Dagblaðið Vísir - DV - 15.05.2002, Blaðsíða 2
2
Fréttir
MIÐVIKUDAGUR 15. MAÍ 2002
DV
Hörð átök formanns stjórnar Byggðastofnunar og forstjóra:
Hef orðið fyrir svívirðilegri nið-
urlægingu stjórnarformanns
- segir Theódór Agnar Bjarnason forstjóri en er ekki á förum
Theodór Agnar i
Bjamason, forstjóri [
Byggðastofnunar,
er harðorður i garð |
Kristins H. Gunn-
arssonar, stjómar-
formanns Byggða-
stofnunar, og vegna I
ummæla hans i DV
i gær. Þar sagði
Kristinn m.a. að
komið hefði verið
aftan að sér vegna bréfs starfs-
manna þar sem störf stjórnarfor-
mannsins vom gagnrýnd. Auk þess
hefur Kristinn gefið í skyn að bréf-
ið sé runnið undan rifjum forstjór-
Theodór Agnar
Bjarnason.
„Það er rétt að ég fékk bréf frá
hópi starfsmanna sem eru lykil-
menn í stofnuninni og hafa mikla
ábyrgð," segir Theodór Agnar
Bjamason. „Þeir sendu mér bréf
þar sem þeir óska eftir því að ég
beiti öllum ráðum til að knýja fram
umbætur og bætt samstarf við
stjórnarformanninn. Þetta var
skrifað til mín sem trúnaðarmál og
reyndar var afrit af bréfinu sent
viðskiptaráðherra og varaformanni
Kristinn H.
Gunnarsson.
stjórnar, Guðjóni
Guðmundssyni."
Theodór segir
ástandið í kringum
stofnunina orðið
mjög slæmt þó inn-
an stofnunar og
meðal starfsfólks sé
starfsandinn góöur.
„Tenging stofnun-
arinnar við stjóm-
arformanninn er
ekki í lagi. Kristinn segir í samtali
við DV að andmælaréttur sinn hafi
verið þverbrotinn. Þetta bréf var
sent mér sem trúnaðarmál og það
eina sem ég hef gert er að ræða
innihald bréfsins við ráðherra. Það
er eingöngu á valdi ráðherra að
taka á þessu en ekki mínu sem for-
stjóra. Ég vísa á bug þeim fullyrð-
ingum að ég hafi átt að kynna
Kristni máliö. Það er enginn nema
ráðherra sem getur það. Ég er skip-
aöur af ráðherra og ber samkvæmt
skipunarbréfi að lúta boðum ráð-
herra og síðan stjórnar stofnunar-
innar.
Ég vísa því líka alfarið á bug að
það sé komið aftan að Kristni H.
Gunnarssyni. Mér finnst hins vegar
afar óheppilegt að innihald þessa
bréfs, sem var trúnaður milli mín
og starfsmanna, sé komið til fjöl-
miðla. Ég hef ekki skilning á því
hvemig það hefur getað gerst.“
- Er ekki eitt af þínum hlutverk-
um sem forstjóra að leggja fram
ársreikninga. Hefur það verið gert
fyrir síðasta ár?
„Nei, ég fékk ekki að leggja árs-
reikninga fram til kynningar á
stjórnarfundi fyrir skömmu. Ég var
mjög ósáttur við það og það olli því
að ég gekk út af fundi.“
- Bannaði stjómarformaður þér
að tala á þeim fundi?
„Já, hann meinað mér að taka til
máls. Ég reyndi það ítrekað en ekki
var orðið við því. Það er þó ótví-
ræður réttur forstjóra að hafa fullt
málfrelsi og tillögurétt á stjómar-
fundum en ekki atkvæðisrétt."
Svívirðileg niðurlæging
- Hvemig lítur þú á slika fram-
komu við þig sem forstjóra?
„Ég lít á slika framkomu sem sví-
virðilega niðurlægingu sem ég
sætti mig ekki við. Þess vegna gekk
ég á dyr. Mér er falið að bera
ábyrgð á þessari stofnun og það
mun ég gera.“
- Hvemig er samstarfið við aðra
stjórnarmenn?
„Það er mjög gott og hefur alltaf
verið. Þetta eru úrvals einstakling-
ar og þægilegir í öllum samskiptum
og þau samskipti em heiðarleg.“
- Hvert er framhald þessa máls?
„Ég get á þessari stundu ekki
metið það. Annars er þetta á borði
ráðherra.“
- Verðið þið hugsanlega báðir að
víkja?
„Ég get ekki svarað því. Það er
ráðherra sem ákveður það.“
- Hvað með þá óánægju þína með
launakjör sem Kristinn vísar til í
DV?
„Það er algjörlega óskylt þessum
málum og mín launakjör hafa ekk-
ert með núverandi stöðu mála gagn-
vart stjómarformanni að gera. Ég
get hins vegar staðfest það að ég er
ekki á förum út úr stofnuninni,"
segir Theodór Agnar Bjamason.
