Dagblaðið Vísir - DV - 28.11.2002, Blaðsíða 26

30
FIMMTUDAGUR 28. NÓVEMBER 2002
M
agasin
I>V
„Ég hugsa ekkert um frægðina,
enda er ég bara venjuleg tólf
ára stelpa í HafnarfirSi. Hins
vegar reyni ég að gera allt
sem ég tek mér fyrir hendur
jafn vel og ég get. Vona það
besta en býst við hinu versta,"
segir söngstjarnan Jóhanna
Guðrún Jónsdóttir. Fyrir fáein-
um dögum kom út ný hljóm-
plata meb henni; Jól meö Jó-
hönnu. Það er þriðja platan
hennar en áður hafa komið út
tvær plötur með lögum úr ýms-
um áttum. Fyrir þremur árum
kom út Jóhanna Guðrún - 9
ára, og platan í fyrra hét Ég
sjálf. Báðar náðu þær metsölu
og ef að líkum lætur verður
nýja jólaplatan engin untan-
tekning að því leyti.
^ Plata var auðvitað
draumurinn
Næstkomandi sunnudagskvöld,
1. desember, verða einnig tímamót
á söngferli Jóhönnu Guðrúnar en
þá heldur hún sína fyrstu sólótón-
leika. Þeir verða í Austur-
bæjarbiói.
Hennar hægri hönd þar sem fyrr
verður María Björk Sverrisdóttir
sem raunar átti upphafið að því að
Jóhanna fór að syngja inn á hljóm-
plötur.
■jt „Alls staöar þar sem ég kem
fram er María með mér. Hún er
eins og önnur mamma mín,“ segir
Jóhanna. „Fyrir íjórum árum fór
ég i söngvakeppnina Jabba dabba
dú og síðar á námskeið hjá Maríu
Björk. Þegar því lauk kom hún síð-
an til min og spurði hvort ég hefði
áhuga á að gera hljómplötu, sem
auðvitað var draumur minn. Ég
sagði já, eftir að hafa talað við
mömmu og pabba og þau gefið mér
leyfi,“ segir Jóhanna. -1 framhald-
inu komu svo tvær áðurnefndar
plötur en þar er einkum að finna
erlend lög með íslenskum textum.
Einnig lög eftir tvo íslenska höf-
unda, þá Magnús Þór Sigmundsson
og Einar Bárðarson.
Jólalög í júlí
Jólaplata Jóhönnu sem nú er að
koma út var tekin upp sl. sumar;
þegar sólin skein skærast og
vermdi landið með hlýjum geislum
sínum. „Það var svolítið skrýtið að
vera þá að syngja jólalög. En ég
reyndi bara að komast inn í
jólastemninguna og líklega hefur
það tekist. Ég vona það að minnsta
kosti. Við tókum plötuna að mestu
leyti upp í júlí. Síðan fór ég með
fjölskyldunni í sumarfrí til Flórída
og þegar við komum heim aftur
lukum við upptökum," segir Jó-
hanna.
Hún getur þess sérstaklega að
ágóði af tónleikum sínum á sunnu-
dagskvöldið renni til langveikra
barna. „Ég er þakklát fyrir að vera
sjálf hraust og líða vel. Það er líka
æðislegt að geta gefið öðrum gjafir,
þeim sem virkilega þurfa á því að
halda, núna á þessum tima árs þeg-
ar jólin eru að ganga í garð.“
Sungiö með Brandi
Jóhanna hefur fengið mörg tæki-
færi í söngnum á síðustu mánuð-
um. í hittifyrrasumar var hún til
dæmis með Bylgjulestinni og söng
á hverjum laugardegi allt það sum-
•>ar á þeim stöðum þar sem lestin
hafði viðkomu, sem var um allt
land. Þá söng hún um verslunar-
mannahelgina i Galtalæk og á Ak-
ureyri og síðan nú nýlega í Þórs-
höfn í Færeyjum þegar þar var
opnuð ný stórverslun.
