Dagblaðið Vísir - DV - 27.05.2002, Blaðsíða 4

4
MÁNUDAGUR 27. MAÍ 2002
Fréttir DV
Sigrar og sárindi helgarinnar:
Fleiri glæstir sigrar en ósigrar
- en vonbrigði Vinstri grænna víða mikil
Þegar skoðaðar eru þær breytingar
sem urðu á fylgi framboða í stærstu
sveitarfélögum landsins í kosningun-
um í fyrradag kemur í ljós, að Sjálf-
stæðisflokkurinn í Mosfellsbæ vann
stærsta sigurinn en Fjarðalistinn í
Fjarðabyggð tapaði mestu.
Hvað snertir fylgi flokkanna á
landsvísu mega Sjálfstæðisflokkur og
Framsóknarflokkur ágætlega við una
með ríflega 40% fylgi annars vegar og
ríflega 20% hins vegar samtals í
stærstu sveitarfélögunum. Báðir
flokkar eiga staðbundna sigra og
ósigra og Sjálfstæðisflokkurinn hefur
nú hreinan meirihluta í fjórum sveit-
arfélögum á suðvesturhorninu í stað
tveggja áður.
Erflðara er að bera árangur ann-
arra framboða saman við síðustu
kosningar því nokkur sameinuð fram-
boð vinstrimanna eru horfin úr sög-
unni. Vegið meðaltal af fylgi Samfylk-
ingarinnar þar sem hún býður fram
ein og sér er ríflega 32%, eða allt frá
22,6% á Akureyri upp í 50,2% í Hafh-
arfirði. Vinstri hreyfmgin - grænt
framboð nær almennt talsvert minni
árangri en að var stefnt eða um 6%
fylgi víðast hvar.
Sigrar
Sá sem heldur velli í kosningum er
á vissan hátt sigurvegari, hvað sem
öðru líður. Þannig var R-listinn sigur-
vegari í Reykjavík þótt fylgi fram-
boðsins minnkaði um 1% frá síðustu
kosningum. Á sama hátt eru tvær
hliðar á „sigri“ sjálfstæðismanna í
Hafnarfirði; flokkurinn bætti við sig
ríflega 3% en engu að síður féll meiri-
hlutinn.
Þegar hins vegar eingöngu er lit-
ið á breytingar á fylgi er Ragnheið-
ur Ríkharðsdóttir, leiðtogi sjálfstæð-
ismanna í Mosfellsbæ, tvímælalaust
einn helsti sigurvegari kosning-
anna. Undir hennar forystu jók
Sjálfstæðisflokkurinn fylgi sitt úr
38,8% í 52,5% eða um þriðjung.
Flokkurinn var í minnihluta i Mos-
fellsbæ síðasta kjörtímabil en hefur
nú hreinan meirihluta.
Árangur Framsóknarflokksins í
Garðabæ er einnig einkar glæsileg-
ur. Undir forystu Einars Svein-
björnssonar jók flokkurinn fylgi sitt
úr 16,2% i 26,6%. Það er raunar
hlutfallslega mesta fylgisaukning
framboðs þegar skoðuð eru sveitar-
félög þar sem 2.000 eða fleiri voru á
kjörskrá.
Sigur Samfylkingarinnar í Árborg
er ekki síðri. I síðustu kosningum
náði Bæjarmálafélag Árborgar 27,5%
atkvæða en undir merkjum Samfylk-
ingarinnar náðist að bæta 13% við og
tryggja 40,7% fylgi.
Lúðvík Geirsson fylkti Samfyiking-
arfólki á bak við sig i Hafnarfirði og
náði hreinum meirihluta með 50,25%
atkvæða. Það er riflega 10% meira
fylgi en Alþýðuflokkur og Fjarðarlisti
fengu samtals í síðustu kosningmn.
