Dagblaðið Vísir - DV - 09.12.2002, Blaðsíða 2

Dagblaðið Vísir - DV - 09.12.2002, Blaðsíða 2
MANUDAGUR 9. DESEMBER 2002 Fréttir j.^^ Rekstur embættis forseta íslands: Almennur rekstrar- kostnaður hefur aukist - samt verulegur samdráttur á síðasta ári vegna opinberra heimsókna Almennur rekstrarkostnaður emb- ættis forseta íslands hefur hækkað verulega frá árinu 1996 er Ólafur Ragnar Grímsson tók við embætti til og með árinu 2001. Miðað við fast verðlag árið 2001 og neysluverðsvísi- tölu, þá nemur aukningin i heild um 20%, en 44% miðað við verðlag hvers árs. Yfirstjórnin sjálf tekur þó til sín mun meiri aukningu, eða 40% miðað við fast verðlag 2001, en ríflega 68% miðað við verðlag hvers árs. Ekki hækka þó allir liðir við al- mennan rekstur embættisins og má geta þess að í fyrra lækkaði kostnað- ur vegna opinberra heimsókna t.d. um helming, eða úr 31,6 milljónum árið 2000 í 15,7 milljónir króna árið 2001. Þessi liður vegur þó ekki nema um 7,7% í heildartölu almenns kostn- aðar forsetaembættisins. Hefur þessi kostnaðarliður reyndar aldrei verið lægri frá því Ólafur Ragnar Grímsson tók við embætti. Eins og áður sagði var hann rúmlega 15,7 milljónir 2001, 31,6 milljónir árið 2000, rúmlega 28,8 milljónir árið 1999, rúmlega 19,7 rnillj- ónir 1998, 23,5 milljónir 1997 og rúmar 20 milljónir króna árið 1996. Miðað við verðlag hvers árs er þetta um 28% lækkun vegna opinberra heimsókna miðað við árin 1996 og 2001. Lækkun- in er enn meiri milli þessara ára ef miðað er við fast verðlag 2001 og neysluverðsvísitölu, eða ríflega 53%. Kostnaður vegna fálkaorðunnar dróst einnig verulega saman á síðasta ári og var aðeins 532.000 krónur, eða um þriðjungur þess þegar hann var mestur 1.618.000 krónur árið 1999. í samtali við DV sagði Stefán L. Stefánsson forsetaritari að kostnaður við opinberar heimsóknir færi vita- skuld eftir þvi hve margar slíkar væru á dagskrá yfir árið hverju sinni. Þannig hefðu heimsóknirnar verið færri nú í seinni tíð að undanförnu, sem aftur skýrði lækkun þessa kostn- aðarliðar undanfarin ár. Hins vegar kæmu heimsóknir erlendra fyrir- menna hingað til lands með næsta skömmum fyrirvara og við því yrði þá að bregðast. „Það er erfitt að ráða við opinberar heimsóknir," sagði forseta- ritarinn. Hann sagði að hins vegar væri rekstrarkostnaður við embætti forseta Islands í nokkru jafnvægi þó með því flökti sem verða vildi, eins og hann komst að orði. Kostnaður við orðuveitingar er minni nú í seinni tíð en var á fyrstu árum Ólafs Ragnars Grimssonar á Bessastöðum, einsog kemur fram hér á undan. Spurður um skýringar á því sagði Stefán að á fyrstu misserum sér- hvers forseta íslands í embætti væri byrjað á heimsóknum til Norðurland- anna. Hefð væri fyrir þvi að margir í viðkomandi löndum fengju heiðurs- merki islenska þjóðhöfðingjans í þeim utanferðum hans. Þegar þær væru af- staðnar og útdeilingu lokið lækkaði síðan kostnaðurinn. Á þessu væru því mjög eðlilegar skýringar, eins og öðra er varðaði rekstrarkostnað hins háa embættis. -HKr./sbs íslensk fegurðardrottning á leið í Miss Europe: íslensk fegurð í Líbanon um jólin - keppir í bleikum pallíettukjól DV-MYND: HARI