Dagblaðið Vísir - DV - 22.08.2002, Blaðsíða 4

Fréttir
FIMMTUDAGUR 22. ÁGÚST 2002
T»'V
Maðurinn sem ráðist var á við Rekagranda í byrjun ágúst útskrifaður:
Minnisleysi þolandans
torveldar rannsókn
- læknar komu í veg fyrir dauða hans - málið rannsakað sem tilraun til manndráps
Á vettvangi giæpsins
Fórnarlambiö var meö mjög alvarlega áverka á höföi, höfuökúpubrotinn og haföi blætt inn á heila. Læknir telur aö
maöurinn heföi ekki lifaö árásina af ef ekki heföi komiö til skuröaögeröar í tíma.
22 ára karlmaður, sem ráðist var
á í Grandahverfi að morgni fostu-
dagsins 2. ágúst, var útskrifaður af
sjúkrahúsi Landspítalans í Fossvogi
á sunnudag, samkvæmt upplýsing-
um spítalans - sextán dögum eftir
að hann var lagður inn á bráðadeild
með lífshættulega áverka sem lækn-
um tókst að koma í veg fyrir að
yrðu manninum að fjörtjóni.
Tveir bræður, 20 og 21 árs, og fað-
ir þeirra, 43 ára Reykvíkingur, sitja
í gæsluvarðhaldi á Litla-Hrauni
vegna árásarinnar sem lögreglan
rannsakar sem tilraun til mann-
dráps. Samkvæmt heimildum DV
hefur þolandinn ekki munað hvers
vegna eða með hvaða hætti ráðist
var á hann. Lögreglan hefur tvisvar
reynt að yfirheyra hann á sjúkra-
húsinu.
Maðurinn var með mjög alvar-
lega áverka á höfði, höfuðkúpubrot-
inn og blætt hafði inn á heila. Enn-
isbein var brotið og stungusár voru
víða um líkamann. Sérfræðingur á
heila- og taugaskurðdeild Landspít-
alans telur að lifshættu hafi verið
afstýrt með skurðaðgerð sem mað-
urinn gekkst undir sama dag og
komið var með hann.
Vitni hélt að lík ...
Þegar lögreglan krafðist þess að
mennirnir yrðu úrskurðaðir í gæslu-
varðhald upplýsti hún að klukkan
11.08 framangreindan dag, föstudag-
inn í verslunarmannahelgi, hafi til-
kynning borist um blóðugan og ölvað-
an mann „sem studdur væri“ af tveim
bræðrum við Skeljagranda 4 í Reykja-
vík. Nokkrum mínútum síðar hafl lög-
reglunni borist tilkynning um að tveir
menn hefðu ýtt manni yfir grindverk
við leikskólann Gullborg að Reka-
granda 14. Tilkynnandi taldi að hugs-
anlega væri um lík að ræða. Þegar
lögreglumenn komu á vettvang fundu
þeir hinn slasaða á leikskólalóðinni.
Var hann fluttur í skyndi á slysa- og
bráðadeild Landspítalans í Fossvogi.
Handtökurnar
Hálfri annarri klukkustund eftir
fyrstu tilkynningu voru bræðumir
handteknir við bensínafgreiðslu við
Austurströnd á Seltjamamesi en þá
hafði verið ráðist á annan mann við
verslunarmiðstöðina við Eiðistorg.
Faðir þeirra var handtekinn á Eiðis-
torgi en hann var með áverka i and-
liti og „alblóðugur" eins og lögregl-
an tiltók fyrir dómi. Blóð reyndist
bæði á fatnaði hans og skóm.
Faðirinn hefur gefið þá skýringu
varðandi áverka sína að hann hafi
hlotið þá frá öðrum sona sinna er
hann gekk á milli hans og þoland-
ans er þeir voru að slást inni í íbúð-
inni. Reyndar segir faðirinn að hon-
um hefði verið sagt þetta en hann
muni það ekki sjálfur.
Samkvæmt vitnisburðum kom
fram að mikil læti höfðu borist frá
íbúð bræðranna að Skeljagranda
nóttina áður en þar hefur faðir
þeirra einnig dvalist - hávaðinn
hafi líkst því að um slagsmál hafi
verið að ræða, húsgögn hafi verið
færð til og mikill köll og læti borist
frá íbúðinni. Eitt vitni sem farið
hafi út úr húsinu snemma morguns
kvaðst hafa séð blóð á svalagólfi fyr-
ir framan íbúðina.
íbúðin árásarvettvangur
Þegar lögreglan rannsakaði íbúð-
ina kom í ljós blóð m.a. á veggjum
og gólfum. Þar fundust einnig skil-
ríki mannsins sem hafði fundist illa
slasaður á leikskólalóðinni. Vitni,
sem þekkir bræðuma sem búa að
Skeljagranda í sjón, bar að það hefði
séð bræðurna henda manni yfir
girðingu við lóð leikskólans.
