég t.d.
ekið leiðina milli Selfoss og Reykjavík-
ur æði oft. Þetta ástand sem skapast
hefur smám saman, að vörubílar og
aðrir þungaflutningabílar aki í röð er
ekki viðunandi. Ekki síst vegna þess
að þar sem þessum bílum er ætlað að
vikja fyrir annarri umferð, svo sem á
vissum vegaröxlum, gera þeir það
ekki. Þessi háttur vörubílstjóra að aka
Scunan i eins konar „convoy" er lík-
lega eftiröpun frá öðrum löndum þar
sem þetta tíðkast. En vegir hér eru
ekki enn orðnir sambærilegir og þvi
verða vörubílstjórar að átta sig á regl-
um sem hér gilda fyrir þá á vegunum.
Hópferðalög
þingmanna
Jón Jóhannsson skrifar:
Það þefur lengi tíðkast að íslending-
ar ferðist í hópum bæði landleiðis og
flugleiðis þegar þeir þurfa á fundi,
ráðstefnur eða annað sem tengir þá
saman. Þetta hafa líka þingmenn og
ráðherrar tíðkað þegar mikið liggur
við. Síðasta dæmi um þetta var þegar
þingmenn úr Sjálfstæðisflokki og
Samfylkingunni héldu fundi sína á
Egilsstöðum. Þarna var um stóran
hóp þingmanna að ræða, ásamt ráð-
herrum, gott ef ekki allir ráðherrar
Sjálfstæðisflokksins. Mér fmnst það
ekki ábyrg framkvæmd ráðamanna að
ferðast svo margir saman í einu í flug-
vél, hvort sem það er hér á landi eða
til útlanda. Gætið að þessu, þið í
stjórnsýslunni.
Batnandi mönnum ...
Hrefna Anna Þorkelsdóttir nemi:
Einhvers konar matreiöslubraut.
Eva Hlín Samúelsdóttir nemi:
Ég myndi vilja bæta viö spænsku.
Of jarlar ríkisrekstursins
Páll Sigurösson
skrifar:
Sífelldur þrýstingur og. kröfur
hinna . ýmsu sérhagsmunahópa á
hendur ríkisins endar ekki nema á
einn veg. - Niöurstaðan verður
þjóðargjaldþrof og það verður
fröken Neyð sem á endanum horfir
yfir sviðið og hrósar sigri. Kröftug-
ustu hóparnir láta ekki lengur
nægja að senda frá sér yfirlýsingar
eða áskoranir til hins opinbera sem
koma skal til hjálpar samstundis,
heldur fjölmenna á fundi, ýmist til
ráðherra hinna ýmsu fagráðuneyta
eða beint til forsætisráðherra til að
sækja aukin fjárframlög.
Nú stefnir í 3 milljarða króna
halla hjá Tryggingastofnun ríkisins
„Niðurstaðan verður þjóð-
argjaldþrot og það verður
fröken Neyð sem á endan-
um horfir yfir sviðið og
hrósar sigrí. “
vegna hins svokallaða „öryrkja-
dóms“ sem kveðinn var upp af
Hæstarétti fyrir nokkrum mánuð-
um.
Lyfjakostnaöur og framúrkeyrsla
í lífeyristryggingum er sögð nema
rúmum tveimur milljörðum króna
og setur Tryggingastofnun í um 3
milljarða króna halla á ársgrund-
velli.
En þetta er bara eitt og afmarkað
dæmi. - Það er skrattast i ríkis-
stjórninni dag hvem til að kría út
peninga. Þar eru að verki sjómenn,
útgerðaraðilar smábáta, allir hópar
heilbrigðiskerfisins, þ.m.t. læknar
og hjúkrunarfræðingar, bænda-
stéttin, garðyrkjubændur meðtaldir
og Samtök iðnaðarins. Og nú koma
einnig Samtök atvinnulífsins, sem
krefjast þess að stjómvöld komi í
veg fyrir gjaldþrotahrinu, sem er
sjálfskaparvíti fyrirtækja sem hafa
farið offari í eyðslu, líkt og allir
hinir sem hvað stífast sækja fundi
með stjórnendum í kerfinu til að
láta skrá sig, hver til sinnar borgar,
líkt og segir í guðspjallinu. - Já,
upp með budduna, niður með þjóð-
arstoltið!
.jmmBm
Erfitt hjá Össuri
Það eru blikur á lofti í pólitíkinni og enn á ný
eru það virkjunarmálin sem rugga gamla fjór-
flokknum - sem að vísu er nú kominn í nýjan
búning - hressilega. DV segir af því frétt í gær
aö óánægja meðal austfirskra samfylkingar-
manna sé veruleg með afstöðu forustunnar og
Smári Geirsson, einn af foringjum flokksins og
máttarstólpum, segir þar að vissulega séu menn
að stinga saman nefjum og ræða sína stöðu. í
Garra huga er þetta náttúrlega ekkert annað en
stríðsyfirlýsing frá Smára í garð forustunnar,
jafnvel þó hún sé kurteislega orðuð. Menn mega
ekki láta kurteisina blekkja sig þegar pólitíkin
er annars vegar, því eins og Grímur Thomsen
sagði í den þá er hún þannig að „í góðsemi þar
vega menn hver annan“. Engin ástæða er því til
að gera lítið úr þeim ágreiningi sem upp er kom-
inn í flokknum og i raun má velta því fyrir sér
hvort ekki muni koma til erfiðleika í fleiri flokk-
um vegna virkjunarmálanna á næstunni.
