Dagblaðið Vísir - DV - 05.12.2002, Blaðsíða 4

Dagblaðið Vísir - DV - 05.12.2002, Blaðsíða 4
4 FIMMTUDAGUR 5. DESEMBER 2002 Fréttir DV Framburður fyrrum stýrimanns hjá Eimskip sem kom við sögu í „Faxaflóamálinuc Eg var feginn þeg- ar ég var handtekinn - segir að hótað hafi verið að gera börnum hans mein DV-MYNO HARI Héraösdómur Reykjavíkur Ævintýralegt smygmál er nú til meöferöar fyrir dómi og minnir um margt á reyfara. Máliö er nokkuö flókiö og er dómurinn fjölskipaöur. „Lögreglumaðurinn sagðist ekki hafa hitt neinn áður sem hefði ver- ið feginn að vera handtekinn. Þama var mér orðið hjartanlega sama um allt,“ sagði fyrrum stýrimaður á Mánafossi sem fór um borð í Goða- foss (nú Skógafoss) seinni hluta sumars árið 2000 og sótti þangað pakka sem í voru 10 kíló af hassi. Maðurinn var að lýsa því fyrir fjöl- skipuðum héraösdómi í gær hvem- ig það var að vera handtekinn eftir taugastríð sem stóð yfir lungann úr sumrinu. Hann kvaðst hafa verið tilneyddur að sækja pakkann, hon- um hefði verið hótað að bömum hans yrði gert mein ef hann færi ekki um borð i Goðafoss. Þá hafði sá skipverji sem tók að sér að flytja pakkann með skipinu til landsins, háseti, gengiö úr skaftinu. Reyndar hafði skipið farið nokkrar ferðir til og frá landinu með efnin falin í kassa fyrir gámaskó fremst í skip- inu. Á því tímabili hafði stýrimað- urinn farið ferðir út á land með ein- um höfuðpaumum í innflutnings- málinu til að reyna að komast um borð. Á meðan fylgdist fikniefnalög- reglan með svo vikum skipti. Sam- tals era níu menn dregnir fyrir dóm í málinu þar sem ákært er á ýmsan hátt fyrir innflutning á samtals tæp- um 25 kílóum af hassi í þremur ferðum, þeirri fyrstu með flugvél til landsins. Börnum hótað „Ég vissi að lögreglan væri að fylgjast með mér. Það geröist strax frá fyrsta degi,“ sagði stýrimaður- inn. Þar átti hann við að hann hafði hent öðrum pakka, einnig með 10 kílóum af hassi, í sjóinn norður af Engey þegar Mánafoss, þar sem hann var stýrimaður, var að sigla inn til Sundahafnar í lok júlí þetta sumar. Efnin höfðu komið um borð í Rotterdam en þar var meintur höf- uöpaur, íslendingur, búsettur og út- vegaði hann efnin. Stýrimaðurinn sagðist hins vegar hafa verið dreg- inn inn í Goðafossmálið með hótun- um. Auk þess hefði hann verið beitt- ur miklum þrýstingi þar sem á þess- um tíma höfðu verið farnir tugir ár- angurslausra köfunarferða norður fyrir Engey til að freista þess að ná efnunum upp sem hann hafði sjálf- ur kastað í sjóinn. Hásetinn á Goðafossi (nú Skóga- fossi) lýsti fyrir dóminum að hann hefði verið fenginn til að taka með 1-3 kíló af hassi til landsins frá Rott- erdam - „meira í gamni en alvöru", eins og hann orðaði það. Maðurinn sagðist telja að algengt væri að menn tækju 10 til 20 prósent af and- virði fíkniefna fyrir flutning sem þennan. Hann kvaðst hafa verið í verslunarfríi í Rotterdam þegar hann hitti íslending, höfuðpaurinn, sem afhenti honum tvo pakka - ekki einn. Þá hafði annar skipuleggjandi, sem var á íslandi, nefnt við hann að