Sigur Áma Sigfússonar, fyrrver-
andi borgarstjóra og nýs leiötoga sjálf-
OV-MYND PJERJR
Fallist í faöma
Margir glæstir sigrar unnust á laugardagskvöld en margir uröu fyrir sárum vonbrigöum. Jóhanna María Eyjólfsdóttir,
aöstoöarkona Björns Bjarnasonar, þakkar hér Birni samstarfiö í baráttu liöinna vikna eftir aö Ijóst varö aö hún skilaöi
ekki tilætluöum árangri.
stæðismanna i Reykjanesbæ, er
einnig meðal þeirra stærstu sem unn-
ust um helgina. Áma tókst að vinna
hreinan meirihluta, 52,8% atkvæða.
Undir hans forystu jók flokkurinn
fylgi sitt um tæp 8 prósentustig.
Siguröur Geirdal bæjarstóri vann
góðan sigur fyrir framsóknarmenn í
Kópavogi. Undir forystu Sigurðar hef-
ur flokkurinn bætt jafnt og þétt við
fylgi sitt í undangengnum tvennum
kosningum, nú síðast úr 22,6% í
27,9%.
Árangur Lista fólksins á Akur-
eyri undir forystu Odds Helga Hall-
dórssonar var mjög góður; hann
hlaut 17,8% atkvæða miðað við
11,5% siðast.
Ólafur Teitur
Guönason
blaöamaöur
Fréttaljós
Sjálfstæöisflokkurinn í Hafharfirði
náði sínu mesta fylgi í næstum þrjá
áratugi undir forystu Magnúsar
Gunnarssonar bæjarstjóra; flokkur-
inn bætti við sig ríflega 3% og hlaut
40,6% atkvæða.
Ekki má gleyma „nýliðum" sem
náðu víða góðum árangri. F-listinn
undir forystu Ólafs F. Magnússonar
náði óvænt inn manni i Reykjavík
með 6,1% atkvæða; Vinstri hreyf-
ingin - grænt framboð náði 20,5% í
fyrstu atrennu í Skagafirði undir
forystu Ársæls Guðmundssonar;
Biðlistinn í Fjarðabyggð náði 17%
atkvæða undir forystu Helga Selj-
ans; og Framsóknarflokkurtnn og
óháðir fengu tæp 16% í Vestmanna-
eyjum undir forystu Andrésar Sig-
mundssonar.
Sárindi
Erfiðara er að taka saman jafnlang-
an lista ósigra. Óhætt er þó að byrja á
Fjarðalistanum i Fjarðabyggð; hann
galt afhroð í kosningunum undir for-
ystu Smára Geirssonar. Fjarðarlistinn
hafði hreinan meirihluta, fékk siðast
52,7% atkvæða en nú aðeins 37,2%.
Meginskýringin er gott gengi nýlið-
anna í Biðlistanum því Sjálfstæðis-
flokkur bætti aðeins við sig 1,4% og
Framsóknarflokkur 3,5%.
Ekki var síður afgerandi fylgishrun
Framsóknarflokksins í Hafnarfirði.
Undir forystu Þorsteins Njálssonar,
eina bæjarfulltrúa flokksins,
minnkaði fylgið um nær helming úr
11,5% í 6,3%. Þorsteinn féll úr
bæjarstjóm og tók meirihluta B- og D-
lista með sér í fallinu.
Kastljósið hefur vitanlega beinst
mest að Sjálfstæðisflokknum í
Reykjavík. Fylgiö reyndist aðeins
40,2% sem er 5% minna en síðast og
umtalsvert áfall fyrir flokkinn, enda
minnsta fylgi sem hann hefur feng-
ið í sveitarstjómarkosningum í
Reykjavik þótt dæmi séu um mun
minna fylgi í þingkosningum. Sér-
framboð eins af borgarfulltrúum
flokksins á sinn þátt í því.
Enn meiri var þó skellur Sjálfstæð-
isflokksins í Vestmannaeyjum. Þar
minnkaði fylgið úr 58,9% í 46,8% eða
um 12 prósentustig. Nýtt framboð
Framsóknarmanna og óháðra setti
stórt strik í reikning sjálfstæðis-
manna í Eyjum og hirti 3% til viðbót-
ar af Vestmannaeyjalistanum.
Þijú framboð bættust við frá síð-
ustu kosningum í ísafjarðarbæ og
breyttu landslaginu umtalsvert.
