Dagblaðið Vísir - DV - 12.11.2002, Blaðsíða 10

10
ÞRIÐJUDAGUR 12. NÓVEMBER 2002
DV
Fréttir
Handagangur í öskjunni þegar Hagkaup veittu vsk-afslátt af barnafatnaði:
Eins og á Þorláksmessu
- verslunin Feminin fashion með vsk-afslátt af kvenfatnaði
„Vaskurinn" af kvenfatnaðinum
Kristín Kvaran ætlar aö gera konum auöveldara meö aö forgangsraöa innkaupunum meö því aö veita afslátt sem
nemur viröisaukaskatti á kvenfatnaö og 10 prósenta afslátt aö auki. Afmeö vaskinn er nýtt hugtak í
samkeppni verslana.
„Þetta gekk ævintýralega vel og
ótrúlega mikið að gera. Mun meira
en við áttum von á. Þetta var eins
og á Þorláksmessu þegar mest var.
Enda verulega kjarabót að fá,“ sagöi
Finnur Árnason, forstjóri Hag-
kaupa, í samtali við DV.
Hagkaup efndu til sérstakra af-
sláttardaga i barnafatadeildum allra
verslana sinna á föstudag og laugar-
dag þar sem verð á öllum vörum
lækkaði um sem nemur virðisauka-
skattinum. Neytendur létu ekki
segja sér þetta tvisvar og var mikið
að gera í Hagkaupum báða dagana.
Þessi vsk-afsláttur náöi til alls
barnafatnaðar, bæði nýs fatnaðar og
jólafatnaðar.
Vsk-afsláttur Hagkaupa kemur í
kjölfar kynningar á stefnumálum
Páls Magnússonar sem skipar 2.
sætið á framboðslista Framsóknar-
flokksins í Suðurvesturkjördæmi.
Viðmælendur DV telja ekki ólíklegt
að fleiri fari í spor Hagkaupa enda
virðisaukaskattur stærð sem höfðar
til fólks, ekki síst bamafólks. Því
megi eiga von á vsk-afslætti í fleiri
verslunum enda helsta innkaupatíð
ársins að renna upp. Rétt er að taka
fram að verslanir sem þetta gera
greiða engu að síður sinn virðis-
aukaskatt.
„Þetta mál er búið að vera bar-
áttumál Hagkaupa í langan tíma og
þess vegna vorum við fljót að grípa
þetta á lofti og gera eitthvað í mál-
unum. Það er vitað mál að í inn-
kaupum fólks í verslunum erlendis
er barnafatnaður fyrirferðarmestur.
Enda er ýmist lægri eða enginn
virðisaukaskattur á barnafötum í
öðrum löndum. í Bretlandi er til að
mynda enginn virðisaukaskattur af
bamafötum upp að 6 ára aldri. 24,5
prósenta virðisaukaskattur eins og
hér er hár skattur. Til samanburðar
má nefna að sambærilegur skattur í
ríkjum Bandaríkjanna er á bilinu
6-0 prósent,“ segir Finnur og bætir
því við að sambærilegur afsláttur sé
af tónlist i Hagkaupum, Smáralind,
til 20. nóvember.
Líka fyrir konurnar
„Fjöldi kvenna lætur fatakaup á
börnin og ýmislegt annað til heimil-
isins ganga fyrir eigin þörfum en
við viljum hjálpa konum að breyta
þessari forgangsröð. Þess vegna
veitum við vsk-afslátt af völdum
vörum í versluninni út nóvember-
mánuð og 10 prósenta afslátt að
auki. Konur þurfa fatnað ekki síður
en bömin,“ sagði Kristín Kvaran,
kaupmaður í tískuhúsinu Feminin
fashion í Bæjarlind, við DV.
Kristín segir að vsk-afsláttur verði
af völdum vörum verslunarinnar en
skipt verði um daglega. Þannig verði
allar vörur í versluninni boðnar með
vsk-afslætti þegar upp er staðið.
Tískuhúsið Feminin fashion er hálfs
árs gömul verslun og selur fatnað á
konur á öllum aldri og af öllum stærð-
um, er með stærðir allt upp í 60. -hlh
Neysluskattar sem hlutfall
af landsframleiöslu
Danmörk 9,8
ísland 9,7
Noregur 9,3
Nýja-Sjáland 9,2
Ungverjaland 9,1
Tyrkland 8,6
Rnnland 8,5
Austurríki 8,3
Portúgal 8,0
Frakkland 7,9
Pólland 7,9
írland 7,2
Svíþjóö 7,1
Belgía 7,0
Holland 6,9
Bretland 6,7
Tékkland 6,6
Þýskaland 6,6
Ítalía 6,1
Lúxemborg 5,7
Spánn 5,7
Kanada 5,3
Kórea 3,5
Sviss 3,5
Mexíkó 3,1
Ástralía 2,5
Japan 2,5
Bandaríkin 2,2
Heimiid: Skýrsla OECD, „Consumption Tax
Trends“, útgefin 2001
Háir neysluskattar
Neysluskattar sem hlutfall af lands-
framleiðslu eru næsthæstir á íslandi af
öllum löndum OECD. Hæstir eru þeir í
Danmörku, eða 9,8% af landsfram-
leiðslu, en ísland fylgir fast á eftir með
9,7%. Næst í röðinni eru Noregur, Nýja-
Sjáland og Ungveijaland, öll með
neysluskatta sem eru yflr 9% af lands-
framleiðslu. Lægstir eru neysluskatt-
amir í Bandaríkjunum, eða 2,2% af
landsframleiöslu, í Japan og Ástralíu er
hlutfallið 2,5% og í Mexíkó, Sviss og
Kóreu 4-5%.
Þetta hlutfail er að meðaltali 5,6% í
tuttugu og átta löndum OECD. Á íslandi
er hlutfallið því hvorki meira né minna
en 74% hærra en meðaltal OECD.
jövagiafíahanðbók dv kemUr

) ólagj afahandbók

Jólagjafahandbók DV hefur verið
ómissandi við undirbúning jólanna
og val jólagjafa í yfir 20 ár.

Ef þú, auglýsandi góður, vilt ná til
þíns markhóps þá er þetta miðillinn
þínn. Þetta er stórt og efnismikið
blað þar sem lögð er áhersla á
skemmtilega umfjöllun um jólin og
undirbúning þeirra.
Við viljum minna auglýsendur á
að tekið er við pöntunum til
22. nóvember.
Með jólakveðju.
Auglýsingadeild DV.
Sími 550 5000.