Dagblaðið Vísir - DV - 12.11.2002, Blaðsíða 8
8
ÞRIÐJUDAGUR 12. NÓVEMBER 2002
DV
Fréttir
Lögregla fær Þjóðverja og íslending í gæslu vegna amfetamín- og hassmáls:
Tveir Þjóðverjar um sex
tugt í stórum málum
Leifsstöö
Þjóöveijinn sem tekinn var í Leifsstöö kvaöst vera Jree-iance“ blaöamaöur
þegar hann gaf sig fram aö fyrra bragöi viö tollveröi í Leifsstöö og var óvenju
ræöinn um menn og málefni tengd íslandi.
59 ára Þjóðverji og íslendingur
um þrítugt, þekktur hjá lögreglu og
í fikniefnaheiminum, sitja báðir í
einangrun og gæsluvarðhaldi á
Litla-Hrauni eftir að sá fyrmefndi
var tekinn með 900 grömm af am-
fetamíni og kíló af hassi í Leifsstöð
á fimmtudag. Dómari féllst á að úr-
skurða báða mennina í gæsluvarð-
hald í þrjár vikur, eða til 29. nóvem-
ber. Fíkniefnalögreglan í Reykjavík,
sem fer með rannsókn málsins eftir
að tollgæslan lagði hald á efnin,
lagði fram sterk rök fyrir því að ís-
lendingurinn hefði staðið að inn-
flutningnum með Þjóðverjanum.
Hlutfall smyglara eykst
Fyrir skömmu var annar Þjóð-
verji, einnig um sextugt, úrskurðað-
ur í gæsluvarðahald eftir að hann
var tekinn með 1,5 kiló af am-
fetamíni, mesta magn af slíku efni
sem hald hefur veriö lagt á í einu
hér á landi. Þar með hafa þrír
menn, Þjóðverjarnir tveir og íslend-
ingurinn, bæst í stóran hóp þeirra
sem sitja inni fyrir fikniefnamál.
Hlutfall þeirra sem það gera eykst
stöðugt. Hlutfall erlendra burðar-
dýra hefur einnig aukist mjög og
þeim tungumálum sem töluð eru á
Litla-Hrauni hefur einnig fjölgað.
Þjóðverjinn sem tekinn var í
Leifsstöð kvaðst vera „free-lance“
blaðamaður þegar hann gaf sig fram
að fyrra bragði við tollverði í Leifs-
stöð og var óvenju ræðinn um menn
og málefni tengd íslandi. Hann fékk
síðan farangur sinn af færibandi,
fór í hliðið en var stöðvaður og leit-
að var á honum. Þá komu öll efnin
í ljós en þau voru fest við líkama
mannsins. Gera má ráð fyrir að
hann verði kominn á sjötugsaldur-
inn þegar hann gengur út í frelsið -
út um dymar á Litla-Hrauni - þegar
hann hefur afplánað dóm sem búast
má við að verði þungur, sérstaklega
með hliðsjón af því mikla magni af
amfetamíni sem hann var tekinn
með.
Hassdómurinn gagnrýndur
Orðalag í dómi Héraðsdóms
Reykjavíkur frá því í siðustu viku,
þegar íjórir menn voru dæmdir fyr-
ir mismikla aðild að innflutningi á
30 kílóum af hassi, hefur verið gagn-
rýndur harkalega af hálfu lögreglu-
manna, sumra þingmanna og fleira
fólks. Þar var talað um að hass væri
ekkert sérstaklega hættulegt efni.
Þessu hafa þeir sem best þekkja til
mótmælt, ekki síst þar sem sýnt hef-
ur verið fram á að hass hefur í
mörgum tilfellum mjög slævandi
áhrif á heilastarfsemi. -Ótt
Mjólkursendingum fækkar
Mjólkursamlag Isfirðinga
hyggst draga úr þjónustu og
fækka sendingum á mjólk og
mjólkurvörum til Flateyrar, Suð-
ureyrar og Þingeyrar úr þremur í
tvær á viku. Frá þessu var greint
á bb.is og vitnað til Halldórs Guð-
laugssonar hjá Mjólkursamlagi Is-
firöinga sem segir um hagræðingu
að ræöa. Þorvaldur Pálsson, sem
rekur Esso-skálann á Flateyri,
segir í samtali við fréttavefinn að
fólki í smærri byggðum í hinum
svokallaða ísafjarðarbae finnist
það eiga rétt á sömu þjónustu og
þeir sem búa við dyrnar á Sam-
kaupum og Bónusi.'
Þjófakerfum stolið
Fátt fær að vera í friði fyrir
þjófum að sögn lögreglunnar í
Reykjavík. I dagbók helgarinnar
er greint frá þvi brotist hafi verið
inn i bifreið og þaðan stolið tveim-
ur þjófavarnarkerfum sem geymd
voru i bifreiðinni. Hvað þjófar
ætla með slík kerfi skal ósagt lát-
ið.
Annars var tiltölulega rólegt í
höfuðborginni um helgina; til-
kynnt var um níu innbrot, 21
þjófnað og 14 skemmdarverk. Auk
þess urðu fjórir brunar í borginni
en allir minni háttar.
Skræpa með
10.742 lítra á ári
Mjólkurframleiðendur landsins eru
á þessu hausti 739 talsins og þeir eru
með 26.819 mjólkurkýr, Meðalbúið er
því með 36 mjólkurkýr og meðalársnyt
fullmjólka kúa eru 4.985 kg.