-HKr.
Örlygur Hnefill, stjórnarmaður í Byggðastofnun:
Stofnunin þarf að
hafa starfsfrið
- starfsfólk að mestu leyti staðið sig frábærlega
Örlygur Hneílll
Jónsson, stjórnar-
maður í Byggða-
stofnun, segist ekki
geta tjáð sig um það
sem gerist á fund-
um stofnunarinnar.
DV spurði Örlyg
hvort hann kannað-
ist við að óánægja
forstjórans með
laun hefði komið
fram á stjómarfundum en hann
vildi ekki svara því. Hann vildi
ekki heldur svara spumingum um
hvort annaðhvort stjómarformað-
urinn, Kristinn H. Gunnarsson, eða
forstjórinn, Theodór Bjarnason,
yrði að vikja til að vinnufriður
skapaðist í stofnuninni.
„Mitt viðhorf er einfaldlega það
að svona stofnun þarf að hafa góð-
an starfsfrið og ganga vel til að geta
þjónað landsbyggðinni. Hvort menn
þurfa að vikja eða ekki til að laga
ástandið get ég ekki sagt til um. Það
er númer eitt tvö og þrjú að stofn-
unin starfi þannig aö hún fái starfs-
frið bæði út á við og inn á við.
Byggðastofnun er stofnun sem
landsbyggðin þarf virkilega á að
halda," segir Örlygur Hnefill.
Spurður hvort hann telji að
starfsfriður sé fyrir hendi segist
hann ekki sjá betur en stofnunin sé
virk. Hins vegar geti verið áhöld
um hvort hún geti ekki virkað enn
betur. Spurður hvort stjómarmenn
geti haft áhrif til að koma á friði
milli stjómarformannsins og for-
mannsins, játar Örlygur Hnefill að
auðvitað geti stjómarmenn lagt sitt
af mörkum í öllum málum. „En ég
fer ekki út í hugsanlegar deilur
milli tveggja einstaklinga. Það er
nýbúið að flytja stofnunina út á
land og á þessum tíma þarf að
vinna vel. Starfsfólkið sem er að
mestu leyti nýtt hjá stofnuninni
stendur sig að mínu viti alveg frá-
bærlega."
Kristinn H. Gunnarsson gerði í
gær athugasemdir við að andmæla-
réttur hans viö þungum ásökunum
sem fram komu í bréfi nokkurra
starfsmanna hefði ekki verið virt-
ur. í bréfinu er Kristni lýst sem e.k.
umboðsmanni umsækjenda og við-
skiptavina stofnunarinnar. Varla sé
fundafært í lánanefnd vegna yflr-
gangs. Þá sé framkomu Kristins
gagnvart starfsfólki ábótavant og
hann sagður sniðganga forstjórann.
-BÞ
Örlygur Hnefill
Jónsson.
DVWND HILMAR ÞÖR
Friðsamleg mótmæli á Hagatorgi
Birna Þóröardóttir, herstöðvarandstæðingur með meiru, var meðal fólks sem
í gær mótmælti vorfundi NATO sem haldinn er hérlendis. Mótmælin fóru frið-
samiega fram og sögn lögreglu voru fundarmenn á fjórða hundrað. Fundar-
menn söfnuðust saman á þeim hluta torgsins sem ekki er afgirtur vegna
fundarins og þar komu þeir sér upp táknrænni girðingu. Innan þeirrar girðing-
ar var öllum boðið að standa sem ekki hafa stríðsglæpi á samviskunni.
NATO-fundinum lýkur í dag.
Lítil framleiðsla hjá íslandsfugli fram í ágúst:
Yfirmönnum stórfækkað
- sölukerfi Norðlenska og íslandsfugls samræmt innan skamms
Miklar skipulagsbreytingar
hafa orðið á kjúklingabúinu ís-
landsfugli frá því nýir eigendur
keyptu fyrirtækið. Sigmundur
Ófeigsson, nýr stjómarformaður
íslandsfugls, segir að þeir hluthaf-
ar sem keyptir voru út séu hættir
störfum hjá félaginu. Þar má
nefna Auðbjöm Kristinsson, fram-
kvæmdastjóra félagsins, og fleiri
stjórnendur. Enginn fram-
kvæmdastjóri hefur verið ráðinn
frá því bankastofnanir og Norð-
lenska keyptu fyrirtækið.
Ofmönnun var í stjóm fyrirtæk-
isins, að sögn Sigmundar, og er
Ijóst að stjómunarstörfum mun
fækka verulega. Þrír lykilmenn
munu sjá um daglega stjórnun hjá
félaginu eftirleiðis: einn um fjár-
málin, annar um vinnslu og slátr-
un og þriðji lykilstjómandinn
mun sjá um svokallaðan lífmassa.
