Dagblaðið Vísir - DV - 05.12.2002, Blaðsíða 13

Dagblaðið Vísir - DV - 05.12.2002, Blaðsíða 13
FIMMTUDAGUR 5. DESEMBER 2002 13 JZ>"V" Innkaup Menn leika sér að eldinum þegar þeir láta rjúpurnar hanga: Dragúldna á nokkrum dögum í hlýindunum Uífar Eysteinsson. Matur „Menn eiga að setja rjúpuna beint í frystinn þegar þeir koma með hana heim. Það hefur ekkert með gæði kjöts- ins að gera. Það er að leika sér að eldinum að hengja rjúpurnar upp úti, sérstak- lega i hlýindum eins og núna. Menn eru þá kannski að skemma vöruna eftir að hafa haft mikið fyrir því að ná í hana," segir Úlfar Eysteinsson, matreiðslumeistari á veitingahús- inu Þrír Frakkar hjá Úlfari. Það hefur lengi tiðkast að veiði- menn hengi rjúpurnar upp þegar heim er komið og láti þær hanga úti á svólum fram að hátíðum. Þetta gengur kannski þegar frost er tryggt allan tímann sem rjúpan hangir en getur verið varhugavert þegar umhleypingar eru ráðandi með löngum hlýindaköflum. Þá get- ur rjúpan dragúldnað á nokkrum dögum. Getur jólamáltíðin þannig farið fyrir lítið. Úlfar segir þann sið að hengja rjúpuna upp vera leifar frá gamalli tið, sérstaklega á Norðurlandi, þar sem langir frostakaflar hafa ein- kennt vetrarmánuðina. Ófáir halda að rjúpan taki bragð, brjóti sig, meðan hún hangir. Hún er hins vegar fislétt og nær yfirleitt að brjóta sig í skqttinu á leið heim úr veiðitúrnum. Úlfar bendir á að gott bragð megi fá með því að nota innan úr fóarninu, kannski úr 2-A fuglum, þegar eldaðir eru tíu fuglar, bæði út á pönnuna þegar steikt er og eins út í soðið þegar það sýður. Má láta á lyng og annað góð- gæti sem rjúpan hefur gætt sér á í grisju. Að hengja rjúpuna upp eru leif- ar frá gamalli tíð sem verða varla skýrðar með öðru en því að á vetr- um höfðu rnenn- stærsta frysti í heimi úti undir berum himni. Þessar sögulegu leifar minna Úlf- ar á söguna af ungu húsmóður- inni sem var vön fá sunnu- dagslærið hlutað í tvennt áður en hún steikti það. Maðurinn spurði hverju þetta sætti en fékk ekki önnur svör en þau að mamma hefði alltaf gert þetta svona og svona væri lærið best. Og þegar tengdamóðirin var spurð voru svör hennar á sömu lund: Mamma gerði þetta svona og svona er þetta best. Maðurinn vildi komast til botns í málinu og lá því leiðin á Grund, til ömmunnar. Sú gamla hafði fátt annað til málanna að leggja en að hún hefði orðið að A flugi yfir Islandi Komin er í verslanir endur- bætt útgáfa af geisladiski Land- mælinga íslands, Á fiugi yflr ís- landi, sem gefinn var út 2001. Á hon- um er þrívíddar- mynd af íslandi í raunlitum sem hægt er að fljúga yfir og skoða frá mismunandi sjónarhorn- um. Notandinn ræður flughaað, hraða og flugstefnu. Hann stjórnar ferðinni alfarið i rauntíma með mús, stýripinna eða lyklaborði. Þrívíddar- myndin er sett saman úr stafrænu landhæðarlíkani og gervitunglamynd- um. Meðal endurbóta frá fyrstu útgáfu er að hægt er að birta nöfn 230 staða/svæða á myndinni, örnemalisti með meira en 1200 nöfnum, sjálfvirkt flug til allra staða i ömefnalista, ferða- kort og sveitarfélagakort í korta- glugga, vegakerfi landsins og loft- myndir af nokkrum þéttbýlis- og ferða- mannastöðum. Jólasteik margra Ekki er ráð að hengja rjúpuna upp úti við þegar úr veiðitúrnum er komið nema menn geti verið öruggir um stöðugt frost. Að öðrum kosti getur þessi ágæti matur skemmst. hluta lærið í tvennt vegna þess að ofninn hennar var svo lítill. Lær- ið komst ekki inn í heilu lagi. Þegar rætt er um að kjöt brjóti sig má