Dagblaðið Vísir - DV - 12.12.2002, Blaðsíða 14

Dagblaðið Vísir - DV - 12.12.2002, Blaðsíða 14
14 FIMMTUDAGUR 12. DESEMBER 2002 Skoðun ¦j-yyr Spurning dagsins Hvert er uppáhalds- jólalagið þitt? Hjalti Magnússon neml: White Christmas. Benedikt Jóhannesson nemi: Hawaian Christmas úr myndinni Christmas Vacation. Stefán Stefánsson neiiii: Ég á ekkert uppáhaldsjólalag. Herberg Birgisson nemi: The Night Santa Went Crasy. Svavar Jón Bjarnason nemi: Snjókorn falla. Kári Kolbeinsson nemi: White Christmas. Alþingi - gildi kosningaréttar Albert Jensen skrífar: Kosningaréttur er vörn alþýðunn- ar, tákn hinna frjálsu og því tæki til betra lífs. í þeim tilfellum sem fólk umgengst þann rétt sinn í hugunarleysi, og þá væntanlega án hugmyndar um vægi hans, er hann lltils virði. Erfitt er að sjá við áróðri sem flokk- arnir beita þegar verið er að laða til sín þá sem þeir vinna gegn. Dæmi um þingmenn með ólíkar lífsskoðanir eru Pétur Blöndal og Steingrímur Sigfússon en málflutn- ingur þeirra gæti sýnt viðkomandi flokka í hnotskurn. Annar mælir fyrir misrétti og auðsöfnun umfram þörf en hinn fyrir jafnrétti og eðli- legri hófsemi. Greinilegt er að vinnusemi þing- manna er einstaklingsbundin og fer ekki eftir pólitík. Margir þingmenn virðast sofa í þessi fjögur ár, enda er ótrúlega margt öfugsnúið og ranglátt sem að almenningi snýr og rekja má til Alþingis. Til dæmis skattleysismörk sem viðhalda fá- tækt og sú staðreynd að þvi lægri laun sem fólk hefur því meira borg- ar það hlutfallslega í skatta og er fleira því líkt. - Það er mikið að á Alþingi okkar íslendinga að svo óheyrilegt ranglæti skuli koma það- an. Manndómur er fágætur, sá er þarf til fylgis eigin skoðana og að bjóða flokksvaldi birginn. Eigi ein- hver þingmaður kaup sitt skilið þá er það Jóhanna Sigurðardóttir vegna ósérhlífni hennar og baráttu gegn ranglæti stjórnvalda og spill- ingu. Stöðug barátta hennar fyrir sanngjörnu þjóðfélagi hefur farið fyrir brjóstið á orðljótum andstæð- ingum hennar sem æ oftar verða sér til skammar vegna skapvonsku og tómleika. Jóhanna Sigurðardóttir alþingismaöur. Stóöug barátta hennar fyrir sanngjörnu þjóöfélagi fer fyrir brjóstiö á oröljót- um andstæöingum hennar, segir m.a. í bréfinu. „Stjórnmál eru svo viðsjár- verð að swnir í hjólastól- um; öryrkjar og láglauna- fólk kýs flokka sem vinna gegn hagsmunum þess. Fólkið virðist ekki skilja að rétturinn til að kjósa er nær eina vopnið sem það hefur sér til varnar gegn ranglátum valdhöfum." Fyrir marga er pólitíkin trúmál, áhrif forfeðra, lítið um rökrétta hugsun og fjöldi fólks lætur rétt sinn reka á reiðanum og leyfir jafh- vel öðrum að vasast með hann. Stjórnmál eru svo viðsjárverð að sumir í hjólastólum; öryrkjar og láglaunafólk kýs flokka sem vinna gegn hagsmunum þess. Fólkið virð- ist ekki skilja að rétturinn til að kjósa er nær eina vopnið sem það hefur sér til varnar gegn ranglátum valdhöfum. Úr áróðri stjórnvalda fyrir mismunandi málum verða menn að vinna sjálfir og þá vandast mál þeirra sem ekki nenna að hugsa. Mörgum finnast stjórnmál leiðin- leg og því tekst flokkum að gera ein- faldleikann flókinn fyrir einfeldn inga. Verra en engu hefur sá hópur skilað öldruðum sem stofnaði deild innan Sjálfstæðisflokksins. - Aldr- aðir eiga að stofna eigin flokk með öryrkjum og víkka svo út starfsem- ina með láglaunafólkinu. Ríkisstyrktir stjórnmálaflokkar Hafsteinn Jónsson skrífar: Það er ekki tíundað eða blásið upp