Þar kom hún fram með Brandi,
þrettán ára barnastjömu þeirra
h. eyjaskeggja.
„Það var gaman að koma til Fær-
eyja. Færeyingar eru skemmtilegt
„Eg sé ekki eftir neinu. Ef börn langar til þess að syngja þá eiga foreldrar þeirra að leyfa þeim það. Og minn draumur er að geta orðið söngkona í framtíð-
inni,“ segir Jóhanna Guðrún hér í viðtalinu. Hér er hún ásamt hundinum sínum henni Glódísi. Magasín-mynd kö
Er bara venjuleg
//
tólf óra stelpa
//
fólk og óskaplega trúaðir," segir
Jóhanna Guðrún þegar hún rifjar
upp ferðalagið á slóðir frænda okk-
ar þar.
Röddin þroskast og þró-
ast
Af hógværð er Jóhanna lengi að
hugsa sig um þegar hún er spurð
hverjar henni þyki hafa verið
helstu framfarir sinar í söngnum á
undanfömum árum. Skiljanlega
hljóta þær þó talsverðar að vera,
þegar hún syngur dagana langa og
er í stöðugri æfmgu.
„Auðvitað hefur röddin þroskast
og þróast og síðan er ég líka orðin
sviðsvanari en ég var. Þetta kemur
allt með tímanum," segir hún.
Spurð um hlutskipti bamastjörn-
unnar, sem mörgum reyndist erfitt
að höndla, segir Jóhanna Guðrún
svo alls ekki vera í sínu tilviki.
„Sjálfsagt er þetta mjög persónu-
bundið en ég sé ekki eftir neinu. Ef
böm langar til þess að syngja þá
eiga foreldrar þeirra að leyfa þeim
það. Og minn draumur er að geta
orðið söngkona í framtíðinni. Vin-
konur mínar eiga sumar hverjar
þennan sama draum eða þá að
verða dansarar eða leikonur," seg-
ir Jóhanna.
Leyndardómsfull
Hún kveðst mikið hlusta á er-
lendar söngkonur, svo sem þær
Whitney Houston, Celine Dion,
Lian Rimes og Shakira, og þær séu
fyrirmyndir sínar að mörgu leyti.
Af innlendum stjörnum sé það tví-
mælalaust Elly Vilhjálms.
Um framtíðina í söngnum vill
Jóhanna Guðrún lítið tala. Það sé
um að gera að einbeita sér að þeim
verkefnum sem séu í gangi á hverj-
um tima og leysa þau af kostgæfni.
Hún vill ekki ræða um hvort
vænta megi frægðar og frama er-
lendis en er hins vegar svolítið
leyndardómsfull á svipinn þegar
hún er spurð að þvi. Hver veit því
nema heimsfræðgin sé handan við
hornið!
Út áb ganga með
Glódísi
Foreldrar Jóhönnu Guðrúnar
eru Margrét Steindórsdóttir hjúkr-
unarfræðingur og Jón Sverrir
Sverrisson tæknifræðingur. Þau
eiga tvo eldri syni; Steindór Arnar,
sem er 22 ára, og Sverri Snævar,
sextán ára. - Jóhanna er í 7. bekk
Setbergsskóla i Hafnarfirði og seg-
ir skemmtilegt í skólanum. Saga og
íslenska séu sín eftirlætisfög og
henni þykir sérstaklega gaman að
glíma við málfræðina. Þegar önnur
áhugamál en sönginn ber á góma
nefnir Jóhanna djassballett „... og
síðan fer ég oft út að labba með
hundinn minn, hana Glódísi.
„Sem söngkona er ég kannski
fyrirmynd annarra krakka. I því
hlutverki reyni ég að standa mig
með því að vera kurteis, glöð og
góð stúlka. Oftast held ég að mér
takist að standa mig að því leyti,
þótt auðvitað sé annarra að dæma
um það,“ sagði bamastjaman og
söngfuglinn Jóhanna Guðrún Jóns-
dóttir að síðustu. -sbs