Dagblaðið Vísir - DV - 26.11.2002, Blaðsíða 26
26
ÞRIÐJUDAGUR 26. NÓVEMBER 2002
IHF-þing í Pétursborg:
Túnis fékk
HM 2005
Þing Alþjóða handknattleikssam-
bandsins, IHF, fór fram i Sankti Pét-
ursborg í Rússlandi um nýliðna
helgi. Það sem bar helst til tíðinda á
þinginu var að ákveðið var að
heimsmeistarakeppnin 2005 yrði
haldin i Túnis en Portúgalar eru
gestgjafar næstu keppni sem hefst
20. janúar nk.
Túnis og Þýskalands börðust um
að fá að halda keppnina 2005 og
lengi framan af benti flest til þess að
Þjóðverjar hrepptu hana, enda ein-
staklega vel í stakk búnir til að
halda mót í þessari stærðargráðu.
Um tima sóttust fleiri þjóðir eftir að
halda keppnina en þær drógu um-
sókn sína til baka á síðustu stundu.
Á þinginu í Sankti Pétursborg
var gengið til atkvæða um keppnis-
stað 2005 og öllum aö óvörum sigr-
uðu Túnismenn í kosningunni,
fengu 46 atkvæði en Þjóðverjar 44.
Fjórar þjóðir sátu hjá í atkvæða-
greiðslunni. Þessi niðurstaða var
mikið áfall fyrir Þjóðverja og um
leið Evrópu en ljóst var að einhverj-
ar Evrópuþjóðir höfðu hlaupist und-
an merkjum og stutt umsókn Tún-
ismanna. Svo virðist sem Þjóöverjar
hafi ekki unnið sína heimavinnu
nægilega vel og verið full vissir um
að vinna öruggan sigur í atkvæða-
greiðslunni.
Hins vegar er talið að stjórnar-
menn Alþjóðasambandsins meö for-
setann í broddi fylkingar hafl unnið
mikið á bak við tjöldin fyrir um-
sókn Túnismanna og uppskorið sig-
ur á endanum.
Handknattleikur er vinsæll í Tún-
is og hafa framfarir verið miklar
hjá landsliði þeirra á síðustu árum.
Á heimsmeistaramótinu í Portúgal
eru Túnismenn í fyrsta styrkleika-
flokki en þeir gerðu sér lítið fyrir og
lögðu Egypta í úrslitaleik Afríku-
keppninnar.
Á þinginu var ákveðið að heims-
meistarakeppni kvenna 2004 yrði
haldin í Rússlandi.
-JKS
Stórmót kylfinga í Japan
Kaname Yokoo sló mest allra á stórmófi
kylfinga á Tævan og sést hér með verölaun
sin. Spánverjinn Sergio Garcia varö í ööru
sæti.
Reuters
Yokoo sigraði
á heimavelli
Japanski kylfingurinn Kaname
Yokoo sigraöi á stórmóti sem haldið
var í borginni Miyazaki i Japan.
Lokahringurinn var æsispennandi
en Spánverjinn Sergio Garcia varð
að láta í minni pokann fyrir Yokoo
sem lék á 15 höggum undir pari en
Garcia á 14 höggum.
Tiger Woods, stigahæsti kylftng-
urinn, varð að gera sig ánægðan
með sjötta sætið.
Harrington vann á Tævan
Á sama tíma fór írinn Padraig
Harrington með sigur af hólmi á
opna Asíumótinu á Tævan. Hann
lék á 15 höggum undir pari en lítt
þekktur Jyoti Randhawa frá Ind-
landi lenti í öðru sæti á 14 höggum.
-JKS
Nú orðaður við Barcelona
Umræðan um að Eiður Smári
Guðjohnsen sé á forum frá Chelsea held-
ur áfram í bresku pressunni. í þetta
skiptið er íslendingurinn orðaður við
Barcelona en þetta kemur fram hjá
enska netmiðlinum Teamtalk. í síðustu
viku náði umræðan um Eið Smára há-
marki en þá átti Manchester United að
hafa gert Chelsea kauptilboö í kappann.