ósamkomulagið milli stjórnmála- flokkanna og formanna þeirra þegar þeir samþykktu samhljóða hækkun á framlögum til flokkanna. Enda var um það enginn ágreiningur og þá voru allir vinir! - Hvernig á fólk nú svo að taka við öðrum í umræðum á Alþingi - þegar þeir sviðsetja deilur og karp sín 1 milli út af smámunum? Jafnvel tíðar ferðir þingmanna Vinstri grænna í pontu til að láta lita svo út að þeir styðji sérstaka aðstoð til handa Sementsverksmiðju rikis- ins verða hlægilegar þegar þeir vita fyrirfram að þessi rikisverksmiðja „Fœrri þingmenn, minni kostnaður, meira rými í þinghúsinu, o.s.frv. En þjóðin lifir sig inn í grínið. Þess vegna áttar hún sig ekki á sjálftöku þingmann- anna á fé til stjórnmála- flokkanna." verður látin rúlla burt af Skaganum. Þetta veit þingheimur ofurvel, en líta verður svo út, að a.m.k. þingmaður úr kjördæminu styðji ríkisstyrkinn. Og svona er þetta bara; þingmenn koma sér upp málefnum til að deila um, en engin meining í neinu af tuð- inu, þótt umræður velti svona dag frá degi. Flokkarnir verða að hafa eitthvað til að skreyta sig með, og þeir verða að merkja sér málefni, til að ná til kjósenda sinna, væntan- legra. Auðvitað eru stjórnmálaflokkarnir alltof margir, hæfilega margir væru tveir, og það væri þjóðhagslega lang- hagkvæmast. Færri þingmenn, minni kostnaður, meira rými í þing- húsinu, o.s.frv. En þjóðin lifir sig inn í grínið. Þess vegna áttar hún sig ekki á sjálftöku þingmannanna á fé til stjórnmálaflokkanna. - Hvilíkur endemis skrípaleikur. Reyktir hrafnistumenn Kata gamla, kerlingarskassið í Hafmu, sem Herdis Þorvaldsdóttir lék svo dá- samlega, saknaði einskis í lífinu utan þess eins aö hafa ekki byrjað að reykja fyrr. Um leið og hún lýsti þessu yfir sog- aði hún í sig reykinn og púaði honum yfir barnabarn sitt. Það yndislega skass kom Garra í hug í gær þegar hann las í blaði sínu að gamlingjar á Hrafnistu í Reykjavík kvörtuðu sáran yfir reykinga- aðstöðu sinni. íbúar hjúkrunardeildar- innar, sem enn hafa getu til reykinga, verða að una því að sjúga í sig reykinn í gluggalausri kytru, óloftræstri. Þar er því fátt hægt að gera nema soga sinn eig- in reyk, og annarra til viðbótar. Þaðan koma menn reyktir, jafnt að utan sem innan. Allt önnur Ella Það má hugsa sér að amast við því að ung- dómurinn reyki. Hvað vistmenn á elliheimili gera er hins vegar allt önnur Ella. Þeir sem hafa skilað sínu dagsverki og eru á síðustu metrun- um, ef svo má segja, eiga auðvitað að djamma og djúsa meðan öndin er enn í kroppnum. Þar eiga að vera barir og reyksalir á hverju horni, gamla fólkinu til dægrastyttingar. Á þá unaðsstaði geta gamlir sjóarar og verkamenn af vinakri drottins, og tiltækar konur, komið saman, kveikt sér í vindli, pípu eða sígarettu eftir atvikum, sagt af sér frægðarsögur eða hlustað á slíkar yfir kon- íaks- eða sérríglasi. Þeir sem hafa vanið sig á annars konar brúkun tóbaks geta tekið í nefið þótt það sé að sönnu ekki eins smart. Þannig á dagur gamla fólksins að líða. Óskastaðan er að það hendi frá sér göngu- grindunum og lifi í léttu daðri og djammi. Þess í stað er söfnuðurinn píndur inn í gluggalausa og óyndislega skonsu þaðan sem það staulast blátt í framan af reyk- eitrun og súrefnisskorti. Fagurt ævikvöld Við svo búið má ekki standa. Það er sama hvort það er Hrafnista eða önnur ellihús. Inn með stuðið, barina og vel loft- ræsta reyksali með leðursófum og fíniríi. Burt með óhrjálegu, daunillu kompurnar, boðin