Dagblaðið Vísir - DV - 15.11.2001, Blaðsíða 25

FIMMTUDAGUR 15. NOVEMBER 2001
45
I>V
Tilvera
Lopez býður í
partí í Svíaríki
Magðalena Svíaprinsessa ætlar að
skjótast heim til Stokkhólms um eða
eftir helgi til að fara í heljarinnar
partí sem kynþokkadísin Jennifer
Lopez ætlar að halda fyrir flna fólkið
i Sviariki. Magðalena er annars bú-
sett í London um þessar mundir. Vict-
oria stóra systir verður líka með.
Jennifer Lopez gerir sér vonir um
að auka vinsældir sínar í Evrópu með
því að leggja upp í tónleikaferð um
gömlu álfuna. Auk konungsdætranna
tveggja verða í partíinu um fimm
hundruð manns, þar á meðal
rokksveitin Roxette.
Tom og Nicole
saman um jólin
Jólin eru hátíð barnanna. Það vita
þau Tom Cruise og Nicole Kidman
mætavel og ætla að láta sig hafa það
að verja þeim saman þótt þau séu
ekki lengur hjón. Barnanna vegna.
Nicole og börnin tvö verða austur í
Ástralíu, heimalandi Nicole, öll jól-
in. Og svo skemmtilega vill til að
frumsýna á nýjustu mynd Toms þar
í landi um jólin þannig að kappinn
lofaði að mæta og vera með börnun-
um og eiginkonunni fyrrverandi á
jóladag. Óvíst er hvort ný kærasta
Toms, hin spænska Penelope Cruz,
verður með i Ástralíuferðinni.
Mel B helgar
sig dótturinni
Kryddpían Mel B, sem um tíma
var uppáhalds tilvonandi tengda-
dóttir íslands, segist ætla að helga
sig uppeldi Phoenix Chi, tveggja ára
dóttur sinnar og göslarans Jimmys
Gulzars. Sú sé ástæðan fyrir því að
leiðir hennar og plötufyrirtækisins
Virgin hafi skilið. Ekkert sé hæft í
fullyrðingum sem hafa komið fram í
fjölmiðlum um að plötumenn hafi
haft frumkvæðið og að þar með
væri sólóferli hennar lokið.
„Ég hef ákveðið að segja plötu-
samningnum lausum vegna Phoen-
ix,“ segir Mel sem vill ekki vera
langdvölum fjarri hnátunni, eins og
hún hefði annars orðið að gera.
Bíógagnrýni

Háskólabíó - Maðurinn sem^rét ir jr
CES200I:
kvikmyndahótíb i reykjavik
9.-H.K
Veisla fyrir augu og eyru
Maðurinn sem grét segir okkur sög-
una af Fegele (Claudia Lander-Duke),
lítilli gyðingastúlku sem elst upp í
miklu ástríki hjá fóður sínum (Oleg
Yankovsky) í litlu þorpi í Rússlandi á
þriðja áratugnum, uns faðir hennar
fer til Ameríku þar sem götur eru úr
skíragulli. Hann ætlar að senda eftir
dóttur sinni en áður en hann nær því
gerast ljótir hlutir í þorpinu og Fegele
flýr ásamt öðrum þorpsbúum. Hún
vonast til að komast til Ameríku til
pabba en eitthvað skolast til þannig
að hún endar í Englandi hjá prúðu en
skilningssljóu fólki og fær nafnið
Suzie. Þegar hún er vaxin úr grasi
(Christina Ricci) fer hún til Parísar
sem dansari og þar eignast hún rúss-
nesku vinkonuna Lolu (Cate
Blanchett) sem hefur það markmið í
lífinu að eignast ríkan mann, hittir
Biogagnrýni
Lola og Domino
John Turturro og Cate Blanchett í
hlutverkum sínum.
tenórsöngvarann ítalska, Dante Dom-
ino (John Turturro), með dásamlegu
röddina en andstyggilega innrætið og
sigaunann fagra og þögla Cesar
(Johnny Depp). Við kynnin fæðast hjá
Suzie alls kyns tilfinningar; henni
þykir vænt um Lolu, hún fyrirlítur
Dante og elskar Cesar - svo mikið
reyndar að hún hættir við að leita að
fóður sínum í Ameríku. En neyðist til
að endurskoða þá ákvörðun þegar
seinni heimsstyrjöldin skellur á og
nasistarnir nálgast Paris.