Afurðamestu mjólkurkýr landsins
eru í Stóru-Hildisey II í Austur-Land-
eyjum. Frá október 2001 til september-
loka 2002 mjólkaði Skræpa 10.742 lítra,
eða liðlega helmingi meira en meðal-
talið, sem er rúmlega einn farmur
meðalmjólkurflutningabíls. Næst-
mesta afurðakýrin er einnig á bás í
Stóru-Hiidisey II en það er Gyðja sem
mjólkaði 10.319 lítra. Síðan kemur
Fríða á Birtingaholti I í Hrunamanna-
hreppi með 10.006 lítra og síðan aftur
kýr frá Stóru-Hildisey II, Lukka, sem
mjólkaði 9.734 lítra.
I Stóru-Hildisey II búa Hildur Ragn-
arsdóttir og Jóhann Nikulásson og eru
með 37 mjólkandi kýr. Hildur segir að
þetta sé annað árið sem þau séu með
afurðamestu kýr landsins. Kýrnar eru
bornar á bænum og segir Hildur að til
að ná svona árangri þurfi fóðrun að
vera jöfn allt árið. -GG
DV-MYND GVA
Mælt í Bankastræti
Von er á frekari framkvæmdum viö endurbætur á Bankastræti. Búiö er aö endurgera götuna frá gatnamótum Lauga-
vegar og Skólavöröustígs aö gatnamótum Ingólfsstrætis. Nú er eftir parturinn niöur aö Lækjargötu sem væntanlega
mun fegra til muna ásýnd þessarar fjölförnu verslunargötu.
Niðurgreiddir skátar
Bæjarstjórinn
í Hafnarfirði,
Lúðvík Geirs-
son, mun í dag
skrifa undir
samkomulag um
niðurgreiðslu á
þátttökugjaldi
barna, tíu ára og
yngri, í skáta-
starfi innan Skátafélagsins Hraun-
búa. Markmið samkomulagsins er
það sama og í samkomulaginu við
íþróttahreyfinguna, að gera börn-
um kleift að taka þátt í íþrótta- og
æskulýðsstarfi óháð efnahag fiöl-
skyldna.
Góður félagsskapur
„Það merkilegasta við Stephan G.
Stephansson finnst mér vera sjálf-
menntaði sveitastrákurinn sem fór út í
heim og gat staðið jafnfætis hverjum
sem var,“ segir Viðar Hreinsson sem í
gær sendi frá sér fyrra bindi ævisögu
þekktasta vesturfarans, Landneminn
mikli. Bókaforlagið Bjartur gefur út.
Síðara bindið kemur út 3. október 2003
þegar liðin verða 150 ár frá fæðingu
Stephans, og þótti Herði Sigurgestssyni,
sem talaði á útgáfuhátíð fyrir hönd
styrktaraðila, það frétt í sjálfu sér að
fyrra bindið skyldi koma út ári áður en
ráð var fyrir gert.
Stephan G. Stephansson var skáld-
mæltur bóndasonur úr Skagafirði sem
varð þátttakandi í ævintýralegustu
fólksflutningum síðari tima, landnámi
Norður-Ameríku. I Landnemanum
mikla er sagt frá æskuárum hans í
Skagafirði og Bárðardal, ferðinni vest-
Viöar Hreinsson með Landnemann mikla
Ævisögu sjálfmenntaös sveitastráks sem
varö höfuöskáld.
ur um haf og landnámsárum hans í
Bandaríkjunum og Kanada. Stephan
nam land þrívegis, fyrst í Wisconsin,
síðar í Norður-Dakota og að síðustu í
Alberta. Saga hans gefur einstaka inn-
sýn í líf og örlög íslenskrar alþýðu á
nítjándu öld en er jafnframt saga af
böldnum sveitastrák sem varð höfuð-
skáld Vestur-íslendinga og eitt öndveg-
isskálda á íslenska tungu.
Viðar Hreinsson, bóndasonur og bók-
menntafræðingur, hefur lengi unnið að
rannsóknum á ævi og verkum Stephans
G. Meðal áður ókannaðra heimiida
hans er ljóðakver með æskukveðskap
Stephans, leikrit eftir Stephan sem flutt
var af sveitungum skáldsins í Dakota
og sveitarblaðið Fjalla-Eyvindur, sem
geymir meðal annars framsæknar
greinar og kvæði um kvenréttindamál,
nokkru áður en þau mál komust í
brennidepil hér á Islandi.
- Var gaman að skrifa þessa bók?
„Já, því þetta var góður félagsskap-
ur,“ svarar Viðar. „Ég gæti ekki hugs-
að mér hann betri.“
-SA
Hvatningarverðlaun til nema
Nemendum í grunnskólum
Reykjavíkur verða á næsta ári
veitt hvatningarverðlaun. Þetta
var samþykkt á fundi fræðsluráðs
í gær. Einn nemandi úr hverjum
skóla verður valinn til verðlauna.
Leitað verður eftir tilnefningum og
rökstuðningi innan skólasamfé-
lagsins. Sett verður á laggimar
dómnefnd innan hvers skóla, en
starfsmenn, kennarar, foreldrafé-
lög, foreldraráð, nemendaráð og
aðrir sem koma að skólastarfinu
geti tilnefnt til verðlaunanna.
Stefán Jón Hafstein formaður
fræösluráðs, segir að þessi hug-
mynd hafi kviknað til vegna hvatn-
ingarverðlauna sem útvaldir skól-
ar fá fyrir að standa sig vel.
Fræðsluráð hafi verið einhuga um
að hvetja nemendur á sama hátt og
hampa þeim sem skara fram úr á
einhverju mikilvægu sviði skóla-
lífsins.
Hugmyndin er að veita verð-
launin samtímis því að mikil ráð-
stefna og sýning fer fram í byrjun
næsta árs, en þar verður nýsköpun
og þróun í skólastarfi í brenni-
punkti. -aþ