Dagblaðið Vísir - DV - 24.05.2002, Blaðsíða 26

Dagblaðið Vísir - DV - 24.05.2002, Blaðsíða 26
- 26 FÖSTUDAGUR 24. MAÍ 2002 keppni í hverju orði Kristján til Fram Kristján Brooks, framlínumaður, gekk í raðir úrvalsdeildarliðs Fram í knatt- spyrnu í gær. Kristján lék á síðasta tíma- bili með Breiðabliki en þar áður með Keflvíkingum og ÍR. Kristján hafði upp- haflega ætla sér að taka frí frá knatt- spyrnuiðkun í sumar en snerist hugur þegar Framarar settu sig í samband við hann. Kristján hefur sýnt að hann er skæður framherji þegar hann nær sér á strik. í þannig formi mun hann eflaust nýtast Framliðinu vel í sumar. -JKS Logi Ólafsson, aðstoðarþjálfari Lilleström, ræðir um norska og íslenska knattspyrnu: Þroskandi og gaman aö takast á við þetta - Norðmenn segja niðurstöðuna í leiknum við íslendinga í Bodö afar sorglega Logi Ólafsson, aðstoðarþjálfari hjá norska lið- inu Lilleström, segir að Norðmenn séu mjög daprir með jafnteflið við íslendinga í Bodö í fyrrakvöld. Norðmenn segja niðurstöðuna í raun sorglega og knattspyrnan sem landslið þeirra leikur sé alls ekki árangursrík og þá sér- staklega gegn þjóðum eins og Islendingum sem draga lið sín mjög til baka á vellinum. Norð- menn töldu sér trú um að þeir væru hrokknir í gang eftir stórsigur á Japönum í síðustu viku en þegar á reyndi hafi það alls ekki gefið rétta mynd af liðinu. Logi Ólafsson gerðist aðstoðarþjálfari Lille- ström fyrir yfirstandandi timabil og ætti því að hafa nú þegar nokkurn samanburð á islensku og norsku knattspyrnunni. Jafntefliö óásættanlegt „Það má segja ótrúlegt að Norðmenn skuli ekki fá meira út úr leik sínum. Þeir státa af fimm framlínumönnum sem eru mjög góðir og landsliðsþjálfarinn lætur undan pressu að leika 4-4-2 og hætta að leika 4-5-1. í raun skiptir engu máli hvað þeir kalla þetta; á meðan þeir spila svona fótbolta þá skiptir uppröðunin á vellinum engu máli að mínu mati. Leikmennirnir hjá okkur í Luleström, sem horfðu á leikinn í fyrra- kvöld, segja það hreinan skandal hvernig norska liðið leikur. Þeir nái að jafna gegn ís- lenska liðinu sem í eru sumir leikmenn sem eiga ekki fast sæti með sínum liðum i Noregi. Þeir nái bara ekki upp i þetta, því miður. Við getum í þessu sambandi bent á aö Bjarni Þor- steinsson, Ólafur Stigsson, Gylfi Einarsson, Ind- riði Sigurðsson og Jóhann Guðmundsson eru menn sem ekki eiga fast sæti í sínum félagslið- um í Noregi. Þeir séu að leika gegn norskum leikmönnum sem margir hverjir eru að leika með toppklúbbum í Evrópu. Þegar þetta er haft til hliðsjónar fmnst Norðmönnum jafnteflið við íslendinga algjörlega óásættanlegt. Á hinn bóg- inn getum við hrósað okkar mönnum," sagði Logi. - Hvernig er norski boltinn í samanburði við þann íslenska að þínu mati? „Munurinn liggur fyrst og fremst í aðstöð- unni en hér í Noregi er mönnum gert kleift að æfa og spila við mjög góðar aðstæður. Enn frem- ur gera leikmenn í efstu deild í Noregi ekkert annað en að spila fótbolta. Frá því í janúar fram i mars vorum við hjá Lilleström í sex vikur á Spáni og þess á milli voru knattspyrnuhallirnar nýttar sem eru hér úti um allt. Aðstöðumunur- inn, sem snýr að þvi að verða betri knattspyrnu- maður, er allur mun betri í Noregi. Leikmenn þurfa ekki að hugsa um að fara til vinnu klukk- an átta á morgnana og mæta síðan á æfingar kllukan fimm að afioknum vinnudegi. Hjá öllum liðum í efstu deild eru menn hreinir atvinnu- menn í íþróttinni. Hvað annað áhærir er meiri hraði í norska boltanum og menn fá minni tíma með boltann. Það eru enn fremur fleiri sterkari einstaklingar sem skipa liðin hér en heima. Við getum auðvitað fundið leiki heima i íslensku deildinni sem jafnaðist á við það sem gerist í norsku deildinni. Ég hef lengi haft þá skoðun að við getum ekki flutt út heilt lið í norsku deild- ina til að standa sig vel. Ég er líka klár á því að margir leikmenn á íslandi myndu standa sig vel í norsku deildinni sem einstaklingar. Það hefur komið i ljós að leikmönnum sem koma frá íslandi finnst æfmgaálagið meira í Noregi, en reyndin er að hér í Lilleström erum við að æfa 10-12 slnnum í viku. Islensku leik- mennirnir hafa haft þá tilhneigingu að verða þreyttir og um leið að meiðast eins og reyndar norsku leikmennirnir lenda einnig í. Það tekur yfirleitt svona um eitt ár fyrir islensku leik- mennina sem hingað