Annar bróðirinn hefur játað að
hafa slegið hinn slasaða nokkrum
sinnum. Sá framburður skýrir hins
vegar ekki hina alvarlegu áverka
sem þolandinn hlaut. Faðirinn er
grunaður um að hafa veist hrotta-
lega að þolandanum í félagi við syni
sína, en fram er komið að hann var
í umræddri íbúð um nóttina.
Minnisleysi þolandans
Fimm dögum eftir árásina reyndi
lögregla að taka skýrslu af hinum
slasaða en það reyndist ekki unnt
vegna ástands hans. Sama var gert í
síðustu viku og það bar heldur ekki
árangur. Blóðsýni úr kærðu og
brotaþola voru send utan til Noregs
þar sem framkvæmd verður DNA
samanburðarrannsókn á þeim líf-
sýnum sem fundust í fatnaði og á
vettvangi.
Héraðsdómur Reykjavíkur og
Hæstiréttur hafa fallist á þau rök
lögreglu að feðgamir geti spillt
rannsókn málsins ef þeir ganga
lausir. Þar er aöallega vísað til þess
að annar bræðranna viðurkennir að
hafa ráðist á fómarlambiö en mikið
beri í milli framburðar hans og hins
bróðurins. Faðrinn ber, eins og
áður segir, við minnisleysi. -Ótt
Landssíminn:
Farsímar halda
uppi hagnaði
„Farsímakerfið heldur uppi stærst-
um hlutanum af hagnaði félagsins,“
sagði Heiðrún Jónsdóttir, upplýsinga-
fulltrúi Landssímans, en Síminn kynnti
í gær aíkomutölur sínar fyrir fyrri
helming ársins.
hagnaður þess tíma
er einn milljarður
króna. Þetta eru
veruleg umskipti í
reksti felagsins en
eftir sama tímabil í
fyrra var útkoman
390 miiljónir króna
gróði.
Þessi niðurstaða
er jafnframt i góðu
samræmi við áætlanir um afkomu sem
gerðar voru. í uppgjörinu gætir nokk-
urrar varúðarfærslna, meðal annars að
eignarhlutir Símans í öðrum félögum
eru færðir niður og hefur þetta áhrif á
afkomu félagsins.
Rekstrartekjur samstæðunnar á
tímabilinu voru 8.912 millj. kr„ saman-
borið við 9.130 millj. kr., en þá kom inn
í dæmið tæplega 400 milljóna króna
hagnaður vegna sölu á höfuðstöövum
Símans í miðborg Reykjavíkur. Rekstr-
argjöld á tímabilinu voru 5.713 miilj. kr.,
samanborið við 5.554 millj. kr. eftir
sama tímabil í fyrra.
„Við erum sátt við útkomuna. Fjár-
magnsliðimir eru okkur hagstæðir eins
og öðrum fyrirtækjum, Félagið hefur
sterka fjárhagsstöðu og góða markaðs-
stöðu,“ sagði Heiðrún og vekur athygli á
þvi að tekjur Símans aukist þrátt fyrir
sífellt harðnandi samkeppni. -sbs
Heiðrún
Jónsdóttir.
Ákvörðun um vanhæfi umhverfisráðherra:
Ekki að skipun frá
Davíð Oddssyni
- segir Siv Friðleifsdóttir sem óskaði álits á málinu
Bréf forsætisráðuneytisins 13. ágúst
um vanhæfi umhverfisráðherra til að
fjalla um hugsanlegar kærur vegna
Norðlingaöiduvirkjunar var svar við
Siv
Friðleifsdóttir.
beiðni umhverfis-
ráðherra um álit á
málinu. Þar var
ekki um að ræða
skipun Davíðs
Oddssonar, segir
Siv Friðleifsdóttir
sem segir ráðu-
neyti sitt hafa ósk-
að eftir áliti for-
sætisráðuneytis
með bréfi 12.
ágúst.
Siv Friðleifsdóttir sagði í samtali við
DV að hún hefði um nokkurt skeið vit-
að að hægt væri að draga mjög í efa
hæfi sitt til að úrskurða í málinu
vegna gamalla ummæla sinna í Rikis-
útvarpinu.
- Var ekki um neina skipun Davíðs
Oddssonar að ræða?
„Alls ekki. Við komumst að þessari
niðurstöðu í umhverfisráðuneytinu og
forsætisráðuneytið tók síðan af allan
vafa um það.
Bréf umhverfis- og forsætisráðu-
neyta.
Ég lét skoða þetta innan míns ráðu-
neytis og við komumst að því að það
væri hægt að draga mitt hæfi það mik-
ið í efa að rétt væri að ég viki. Mig
grunaði auðvitað að pólitískir and-
stæðingar vildu koma á mig pólitísku
höggi og draga þetta mat okkar í efa og
héldu því fram að maður vfldi hrein-
lega ekki úrskurða í málinu. Það er þó
alrangt því að mér finnst einmitt
verra að þurfa að víkja í þessu
máli. Þess vegna leituðum
við til forsætisráðuneyt-
isins til að taka af all-
an vafa. Það kemur alveg
skýrt fram hjá þeim að
þeir telji eðlilegt að ég viki
sæti þar sem með réttu sé hægt
að draga hæfi mitt í efa.