Framsóknarflokkurinn hélt að vísu
sinu en sjálfstæðismenn misstu 43%
fylgi niður í 35% og Samfylkingin
(áður Bæjarmálafélag ísafjaröarbæj-
ar) sá á eftir enn meira fylgi; það fór
úr tæpum 40% niður í 23%.
Breytt landslag á vinstri vængnum
hefur sums staðar leitt til verri árang-
urs en í síðustu kosningum. í Kópa-
vogi hafði Kópavogslistinn þannig 3
bæjarfúlltrúa en vinstri grænir ná nú
engum og Samfylkingin aðeins tveim-
ur, þrátt fyrir að samanlagt fylgi
þeirra sé aðeins 3% minna en fýlgi
Kópavogslistans var.
Annað dæmi er Akranes; þar hafði
Akraneslistinn 4 bæjarfulltrúa en
Samfylkingin nær nú aðeins 3 og
vinstri grænir engum. Samanlagt
fylgi þeirra er um 4,5% minna en
Akraneslistinn fékk.
Almennt ná vinstri grænir ekki til-
ætluðum árangri - ná t.d. ekki inn
manni í Kópavogi þrátt fyrir að hafa
sama fylgi og F-listinn í Reykjavik.
Almennt hlýtur fylgi vinstri grænna
að valda þeim vonbrigðum; það er víð-
ast hvar ríflega 6% en undantekning-
amar eru 2,9% í Hafnarfirði og 20,5%
i Skagafirði. -ÓTG
Meirihlutinn 1 Kópavogi helt velli:
Bæjarstjórinn sigurvegari
Meirihlutinn í Kópavogi hélt velli í
kosningunum og vel það. Framsókn-
armenn bættu við sig einum manni
en Sjálfstæðisflokkur hélt sínum
DVA1YND HARI
Sigurvegarinn
Siguröur Geirdal á rökstólum.
fimm bæjarfulltrúum. Þeir síðar-
nefndu höfðu gert sér vonir um að
bæta við sig manni og ná þannig
hreinum meirihiuta en það fór á ann-
an veg. Á kosningavöku framsóknar-
manna í Kópavogi ríkti fólskvalaus
gleði langt fram eftir nóttu, enda besti
árangur sem bjartsýnustu menn
höfðu þorað að vona í höfn. Sigurður
Geirdal vill ekki viðurkenna að þetta
sé eingöngu hans persónulegi sigur,
það sé liðsheildin sem hafi skapað
þetta, og hann! Þegar Sigurður var
inntur svara við þeirri gagnrýni sjálf-
stæðismanna að framsóknarmenn
hefðu eignað sér allt það sem fram-
kvæmt hefði verið vel af meirihlutan-
um, sagði hann aðeins: „No comment.
Lestu bara blöðin. Auðvitað nýt ég
þess að hafa starfaö sem bæjarstjóri í
12 ár og búa hér í 40 ár og þekkja þar
með óhemju mikið af fólki. Meirihlut-
inn bætir við sig, annað vil ég ekki
segja um áframhaldandi meirihluta-
samstarf," segir Sigurður Geirdal.
Það var blendin gleði sem ríkti á
kosningagleði sjálfstæðismanna í Fé-
lagsheimilinu. Gunnar I. Birgisson,
oddviti sjálfstæðismanna, sagðist ekki
vera ánægður þótt þeir hefðu haldið
sínum fimm bæjarfulltrúum, enda
hefðu þeir tapað tveimur prósentu-
stigum. Framsókn væri greinilega að
njóta ávaxtanna af góðri vinnu meiri-
hlutans, en þeirra hræðsluáróður var
að sjálfstæðismenn væru að fá hrein-
an meirihluta og það þyrfti að hindra.
Það virtist hafa hrifið. Gunnar segir
að kannski hafi þeir verið of kurteisir
og hefðu átt að svara skeytum fram-
sóknarmanna af meiri hörku.