Kveöjustund Berglind átti notalega stund á Fjörukránni ígærkvöld ásamt fjölskyldu sinni og kærasta, Jóni Ólafi Guðjónssyni, en hún missir afjólahaldinu þar sem hún veröurytra umjólin og kemur ekki heim fyrr en á gamlársdag. Amerískur hvíldarstóll Órrúlega þœgilegur! (Þú vefei ekki fyrr en þú hefgr prófað!) „Þetta verður örugglega algjört æv- intýri og leggst bara vel í mig," segir hin 19 ára gamla Keflavíkurmær Berglind Óskarsdóttir sem er á leið til Líbanon á morgun til þess að taka þátt í fegurðarsamkeppninni „Miss Europe" sem haldin verður í Beirút þann 28. desember. Berglind lenti í öðru sæti í Fegurðarsamkeppni ís- lands í vor og verður hún fulltrúi ís- lands í keppninni ytra sem sýnd verð- ur í beinni útsendingu á Skjá einum. Þetta þýðir að Berglind mun verja jól- unum úti ásamt 40 öðrum keppend- um. „Ég hef aldrei áður verið að heim- an um jólin svo þetta verða viðbrigði. Foreldrum mínum flnnst þetta alla- vega svolítið sorglegt, en ég held það verði gert eitthvað hátiðlegt fyrir okk- ur keppendurna á aðfangadag," segir Berglind og bætir við að hún muni ör- ugglega taka með sér íslenskt konfekt og jólageisladiska út en jólapakkarnir verði að bíða þar til hún komi aftur heim á gamlársdag. Tók jólaprófin fyrr Hingað til hafa íslenskar stúlkur ekki komist í verðlaunasæti í Miss Europe-keppninni, en nokkrar hafa þó komist áfram í 15 manna úrslita- hópinn. „Ég veit ekkert hverju þeir eru að leita að en ég mun að sjálf- sögðu koma eins vel fyrir og ég get," segir Berglind og upplýsir um leið að hún muni skarta sérsaumuðum bleikum pallíettukjól saumuðum af Sarí og þjóðbúningi sem er í eigu Reykjanesbæjar. Keppnin verður haldin á 900 fermetra sviði í hinni glæsilegu höll BIEL, en 500 milljón- ir Evrópubúa munu geta fylgst með keppninni í sjónvarpi. Síðustu vik- urnar hefur verið meira en nóg að gera hjá Berglindi því auk þess að hafa verið á þönum við að finna föt fyrir ferðalagið, en hún hefur notið aðstoðar ýmissa fyrirtækja við þaö, þá hefur hún verið að taka jólapróf- in í Fjölbrautaskóla Suðurnesja. „Kennararnir hafa sýnt mér mikinn skilning og leyfðu mér t.d að taka eitthvað af jólaprófunum fyrr," seg- ir Berglind sem stundar nám á tungumálabraut. í gærkvöld átti Berglind svo notalega stund á Fjöru- kránni í Hafharfirði ásamt foreldr- um sínum, systkinum og kærasta en þau munu ekki sjá hana fyrr en eftir jól, eða eftir þrjár vikur. -snæ Landslið hagyrðinga kveðast á annað kvöld Landslið hagyrðinga mun takast á þegar efnt verður til kvæðaþings á Hótel Selfossi annað kvöld kl. 20.30. Þar munu nokkrir af snjöllustu hag- yrðingum landsins leiða saman hesta sina, það er þingmenn og fulltrúar al- þýðunnar. Þingliðið skipa Halldór Blöndal þingforseti, Jón Krisrjánsson ráðherra og Steingrímur J. Sigfússon alþingismaður. í þjóðarliðinu eru Há- kon Aðalsteinsson skáld, sr. Hjálmar Jónsson dómkirkjuprestur og Flosi Ólafsson leikari. Kvæðaþingið er til styrktar hand- knattleiksdeild Ungmennafélags Sel- foss. Verndari þess er Guðni Ágústs- son og stjórnandi Ómar Ragnarsson. „Með kvæðaþingi þingmanna og al- þýðunnar mörkum við upphaf kosn- ingavetrar og það er víst að frammi- staða