flytja efni. Hásetinn kvaðst hafa sett pakkana i umbúðir utan af leikföng- um og þannig farið með efnin um borð þannig að grunsemdir vökn- uðu ekki hjá skipsfélögunum. Mað- urinn kvaðst reyndar hafa talið að hann hefði verið með meira en umtöluð 1 til 3 kíló upp- haflega og ágreiningur skapast við íslendinginn ytra út af þvi. Við svo búið hefði hann falið efnin í káetu sinni i fyrstu en siðan i kassanum undir gámaskóna fremst í skipinu. Maðurinn lýsti því að lögreglan hefði leitað um borð í skipinu en þá hefði hann helst viljað henda þeim í sjóinn. Það hefði hann ekki þorað af ótta viö eigenduma sem hann vissi ekki deili á. Eftir að komið var tO íslands fór maðurinn í frí en efnin urðu eftir um borð. Hann kvaðst hafa farið á ísfisktogara og síðan farið á fund þar sem handsalað var að hann yrði laus allra mála af hálfu skipuleggj- enda ef hann segði framangreindum stýrimanni hvar efnin væri að finna. Þá var skipið löngu farið aftur úr landi með efnin um borð. Þegar stýrimaðurinn hafði svo sætt lagi og náð efnunum hér heima var hann handtekinn. Sat þá háset- inn í tvo mánuði í gæsluvarðhaldi og hafði þá bæði veriö rekinn frá Eimskip og Granda. „Stelpa meö tösku“ Segja má að tveir höfuðpaurar séu í málinu - annar sem býr hér á íslandi en hinn hefur búiö í Hollandi um árabil. Leikin voru símtöl þeirra fyrir dóminum í gær sem fikniefnalögreglan hleraði. Var þaö m.a. vegna ákæru á hendur þeim fyrir að hafa staðið að inn- flutningi á rúmum 4 kílóum af hassi, fyrst framangreint sumar. Mennimir viðurkenna báðir brot sín greiðlega. Þeir fengu þriðja aðil- ann til að flytja efnin með sér í flug- vél til íslands en hann hefur þegar fengið dóm fyrir það brot. í símtölum þessara tveggja skipu- leggjenda kom m.a. fram að þeir ræddu einnig um að fá „stelpu með tösku“ til að flytja fyrir sig efni með flugvél til íslands - hún gæti tekið mun meira. Af því varð þó ekki. Hollandsmaðurinn er í farbanni hér á landi. Réttarhöldin halda áfram í dag en þeim lýkur á morg- un, fostudag. Ottar Sveínsson blaöamaöur Formaður VR: Erum búin að sjá botninn „Það hafa riðið yfir okkur nokkur stór áfóll á undanfómum mánuðum, uppsagnir á stórum vinnustöðum sem vissulega virka illa á okkur í VR. Þó tel ég að við höfum séð botninn í þessari uppsagnahrinu og að stórar uppsagnir komi ekki í þeim gusum sem komið hafa undanfarið," sagði Gunnar Páll Pálsson, formaður Verzlunarmannafé- lags Reykjavíkur, í gær. „Þrátt fyrir allt eru nokkur góð teikn á lofti. Ég vil nefna að vanskil fyrir- tækja við okkur hafa ekki aukist. Enn fremur að núna eru 200 færri atvinnu- lausir en voru i júlí í sumar. Þá vom 1.577 atvinnulausir en 1.362 núna, þar af eru 847 félagar í VR. Út frá þessu leyfum við okkur að vera bjartsýn um framtíð- ina þrátt fyrir allt," sagði Gunnar. VR er stærsta verkalýðsfélag lands- ins með um 20 þúsund félaga. Stétt verslunarfólks er Qölmenn og við upp- sagnir í fyrirtækjum er hópur VR-fólks oft Qölmennastur. Meðal stóra áfallanna undanfarið era uppsagnir Íslandssíma, íslenskrar