Dagblaðið Vísir - DV - 23.05.2002, Blaðsíða 27

Dagblaðið Vísir - DV - 23.05.2002, Blaðsíða 27
FIMMTUDAGUR 23. MAÍ 2002 27 Sport ur leikur íslenska liðsins íslendingar gerðu jafntefli við Norðmenn, 1-1, í Bodö - Jóhannes Karl skoraði markið af 45 metra færi íslenska landsliðið í knattspyrnu knúði fram hagstæð úrslit gegn Norðmönnum í vináttulandsleik þjóðanna í knattspyrnu í Bodö í Norður-Noregi í gærkvóld. íslenska liðið sýndi oft og tíðum stórgóða knattspyrnu, vörnin var traust og á stundum gerði íslenska liðið harða hríð að marki Norðmanna. Oft brá fyrir góðum samleik og var þetta tvímælaust góður undirbúningur fyrir átökin hjá liðinu á hausti komanda. Jóhannes Karl Guðjónsson kom íslendingum yfir á 5. mínútu með marki sem lengi verður í minnum haft. Hann tók aukaspyrnu af um 45 metra færi og boltinn lá í netinu. Markið skrifast á markvörð Norðmanna sem var búinn að hætta sér of framarlega út úr markinu. Norsku áhorfendurnir sem og leikmenn norska liðsins stóðu á öndinni á meðan íslenska liðið fagn- aði innilega frábæru marki. Norska liðið sótti meira eftir markið en hafði ekki erindi sem erfiði og Árni Gautur Arason markvörður var ör- yggið uppmálaö þegar á þurfti að taka. - Hörkuskoí í þverslána Jóhannes Karl var nærri búinn að bæta við öðru marki þegar skot hans beint úr aukaspyrnu hafnaði í þverslánni. Norðmenn komust næst því að skora í fyrri hálfleik þegar Öyvind Leonhardseh komst í gott færi en Árni Gautur varði mjög vel. Það var alveg ljóst að Norðmenn myndu blása enn frekar til sóknar í síðari hálfleik og það kom á daginn. Þegar um 15 mínútur voru liðnar af síðari hálfleik náðu Norðmenn að jafna. Sigurd Rushfeldt átti þá send- ingu á Ole Gunnar Solskjær sem skoraði með fóstu skoti rétt fyrir ut- an vítateig. Skotið var óverjandi fyrir Árna Gaut sem gerði þó heið- arlega tilraun til að verja. Nokkrum minútum síðar gerðist Solskjær aðgangsharður upp við mark íslenska liðsins en hann fór illa með upplagt tækifæri en þarna gat hann hæglega komið Norðmönnum yfir. Eftir jöfnunarmark Norðmanna var fátt um fína drætti en Sævar Þór Gíslason, sem hafði skömmu áður komið inn á sem varamaður, komst í gott færi en brást bogalistin. Lið Noregs: Thomas Myhre - Andre Bergdolmo, Henning Berg, Ronny Johnsen, John Arne Riise - Jo Tessem, Martin Andresen, Trond Andersen, Oyvind Leonhardsen - Ole Gunnar Solskjær, Steffen Iver- sen. Lið íslands: Árni Gautur Arason - Gylfi Einarsson, Bjarni Þorsteins- son, ívar Ingimarsson, Amar Þór Viðarsson - Jóhannes Karl Guðjóns- son, Ólafur Stígsson, Rúnar Krist- insson (Jóhann B. Guðmundsson 75.), Indriði Sigurðsson (Tryggvi Guðmundsson 80.) - Heiðar Helgu- son (Ólafur Örn Bjarnason 60.), Marel Baldvinsson (Sævar Þór Gíslason 83.). -JKS/GÞÖ Þaö var ekkert gefiö eftir í landsleik Noregs og íslands í Bodö í gærkvöld. Hér kljást þeir John Arne Riise, sem leikur meö Liverpool, og Jóhannes Karl Guöjónsson, sem er á mála hjá Real Betis á Spáni. Jóhannes Karl geröi mark fslands sem veröur lengi f minnum haft. DV-mynd Tom Melby/Bodö Verðum að gera betur í Evrópukeppni sagði Ole Gunnar Solskjær eftir leikinn Fyrirliði Norðmanna, Henning Berg, var allt annað en ánægður með dómara leiksins. „íslendingar eru mjög líkamlega sterkir og nýttu sér það enda fengu þeir að gera allt sem þeir vildu í friði fyrir lélegum dómara frá Wa- les. Annars var mark íslending- anna einstaklega fallegt. Engu að síður áttum við að nýta yfirburði okkar úti á vellinum til sigurs." sagði Henning Berg eftir leikinn. Ole Gunnar Solskjær var léttari án þess þó að vera ánægður. „Við lékum ekki nógu vel eftir að við fengum á okkur markið en náðum samt að skora og ég er ánægður með það. Við verðum samt að gera betur í Evrópukeppn- inni ef við ætlum okkur áfram þar," sagði Ole Gunnar Nils Johan Semb, þjálfari Norð- manna, hreifst að baráttuvilja ís- lendinga.