Dagblaðið Vísir - DV - 12.11.2002, Blaðsíða 29

ÞRIÐJUDAGUR 12. NÓVEMBER 2002
Sport
Bland i P oka
Úkrainumadurinn Sergei Rebrov
hefur verið settur á sölulista hjá
Tottenham. Rebrov var keyptur til fé-
lagsins frá Dynamo Kiev sumarið
2000 en hefur lítil sem engin tækifæri
fengið eftir að Glenn Hoddle varð
framkvæmdastjóri félagsins í mars í
fyrra. Rebrov hefur hug á því að
leika áfram í Vestur-Evrópu og segir
umboðsmaður hans aö nokkur félög
hafi þegar sýnt honum áhuga, þar af
nokkur í Englandi.
Claudio Ranieri, stjóri Chelsea, hef-
ur játað að honum fannst Eiður Smári
Guðjohnsen vera fuUþéttur í upphafi
leiktíðar. Hann sendi Eiö á vigtina til
að sjá hversu miklu hann hefði bætt á
sig yfir sumartímann en vigtin sýndi,
Ranieri tU mikillar undrunar, að Eið-
ur hefði ekki bætt á sig kílói. „öllum
fannst Eiður líta út fyrir að vera
þyngri en i fyrra. Ég spjaUaöi við
hann og sagði honum að hann liti út
fyrir að vera jafn þungur og ég sem er
ekki gott. Svo setti ég hann á vigtina
og þá kom í ljós að hann hefði ekki
bætt neinu á sig. Þetta er mikil ráð-
gáta,“ sagði Ranieri við fjölmiðla.
David Seaman, markvörður Arsenal
og enska landsliðsins, missir af leik
Arsenal gegn PSV í meistaradeUdinni
á morgun sem og leiknum gegn
Tottenham í deildinni um næstu helgi
vegna nárameiðsla. Stuart Taylor
kemur líklegast tU með að leysa
Seaman af hólmi í þessum leikjum.
Chelsea og enska knattspymusam- F
bandiö hafa bæöi neitað að staöfesta
þær sögusagnir aö ástralski mark-
vörðurinn Mark Bosnich hafi greinst
með kókaín í blóði sínu er hann
gekkst undir lyfjapróf á dögunum.
Bosnich hefur ekki vUjaö tjá sig um
málið og hefur sett það í hendur lög-
fræðingum sínum. Ef satt reynist að
Bosnich hafi faUið á lyfjaprófinu mun
Chelsea leita aUra leiða tU þess aö
ógilda samning félagsins við hann en
Bosnich, sem er þriðji markvörður
liösins, er með um 5 og hálfa milljón
króna í vikulaun hjá félaginu. Astral-
inn á einnig yfir höfði sér eins árs
keppnisbann ef orðrómurinn á viö '
rök að styðjast.
Norska félagid Brann hefur áhuga á
að kaupa Ármann Smára Bjömsson
frá Val en Ármann Smári hefur veriö
í láni hjá Brann undanfarna mánuði.
Teitur Þórðarson, þjálfari Brann,
segir í samtali við norska blaöið
Adressavisen að hann vilji kaupa
Armann Smára frá Val en óttast þó að
hann sé of dýr fyrir félagið. Brann á í
miklum fjárhagsörðugleikum og
getur ekki keypt leikmenn fyrir háar
upphæðir
Sir Alex Ferguson, stjóri Man. Utd.,
hefur beðið Roy Keane um að gefa
ekki út neinar yfirlýsingar í nánustu
framtíð um það hvort hann ætlar að
spila fyrir írska landsliðið á ný. Eins
og kunnugt er er Mick McCarthy
hættur með írska landsliöiö en þeim
félögum lenti saman á eftirminnileg-
an hátt í sumar og sagði Keane eftir
það að hann myndi aldrei spUa fyrir
Irland á meðan McCarthy væri þjálf-
ari. Ferguson segir að Keane eigi að
einbeita sér aö því að komast í gang á
ný með Man. Utd. áður en hann spáir
í að leika með landsliöinu á nýjan
leik.
Franz Beckenbauer, forseti Bayem
Munchen, hefur tekið upp hanskann
fyrir þýska dómara og gagnrýnir
harkalega þá leikmenn sem sýna
dómurum ekki nægjanlega virðingu.
„Það gengur ekki að pirraðir knatt-
spymumenn taki aUt út á dómurun-
um. Dómarar eru ekki öfundsverðir
af hlutverki sínu og það á ekki að
koma fram við þá eins og dýr,“ sagði
Keisarinn eins og hann er oft kaUað-
ur. Hann bætti því viö að þýska
deildin ætti aö taka dómarana í
Englandi og italíu sér til fyrirmyndar.
Þar væm dómarar virtir og leikmenn
kæmust ekki upp með neinn yfirgang.
Gamla brýniA Nigel Winterbum,
leikmaður West Ham, sagði við
breska fjölmiðla i gær að leikmenn fé-
lagsins stæðu heils hugar á bak við
Glenn Roeder, stjóra liösins, sem
stuðningsmenn féiagsins vilja burt frá
félaginu hiö fyrsta. Winterbum segir
að með baráttu sinni 1 síðari hálfieik
gegn Leeds á sunnudaginn hafi leik-
mennirnir sýnt Roeder aö þeir væru
til í að berjast fyrir hann.
Joe Kinnear, stjóri Luton Town, hef-
ur farið þess á leit við Sir Alex Fergu-
son að hann fái vængmanninn Luke
Chadwick að láni frá Man. Utd. Chad-
wick hefur aðeins komiö tvisvar inn á
sem varamaður hjá United í ár.