erfðagreiningar, Samvinnu- ferða, Netverks og Töltheima. Af 76 starfsmönnum Islandssíma, sem sagt var upp í fyrradag, era rúm- lega 60 manns úr VR. -JSS Mál einstæðu móðurinnar hafa snúist til betri vegar: Mæðginin hafa húsnæði fram yfir hátíðarnar - Viktoría hyggst opna athvarf fyrir einstæða, illa stadda foreldra „Ég fæ að vera í íbúðinni fram yfir jól og áramót, en þá þarf ég að finna annað húsnæði," sagði unga, einstæða móðirin, Viktoría Jónas- dóttir, sem DV ræddi viö á dögun- um, í gær. Eins og fram kom í DV í síðustu viku býr Viktoría, sem er 22 ára, ásamt 4 ára syni sínum í kjall- araíbúð í Safamýri. Þegar blaðið tók viðtalið við hana virtust henni öll sund lokuð. Hún kom úr meðferð í sumar, var komin út á vinnumark- aðinn en lenti þá í slæmum veikind- um. Hún gat ekki lengur greitt húsaleiguna, sem er 70 þúsund á mánuði, né leikskólann fyrir soninn Theodór. Hún átti aö fara úr íbúð- inni um mánaöamótin. Hún hafði beðið um hjálp hjá Félagsþjónust- unni. Hún hafði fengið mat og fatn- að hjá Mæðrastyrksnefnd. Það leit út fyrir að hún yrði húsnæðislaus um jólin þar sem aðstæður fjöl- skyldu hennar eru með þeim hætti að þangað gat hún ekki flutt. En með góðri hjálp samborgara og fé- lagsþjónustu hefur dæmið snúist við. Viðtalið vakti gífurleg viðbrögð og fjöldi lesenda hringdi á ritstjóm til að bjóða fram aðstoð í einhverri mynd, sumir peninga, aðrir mat, enn aðrir herbergi fyrir mæðginin svo þau lentu ekki á götunni. Fjöldi DV-MYND ÞÖK Betri horfur Theodór byrjaöi aftur í leikskólanum í dag. Viktoría leitar enn húsnæöis en horfurnar eru betri en áöur. fólks hringdi einnig í Viktoríu í sömu erindum. Fólk sem hún hafði aldrei séð færði henni poka fulla af matvælum, veitti henni ráðlegging- ar og bauð henni aUa þá aðstoð sem það gæti látið af hendi. Hún fékk meir að segja senda miða á Harry Potter-myndina og gat farið með son sinn í bíó um helgina. „Tilgangurinn með viðtalinu var fyrst og síðast að standa upp og vekja athygli á aðstæðum einstæðra for- eldra sem lenda í sömu aðstöðu og ég,“ sagði hún við DV í gær. „En það er yndislega góð tilfinning að vita að þarna úti er fullt af fólki sem vill gera allt til þess að hjálpa manni. Það hef- ur gefið mér aukna von og vakið hjá mér löngun til þess að hjálpa öðrum sem eru nú jafn vonlausir og ég var orðin í síöasta mánuði." Viktoría leitar nú aö húsnæði sem stendur autt og ónotað. Þar hyggst hún búa ásamt a.m.k. einni annarri einstæðri móður sem ekki ræður viö að vera á húsaleigumark- aðnum. Viktoría ætlar aö setja upp fundaaðstöðu fyrir einstæða for- eldra, sem hafa farið í vímuefna- meöferð og eru illa á vegir staddir. Hún hefur þegar fengið til liös við sig ráðgjafa sem er jafnframt trún- aðarmaður hennar eftir hennar eig- in meðferð. Hún sagði að hópur fólks væri tilbúinn til að aðstoða sig í þessum efnum. „Það er svo algengt að fólk falli út af áhyggjum af því að geta ekki haldið heimili fyrir sig og sína,“ sagði hún. „Þetta er verkefnið mitt og mig langar til að hjálpa þeim sem eiga við vanlíðan að stríða sem ég þekki af eigin raun.