Dagblaðið Vísir - DV - 18.12.2002, Blaðsíða 28

28
MIÐVIKUDAGUR 18. DESEMBER 2002
Hermann Albertsson skrifaði í gær
undir tveggja ára samning við Síma-
deildarlið FH. Hermann lék með
Leiftri/Dalvík í 1. deildinni í sumar.
Franski varnarmaöurinn Mikael
Silvestre hefur samþykkt að skrifa
undir nýjan samning við Manchester
United sem mun gilda til ársins 2007.
Silvestre hefur átt frábært tímabil
með Manchester United hvort heldur
hann hefur spilaö sem vinstri bak-
vörður eða sem miðvörður.
Knattspyrnusamband Evrópu hefur
sektað enska og slóvakíska knatt-
spyrnusambandiö fyrir ólæti stuðn-
ingsmanna þjóðanna þegar þær
mættust í Bratislava I október. Eng-
land vann leikinn, 2-1, en dólgsháttur
áhorfenda setti ljótan svip á leikinn.
Enska knattspyrnusambandið var.
sektað um níu þúsund pund en það
slóvakíska fékk 27 þúsund punda
sekt.
Brasiliumenn eru enn i fyrsta sæti
heimslista Alþjóða knattspymusam-
bandsins en nýr listi var gefinn út í
gær. íslendingar eru í 58. sæti list-
ans og falla um eitt sæti frá því í síð-
asta mánuði.
Breski ökuþórinn Justin Wilson
mun aka fyrir Minardi-liðið í For-
múlu 1 kappakstrinum á næsta
keppnistímabili. Forráðamenn liðs-
ins tilkynntu þetta í gær. Wilson, sem
er 24 ára gamall, átti að aka tvær síð-
ustu keppnimar á nýafstöðnu tíma-
bili fyrir Minardi i stað Alex Yoong
en komst ekki fyrir í 2002 árgeröinni
af Minardi-bílnum vegna hæðar sinn-
ar. Wilson er 1,90 m á hæð, óvenju há-
vaxinn af ökumanni að vera. Ekki
hefur enri verið ákveðið hver mun
aka með Wilson á komandi timabili.
Finnski ökuþórinn Mika Hákkinen
ætlar að aka í finnska vetrarrallinu í
næsta mánuði en neitar þó staðfast-
lega að hann ætli sér að byrja að
keppa á fullu á nýjan leik. Hákkinen
mun aka Mitsubishi Lancer i rallinu.
AS Roma lenti í miklum vandræöum
í gær með 2. deildar liðið Triestina i
seinni leik liðanna í 3. umferð ítölsku
bikarkeppninnar. Fyrri leikurinn
endaði með jafritefli, 1-1, og einnig sá
seinni á heimavelli Rómverja. Því
þurfti að framlengja og eftir marka-
lausa framlengingu réðust úrslitn í
vítaspymukeppni þar sem Roma fór
loks meö sigur af hólmi, 4-1.
Einn leikur fór fram í hollensku 1.
deildinni í knattspymu í gærkvöld.
NEC Nijmagen bar sigurorð af Roos-
endaal, 3-0.
Bruce Arena, sem stýrði bandaríska
landsliðinu í knattspyrnu i 8-liða úr-
slit i heimsmeistarakeppninni í Japan
og Suður Kóreu í sumar, hefúr skrifað
undir nýjan samning um að stjóma
liðinu.fram yfir heimsmeistarakeppn-
ina i Þýskalandi árið 2006. Arena
gerði frábæra hluti með liðið og trúa
forystumenn knattspymunnar í
Bandaríkjunum að hann muni vinna
annað þrekvirki eftir fjögur ár. -ósk
Sport
Diego Forlan skorar hér sigurmark Manchester United í leiknum gegn Chelsea í gærkvöld. Hann renndi boltanum af öryggi fram hjá ítalska markveröinum
Carlo Cudicini. Reuters
Manchester United vann Chelsea í enska deildabikarnum í gærkvöld:
Nú er öldin önnur
- Diego Forlan skorar og skorar eftir mjög erfiða byrjun hjá Manchester United
Úrúgvæinn Diego Forlan er í mikl-
um ham þessa dagana og sýndi mik-
ilvægi sitt fyrir Manchester United í
gærkvöld þegar hann skoraði sigur-
mark liðsins gegn Chelsea í 8-liða úr-
slitum enska deildabikarsins á Old
Trafford. Með markinu, sem kom á
80. mínútu, tryggði hann Manchester
United sæti í undanúrslitum deilda-
bikarsins í fyrsta sinn síðan 1994 og
sá jafnframt til þess að Chelsea tap-
aði sínum fyrsta leik í ellefu leikjum.
Eiöur óheppinn
Eiður Smári Guöjohnsen kom inn
á sem varamaður fyrir Jimmy Floyd
Hasselbaink á 77. mínútu og var
óheppinn skömmu fyrir leikslok þeg-
ar hann skoraði mark sem var rang-
lega dæmt af vegna meintrar rang-
stöðu.
Nýjar áherslur hjá Ferguson
Alex Ferguson, knattspyrnustjóri
Manchester United, hefur löngum
gefið lítið fyrir þessa keppni en ann-
að er uppi á teningnum þetta árið.
Hann hefur stillt upp sínu sterkasta
liði að undanförnu og leikurinn í gær
var engin undantekning. Hann hvíldi
aðeins Hollendinginn Ruud Van Ni-
stelrooy en stillti upp David Beck-
ham I byrjunarliðinu á nýjan leik.
