Dagblaðið Vísir - DV - 23.05.2002, Side 10
10
FIMMTUDAGUR 23. MAÍ 2002
Fréttir DV
Fijálslyndir
og óháðir
virtust sam-
kvœmt
skoðana-
könnun í vik-
unnibýsna
nœrri því að
koma manni að í
borgarstjóm.
Oddviti listans
svarar spumingum
um möguleika
flokksins í kosning-
unum, stefhuskrána
og fleira.
Nafn: Ólafur F. Magnússon
Aldur: 49 ára
Heimili: Reykjavík
Staða: Oddviti lista Frjálslynda
flokksins og óháðra
Efni: Borgarstjórnarkosningar
Hvað kostar kosningabarátta
ykkar og hver borgar fyrir hana?
Við rekum ódýra kosningabar-
áttu eins og fólk sér. Við höfum eina
skrifstofu og auglýsingar okkar eru
að mestu leyti heimatilbúnar. Við
teljum að heildarkostnaður verði
nálægt 5 milljónum króna. Við
munum þurfa að standa sjálf undir
þessum kostnaði ef framlög
hrökkva ekki fyrir honum. Þau hafa
því miður verið lítil. Ég vona hins
vegar að ekki sé hægt að kaupa
kjósendur með stanslausu auglýs-
ingaflæði. Ég tel að við höfum það
góðan málstað og góðan lista að við
eigum að geta náð í gegn ef lýðræð-
ið er virkt.
Fólksfjölgun hefur verið marg-
falt meiri í nágrannasveitarfélög-
unum á þessu kjörtímabili. Er það
ásættanlegt?
Nei, það þarf að útrýma lóða-
skortinum og bjóða fram meira af
íbúðar- og atvinnuhúsnæði í borg-
inni. Hins vegar hefur það oft gerst
undanfarin ár og áratugi, að byggst
hafa upp nokkurs konar úthverfi
höfuðborgarinnar í nágrannasveit-
arfélögunum. Ég tel nauðsynlegt að
sameina sveitarfélögin sem fyrst til
þess að skipulag verði með lang-
tíma- og heildarsjónarmið í huga.
Ég vil helst líta á höfuðborgarsvæð-
ið sem eina skipulagslega heild.
Hver er að þínu mati mesti
vandi sem Reykjavík stendur
frammi fyrir?
Það held ég að sé fjármálastjóm
borgarinnar. Hún er að fara úr
böndum eins og sést best á gríðar-
legri skuldsetningu borgarinnar,
sérstaklega Orkuveitu Reykjavíkur
sem hefur verið farið illa með.
Lausnin er hins vegar ekki að koma
Sjálfstæðisflokknum til valda því
Yfirheyrsla
Olafur Teitur Guönason
blaðamaöur
hann hefur sýnt í ýmsum málum að
undanfornu að hann virðist eins og
R-listinn fara illa með almannafé.
Annar vandi sem er mér hugleik-
inn er skortur á því að velferðar- og
öryggisnetið í borginni sé með þeim
hætti sem við eigum að geta haldiö
uppi í jafnríku þjóðfélagi. Megin-
áhersla F-listans er einmitt breytt
forgangsröðun í þágu þeirra sem
þurfa á aðstoð og þjónustu að halda,
ásamt andstöðu við þátttöku
Reykjavíkurborgar í Kárahnjúka-
virkjun, sem mun skuldsetja hvern
einasta Reykviking um eina milljón
króna og klárlega verða rekin meö
tapi. Við þurfum að verja fjármun-
um borgarbúa til annarra og skyn-
samlegri verkefna.
Hver ber að þínu mati mesta
ábyrgð á þeirri miklu þörf sem er
fyrir ný hjúkrunarheimili fyrir
aldraða í Reykjavík: ríkisstjórn-
in, heilbrigðisráðherra eða borg-
arstjórn?
Heilbrigðisþjónustan í landinu er
fyrst og fremst rekin af ríkisvaldinu
þannig að sökin er ekki síður þar. Því
verður hins vegar ekki á móti mælt
að borgaryfirvöld hafa staðið sig slak-
lega í þessum málaflokki og sýnt lítið
frumkvæði. Nú stöndum við frammi
fyrir viljayflrlýsingu þessara aðOa um
þessi mál og ég sem velferðarsinni
hlýt að fagna henni. Ég gagnrýni
harðlega viðbrögð Sjálfstæðisflokks-
ins við henni. Þótt það sé kosninga-
lykt af þessu er aðalatriðið það, að
þetta er mjög gott fyrir þá sem þurfa
á þessari þjónustu að halda.
Hafið þið reiknað út hvað stefiiu-
skrá ykkar kostar?