nefna að nautakjöt er látið hanga í 2-3 vikur og þá við kjörað- stæður allan tímann. Lambakjöt þarf kannski viku og gæsin tvo sól- arhringa. En rjúpan, sem er kannski um 400 grömm, þarf varla annað en ríflega timann i skottinu á leið heim úr veiði. -hlh ÞURRKUÐ EPLI MÖNDLUR Blandaðir þurrkaðirávestir ... allt sem þarfí baksturinnl Jón og Guðlaug í Bordeaux með árlegan glaðning: Jólavínið 2002 Jólavínið 2002 frá Cháteau de Rions á rætur að rekja til Bordeaux í Frakklandi, úr víngerðarhúsi Jóns Ármannssonar vingerðarmanns og konu hans, Guðlaugar Baldursdótt- ur. Jólavínið er í fallegum flöskum og setur svip á veisluborðið. Rauðvínið er lagað úr Merlot, Cabernet Franc og Cabernet Sauvignon þrúgum. Þroskaðist vin- ið á eikartunnum áður en það var sett á flöskur. Vínið er fullþroskað og tilbúð til drykkju. Af þvi er þokkafullur ilmur þar sem finlegur eikarkeimur blandast berjakeim. Bragðið er blæbrigðaríkt, hóflega kryddkennt og með góðri fyllingu. Vínið fellur til dæmis vel að ýmiss konar villibráð, lambakjöti og nautakjöti. Hvita jólavínið frá Cháteau de Rions er úr Sauvignon Blanc og Sé- millon þrúgum. Til að laða fram sem mestan berjakeim og ferskleika var vínið látið gerjast við lágt hita- stig en síðan haft á eikartunnum. Vínið er ilmríkt, slegið ristuðum eikarkeim í bland við þrúgukeim. Bragðið er nokkuð kryddkennt, með gððri fyllingu. Vínið nýtur sín vel eitt og sér en fellur vel að fiskmeti eins og reyktum laxi eða grilluðum humri. Einnig ljósu kjöti og pasta- réttum. Hvítvínið kostar 1.270 krónur en rauðvínið 1.580 krónur. -hlh Jólavínlb 2002 Cháteau de Rions íjólabúningi. Siglfirðingar og Skagfirðingar í samvinnu: I Tvær ungar konur opna Aðalbúðina Skrifsiöfd flugsiöðvdr Léifs Eiríkssonar Kéfldvík 4t , Fréttastofa sjóhvarþsihs ^Uausverk augiýsingdstofa (viskustykki) Lýfja Smáratorgi Sjóvádiménhar Borgarnési Tvær ungar konur á Siglufirði, þær Guðrún Hauksdóttir og Hrafn- hildur Hreinsdóttir, hafa stækkað við sig og opnað nýja búð undir þekktu nafni, Aðalbúðina, þar sem Bókabúð Siglufjarðar var lengi til húsa. Fyrir nokkrum árum stofn- uðu þær Föndurbúðina og voru með hana til að byrja með í gömlu bíla- stöðinni. Þaðan fluttu þær sig suður i miðbæinn, í húsnæði Leifsbakarís, og bættu þá við sig gjafavöru. Núna hafa þær stækkað enn frekar við sig, hafa fært sig á hornið á móti þar sem bókabúðin var áður. Þær Guðrún og Hrafnhildur hafa Eigendur Aöalbúöarinnar Hrafnhildur Hreinsdóttir og Guðrún Hauksdóttir ásamt samstarfsmann- inum Brynjari Pálssyni i Bókabúð Brynjars. breytt miklu innanstokks. Er nýja búðin bæði rúmgóð og glæsileg en Brynja Baldursdóttir listahönnuður hjálpaði þeim við að standsetja búð- ina. Þær Guðrún og Hrafnhildur ætla að bæta við sig nýjum vöruteg- undum, t.d. að bjóða Siglfirðingum og nágrönnum upp á bækur og rit- föng svo þeir þurfi ekki úr bænum að kaupa þær vörur. Þessi deild verslunarinnar er i samvinnu við Bókabúð Brynjars á Sauðárkróki. Til gamans má geta þess að æði- langt er orðið síðan Siglfirðingar og Skagfirðingar áttu samvinnu með verslun. Líklega má rekja það allt aftur til daga kjötbúðarinnar gömlu. Talsvert var af fólki á fyrsta versl- unardegi Aðalbúðarinnar. Aðspurð- ar sögðust þær stöllur vera bjart- sýnar á framhaldið og aö fólki litist vel á nýju verslunina. -ÞÁ Stdrfshidhnahópar, séhdið okkur tolvuþost ajolagledi@égilS:is ög*þið?éigið von ájóidgiéðí éfrá'OÍgéfðihni!

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.