Dagblaðið Vísir - DV - 23.05.2002, Page 3

Framundan eru tvísýnar kosningar í Hafnarfirði. Talsverðar líkur virðast á því að valið standi
einfaldlega á milli áframhaldandi forystu sjálfstæðismanna eða afturhvarfs til vinstri stjórnar
Samfylkingarinnar. Það sýnist líka augljóst að einungis örfá atkvæði muni ráða úrslitum.
Sjálfstæðismenn hafa staðið við stjórnvölinn í Hafnarfirði síðastliðin fjögur ár. Þrátt fyrir þrönga
fjárhagsstöðu í upphafi kjörtímabilsins hefur Grettistaki verið lyft í bænum. Með vandaðri
stefnumótunarvinnu og áætlanagerð var kúrsinn settur á umtalsverða uppbyggingu eftir langt
tímabil stöðnunar og stjórnleysis. Samtímis var böndum komið á fjárhag bæjarsjóðs sem nú
stendur traustum fótum.
Hafnarfjörður hefur tekið miklum stakkaskiptum á skömmum tíma.Við leggjum verk okkar á
liðnum árum óhikað í dóm kjósenda og hvetjum þá til þess að kynna sér framtíðarsýn okkar í
stefnuskránni. Síðast en ekki síst hvetjum við stuðningsmenn okkar til þess að láta ekki sitt eftir
liggja á kjördag. Hvert atkvæði getur ráðið úrslitum og alltof oft hafa sjálfstæðismenn gefið
verulega eftir miðað við skoðanakannanir vegna slælegrar mætingar á kjördegi. Slíkt má ekki
henda nú.Til þess verður alltof mjótt á mununum.

oddviti sjálfstæðismanna í Hafnarfirði.
sé*

fólk

Hafnarfj&fTur %
www.xdhafnarfjordur.is