Að sitja sem umhverfisráðherra
og upplifa þetta sýnir mér enn frek-
ar en áður að það verður að endur-
skoða lögin um ábyrgð umhverfisráð-
herra. Samkvæmt lögunum er hægt að
binda ráðherrann í allri umræðu um
tiltekin mál. Ég veit ekki til að það sé
nokkur annar ráðherra í heiminum í
sömu stöðu og ég.
Við þurfum líka að endurskoða lögn
með tiHiti til þess að Skipulagsstofnun
er að úrskurða og segir já eða nei við
ákveðnum framkvæmdum. Það er eng-
in slík stofnun sett í slíka stöðu erlend-
is. Okkar löggjöf er því tölvert frá-
brugðin því sem gengur og gerist í öðr-
um löndum." -HKr.
Akureyrarbær:
Töluverður
launamunur
- milli kynjanna
Töluverður launamunur er milli
kynja hjá æðstu stjómendum Akur-
eyrarbæjar skv. könnun sem kynnt
verður bæjarráði
í dag. Á fundi
jafnréttis- og íjöl-
skyldunefndar i
vikunni var
könnunin kynnt
en innihald
hennar er trún-
aðarmál þangað
til að loknum
fundi bæjarráðs í
dag, að sögn
Bjöms Snæbjömssonar, formanns
nefndarinnar. Heimildir DV herma
að ástandið sé talið óviðunandi.
Jafnréttis- og fjölskyldunefnd
óskaði á fundi sínum eftir að jafnrétt-
isfulltrúi og fulltrúi Rannsóknastofn-
unar Háskólans á Akureyri fengju að
koma á fund bæjarráðs og kynna
launakönnunina en RHA vann að
gerð hennar. Nefndin fer þess á leit að
bæjarráð geri viðeigandi ráðstafanir í
samræmi við jafnréttisáætlun, fjöl-
skyldustefnu og starfsmannastefnu
Akureyrarbæjar. -BÞ
Björn
Snæbjörnsson.
Launagreiðslur
kúabúa lækka ár
frá ári
í erindi Jónasar Bjarnasonar, for-
stöðumanns Hagþjónustu landbún-
aðarins, á fundi Landssambands
kúabænda um afkomu kúabúa árið
2001 kom fram að launagreiðslugeta
kúabúanna hefur minnkað á milli
ára, en framlegðarstigið aukist og
var árið 2001 63,7 stig að meðaltali.
Enn fremur kom fram aö launa-
greiðslugeta á kúabúum hefur dreg-
ist saman annað árið í röð en hún
var árið 2001 2.505.000, árið 2000
2.553.000 og 1999 2.623.000. -NH
Bylting í vinnslu
lambakjöts
Valgerður Sverrisdóttir viðskipta-
ráðherra mun í dag gangsetja nýja
vinnslulínu frá Marel sem sérhæfð er
fyrir lambakjöt hjá sláturvinnslu
Norðlenska ehf. á Húsavik. Að sögn
talsmanna Norðlenska er hér á ferð-
inni hrein bylting í vinnslu lamba-
kjöts og stærsta framfaraskref á þvi
sviði um áratugaskeið. -BÞ
Þjórsárósar:
Leitað að
neyðarblysi
Tilkynning um að ljós frá fiórum
neyðarblysum sæjust á lofti yfir
Þjórsárósum barst lögreglunni á
Selfossi um hálfellefuleytið í gær-
kvöld. Lögreglumenn fóru á vett-
vang og Björgunarfélag Selfoss
sendi bíl til leitar en engin um-
merki um slys fundust. Þá leituðu
tvö skip, sem voru á siglingu
skammt frá, einnig en án árangurs.
Hvað þama var á ferðinni er þvi
hulin ráðgáta. -aþ
Lundarskóli á Akureyri:
250.000 kr.
skákstyrkur
Skólanefnd Akureyrarbæjar
ákvað á ftmdi sínum i vikunni að
styrkja skáksveit Lundarskóla
myndarlega til ferðalags til Svíþjóð-
ar. Lundarskóli hafði óskað eftir
ferðastyrk að upphæð kr. 375.000
vegna ferðar skáksveitar skólans á
Norðurlandamót grunnskólasveita
sem haldið verður í Rimbo í Svíþjóð
í september nk. Skólanefndin sam-
þykkti að veita styrk að upphæð kr.
250.000 vegna ferðarinnar en krakkarn-
ir í skáksveit Lundarskóla eru íslands-
meistarar grunnskóla i skák. -BÞ