Samningaviðræöur Eiðs Smára og Chel-
sea um nýjan samning liggja nú niðri
en forsvarsmenn liðsins segja að þráð-
urinn verði tekinn upp .fljótlega og eru
vissir um aö Eiður Smári verði áfram í
herbúðum Lundúnaliðsins.
-JKS
Janica Kostelíc frá
Króatíu fagnar sigri
sfnum... í svigi í
heimsbikarnum í
|Park City í Utah.
|\ Reuters
Annað mót heimsbikarsins á skíðum:
Von Grueningen og
Kostelic sigurvegarar
Heimsbikarkeppnin á skíðum
hélt áfram um helgina og var keppt
í Park City í Utah í Bandaríkjunum.
Karlamir riðu á vaðið í stórsviginu,
þar kom Svisslendingurinn Michael
von Greningen fyrstur í mark en
honum er spáð velgengni á þessu
tímabili. Stepham Eberharter var í
fyrsta sæti eftir fyrri umferðina en
náði sér ekki á strik í seinni ferð-
inni og hafnaði að lokum í áttunda
sæti. Austurríkismennirnir Christ-
ian Mayer og Benjamin Reich urðu
síðan í öðru til þriðja sæti. Þessir
kappar eiga líka eftir að verða í
sviðsijósinu í vetur.
Von Grueningen varð í þriðja
sæti á fyrsta mótinu en sigurinn
hans um helgina var hans 21. í stór-
svigi í heimsbikamum.
Króatíska stúlkan Janica Kostelic
sigraði í svigi á sama stað, hún sló
rækilega í gegn á síðasta tímabili,
bæði í heimsbikarnum og á Ólymp-
íuleikunum í Salt Lake City. Hún er
þjóðhetja og miðað við byrjunina
hjá henni verður hún í toppbarátt-
unni í vetur. Christel Pascal frá
Frakklandi varð í öðru sæti í svig-
inu í Salt Lake City og austmríska
stúlkan Sabine Egger lenti í þriðja
sæti. -JKS
Spænski handboltinn:
Heiðmar með sex
Heiðmar Felixsson skoraði sex
mörk fyrir Bidasoa þegar liðið
vann stórsigur, 22-32, á Valencia í
spænsku 1. deildinni í handknatt-
leik. Heiðmar var sagður besti
maður Bidasoa i leiknum og var
jafnframt markahæstur.
Rúnar Sigtryggsson og félagar
hans í Ciudad Real halda sínu
striki og unnu yfirburðasigur,
33-18, á Santander Cantabria.
Rúnar lék að mestu í vörninni hjá
Ciudad Real en náði að skora eitt
mark. Talant Dujshebaev var
markahæstur og gerði sex mörk.
Hilmar Þórlindsson er enn
meiddur en lið hans Cangas sigr-
aði Granollers, 29-28. Mótherjar
Hauka í 4. umferð Evrópukeppni
bikarhafa, Ademar Leon, voru
ekki í neinum vandræðum með
sinn andstæðing, Teucro Caixa-
nova, og sigruðu, 36-21. Gamla
stórveldið Barcelona vann nýlið-
ana Alcobendas frá Madríd, 20-30,
á útivelli.
Ciudad Real, Ademar Leon og
Barcelona eru öll með 20 stig í
þremur efstu sætinum. Portland
San Antonio er í fjórða sæti með
18 stig. Cangas er í 9. sæti með
átta stig og Heiðmar og samherjar
hans eru í 13. sæti með sex stig.
-JKS
Golf:
Björgvin komst
ekki áfram
Björgvin Þorsteinsson, sem
tók þátt í úrtökumóti fyrir
Evrópumótaröð eldri kylfinga,
náði ekki að komast áfram.
Björgvin lék fyrri hringinn á
82 höggum, á tíu höggum yfir
pari, og seinni hringinn á 84
höggum og það nægði honum
ekki til að komast áfram
Hann hafnaði í 52. sæti en
einungis 30 efstu kylfingarnir
komust áfram á lokamótið.
Mótið fór fram á Penina-golf-
vellinum í Portúgal um helg-
ina.
-JKS