Norðlenska er ekki búið að ráða
framkvæmdastjóra enda er mjög
lítil framleiðsla hjá fyrirtækinu
sem stendur. Vegna sjúkdóma i
útlöndum hefur verið skortur á
kjúklingum og verður að bíða
þess fram í ágúst að framleiðsla
komist á fullt, að sögn Sigmundar.
Hann segir að þá fari menn að
huga að samnýtingu sölukerfis
Norðlenska og íslandsfugls og
ráða framkvæmdastjóra. Ekki
standi hins vegar til að sameina
Norðlenska og íslandsfugl.
Vegna sjúkdóma á Norðurlönd-
unum framleiða allir kjúklinga-
framleiðendur landsins miklu
minna af kjúklingum um þessar
mundir en þörf er fyrir á markaði.
Víða er lítið um fugla í búðum.
Flytja þarf inn allar stofnhænur
frá útlöndum en bæði eldi, varp
og útungun er einnig mjög vand-
meðfarið ferli, að sögn stjómarfor-
manns íslandsfugls.
-BÞ
PSSS23ES
Davíð hittir Berlusconi
Silvio
Berlusconi, forsæt-
is- og utanríkisráð-
herra Ítalíu, og
Davíð Oddsson for-
sætisráðherra hitt-
ast á Þingvöllum í
dag. Þar borða þeir
saman hádegisverð
en italski forsætis- og utanríkisráö-
herrann er hér á landi vegna vor-
flmdar NATO. Hann heldur heim á
leið í dag.
Uppsagnir
Flugþjónustan á Keflavíkurflug-
velli, sem sér meðal annars um að
hlaöa flugvélar fyrir Flugleiðir og
önnur flugfélög, flugvallareldhús og
annað sem viðkemur rekstri véla
sem fara um völlinn, sér fram á að
umsvifm dragist saman um 10-15%
næsta haust. - RÚV greindi frá.
Aukiö atvinnuleysi
í aprílmánuði voru 81.193 skráðir
atvinnuleysisdagar á landinu öllu.
Er þetta um 63,4% aukning frá apr-
íl í fyrra. Það þýðir að 3.692 hafi að
meðaltali verið á atvinnuleysisskrá
í mánuðinum. Jafngildir þetta um
2,6% af áætluðum mannafla á
vinnumarkaði í apríl 2002.
Fljúga hærra
Eftirlitsflugvélar vamarliðsins
voru látnar hækka flugið yfir
Reykjavík vegna Nato-fundarins úr
8.000 fetinn í 10.000 fet i gær vegna
kvartana íbúa um hávaða af þeirra
völdum. Vélarnar munu einnig
fljúga í víðari hring yfir borgina þar
til Nato-fundarhaldi lýkur.
Fjarvera vegna Nato-fundar
Foreldrar um 70 bama í Mela-
skóla tilkynntu skólastjómendum
að böm þeirra myndu ekki sækja
skólann meðan á fundi utanríkis-
ráðherra Atlantshafsbandalagsins
(NATO) stendur. Er það um 10% af
um 640 bömum á aldrinum 6-12 ára
í skólanum. - Mbl. greindi frá.
Þjást af síþreytu
Um 2.600, eða 1,4% íslendinga á
aldrinum 19 til 75 ára þjást af sí-
þreytu. Þar af eru 8 af hverjum 10
konur, 44 ára að meðaltali, sem
unnu langan vinnudag og flestar
ófaglærð störf. Þær töldu að upphaf
þreytunnar mætti rekja til mikillar
streitu og álags. Þetta kemur fram í
viðamikilli rannsókn 3 sérfræðinga
á Landspítala Háskólasjúkrahúsi. -
RÚV greindi frá.
Litluá
Pálmi Gunnars-
son, leigutaki í
Litluá í Keldu-
hverfi, segir veiði
hafa verið mjög
góða þrátt fyrir við-
varandi kuldatíð og
jafnvel hríðarbylji
og slyddu. Algengt
sé að þriggja daga hollin landi 60 til
70 sjóbirtingum sem þykir mjög
gott. - Mbl. greindi frá.
Ræddu fríverslun við Kanada
í gær átti Davíð Oddsson forsætis-
ráðherra fund á Keflavíkurflugvelli
með Jean Chretien, forsætisráðherra
Kanada, sem kom þar við á leið yfir
hafið. Rætt var um gerð fríverslunar-
samnings íslands og Kanada.
Samdráttur í skipaflutningum
Vöruflutningar með áætlunar-
skipum hafa dregist saman á Akur-
eyri um rúm 70% á aðeins 3 árum.
Hafnarstjórinn segir ástæðuna fyrst
og fremst stóraukna flutninga með
bílum. Hann segir að höfnin verði
að aðlaga rekstur hafnarinnar að
breyttum viðskiptaháttum. - RÚV
greindi frá. -HKr.