Maður leiksins var þó sennilega
Argentínumaðurinn Juan Sebastian
Veron sem fór á kostum á miðju
Manchester United.
Cole skoraöi tvö
Blackburn er einnig komið í und-
anúrslitin eftir sigur á 2. deildar lið-
inu Wigan á útivelli, 2-0.
Andy Cole skoraði bæði mörk
Blackburn í leiknum, það fyrra á 16.
mínútu en það seinna kom tíu mínút-
um fyrir leikslok. Wigan pressaði
stift að marki Blackburn á milli
markanna en þrátt fyrir góð færi
tókst þeim ekki að skora.
Tvö mörk undir lokin
Paul Peschisolido var hetja Shef-
field United gegn Crystal Palace í
baráttu 1. deildarliðanna á Bramall
Lane í Sheffield. Peschisolido skoraði
tvö mörk undir lok leiksins og
tryggði sínum mönnum sigur, 3-1.
Carl Asaba kom Sheffield United yfir
á 35. mínútu en átta mínútum fyrir
leikslok varð Robert Page, varnar-
maður Sheffield, fyrir því óláni að
skora sjálfsmark. Það breytti þó engu
því Peschisolido kom til bjargar og
skoraði tvö mörk, á 86. og 88. mínútu.
Liverpool spilar í kvöld
Manchester United, Blackburn og
Sheffield United eru því komin i und-
anúrslit en í kvöld mætast Aston
Villa og Liverpool á Villa Park í
Birmingham í síðasta leik 8-liða úr-
slitanna. -ósk
Grótta/KR mætir sænska liðinu Sávehof í Áskorendakeppni Evrópu:
Erfitt verkefni
- segir Ágúst Jóhannsson, þjálfari Gróttu/KR, um mótherjana í 8-liða úrslitum
I gær var dregið í 8-liða úrslit
Áskorendakeppni Evrópu í hand-
knattleik. Grótta/KRer eina is-
lenska liðið sem eftir er í Evrópu-
keppninni og mætir það sænska
liðinu Sávehof. í hinum leikjum 8-
liða úrslitanna mætast franska lið-
ið Creteil og Krasnodar frá Rúss-
landi, Verias frá Grikklandi og
Besiktas frá Tyrklandi og Group
Merano frá Ítalíu og Skjern frá
Danmörku.
Sávehof er í fjórða sæti sænsku
1. deildarinnar og hefur sterku liði
á að skipa. Þeirra bestu menn eru
skytturnar tvítugu, Jonas Lerholm
og Kim Andersson. Þeir voru í
landsliðshópi Svía á World Cup í
október og stóðu sig svo vel að Al-
freð Gíslason, þjálfari Magdeburg,
vildi kaupa þá.
Heföi viljaö aöra andstæöinga
Ágúst Jóhannsson, þjálfari
Gróttu/KR, sagði í samtali við DV-
Sport í gær að hann hefði kosið
aðra andstæðinga í 8-liða úrslitum
heldur en Sávehof.
„Ég get ekki sagt að við höfum
verið heppnir með andstæðinga.
Þetta sænska lið er mjög sterkt og
eitt af þeim betri sem eftir voru í
pottinum. Ég hefði persónulega
kosið að mæta gríska eða ítalska
liðinu en að vísu getum við hugg-
að okkur við það að feröalagið til
Svíþjóðar er stutt og tiltölulega
ódýrt,“ sagði Ágúst.
Ætlum áfram
„Það voru kannski ekki margir
sem bjuggust við því að við kæm-
umst áfram þegar við lentum á
móti Álaborg. Við kláruðum það
samt þrátt fyrir að lenda í dóm-
araskandal í leiknum úti á Nesi.
Nú erum við komnir svona langt
og það er ljóst að við mætum Sví-
unum af fullri hörku. Við ætlum
okkur áfram þótt verkefnið sé
erfitt," sagði Ágúst.
Vantar stuöning
Aðspurður sagði Ágúst að Sví-
arnir hefðu þegar hringt og lýst yf-
ir vilja sínum til að kaupa heima-
leikinn af Gróttu/KR og það tilboð
yrði skoðað af forráðamönnum
handknattleiksdeildarinnar.
„Auðvitað viljum við spila
heimaleikinn á Seltjarnamesi en
vandamál okkar í þessum þremur
Evrópuleikjum sem við höfum
spilað þar í vetur, tvo gegn
Brovary og einn gegn Álaborg, er
að áhorfendur hafa látið sig vanta.
Stuðningurinn hefur ekki verið
mikill og meðaláhorfendafjöldi á
þessum leikjum var í kringum 200
manns. Það segir sig sjálft að það
verður ekki mikill gróði þegar slík
mæting er og því hugsa menn sig
vandlega um þegar lið bjóðast til
að kaupa heimaleikinn af okkur.
Það er auðvitað ekki vænlegt til
árangurs að selja heimaleikinn en
á meðan mætingin á völlinn er
eins og hún er þá neyðast menn til
að skoða slfkt," sagði Ágúst Jó-
hannsson, þjálfari Gróttu/KR, í
samtali við DV-Sport í gær. -ósk
Alfreð Finnsson, leikstjórnandi Gróttu/KR, reynir hér aö komast fram hjá
Borge Lund hjá Álaborg í síðustu umferö Áskorendakeppninnar. Alfreð og
félagar hans mæta sænska liðinu Sávehof í næstu umferð. DV-mynd Hari