____________________ „íslendingarnir gerðu ekkert nema að reyna að verja forskot sitt eftir að þeir skoruðu mark sitt. Það er alltaf erfitt að leika gegn svona stríðsmönnum eins og ís- lendingum. En við getum sjálfum okkur um kennt. Þrátt fyrir fallegt mark tslendinganna þá skoruðu þeir það eftir hroðaleg varnarmis- tök okkar," sagöi Semb landsliðsþjálfari. -GÞÖ Ole Gunnar Solskjær geröi jöfnun- armark Norömanna gegn íslend- ingum f Bodö f gærkvöld. Ónafngreindir menn sem þekkja vel til innan Alþjóða knattspyrnusambandsins telja öruggt að hinn gerspillti forseti sambandsins, Sepp Blatter, eigi auðvelt endurkjör í vændum þegar þing sambandsins verður haldið i lok þessa mánaðar í tengslum viö HM í Japan og Kóreu. Blatter, sem á sér marga óvildarmenn innan FIFA og knattspyrnuhreyfingarinnar al- mennt í heiminum, er sagður hinn öryggi sigurvegari í kjör- inu gegn Issa Hayatou frá Kamerún. Fróðir menn teha að Issa Hayatou muni ekki fá nema í mesta lagi 50 atkvæði af þeim 204 sem í boði verða á þinginu. Margir afbestu tennisleikur- um heims verða ekki meö á opna franska stórmótinu sem hefst í næstu viku. Þar má nefna Wimbledon-meistarann Goran Ivanisevic, Lindsay Davenport og Martinu Hingis. Einnig eru þau Roland Garros, Venus Williams og Anna Kournikova á mjög gráu svæöi og berjast við að ná heilsu fyrir mótið. Alvarlegust eru meiðslin hjá Goran Ivanisevic og Martinu Hingis. Víst er talið að meiðsli á öxl haldi Ivanisevic frá keppni í hálft ár og óttast er að meiðsli á ökkla hafi þegar bundið enda á ferilinn hjá Hingis. Hún fór í uppskurð i gær vegna meiðsl- anna og á næstu vikum og mán- uðum kemur í Ijós hvort ferill hennar er á enda runninn. Það kemur væntanlega í Ijós á sunnudaginn hvort Thierry Henry, leikmaður Arsenal, getur leikið með franska landsliðinu á HM í knattspyrnu. Henry er meiddur á hné og gat ekki leikið með franska liðinu gegn japönsku félagsliði í gær í leik sem Frakkar unnu, 5-1. Fleiri leikmenn franska liðsins eiga við meiðsli að stríða. Góðufréttirnar fyrir Frakka í gær voru þær að miðvallarleik- maðurinn snjalli, Zinedine Zida- ne, sneri aftur til Japans í gær eftir að hafa fylgst með fæðingu síns þriðja barns í Frakklandi. Leeds United hefur sett sókn- armanninn Lee Bowyer á sölu- lista vegna þess að hann neitaði að skrifa undir nýjan fimm ára samning við félagið. Viðræður á milli Lee Bowyer og Leeds hafa staðið síðan í desember á síðasta ári og engan árangur borið. Bowyer tilkynnti Leeds í gær að hann hefði tekið þá ákvörðun að semja ekki á ný við Leeds en hann á ár eftir af samningi sín- um við félagið. Danny Murphy, miðvallar- leikmaður Liverpool og enska landsliðsins, meiddist í gær á æf- ingu enska liðsins og er óvíst hvort hann getur tekið þátt í æf- ingum fram að keppninni. Danny Murphy er fimmti mið- vallarleikmaður enska landsliðs- ins sem meiðist nú skömmu fyr- ir HM. Jacques Villeneuve, fyrrum heimsmeistari í kappakstri, hef- ur staðið upp og gagnrýnt Mich- ael Schumacher harðlega fyrir framgöngu hans í síðustu Formúlu 1 keppni. „Látum vera þó Schumacher hafi tekið við skipunum frá liösstjórninni. Það sem fór verst í mig var að hann skyldi ekki hafa manndóm í sér til að standa á efsta þrepi verð- launapallsins eftir keppnina og afhenda öðrum keppanda sigur- launin. Schumacher átti auðvit- að að haga sér eins og maður en ekki láta skömmina yfirbuga sig svo algjörlega sem raunin varö á," sagði Jacques Villeneuve í gær. -SK ~

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.