Dagblaðið Vísir - DV - 27.12.2002, Blaðsíða 10

Dagblaðið Vísir - DV - 27.12.2002, Blaðsíða 10
10 FÖSTUDAGUR 27. DESEMBER 2002 Utlönd JOV Tayylp Erdogan Leiötogi stjórnarflokksins í Tyrklandi hefur færst skrefinu nær því ab veröa forsætisráðherra eftir að þing- iö samþykkti stjórnarskrárbreytingar. Tyrkneska þingið ryður valdaleið- ina fyrir Erdogan Tyrkneska þingið samþykkti und- ir morgun viðbætur við stjórnar- skrá landsins sem eiga að gera Tayyip Erdogan, leiðtoga stjórnar- flokksins, kleift að bjóða sig fram í aukakosningum. Það á að verða fyrsta skref hans á leiðinni í forsæt- isráðherrastólinn. Erdogan var bannað að bjóða sig fram í kosningunum í nóvember vegna dóms fyrir trúaræsingar. ís- lamskur flokkur Erdogans vann þá yfirburðasigur. Þetta var í annað sinn sem Tyrk- landsþing samþykkir breytingar á stjórnarskránni til að gera Erdogan kleift að verða forsætisráðherra. Forsetinn Ahmet Necdet Sezer neit- aði að staðfesta lögin í fyrra sinni en i þetta sinn getur hann það ekki, nema með þvi að vísa málinu til stjórnlagadómstólsins eða boða þjóðaratkvæðagreiðslu. Castro að ná sér eftir skordýrabit Fidel Castro, hinn 76 ára gamli forseti Kúbu, hefur lítið sést á al- mannafæri að undanfórnu eftir að hafa orðið fyrir skordýrabiti í vik- unni fyrir jól. Bitið varð til þess að Castro missti af setningu löggjafarþingsins á laugardaginn en það hefur ekki gerst í 25 ár. í bréfi frá forsetanum, sem birt var í ríkisdagblöðunum, segist for- setinn á góðum batavegi og gerir lítið úr atvikinu sem hann lýsir sem mjög klaufalegu og hlægilegu. „Ég er við góða heilsu kæru fél- agar og hef aldrei verið eins bjart- sýnn um framtíð byltingarinnar," sagði Castro. Hugo Chavez. Neyðarástand í Venesúela Stjórnvöld i Venesúela, fimmta stærsta olíuframleiðsluriki heims, neyddust í gær til þess að hefja inn- flutning á olíu eftir 26 daga linnu- laus verkföll og mótmæli, sem stjórnarandstaðan hefur leitt gegn Hugo Chavez, hins vinstrisinnaða forseta landsins. Stiórnvöld tilkynntu þetta eftir að stjórn ríkisolíufélagsins PDVSA ákvað á fundi sínum í fyrradag að halda áfram verkfalli sem hófst 2. desember sl. og lamað hefur alla olíuframleiðslu í landinu. Matvælaskortur er einnig farinn að segja til sín í landinu og hefur samkomulag náðst við stjórnvöld í Dóminíska lýðveldinu um „mat- væli-fyrir-olíu" vöruskipti. írakar undirbúa þjóðina fyrir átök: Auka matarskömmtun vegna yfirvofandi stríðs - saka Bandaríkjamenn og Breta um árásir á íbúðabyggðir Að sögn Mohammeds Mehdi Saleh, viðskiptaráðherra íraks, hafa þarlend stjórnvöld aukið matar- skömmtun verulega til þess að íraskar fjölskyldur geti birgt sig upp af matvælum vegna yfirvofandi stríðshættu. „Matvæli sem þegar hefur verið dreift ættu að duga fólk- inu okkar til allt að þriggja mánaða og í næstu mánuði munum við enn bæta við skömmtunina svo allir geti verið öruggir komi til stríðs," sagði Saleh. írösk stjórnvöld sökuðu í gær flugsveitir Bandaríkjamanna og Breta, sem fara með eftirlit á flug- bannsvæðunum í norður- og suöur- hluta íraks, um að hafa varpað sprengjum á íbúðabyggðir í suður- hluta landsins í gær og þar á meðal á mosku með þeim afleiðingum að þrír óbreyttir borgarar féllu og að minnsta kosti sextán slösuðust. Að sögn talsmanna bandaríska hersins voru árásirnar í gær svar Hussam Mohammad Amin Amin, uppíýsingafulltrúi íraska herslns, segir aö eftir mánaöarlanga vopnaleit hafi engar sannanir fundist fyrir því aö írakar hafi yfir gjöreyðingarvopnum aö ráöa. við síendurteknum ögrunum íraka á flugbannssvæðinu yfir suðurhluta landsins og var árásunum að þeirra sögn einungis beint gegn hernaðar- mannvirkjum íraka. Hossam Mohammad Amin, upp- lýsingafulltrúi íraska hersins, sagði á blaðamannafundi í Bagdad í gær að eftir mánaðarlanga víðtæka og oft ágenga vopnaleit vopnaeftirlits- manna Sameinuðu þjóðanna hefðu engar sannanir fundist fyrir því að írakar hefðu yfir gjöreyðingarvopn- um að ráða. „Þeir hafa þegar leitað á nærri 200 stöðum víðs vegar um landið, þar af 32 sem ekki höfðu áður verið skoðaðir, og ekkert fundið. Það sannar að við höfum ekkert að fela og að yfirlýsing okkar, sem Banda- ríkjamenn og Bretar auk Hans Blix, yfirmanns vopnaeftirlitsins, segja gamla og ófullnægjandi, er pvert