stjórnmálamanna í þessari glímu mun marka spor i frama þeirra í baráttunni í vor," sagði Bjarni Harð- arson sem er blaðafulltrúi kvæða- þingsins. -sbs Stuttar fréttir Lægri leiga Framboð á leiguhúsnæði á höfuð- borgarsvæðinu er orðið mun meira en eftirspurnin og muna starfsmenn á leigumiðlunum ekki eftir öðru eins á leigumarkaðnum. Verð á leiguhúsnæði hefur lækkað í kjölfarið. Leigumarkað- urinn hefur lengi verið erfiður, framboð á húsnæði lítið og verðið hátt. En það hefur gjörbreyst, fyrir tveimur árum lá við slagsmálum um hverja íbúð, en nú getur fólk valið úr. Dæmi era um að herbergi séu leigð á 12.000-13.000 krónur á mánuði, sem ekki fengust fyrir minna en 20.000 kr. fyrir ári. Einstaklingsíbúð- ir eru leigðar á 35^40.000 kr , tveggja herbergja íbúðir á 50.000-70.000 og þriggja á 60.000 til 80.000 kr. RÚV greindi frá. Ný reiðkennsluaðstaða Hólaskóli tók í notkun nýja reið- kennsluaðstöðu um helgina. Hólaskóla hefur sárlega skort aðstöðu af þessu tagi um alllangt skeið enda hefur umfang á starfsemi hrossabrautar skólans vaxið mjög á síðustu áram. Hin nýja aðstaða er sérhannað 1500 fermetra reiðkennslu- hús. Reiðsalurinn er 1200 fermetrar og auk þess áhorfendasvæði sem ætlað er fyrir liðlega 200 manns. Framkvæmdir hófust snemma sumars og er fyrsta áfanga þeirra nú lokið og húsið tilbúið undir kennslu. Eiðfaxi greindi frá. Tré ársins Tré ársins era tvö grenitré við bæinn Stóru-Giljá í A-Húnavatnssýslu. Þau vora útnefnd við hátíðlega athöfn i gær. Það gerði Magnús Jóhannesson, formað- ur Skógræktarfélags Islands. Trén standa á harðbala sunnan undir húsinu á Giljá og blasa við vegfarendum um þjóðveg 1. í umsögn um trén segir að annað þeirra sé hærra og fallegra að sjá en hitt. Það mældist 9,7 metrar í fyrra. Hitt er heldur minna. Bæði eru tvítoppa efstu 1 til 2 metrana. RÚV greindi frá. Eltingaleikur í Eyjafirði Lögreglan á Akureyri veitti bíl eftir- fór í morgun þar sem ökumaðurinn sinnti ekki stöðvunarmerkjum. Eltinga- leikurinn fór frá Akureyri og inn eftir firði oghandtók lögreglan tvo aðila, þeg- ar henni tókst loks að stöðva bílinn, grunaða um ölvun við akstur. Geirmundur vinsæll í Færeyjum RÚV greindi frá því að Færeyingar hafl tekið nýrri plötu Geir- mundar Valtýssonar, Alltaf eitthvað nýft, opnum örmum. Lagið Brosandi birta af nýju plötunni komst inn á svokallaðan danstopp- lista hjá færeyska útvarpinu i síðustu viku og hljómar þar oft á öldum ljós- vakans.ÝGeirmundur sagði í viðtali við Fréttastofu Útvarps að þefta væru mjög ánægjuleg tíðindi. Hljómsveitin hefur aldrei spilað utan landsteinanna, en vissulega væri gaman að spila í Færeyj- um og vonandi gæfi sá draumur ræst. Ekki væri svo verra að trommarinn í hljómsveitinni er hálffæreyskur. Vilja vernda Þjórsárver „Við vUjum tryggja ævarandi vernd- un Þjórsárvera og stækka friðlandið þar eins og Gnúpverjar hafa meðal annarra lagt til og horfið verði frá öllum hug- myndum um orkumannvirki sem skerða myndu Þjórsárver meira en orð- ið er." Þetta segir í stjórnmálaályktun aðalfundar kjördæmisráðs VG í Suður- kjördæmi sem haldinn var um helgina. -sbs

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.