Nei, við höfum ekki verðlagt hana
út í æsar enda varðar hún fyrst og
fremst breytta forgangsröðun. Styrk-
ing velferðar- og öryggismála í borg-
inni er ekki mjög kostnaðarsöm held-
ur fyrst og fremst spuming um for-
gangsröðun. Gæluverkefni stjórn-
málamanna eru að soga til sín fé frá
nauðsynlegum verkefnum í þágu
þeirra mála sem við setjum á oddinn.
Dugar breytt forgangsröðun eða
bendið þið á nýjar fjáröflunarleiðir?
Það er svo víða sem þarf að breyta
um fjármögnunaraðferðir i þjóðfélag-
inu. Bæði meö því að nýta betur sam-
eiginlega sjóði og með því að fjár-
magna þá með öðrum hætti en gert er
í dag. Það er ljóst að hinn almenni,
vinnandi maður leggur meira til sam-
félagsins en margt vellríkt fólk, sem
fer fjölgandi hér á landi. Það eru til
peningar í samfélaginu til að halda
hér uppi öflugu velferðarkerfi. Ein-
faldasta dæmið sem snýr að Reykvík-
ingum er hins vegar að hætta sukkinu
með fjármuni Orkuveitu Reykjavíkur
og skuldsetja ekki borgina með þátt-
töku í Kárahnjúkavirkjun. Ég er
raunar eini aðalborgarfulltrúinn sem
er andvígur því einstæða máli.
Þið segist vilja gera lögregluna
sýnilegri í borginni. Hvemig ætiið
þið að tryggja það?
Þetta er auðvitað samstarfsverkefni
borgarinnar og dómsmálaráðuneytis-
ins. Það verður að nást samkomulag
um að efla löggæsluna og við teljum
einfaldlega nauðsynlegt að lagt verði
út í þann kostnað sem því fylgir.
í hvaða málxun öðrum en þeim
sem tengjast Kárahnjúkavirkjun
ertu helst ósammála stefnuskrá
Sjálfstæðisflokksins?
Ég set hana nú í gæsalappir því
hún er ekki stefnuskrá heldur loforða-
listi. Það er í raun verið að fela stefnu
flokksins, til dæmis hvað varðar
einkavæðingu Orkuveitu Reykjavík-
ur. Ég veit að flokkurinn hyggst selja
hana, þótt það segi ekki í stefnu-
skránni, og koma henni í hendur
hinna geysisterku peningaafla. Ég er
aftur á móti sammála ýmsu í stefnu-
skránni, t.d. því að selja beri
Linu.Net.
Hvað með stefiraskrá Reykjavík-
urhstans?
R-listinn hefur sagt að hans stefhu
sé best lýst með þeim verkum sem
hann hefur staðið fyrir í borginni.
Borgaryfirvöld hafa vissulega gert
ýmislegt vel eins og kröftug uppbygg-
ing leikskóla og grunnskóla í borginni
sýnir best. En þau hafa ekki haft góða
stjóm á fjármálum og leikið Orku-
veitu Reykjavíkur grátt. Það er því al-
veg ljóst að R-listinn þarf mikið að-
hald.
Ég er hins vegar sammála ýmsu í
stefnuskrá R-listans og vil raunar
leggja áherslu á að vinstrimenn
„eiga“ ekki málaflokka á borð við vel-
ferðar- og umhverfismál. Það veldur
mér heilabrotum ef einlæg barátta
mín í umhverfismálum skilar ekki
verðugum árangri í þessum borgar-
stjómarkosningum. Þá fer ég að velta
því fyrir mér hvort rauði þráðurinn
ráði ríkjum hjá t.d. Vinstri grænum
en ekki græni liturinn.
En ég held að stefnuskrá beggja
stóru framboðanna sé með þeim hætti
að það útiloki á engan hátt samstarf
mitt við þau eftir kosningar.
Þú hlýtur að geta sagt með hvorri
fylkingunni þú vfldir frekar starfa,
þótt báðar komi til greina.
Við stöndum að málefnaframboði
en ekki borgarstjóraframboði. Hvorki
Björn né Ingibjörg Sólrún eru borgar-
stjóraefni F-listans. Það er margt
ágætt fólk i báðum fylkingum og kom-
ist ég i oddastöðu verða byggðar brýr
þarna á milli og við munum starfa
með þeim sem eru reiðubúnir til að
vinna að okkar forgangsmálum, sem
eru velferðar-, öryggis- og umhverfis-
mál.
Ingibjörg Sólrún ætlar ekki að
setjast í stól borgarstjóra í stöðunni
7-7-1. Hvers vegna ættu þeir sem
vilja sjá hana sem borgarstjóra en
list vel á ykkar firamboð að taka
ykkur fram yfir hana?
Það dregur enginn í efa að Ingi-
björgu Sólrúnu er margt til lista lagt.
