Dagblaðið Vísir - DV - 11.12.2002, Blaðsíða 27
MIÐVKUDAGUR 11. DESEMBER 2002
27
DV
Nigel De Jong, varnarmaður Ajax, á hér í höggi við þá Emersen, t.v., og Christian Panucci, leikmenn Roma.
Reuter
Inter Milan með fullt hús í A-riðli Meistaradeildar Evrópu:
Roma enn án stiga
- Arsenal tapaði óvænt tveimur stigum gegn Valencia á Highbury
Leikmenn Arsenal náðu aðeins
jafntefli í viðureign sinni gegn Val-
encia á Highbury í London í gær í
meistaradeildinni í knattspymu.
Úrslitin voru engan veginn sann-
gjöm en bæði liðin fengu þó færi til
að skora í leiknum, en leikmenn
Arsenal fengu þau mun fleiri og
hættulegri. Patrick Viera, fyrirliði
Arsenal, varð að fara af leikvelli eft-
ir hálftíma leik vegna meiðsla.
Fjörugt í lokin
Siðari hálfleikurinn var mnn
fjörugri en sá fyrri sem var slakur
og ef ekki hefði verið fyrir frábæra
markvörslu Palop í marki Valencia,
hefðu leikmenn Arsenal eflaust get-
að skorað fleiri en eitt mark í hálf-
leiknum. Lið Valencia lenti einum
manni undir þegar um 20 mínútur
voru efti'r af leiknum, þegar Miguel
Angel Angulo var vísað af leikvelli
fyrir að slá Cygan í magann, beint
fyrir framan danska dómarann Kim
Milton Nielsen sem hafði enga aðra
möguleika í stöðunni. Eftir atvikið
réð Arsenal lögum og lofum á vell-
inum. Það gekk á ýmsu á síðustu
mínútum leiksins þar sem leikmenn
Arsenal gerðu örvæntingarfullar til-
raunir til að gera út um leikinn.
AUt kom þó fyrir ekki og Arsenal
tapaði þar ósanngjamt tveimur stig-
um.
Hamingjusamur maður
Þjálfari Valencia, Rafael Benitez,
var hamingjusamur maður eftir
leikinn. „Þetta er mikilvægt stig fyr-
ir okkur. Þetta var leikur sem við
hefðum bæði getað unnið og tapað,
en miðað við allan vandræðagang-
inn hjá okkur í lokin er ég mjög
ánægður með þetta.“
Arsene Wenger, framkvæmda-
stjóri Arsenal, var heldur ekki
ósáttur. „Þetta var frábær leikur
mjög sterkra liða. Lið mitt á heiður
skilinn fyrir það hvernig það lék og
baráttuna í leikmönnum þess. Við
hræðumst engan, en þegar komið er
á þetta stig eru liðin orðin það góð
að úrslitin i riðlinum ráðast ekki
fyrr en í lokaumferðinni. Ég er viss
um það. Það er auðvitað svekkjandi
að vinna ekki, en við erum efstir í
riðlinum með Ajax og ég vonast til
að við komumst áfram úr riðlinum,"
sagði Wenger. Hann hrósaði mark-
verði Valencia í hástert. „Hann var
hreint frábær í markinu í kvöld og
hann á hrós skilið.“
Roma í vanda
ítölsku meistararnir í Roma eru
enn án stiga í B-riðlinum, en liðið
tapaði á útivelli gegn Ajax, 2-1. Ajax
hefur hins vegar nælt sér í tjögur
stig og ætlar sér greinilega að taka
fullan þátt í baráttunni á toppi riðils-
ins. Það var sænski landsliðmaður-
inn Ibrahimovic sem gerði fyrra
mark Ajax, eftir háðugleg mistök
Antonioli í marki Roma og Finninn
Jari Litmanen kom Ajax í 2-0 um
miðjan síðari hálfleik. Það var hinn
„leiksoltni" Gabriel Batistuta sem
minnkaði muninn á síðustu mínút-
mn leiksins. Leikmenn Ajax léku
eins og þeir sem valdið höfðu í fyrri
hálfleik, þrátt fyrir mikil meiðsli, en
þeir hleyptu Roma aðeins meira inn
í leikinn i síðari hálfleik, án þess þó
að komast í einhver vandræði.