Chadwick, sem er 21 árs, lýsti því yf-
ir um daginn aö ef hann fengi ekki
nægileg tækifæri hjá félaginu á þess-
ari leiktið myndi hann leita á önnur
mið næsta sumar. -HBG *
Michael Owen, sem sést hér fagna einu af þremur mörkum sínum gegn Spartak Moscow í meistaradeildinni um daginn, verður í eldlínunni með Liverpool
gegn Basel í kvöld og hann verður að finna skotskóna sína ef Liverpool á að komast áfram í keppninni. Reuter
Meistaradeildin í knattspyrnu í kvöld:
Ekkert nema sigur
dugir Liverpool
- mikil spenna í D-riðli þar sem Inter og Ajax geta fallið úr keppni
Lokaumferðin í fjórum riðlum
af átta í meistaradeildinni fer
fram í kvöld en hinir fjórar klár-
ast á morgun. Mikið er í húfi fyr-
ir félögin, tvö efstu liðin í hverj-
um riðli komast áfram en liðið
sem endar í þriðja sæti fer í
UEFA-keppnina.
Pressa á Liverpool
Mikil spenna er fyrir leik sviss-
neska liðsins Basel og Liverpool,
sem fram fer í Sviss, en Liverpool
verður að sigra til þess að komast
upp úr riðlinum þar sem Basel er
með stigi meira fyrir leikinn.
Liverpool var í sömu stöðu í
fyrra, þurfti að sigra Roma til
þess að komast upp úr riðlinum
og Gerard Houllier, stjóri Liver-
pool, er bjartsýnn á að strákarnir
hans endurtaki leikinn í kvöld.
„Það er ekkert óskýrt fyrir leik-
inn í kvöld, við vitum að við verð-
um að vinna. Þetta er sama staða
og í fyrra er við urðum að vinna
Roma og það er nákvæmlega það
sem við gerðum. Við vitum að að-
stæður í Basel verða erfiðar en
strákarnir eru klárir í slaginn.
Þeir voru vonsviknir eftir leikinn
gegn Boro og ætla sér ekki að
tapa öðrum leiknum i röð gegn
Basel,“ sagði Houllier.
Engin meiðslavandræði eru i
herbúðum liðsins fyrir leikinn og
er fastlega búist við því að Owen
og Heskey leiki saman í
framlínunni.
Allt opið í D-riðli
Spennan í D-riðli er mikil en
Ajax og Inter mætast í Hollandi á
meðan Lyon ferðast til Noregs þar
sem það mætir Árna Gauti
Arasyni og félögum í Rosenborg
sem hafa að engu að keppa.
Ajax og Inter eru efst og jöfn í
riðlinum með 8 stig, Lyon er
skammt undan með 7 stig en Ros-
enborg er aðeins meö 3 stig og á
því enga möguleika eins og áður
segir.
Sigurvegarinn í viðureign Ajax
og Inter vinnur því riðilinn en
tapliðið gæti fallið úr keppni ef
Lyon vinnur í Þrándheimi.
Massimo Moratti, forseti Inter,
er bjartsýnn fyrir hönd sinna
manna sem eiga erfitt verkefni
fyrir höndum í Amsterdam. „Við
getum vel farið til Amsterdam og
sigrað. Ég er fullviss um að við
förum áfram í keppninni," sagði
Moratti borubrattur en hans
menn verða án Fabio Cannavaro í
vörninni.
Lítil spenna í A-riðli
Dortmund og Arsenal eru bæði
örugg áfram í A-riðli og bæði hafa
þau metnað til þess að sigra i
riðlinum.
Dortmund á stig á Arsenal fyrir
leiki kvöldsins og verður að vinna
Auxerre í Frakklandi til þess að
tryggja toppsætið og Matthias
Sammer, þjálfari Dortmund, er
ekki í nokkrum vafa um að þeir
muni klára dæmið. „Það að tapa
leikjum gerir mig reiðan og
pirraðan. Við viljum sigur gegn
Auxerre og því mun ég tefla fram
mínu sterkasta liði,“ sagði Sam-
mer. Hans menn eru í sárum eftir
tapið gegn Bayern Munchen um
síðustu helgi.
Auxerre á enn möguleika
Auxerre á enn möguleika á sæt-
inu í UEFA-keppninna en verður
helst að sigra til þess að gera sér
vonir um það og því gleðjast
liðsmenn yfir endurkomu fram-
herjans Djibril Cisse sem snýr á
ný í lið Auxerre eftir fjarveru
vegna meiðsla.
Arsenal tekur á móti PSV Eind-
hoven á Highbury og verður án
Davids Seamans sem er meiddur
á nára. Því verður það annað
hvort Stuart Taylor eða Rami
Shaaban sem stendur á milli
stanganna hjá Arsenal í kvöld.
Roma ekki öruggt
ítalska liðið Roma er síður en
svo öruggt með sæti sitt í næstu
umferð og verður að fá stig gegn
AEK Aþenu ef það ætlar sér
áfram. Það verður ekki auðunnið
því leikur liðanna fer fram í
Grikklandi og þar að auki verður
fyrirliði liðsins, Francesco Totti,
sennilega ekki með en hann
meiddist á hné um síðustu helgi.
Franski landsliðsmaðurinn
Vincent Candela er einnig spurn-
ingarmerki en hann á í vandræð-
um með kálfann á sér.
Góö staöa hjá Real Madrid
Evrópumeistarar Real Madrid
eru í góðri stöðu til að vinna riðil-
inn en þeir mæta Genk í Belgíu.
Real vann fyrri leik liðanna, 6-0,
og því hafa Real-menn ekki stórar
áhyggjur af leiknum í kvöld og
koma líklegast til með að hvíla þá
Zidane og Raul. Það ætti ekki að
breyta miklu hjá þeim þar sem
leikmannahópur þeirra er í al-
gjörum sérflokki.
-HBG