En hún hefur verið við völd í 8 ár og
það eru komin greinileg valdþreytu-
einkenni í stjórn R-listans. Eftir önn-
ur 4 ár held ég að við myndum sjá
fleiri slík einkenni og ný spillingar-
mál. Þess vegna er nauðsynlegt að
nýtt og óspillt afl F-listans komi að
stjórn borgarinnar næsta kjörtímabil.
Líkumar á því minnkuðu sam-
kvæmt skoðanakönnun á þriðjudag.
Ég held að við séum þvert á móti í
stórsókn. Við höfum verið á bilinu
4-5% en ég hef mjög sterka tilfmningu
fyrir því að við eigum a.m.k. 2%
meira fylgi í pípunum því að ýmsir
hópar sem styðja okkur koma lítið
fram i skoðanakönnunum; sjúklingar,
aldraðir, öryrkjar, útlendingar og
fleiri. Við munum koma á óvart á
kjördag og fólk má ekki láta hræða sig
frá því að kjósa okkur.
Forgangsroöun
í þágu umhverfis-
og velferöarmála
Stjórnmálamaðurinn Ólafur
Hvers vegna ertu í pólitík?
Ég hef frá blautu barnsbeini haft áhuga á stjórnmálum. Þetta er líklega
í blóðinu þótt ég sé ekki af stjórnmálamönnum kominn. Ég hef mikla þörf
fyrir að hafa áhrif á umhverfi mitt og samfélag og tel mig hafa haft nokk-
ur áhrif, sérstaklega í þeim málum sem eru mér mest hugleikin, en það
eru velferðar- og umhverfismál.
Hver er þinn stjómunarstíll?
Ég held að það sé ríkt í mér að koma fram við annað fólk sem jafningja.
Þannig að ég held að ég sé sanngjam og mildur stjórnandi sem tekur tillit
til skoðana samstarfsfólks og annarra.
Hver er fyrirmynd þfii í stjórnmálum?
Almennt er ég ekki hrifinn af mörgum atvinnustjómmálamönnum og
tel mig ekki til þeirra. Ég er fyrst og fremst læknir og hugsjónamaður en
ekki pólitíkus.
Hver er helsti styrkleiki þinn í stjómmálum og hver helsti veik-
leikinn?
Helsta styrk minn tel ég felast í einlægni og baráttuþreki. Ég kynntist
mótvindi í baráttunni fyrir vemdun Eyjabakka og þar skipti máli að hafa
úthald og þrautseigju. Ég kem lika hreint fram og held að fólki finnist ég
trúverðugur.
Veikleiki minn er líklega einna helst sá að mig vanti pólitíska slægð.
Annar veikleiki minn er um leið styrkur minn í læknisstarfmu, en ég er
svolítið tilfmninganæmur. Ég veit að andstæðingar mínir hafa stundum
reynt að spila inn á þennan veikleika. Ég held að mér hafi tekist að hafa
vald á þessu og ekki látið æsa mig upp í umræðum.
Hver er höfuðandstæðingur þinn í pólitík?
Það er sérkennilegt hvernig þetta hefur þróast. Ég kem úr fjölskyldu
sjálfstæðismanna, einkum í fóðurætt. Áður fyrr var höfuðandstæðingurinn
„rauða hætta“ kalda stríðsins, en sem betur fer er pólitíkin í dag ekki eins
svart og hvít. Ég held að höfuðandstæðingur minn og fólksins í landinu
séu þeir sérhyggju- og peningamenn sem vilja gína yfir eigum almennings
og sölsa þeim undir sig. Þvi miður er Sjálfstæðisflokkurinn orðinn undir-
lagður af þessum öflum. Það var ein meginástæða þess að ég sagði mig úr
honum. Ég vil hins vegar taka skýrt fram að þótt ég sé mikill velferðar-,
jafnréttis- og umhverfissinni er ég talsmaður heilbrigðs einstaklingsfram-
taks.
Finnst þér kosningabaráttan hafa verið heiðarleg?
Mér hefur ekki þótt hún nógu heiðarleg og ekki rikja nægilegt jafhræði.
Við höfum ekki það griðarlega flármagn og fjölmiðlaafl sem R-listinn og
Sjálfstæðisflokkurinn búa yfir. Ýmsir fjölmiðlar hafa verið okkur býsna
erfiðir, sérstaklega framan af kosningabaráttunni, og lagt okkur að jöfnu
við algjör smáframboð. Við erum miklu stærri og með sitjandi borgarfull-
trúa til tólf ára í fyrsta sæti. Við heföum frá upphafi átt að vera þriðja
aflið í umræðunni en svo hefur alls ekki verið. Morgunblaðið hefur valdið
mér vonbrigðum í þessu efni en þó alveg sérstaklega Stöð 2 sem fram að
þessu hefur aldrei átt viðtal við mig í allri kosningabaráttunni.