Sluppu í lokin
Inter lagði Leverkusen að velli í A-
riðlinum, 2-1. Það má segja að Inter
hafi lagt grunninn að sigrinum á
fyrsta hálftíma leiksins með tveimur
mörkum frá Luigi Di Biagio. Leik-
menn Leverkusen voru sterkari aðil-
inn í síöari hálfleik en urðu fyrir því
óláni að gera sjálfsmark 10 mínútum
fyrir leikslok. Leikmenn Leverkusen
gerðu allt hvað þeir gátu undir lokin
og náði varamaðurinn Franca að
skora á lokamínútum leiksins. Þeir
náðu reyndar að skora annað mark,
þar var að verki Bernd Schneider en
hann gerði markið með hendi og það
var dæmt af. „Ég er ánægður með
það áræði sem leikmenn mínir
sýndu í kvöld. Við náðum að loka vel
á andstæðingana og sækja hratt á
þá,“ sagði Hector Cuper.
Klaus Toppmuller, þjálfari
Leverkusen, bar sig þó vel þrátt fyr-
ir stigaleysið. „Við erum ekki út úr
keppninni. í fyrsta riðlinum töpuð-
um við fyrstu tveimur leikjunum, en
ég sagði allan tímann að við gætum
komist áfram sem gerðist.“ -PS
Sport
MEISTARADEILDIN
A-riðiU
úrslit
Barcelona-Newcastle...frestað
Inter Milan-Leverkusen...3-2
1- 0 Di Biagio (15.), 2-0 Di Biagio (36.),
2- 1 Zivkovic (63.), 3-1 Butt (80. sjm.),
3- 2 Franca (90.)
Staðan
Inter Milan 2 2 0 0 7-3 6
Barcelona 1 1 0 0 2-1 3
Leverkusen 2 0 0 2 3-5 0
Newcastle 1 0 0 1 1-4 0
B-riðill
úrslit
Ajax-Roma..................2-1
1-0 Ihrahimovic (11.), 2-0 Litmanen
(66.), 2-1 Batistuta (89.)
Arsenal-Valencia...........0-0
Arsenal 2 Staðan 1 1 0 3-1 4
Ajax 2 2 1 0 3-2 4
Valencia 2 0 2 0 1-1 2
Roma 2 0 0 2 1-3 0
Schalke
steinlá
Þýska liðið Schalke steinlá fyrir
pólska liðinu Wizla Krakow á
heimvelli sínum í Schalke í UEFA-
keppninni, eða Evrópukeppni
félagsliða. Lokatölur í leiknum urðu
1M, en fyrri leiknum lyktaði með
1-1 jafntefli. Wizla Krakow sigrar
því samanlagt 2-5 og er komið
áfram í 4. umferð keppninnar, sem
er nokkuð óvænt þar sem Schalke
hefur þótt vera með mjög sterkan
heimavöll. -PS
Bergkamp hættur
við að hætta?
Dennis Bergkamp heldur þeim
möguleika opnum að halda áfram að
leika með Arsenal i eitt ár enn, en
hann hefur stefnt að því að hætta eft-
ir yflrstandandi keppnistímabil. Hann
„Ég sagði fyrir tímabilið að ég ætlaði
að skoða málið eftir tímabilið, en eins
og staðan er núna finnst mér ég alveg
geta leikið í eitt ár enn. Ég ætla hins
vegar að enda ferilinn hjá Arsenal því
ég ætla að hætta á toppnum í stað
þess að fara að leika með lakari liðum
i einhvern tíma,“ sagði Bergkamp. -
Brann lækk-
ar launin
Talsmaður leikmanna Brann seg-
ir að liðið hyggist lækka laun um
10% fyrir næsta keppnistímabil og
það sé gert til að lækka kostnað, en
eins og komið hefur fram er fjár-
hagsstaða félagsins slæm. Þá hafa
nokkrir leikmenn verið leystir und-
an samningi. Talsmaður félagsins
neitar þessum fréttum.
Framtíð Teits Þórðarsonar, þjálf-
ara liðsins, er enn óráðin, en hann
hefur á undanfómum vikum verið
orðaður við önnur félög, svo sem
AIK i Svíþjóð. -PS
í Barcelona
Leik Barcelona og Newcastle í
meistaradeildinni í knattspyrnu var
frestað vegna veðurs. Það hafði
rignt gríðarlega síðasta sólarhring-
inn fyrir leikinn, en um miðjan dag
í gær stytti aðeins upp. Fjórum tím-
um fyrir leikinn í gær var þá ákveð-
ið að leikurinn færi fram, en rétt áð-
ur en leikur átti að hefjast byrjaði
að rigna á ný.
Leikurinn hefur verið settur á að
nýju í kvöld, en eins og sjá má á
meðfylgjandi mynd af Bobby Rob-
son, framkvæmdastjóra Newcastle,
þar sem hann spókar sig á Neu
Camp í rigningunni, þá rigndi mik-
ið i Barcelona i gær. -PS