Klofnlngur er víða
Þannig er t.d. viðbúið að í Framsókn muni
menn finna fyrir þessu, en þar á bæ er löng hefð
fyrir náttúruverndarsinnuðu flokksbroti sem að
vísu er dreift um landið en ekki samþjappað á
einu tilteknu landsvæði. Klofningstilhneigingin
gæti því dunið á Framsókn með öfugum for-
merkjum við það sem er að gerast hjá Samfylk-
ingunni enda er flokksforusta Framsóknar mjög
afgerandi virkjanasinnuð. Svipaðrar tilhneiging-
ar gætir reyndar líka hjá Sjálfstæðisflokknum,
þar sem ýmis öfl í flokknum hafa lítinn áhuga á
virkjanapólitík forustunnar. Það er einna helst
VG sem gengur samhent til leiks í þessum efn-
um, enda eru þar nær allir á móti virkjanafram-
kvæmdum, punktur. Vandinn er hins vegar mest
aðkallandi hjá Samfylkingunni og þar hljóta
menn að spyrja sig hvað Össur sé að hugsa. Ætl-
ar hann að kljúfa flokkinn eða mun hann reyna
að koma til móts við sitt fólk?
Erfitt úrlausnarefni
Garra hefur sýnst að Össur sé maður mikilla
sátta og samfylkinga og það er ekki lengra síðan
en um helgina aö hann bauð Einari Oddi upp á
pólitískt bandalag gegn ríkisstjórninni í smá-
bátamálum. Því má svona fyrirfram reikna með
að Össur skreppi austur til að tala við sína
menn. Gallinn er hins vegar sá að hvorki hann
né aðrir forustumenn Samfylkingarinnar geta
fariö að bakka í andstöðu sinni við Kárahnjúka-
virkjun án þess að gengisfalla sem stjórnmála-
leiðtogar. Hver tekur mark á fólki sem segir eitt
í dag og annað á morgun? Það gengur ekki upp
þegar um slík stórmál er að ræða. Það verður
því fróðlegt að fylgjast með hvernig Össur leysir
þetta erfiða verkefni. Gerist það með því að Öss-
ur þaggar með davíðskum hætti niður í gagn-
rýni Austfirðinganna? Eða tekst honum að
lempa málið til þannig að allir verði ánægðir?
Eða ákveður hann kannski að gera ekki neitt og
sætta sig við klofning í flokknum í þessu máli?
Svörin við þessum og fleiri spurningum munu
koma í ljós í næstu þáttum af framhaldsþáttaröð-
inni: „Samfylkingin - nýtt stjórn-
málaafl festir sig í sessi!“ Gðfll
Snorri Jónsson skrifar:
í grein í Mbl. eft-
ir Sigurð G. Guð-
jónsson hrl. og
stjórnarform. í
Norðurljósum sem
rekur m.a. Stöð 2
má greina breyttan
takt og tón hjá
þessum ágæta lög-
manni, sem hingað
til hefur ekki hátt
lof haldið þeim
Hannesi Hólmsteini Gissurarsyni og
fleiri úr röðum sjálfstæðismanna. Nú
telur Sigurður að þakka beri þeim
einstaklingum í Sjálfstæðisflokki sem
veittu frumvarpi til útvarpslaga
brautargengi árið 1985 fyrir framlag
þeirra fyrir baráttunni fyrir afnámi
ríkiseinokunar á öldum ljósvakans.
Ég segi: Batnandi mönnum er best að
lifa og þakkir á lögmaðurinn skilið
sjálfur fyrir að stuðla að vináttu allra
dýranna í skóginum.
Athugasemd
Flugmálastjórnar
Jðhann Sigurðsson hringdi:
Ég rak augun í „Athugasemd frá
Flugmálastjórn" í nýlegu Fréttablaði,
þar sem gagnrýnd var frétt blaðsins
um ástæðuna fyrir því að flugvélinni
TF-GTI var gert aö hætta við lendingu
á Reykjavíkurflugvelli rétt fyrir slysið
hörmulega fyrir rúmu ári. - í athuga-
semdinni var sagt að hvorki sú stað-
reynd né það að flugvél sem fyrir var
á flugvellinum var ekki komin af flug-
brautinni réði því að flugmanni TF-
GTI var sagt að hætta við lendingu.
Það hefði verið fjarlægðin og afstaðan
milli flugvélanna sem réði því að flug-
manninum var sagt að hætta við lend-
ingu. - Ég sé ekki neinn mun á þessu,
og skil því ekki þessa „röksemd"!
DV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@ff.is
Eöa sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.
Sgurður G.
Guðjónsson hrl.
Allir orðnir vinir.