og bönnin. Fyrir hverjum eru púrit- anarnir svo sem að hafa vit? Varla eiga viðvaranir landlæknis við þá áttræðu eða níræðu sem eru löngu búnir að koma upp börnum, barna- börnum og barnabarnabörnum. Búum öldruðum fagurt ævikvöld. Leyfum þeim að reykja í friði. HÚSASMIÐIAN Húsasmiöjan og BYKO Samkeppnin um vöruval og pekkingu. Húsasmiðjusalan Gunnar Kristjánsson skrifar: Sala Húsasmiðjunnar er orðin að stórmáli. Það gengur á með sögum um rangfærslur og misskiling á rangfærslur og misskilning ofan frá báðum aðilum í málinu, núverandi eigendum Húsasmiðjunnar og fyrrv. forstjóra hennar. Þetta er sér- lega slæmt mál fyrir Húsasmiðjuna að mínu mati. Ég hef unnið talsvert i viðgerðum ýmiss konar og hef keypt efhi á báðum stöðum, í Húsa: smiðjunni og í BYKO, en ég fmn mun á því hve BYKO stendur sig betur í vöruúrvali og þekkingu en Húsasmiðjan, á þessu sviði. Vestur í bæ, þar sem ég versla er t.d. munur- inn áberandi, með mun stærri þjón- ustukjarna BYKO. Húsasmiðjan þurfti sannarlega á annars konar sviðsljósi að halda nú en því sem hnútukast og deilur stjórnenda hennar við fyrrverandi forstjóra valda, vegna sólu hennar. Fín sjónvarpsmynd H. Ben hringdi: Stundum koma prýðilegar kvik- myndir í Sjónvarpinu, þrátt fyrir allt. Ein slík var sl. laugardag, „Ein- stök nótt" („One special night"). Þetta var ein þessara afbragðsgóðu og vel leiknu mynda þar sem tvær rosknar Hollywood-stjörnur léku aðalhlutverkin, þau Julie Andrews og James Garner. Myndin var frek- ar nýleg, en þessir leikarar og fleiri í sama gæðaflokki eru enn að og skila hlutverkum sínum með stakri vandvirkni. Svona kvikmyndir ætti Sjónvarpið að sýna í hverri viku, helst hvern laugardag. Þá fer orð- spor Sjónvarps brátt batnandi. Og það veitti ekkert af því. Þakka samt þessa mynd og fleiri slikar. Bætir Waris heiminn? Hulda Ólafsdóttir skrifar: „Mögnuð bók, mögnuð frásögn... einstök lesning", segir í auglýsing- um um bókina Eyðimerkurdögun eftir Waris Dirie. Islenskar konur WarisDirie ^afa flykkst á fyrirsæta fundl með Warls Kom, sá en tap- t>essari sem vUi aoi bæta heiminn. I — myndablaðinu Séð og heyrt er svo mynd af konunni og hún sögð hafa komið fram með ósæmandi hætti er hún ætlaði að árita bókina í einni verslun borgar- innar, hafi verið drukkin og grýtt tússpennum á borðið og sýnt af sér vanvirðu gagnvart fólki sem vildi ná til hennar vegna áritunarinnar. Ég get staðfest að þetta er rétt, og þótti það miður vegna konunnar. Þetta sýnir okkur íslendingum líka að það er ekki til fagnaðar að taka sérhverj- um útlendingi opnum örmum, jafn- vel þótt frægur sé, og á vegum SÞ. Leiðari um sóðaskap Jón Jóhannsson hringdi: Ég vil taka undir og þakka fyrir góðan leiðara í DV, Af þjóðum og sóð- um, undirritaðan af Sigmundi Erni. Hér er nefnilega tekið á máli sem fáir skrifa um og enn færri vilja viður- kenna opinberlega. Staðreyndin er að óvíða viðgengst meiri sóðaskapur ut- anhúss en hér á landi og sérstaklega í höfuðborginni. Okkur er nauðsyn á að taka okkur tak í hreinlætismál- um. Þetta er stærsti lösturinn sem snýr t.d. beint aö erlendum gestum. Og það er hörmulegt. lEJFV Lesendur Lesendur geta hringt allan sólarhring- inn í síma: 550 5035. Eða sent tölvupóst á netfangið: gra@dv.is Eða sent bréf til: Lesendasíöa DV, Skaftahlío 24,105 Reykjavík. Lesendur eru hvattir til aö senda mynd af sér til birtingar með bréfunum á sama póstfang.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.