“ -JSS Vilja 500 milljónir í Sement Þingmennimir Árni Steinar Jó- hannsson og Jón Bjarnason vilja að ríkissjóði verði heimilað í fjár- lögum fyrir næsta ár að auka hlutafé Sements- verksmiöjunnar á Akranesi um allt að 500 miRj- ónir króna. í greinargerð með breytingartillögu þeirra við fjár- lagaframvarpið, sem lögð var fram á Alþingi í gær, segir að tilgangurinn sé að vinna tíma til að gera áætlun um framtíð- arstöðu fyrirtækisins. Tap verk- smiðjunnar í fyrra hafi numið tæp- um 230 milljónum króna og það geti orðiö annað eins á þessu ári. Slæm staða sé afleiðing samkeppni og því hafi verið haldið fram að innflytj- andi hafi beitt undirboðum undan- farin tvö ár, segir í greinargerð með tUlögunni. 1,7 í afgang án eignasölu Tekjuafgangur rikissjóðs á þessu ári verður 16,9 mUljarðar króna samkvæmt nýjum tUlögum meiri- hluta fjárlaganefndar vegna af- greiðslu fjáraukalaga. Að frádregn- um hagnaði af sölu ríkisfyrirtækja verður tekjuafgangurinn 1,7 mUlj- arðar. Hefur þá verið tekið tUlit tU ýmissa nýrra útgjalda sem lagt er tU að verði heimUuð á þessu ári og vegur þyngst 410 milljóna króna viðbótarframlag í Jöfnunarsjóð sveitarfélaga vegna nýgerðs sam- komulags rikis og sveitarfélaga. í fjárlögum ársins var stefnt að því að tekjuafgangur yrði 18,5 mUljarðar eða 3 mUljarðar án hagnaðar af sölu ríkisfyrirtækja. 200 milljónir í álver Undirbúningur að byggingu ál- vers í Reyðarfirði hefur kostað rík- issjóð rétt tæpar 200 mUljónir króna samtals frá 1997. Þetta kemur fram í skriflegu svari Valgerðar Sverris- dóttur iðnaðarráðherra viö fyrir- spurn Kolbrúnar HaUdórsdóttur en jafnframt er tekið fram að hluti kostnaðarins fáist endurgreiddur ef tU framkvæmdanna kemur. Margir á hjúkrunarheimilum Mun hærra hlutfaU eldra fólks býr á öldrunarstofnunum á íslandi en annars staðar á Norðurlöndum. Þetta kom fram í svari Jóns Krist- jánssonar heUbrigðisráðherra við fyrirspum Ástu Möller á Alþingi í gær. Ásta sagði ljóst að flestir kysu að vera heima hjá sér eins lengi og kostur væri; þær óskir væru byggð- ar á fjárhagslegum, félagslegum og heUsufarslegum sjónarmiðum. Jón Kristjánsson tók undir að leita þyrfti nýrra leiða og taldi nokkuð samhljóma álit að aukin heimaþjón- usta gæti bætt þennan vanda að ein- hverju leyti. Starfshópur um eyrnasuð Starfshópur á vegum landlæknis- embættisins leggur tU að stofnuð verði göngudeUd hjá Heyrnar- og talmeinastöð ís- lands fyrir þá sem þjást af eymasuði. Jón Kristjánsson heU- brigðisráöherra sagði í svari við fyrirspum Þuríð- ar Backman á Al- þingi í gær að ætla mætti að á þriðja tug íslend- inga þjáðust af eymasuði. Um er að ræða suð sem dynur í eyrum einstaklings aUan sólarhringinn, aUt frá vægu hvísli upp í óþolandi hávaða. Jón sagði að engin lyfjameðferð hefði borið af- gerandi árangur við eymasuði, það væri í raun ólæknandi, en tilraunir væra gerðar með dáleiðslu og slök- un. -ÓTG Jón Kristjánsson. Jón Bjarnason.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.