koma að aðlagast aðstæð- um hér. Indriði Sigurðsson, Lilleström, sem ekki lék mikið á fyrsta ári, lítillega meira i fyrra, er nú orðinn fastamaður og i mikilli fram- för. Gylfi Einarsson var meiddur i fyrra og þeg- ar hann var orðinn klár var annar búinn að taka stöðu hans. Hannes Sigurðsson, Viking, er hins vegar að byrja hér mjög vel og svona mætti telja. Yfirleitt er það nú þannig að þegar maður kemur beint úr íslensku deildinni hingað þá er um eitt ár í aðlögun að ræða." Gefur manni ákveöin tækifæri - Hvað með sjálfan þig? Finnst þér þetta vera góður skóli og þá um leið þroskandi fyrir þig sem þjálfari? „Já, ég er klár á því að þetta er góður skóli. Að vera hér gefur mér ákveðin tækifæri til að Loga Ólafssyni tfkar dvölln vel í Noregi en hann segir aö norska landslifiifi sé ekki afi leika árangursrfka knattspyrnu nú um stundir. róa mann niður. Mitt starf býður upp á það að ég þarf ekki að vera í frontinum og bera ábyrgð á öllu saman. Það gefur manni tækifæri á að velta þessu meira fyrir sér og ég hef þegar lært býsna mikið á þeim tíma sem ég hef verið hér úti. Mitt starf byggist á því að ég hef ábyrgð á einstaklingnum og er í ráðleggingum hvernig hann geti bætt sig og orðið betri leikmaður i okkar leik. Fyrir utan það að vera á æflngum með þjálfaranum og aðstoða hann. Þetta er þroskandi og mjög gaman að takast á við þetta." Einbeiti mér aö starfinu - Er þetta stökkpallur i eitthvað enn stærra? „Ég er ekkert að hugsa um þá hluti. Ég gerði við félagið tveggja ára samning í þessu starfi sem þeir kalla aðstoðarþjálfari og samhliða því sé ég um varalið félagsins sem leikur í 3. deild. Ég hef einbeitt mér að því að standa mig i því starfi sem ég sinni í dag. Það eru engin áform um að fara eitthvað ofar." - Sérðu það fyrir þér að þú eigi eftir að ílengj- ast í Noregi? „Maður veit aldrei hvað gerist í þessum efn- um. Knattspyrnuþjálfun er ekki verndaður vinnustaður þannig að ég læt hverjum degi nægja sína þjáningu. Mér líður ágætlega í Nor- egi og fæ að fara til íslands með ákveðnu milli- bili og svo fæ ég heimsóknir." - Finnst þér þú njóta þín betur í knattspyrn- unni i Noregi en heima á íslandi? „Það er sama hvað varðar þjálfara og leik- menn að aðstöðumunurinn er feikilega mikill. Ég hef fundið það lengi að það á vel mig að stunda knattspyrnuþjálfun. Það er mikill mun- ur fyrir mig að vera hér og getað stundað eitt starf heldur en að þurfa kannski að kenna fulla kennslu á daginn og þjálfa síðan á kvöldin. Of- an á þetta bættist jafnvel síðan að lýsa leikjum uppi á Stöð 2. Þannig að oft var dagurinn ansi langur, farið út klukkan hálfátta og ekki komið heim fyrr en klukkan hálftólf um kvöldið. Að því leytinu til er það ákveðinn draumur." Hugurinn hjá félagsliöunum - Heldur þú að Norðmenn eigi eftir að draga einhvern lærdóm af leiknum við íslendinga? „Þeir hafa verið að reyna að draga lærdóm af leikjum sem þeir hafa leikið undanfarið. Þeir gerðu þrjú mörk gegn Japönum og þá héldu þeir að vandinn við að skora væri að baki. Ég held að eftir leikinn við íslendinga séu þeir komnir niður á núllpunkt aftur en aftur á móti eiga Norðmenn að vera með sterkari einstaklinga en áður. Það sem vantar hins vegar í þetta er, eins og Atli Eðvaldsson komst að orði í norsku blöð- unum, að ef norska liðið hefði leikið með hjart- anum eins og það íslenska hefði það eflaust skorað 4-5 mörk. Hluti af skýringunni er að það er ekki eins gaman að vera í norska landsliðinu núna og það var á meðan hluti leikmanna var að koma sér fyrir hjá bestu liðum í Evrópu. í dag er hugurinn meira þar og þeir verða að hugsa meira um Manchester United, Leeds og Liverpool. Það eru ýmis teikn á lofti um það að þeir séu farnir að velja sér verkefni með lands- liðinu og fá félög sín til að senda inn meiðsla- vottorð þegar leikir eru. Þetta kann ekki góðri lukku að stýra. Ég get nefnt það að fyrir stuttu, eða í leiknum á undan Japan, voru 11 af 18 leik- mönnum sem tilkynntu forfóll vegna meiðsla. Félagi minn og gamall landsliðsmaður og knatt- spyrnusérfræðingur hjá norska sjónvarpinu, Jan Age FJortoft, sagðist ekki vera viss um að þeir hefðu allir verið meiddir þessir piltar ef þeir hefðu verið að fara að leika gegn Argent- ínu," sagði Logi Ólafsson í spjallinu við DV. -JKS

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.