Ef það er eitthvað sem hún Sally
Potter getur (Orlando, Tango Lesson)
þá er það að segja sögu með myndum
frekar en orðum. Maðurinn sem grét
er þvílíkt augnayndi (meistaraleg
kvikmyndataka Vierny) að maður sit-
ur bergnuminn og horfir á Place de la
Concorde um nótt - autt fyrir utan
dökkhærðan mann á hvítum hesti elt-
an af ungri stúlku á hjóli... Litla
stúlku í feluleik við foður sinn í lág-
um skógi... Brún augu þunguð af sorg
- og svo mætti lengi telja. Myndirnar
lifa með manni en það gerir textinn
síður. Það er lítið um samtöl og þau
eru ekki eftirminnileg. Þetta skilar
sér stundum í furðu ástríðulausum
leik en þegar hinn þögli leikur tekst
er hann afar áhrifamikill. Ástríðan
grípur mann meira í gegnum tónlist-
ina sem er ótrúlega fallega flutt -
hvort sem það eru fegurstu aríur óp-
erubókmenntanna eða heillandi
sígaunatónlist sem kippir bæði í
hjarta og fætur.
Maðurinn sem grét er saga hug-
rekkis, ástar og fórna - gleymið ekki
vasaklút því það geta fleiri farið að
gráta en „maðurinn“.
Sif Gunnarsdóttir.
Leikstjórn og handrit: Sally Potter. Kvik-
myndataka: Sacha Vierny. Tónlist: Os-
valdo Golijov. Aóalleikarar: Christina
Ricci, Johnny Depp, Cate Blanchett, John
Turturro, Oleg Yankovsky, Harry Dean
Stanton, Claudia Lander-Duke
Laugarásbíó - Pollock iriri.
2001:
kvikmyndahátið i reykjavik
Hæðir og lægðir listamanns
Það var mikil sigurstund fyrir Ed
Harris þegar hann og Marcia Gay
Harden voru tilnefnd til óskarsverð-
launa fyrir leik í Pollock. Harris hafði
í tíu ár verið með hugann við mynd-
ina. Það er ljóst strax í upphafi að
Harris gjörþekkir Jason Pollock og
mynd hans er trú manninum og list
hans. Margir rammar í myndinni eru
nánast eftirlíking af raunveruleikan-
um. Þá hefur Harris lagt sig í líma við
að vera líkur Pollock í útlit. Bæði þeg-
ar hann var upp á sitt besta og þegar
hann er kominn í eigið víti, orðinn
subbulegur í útliti, hættur að mála og
drekkur eins og svampur. Harris fær
verðugan mótleik frá Marciu Gay
Harden sem leikur Lee Krasner sem
einnig er málari. Hún gerir sér grein
fyrir því að Pollock stendur henni
framar og fórnar sér fyrir hann; neit-
ar meðal annars að eiga barn með
honum svo hún geti einbeitt sér að .
frama hans og vamað þvi að brenni-
vín sé nálægt. Það reynist henni þó
ofraun og þegar brennivínið ræður
ferðinni er stutt í þunglyndið.
Poilock er lýsing á lífi listamanns-
ins, allt frá því hann er í skugganum
af evrópskum málurum sem lista-
heimurinn í New York dýrkar. Síðari
heimsstyrjöldin gerir það að verkum
að athyglin beinist að innlendum
listamönnum og þar verður fljótt
fremstur í flokki Jason Pollock. Samt
er það svo að þeir sem ráða í mynd-
listinni í New York eru ekkert sérlega
hrifnir af Pollock. Það eru bara svo
fáir góðir til að fjalla um. Þetta breyt-
ist þegar Pollock fmnur sinn eigin stíl
í fámenninu á Long Island. I skyndi er
hann orðinn mestur og bestur banda-
rískra málara. Þegar svo aðrir koma í
hans stað þolir hann það illa.
