Dagblaðið Vísir - DV - 12.12.2002, Blaðsíða 13

Dagblaðið Vísir - DV - 12.12.2002, Blaðsíða 13
FIMMTUDAGUR 12. DESEMBER 2002 13 JOV Innkaup Metþátttaka í piparkökuhúsaleik Kötlu: Fimmtíu hús af öllum stærðum og gerðum Metþátttaka var í piparkökuhúsa- leik Kötlu en 50 manns sendu inn hús í leikinn. Þátttökufrestur rann út á mánudagskvöld og var fólk að koma með húsin sín fram á síðustu stundu. Af þessum 50 húsum eru 37 barna- hús og 13 eftir fullorðna. Þar á meðal eru hús sem varla verður lýst öðru- vísi en með orðum eins og meistara- verk. Enda munu sum húsanna hafa verið í allt að mánuð í byggingu. Húsin eru sýnd í Kringlunni til 15. desember. Verðlaunaafhending fer fram í Kringlunni kl. 16.30 á föstudag. Piparkökuhúsaleikur Kötlu hefur verið fastur punktur i jólaundirbún- ingi margra fjölskyldna undanfarin ár. Sömu fjölskyldurnar hafa tekið þátt í leiknum ár eftir ár og hafa sum- ir þátttakendur jafnvel unnið oftar en einu sinni. Síðan hafa nýir keppendur bæst við á hverju ári. Verðlaun í piparkökuhúsaleiknum eru vegleg sem aldrei fyrr en verðlaun eru veitt fyrir 3 fallegustu húsin. Einnig verður besta barnahúsið verð- launað sérstaklega. Fyrstu verðlaun eru vöruúttektir frá Epal og Dún og fiðri, samtals að verðmæti 400.000 krónur. Önnur verðlaun eru 70.000 króna gjafabréf frá Bræðrunum Ormsson og þriðju verðlaun 30.000 króna vöruúttekt á sama stað. Fyrir besta barnahúsið er veitt leikjatölva frá Nintendo ásamt gjafa- bréfi upp á 15.000 krónur frá Bræðr- unum Ormsson. -hlh KÓKOSMJÖL MÖNDLUR Hnetur alltsem þarfí baksturinn! Láttu okkur yfirfara upptökuvélina tímanlega fyrir jól DVMYND GVA Meistaraverk úr piparkökudeigi Stórkostleg sýning á 50 piparkökuhúsum aföllum stæröum oggerðum stenduryfir í Kringlunni til 15. desember. ^^ ^ Radioverkstæðið Savm** Einholti 2 • sfmi 552 3150 Panasonic Jóhannes Gunnarsson um hækkanir brunatrygginga: Staða tryggingafélaganna gefur ekki tilefni til hækkana „Ekki verður annað séð en að fé- lögin skili verulegum hagnaði á þessu ári og hafi styrkt fjárhagslega stöðu sína til muna frá árinu áður. Slík heildarstaða stóru íslensku vá- tryggingafélaganna gefur ekkert til- efni til þess að þau láti neytendur bera aukin útgjöld af vátryggingaið- gjöldum á nýju ári. Á grundvelli þessa krefjast Neyt- endasamtökin þess að tryggingafé- lögin endurskoði fyrri ákvörðun sína um hækkun á brunatrygging- um," segir Jóhannes Gunnarsson, formaður Neytendasamtakanna, í nýrri grein á vefsíðu samtakanna. Hann bendir á að þessi atvinnu- grein starfi á fákeppnismarkaði sem gefi henni enn meira svigrúm en ella til að verðleggja þjónustu sína. Nú þegar hafi tvö stór tryggingafé- lög boðað stórhækkuð iðgjöld brunatrygginga og þriðja félagið ihugi umtalsverðar hækkanir. Geri félögin þetta með vísan til afkomu í vátryggingarekstri á árinu 2002. Jóhannes Gunnarsson. „Þegar betur er að gáð skila stóru vátryggingafélög- in þrjú ekki ýkja minni hagnaði á fyrstu níu mánuð- um ársins heldur en á sömu mánuð- um í fyrra, eða tæpum milljarði nú miðað við rúm- an milljarð i fyrra og munar þar aðeins 16%. Þessi hagn- aðarminnkun er þar að auki ekki raunveruleg heldur skýrist að fullu með breyttum reikningsskilareglum tryggingafélaga. Staða félaganna hef- ur greinilega styrkst á fyrstu níu mánuðum ársins 2002. Það sést, auk hagnaðarins, á stækkun bótasjóða fé- laganna. Þessir sjóðir nema nú um 50 milljörðum króna og jukust um 5 milljarða, eða 11%, á fyrstu níu mán- uðum ársins," segir Jóhannes. Hann bætir við að félögin tilgreini tap á eignatryggingum sem ástæðu hækkananna. Afkoma í þessari trygg- ingagrein sé hins vegar mjög mismun- andi á mnli félaganna og afkoman gefi því varla tilefni til almennrar hækk- unar eignatryggingaiðgjalda. „Ef slæm afkoma í eignatrygging- um um þessar mundir gefur tilefni til svo stórfelldra hækkana iðgjalda sem boðaöar hafa verið, má með sömu rök- semdum spyrja hvort góð afkoma í öðrum tryggingum, t.d. í bifreiða- tryggingum, gefi ekki tilefhi til stór- lækkana á iðgjöldum í þeim greinum. Á þessu ári er útlit fyrir mörg hundr- uð milljóna króna hagnað af rekstri bifreiðatrygginga samkvæmt upplýs- ingum félaganna sjálfra," segir Jó- hannes og krefst þess að vátrygginga- félögin geri mun nákvæmari grein fyrir forsendum iðgjaldahækkana eignatrygginga en þau hafa þegar gert. Spyr hann að auki hvort bruna- tjón á atvinnuhúsnæði geti gefið til- efni til hækkana brunatrygginga íbúð- arhúsnæðis. -hih Heitasta búðin íbœnum! 100% mesta vöruúrval áferm, alltfrá magadansbúningum til ektapelsa. Oðruvísi Ijðs, styttur, myndir, rúmteppi, dúkar, púðar. Jólagjöfin iár! Sigurstjarnan í bláu húsi við Fákafen, sími 588 4545. Einnig opið um helgar.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.