„Væntanlega munu allir tala saman
DV-MYNÐ HARI
Yfirvegun
Gunnar I. Birgisson lét ekki
spennuna slá sig út af laginu.
um meirihlutasamstarf á komandi
kjörtimabili, þ.e. milli okkar og fram-
sóknarmanna eða okkar og Samfylk-
ingar eða Framsóknar og Samfylking-
ar,“ sagði Gunnar I. Birgisson. -GG
Eiríkur Tómasson:
Minna um
útstrikanir
Eiríkur Tómas-
son, formaður yfir-
kjörstjórnar í
Reykjavík, taldi lík-
legt að minna hefði
verið um útstrikanir
á kjörseðlum i borg-
arstjómarkosning-
unum nú en fyrir
Qórum árum.
„Ég get að vísu
ekki staðfest neitt
um það, ég fylgdist ekki það náið
með því. Öllum þeim seðlum þar
sem strikað hafði verið yfir eitt eða
fleiri nöfn var bunkað saman og
þeir verða sendir til sérfræðings
sem fer yfir þá og reiknar út vægið.
En það þarf svo mikið til að breyt-
ing verði á að ég held að niðurröð-
un frambjóðenda eigi ekkert eftir að
breytast," sagði Eiríkur í samtali
við DV. -esá
Eiríkur
Tómasson.
Helgl Hjörvar.
Uti í kuldanum
„Ég er í sjöunda
himni yfir sigri R-
listans í borginni,
þótt ég kæmist ekki
inn,“ sagði Helgi
Hjörvar brosandi
þar sem við trufluð-
um hann við garð-
sláttinn i gær.
Hann kveðst hafa
átt skemmtilega
kosninganótt enda verið lengst af
sem væntanlegur borgarfulltrúi þótt
betra hefði verið ef sú staða hefði
varað til morguns. Um úrslit kosn-
inganna sagði hann: „Ég átti upp-
haflega von á hörðum slag við D-
listann en þegar fylgi F-listans fór
úr 3% í 5,3% frá þriðjudegi til
fimmtudags, i skoðanakönnunmn,
gaf það til kynna að allt gæti gerst.“
Hann sagðist ekki kvíða verkefna-
skorti í framtíðinni, enda yrði hann
1. varaborgarfulltrúi og því virkur í
borgarmálunum áfram.
Kannski í sjónvarp
Gísli Marteinn
Baldursson var í
dynmum á leið upp
í bústað í gær. „Ég
var alltaf ákveðinn
í að slappa af
nokkra daga eftir
kosningamar,
hvernig sem þær
færu,“ sagöi hann
og viðurkenndi að
þær hefðu tekið í.
Hann sagði það stjómmálaskýrenda
að meta hver ástæða fylgishruns
sjálfstæðismanna í borginni væri.
„Við vorum með góð mál og góðan
lista og ég er sannfærður um að
okkar baráttumál eiga eftir að setja
svip á borgina, þótt R-listinn verði
við völd.“ Spurður hvað hann hygð-
ist taka sér fyrir hendur sagði hann
ekki ólíklegt að hann leitaði í ein-
hverja vinnu við sjónvarp. -Gun.
Hlutkesti varpað á
tveimur stöðum
Grípa þurfti til hlutkestis í Bolung-
arvík og Borgarbyggð til að skera úr
um úrslit sveitarstjómarkosning-
anna.
í Bolungarvík voru tveir listar í
framboði, D-listi sjálfstæðismanna og
K-listinn, borinn fram af bæjarmálafé-
lagi Bolungarvíkur, og hlutu þeir ja&-
mörg atkvæði. Sjálfstæðismenn unnu
hlutkestið og um leið hreinan meiri-
hluta í bæjarstjóminni. Atkvæði vom
þrítalin þar til gripið var til
krónupenings.
I Borgarbyggö kom upp svipuð
staða þar sem sæti níunda bæjarfull-
trúans gat annaðhvort fallið í skaut
framsóknarmanna eða L-lista Borgar-
byggðarlistans. Þeir síðarnefndu
unnu hlutkestið. 64 atkvæðisseðlar
voru auðir eða dæmdir ógildir og ætla
framsóknarmenn að kæra niðurstöð-
una. Standi niðurstaðan óbreytt eiga
sjálfstæðismenn 4 fulltrúa í bæjar-
stjóm Borgarbyggðar, Framsókn þrjá
og L-listinn tvo. -esá