Pollock og Lee
Marcia Gay Harden fékk óskarinn
fyrir leik sinn og Ed Harris var til-
nefndur.
Þessi saga málarans er túlkuð á
beinskeyttan hátt og er athyglisvert
að fylgjast með Harris þegar hann er
að líkja eftir vinnubrögöum Pollocks.
Það er samt vöntun á dýpt í myndina.
Við fáum nokkuð skýra mynd af því
hvemig Pollock og Krasner höguðu
sér en ekki svo mikið hvað rekur þau'
áfram. Má velta sér upp úr sambandi
þeirra á ýmsa vegu án þess að fá ein-
hverja heildarsýn. Aðrar persónur
eru aukreitis og sumar eingöngu til
staðar vegna þess að þær voru tiL
Hvað sem þvi líður þá er Pollock
eftirminnileg og heiðarleg kvikmynd
og Ed Harris og Marcia Gay Harden
eru firnagóð. Hafa þau lagt mikið á
sig andlega og líkamlega til að gera
persónurnar sem líkastar þvi sem
þær voru.
Hilmar Karlsson
Leikstjóri: Ed Harris. Handrit: Barbara
Turner og Susan Emshwiller. Kvikmynda-
taka: Lisa Rinzler. Tónllst: Jeff Beal.
Leikarar: Ed Harris. Marcia Gay Harden,
Amy Madigan, John Heard, Jennifer
Connelly og Val Kilmer.
OVWND: BRINK
„Slatta gott tríó“
Sigríður Guönadóttir ásamt undirleikurunum Hirti Howser og Krístjáni Edel-
stein.
Sigríður Guðnadóttir aftur í sönginn:
Blanda á blá-
um nótum
Söngkonan góðkunna sem meðal
annars tók lagið með Jet Black Joe,
Sigríður Guðnadóttir, er farin að
láta í sér heyra aftur eftir nokkurt
hlé. I þetta sinri kemur hún fram
með píanóleikara og syngur bland-
aða tónlist „á bláum nótum," blues-
blandað popp og djassblandað
léttrokk, lög eftir Magga Eiríks,
Bitlana og fleiri mæta menn. Hjört-
ur Howser verður undirleikari
hennar og í kvöld verða þau tvö á
Kaffi Reykjavík ásamt gítarleikar-
anum Kristjáni Edelstein.
Sigríður segir þetta „slatta gott
tríó“ sem hafi veriö að æfa saman
að undanfórnu. En hvernig tónlist
skyldu þau ætla að flytja? „Þetta er
tónlist úr öllum áttum, eiginlega
bland í poka,“ segir söngkonan.
Hún ætlar svo að troða upp á Café
Romance á laugardag ásamt Hirti.
Þegar hún er ekki að syngja er hún
að vinna á Englakroppum sem er al-
hliða snyrtistofa og svo þarf hún
líka að sinna sex mánaða syni
sínum.
-Gun
Húsbréf
Utdráttur
húsbréfa
Nú hefur farió fram útdráttur húsbréfa í
eftirtöldum flokkum:
1. flokki 1991
3. flokki 1991
1. flokki 1992
2. flokki 1992
1. flokki 1993
3. flokki 1993
1. flokki 1994
1. flokki 1995
1. flokki 1996
2. flokki 1996
3. flokki 1996
40. útdráttur
37. útdráttur
36. útdráttur
35. útdráttur
31. útdráttur
29. útdráttur
28. útdráttur
25. útdráttur
22. útdráttur
22. útdráttur
22. útdráttur
Koma þessi bréf til innlausnar 15. nóvember 2001.
Öll númerin verða birt í Lögbirtingablaóinu. Auk þess eru númer
úr fjórum fyrsttöldu flokkunum hér aó ofan birt i Morgunblaðinu
fimmtudaginn 15. nóvember. Upplýsingar um útdregin húsbréf
liggja frammi hjá íbúðalánasjóói, í bönkum, sparisjóðum og
veróbréfafyrirtækjum.
s
Ibúðalánasjóður
| Borgartúni 21 1105 Reykjavík | Sími 569 6900 | Fax 569 6800