á móti nákæm og vandlega unnin," sagði Amin. REUTERS-MYND Höggvið í ísinn Heimsmeistarakeppni í ísskúlptúr stendur þessa dagana yfir í Bokrijk í austanverðri Belgíu. Sextán lið taka þátt í keppninni um hvergeti gert fallegustu hbggmyndina úr ísklumpi. Hér má sjá einn úrjapanska liðinu sýna llstir sínar. Kjarnorkufyrirætlanir Norður-Kóreumanna valda titringi: Forseti Suður-Kóreu fordæm- ir grannana fyrir glannaskap Nýkjörinn forseti Suður-Kóreu fordæmdi í morgun stjórnvöld í Norður-Kóreu fyrir glannaskap þeirra i kjarnorkumálum og krafð- ist þess að þau hættu við áform um að gangsetja kjarnaofn sem getur framleitt plúton fyrir kjarnorku- sprengjur. Orð Rohs Moo-hyuns forseta eru hin hörðustu sem fallið hafa í Suð- ur-Kóreu í garð grannanna í norðri frá því deilan um kjarnorkuáform norðanmanna uröu opinber. Ráðamenn í Norður-Kóreu hafa greint Sameinuðu þjóðunum frá því að þau ætli að gangsetja kjarnaofn- inn innan tveggja mánaða. Norður- Kóreumenn létu af öllum kjam- orkuáformum sínum árið 1994 sam- kvæmt sérstökum samningi við Bandaríkin sem lofuðu að útvega þeim olíu fyrir að standa við samn- inginn. Norður-Kóreumenn hafa nú REUTERS-MYND Á búgarðinum um áramótin George W. Bush Bandaríkjaforseti verður á búgarbi sínum í Texas um áramótin og fær þar nýjustu fréttir af kjarnorkudeilunni vib Norbur-Kóreu. fjarlægt eftirlitstæki sem áttu að tryggja að þeir stæðu við sitt. Stjórnvöld i Bandaríkjunum hafa hvatt þjóðir heims til að beita Norð- ur-Kóreumenn þrýstingi en banda- rískur embættismaður sagði í gær að bæði Rússar og Kínverjar hefðu til þessa verið tregir til að gera nokkuð í málinu. Embættismaðurinn, sem ekki vildi láta nafns sins getið, hafði eft- ir Rússum og Kínverjum að þeir hefðu minni áhrif á stjórnvöld í Pyongyang en almennt væri talið. Margir stjórnmálaskýrendur telja "að Norður-Kóreumenn vilji með þessu þvinga Bandarikin til að veita þeim áfram aðstoð og undirrita samning um að þeir muni ekki ráð- ast gegn Norður-Kóreu sem George W. Bush Bandaríkjaforseti hefur sett í flokkinn „öxulveldi hins illa" með írak og íran. Stuttar fréttir Fluttu boð frá bin Laden Þrír félagar í al- Qaeda hryðjuverka- samtökunum fluttu boð frá leiðtoganum Osama bin Laden til eins leiðtoga uppreisnarmanna M harðlínumúslíma í Alsír sem talinn er vera í nágrannaríkinu Níger. Boðin voru flutt í þessum mánuði. Þjófar iönir um jólin Þjófar í Danmörku voru iðnir við kolann yfir jólin, þó sérstaklega í Árósum, að sögn lögreglu. Forsetinn verður að víkja Uppreisnarmenn á Fílabeins- ströndinni sögðu í gær að Laurent Gbagbo forseti yrði að víkja og að boða yrði til kosninga ef friður ætti að komast á í landinu. Gíslatökumaður gafst upp Maður sem tók fjóra bankastarfs- menn í vestanverðu Japan í gær gafst upp fyrir lögreglu í morgun eftir sautján tíma umsátur. Danir eiga langt í land Danir eiga enn langt í land með að standa við gefin fyrirheit um samdrátt í losun gróðurhúsaloftteg- unga. í raun hefur losun efnanna aukist, að sögn danska blaðsins Berlingske Tidende. Blóðug árás í Sómalíu Vopnaðir menn í Mogadishu, höf- uðborg Sómalíu, drápu fimm nem- endur og tvo verði í árás á skóla- vagn um jólin. Ljósmyndari látinn Bandaríski ljós- myndarinn Herb Ritts, sem þekktur er fyrir tiskumynd- ir sinar og myndir af fræga og ríka fólkinu, lést á sjúkrahúsi í Los Angeles i gær af völdum lungnabólgu, nokkrum dög- um eftir að hann var lagður inn. Burma-her nauðgar Utanríkisráðuneyti Bandaríkj- anna sagði i gær að frásagnir fórn- arlamba um kerfisbundna nauðgun hermanna i Burma á konum úr minnihlutahópum kæmu heim og saman við aðrar frásagnir. Lítil trú á efnahagsstjórn Trú manna á stjórn Tonys Blairs og rfkisstjórnar hans á efnahags- málum í Bretlandi hefur aldrei verið minni en nú frá þvi Verkamannaflokk- urinn sigraði öðru sinni með yfirburðum í þingkosn- ingunum á síðasta ári. Fjórir til viðbótar í haldi Franska lögreglan hefur handtek- ið fjóra harðlínumúslíma til viðbót- ar við jafnmarga sem handteknir voru í síðustu viku, grunaðir um að undirbúa hryðjuverk. ttmmm Moldríkur í lottói Hálfsextugur Bandaríkjamaður hefur gefið sig fram sem eigandi lottómiða sem 26 milljarða króna vinningur kom á um jólin.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.