Dagblaðið Vísir - DV - 03.03.2003, Page 6
MÁNUDAGUR 3. MARS 2003
Fréttir
DV
Þrjú loðnuskip aðstoða við loðnurannsóknir:
Töluvert minna af
loðnu en gert var ráð fyrir
Hafrannsóknarskipið Árni Frið-
riksson er við loðnurannsóknir út af
suðausturhomi landsins, aðallega
við Hvalbak, og hefur sér til aðstoð-
ar 3 loðnuskip, Júpíter, Börk og Jón
Kjartansson, sem spara Hafrann-
sóknastofnun gríðarlegan tíma.
Mörg loðnuskipanna eru þegar búin
með kvótann, t.d. Jón Kjartansson
og bæði Júpíter og Börkur eiga lítið
eftir, eða samtals um 3.400 tonn.
Margir bíða einnig þess að hrogna-
fylling verði nægjanleg til hrogna-
töku, og þar með til aukinna verð-
mæta loðnuaflans. Heildarkvótinn
samkvæmt úthlutun sjávarútvegs-
ráðuneytisins 26. febrúar sl. er 715
þúsund tonn og var sl. fóstudag eft-
ir að veiða 96 þúsund tonn af þeim
kvóta samkvæmt upplýsingum
Fiskistofu. Mestum loðnuafla hefur
DV-MYND EMIL THORARENSEN
Leiöangursstjórinn
Hjálmar Vilhjálmsson, leiðangursstjóri á
Árna Friðrikssyni, um borð í skipinu á
Eskifiröi nýveriö. Búið er að mæla nálægt
400 þúsund tonn af loönu sem gert er
ráö fyrir aö skilja eftir til hrygningar.
Hólmaborg SU frá Eskifirði skilað
að landi, um 32 þúsundum tonnum.
Margir bíða nú frétta af því hvort
loðnukvótinn verði aukinn, en nið-
urstöður rannsóknarleiðangurs
Árna Friðrikssonar skera úr um
það. Verði það ekki gert verður
heildarloðnuaflinn um 200 þúsund
tonnum minni en á síðustu loðnu-
vertíð, og útflutningsverðmæti allt
að 2 milljörðum króna minni. Þess
má geta að síldaraflinn er nú 87 þús-
und tonn af 129 þúsund tonna kvóta,
og er hlutur sjóvinnslu um 15 þús-
und tonn. Nánast engin veiði hefur
verið að undanfómu.
Hjálmar Vilhjálmsson, fiskifræð-
ingur og leiðangursstjóri á Áma
Friðrikssyni, segir að búið sé að
mæla nálægt 400 þúsund tonnum
sem gert sé ráð fyrir aö skilja eftir
til hrygningar. Þetta sé þó töluvert
minna heldur en upphafleg spá
gerði ráð fyrir.
„Þetta virðast vera tvær aðal
göngur. Sú sem farin er vestur úr,
og skipin hafa verið að veiða úr
vestan viö Eyjar, virðist vera í
tveimur aðskildum pörtum. Síðan
er hin gangan sem er ansi myndar-
legur bingur austur af Hvalnesinu
eða Hvítingunum en er ekki lögð af
stað að neinu gagni vestur eftir. í
gamla daga var nú alltaf talað um að
göngurnar væri 2 til 3. En þetta er
voðalega misjafnt og stundun hafa
þær orðið fleiri. Við munum síðan
halda norður fyrir til að horfa eftir
smáloðnu, þ.e. loðnu sem myndar
veiðistofn næsta árs. Við munum
svo enda þennan túr út af Vestfjörð-
um og athuga hvort að þaðan sé ein-
hvers að vænta líka,“ segir Hjálmar
Viðhjálmsson leiðangursstjóri.
-GG/ET
Einkahlutafélag um undirbúning Vaðlaheiöarganga:
Jarðgöng stynkja
svæðið í heild sinni
Stofnfúndur einkahlutafé-
lags um undirbúning að gerö
jarðganga í gegnum Vaðla-
heiði var haldinn í Valsár-
skóla á Svalbarðsströnd í
gær. Hið nýja félag fékk
nafnið Greið leið ehf. og í
samþykktum þess er tilgangi
þess lýst svo: „Að standa fyr-
ir nauðsynlegum undirbún-
ingi fyrir stofhun félags um
gerð og rekstur jarðganga
undir Vaðlaheiði. Þar með talið er
kynningarstarf, áætlanagerð og samn-
ingar við ríki og fjárfesta." Stofnhlut-
hafar félagsins eru 30; m.a. öll nær-
liggjándi sveitarfélög, auk nokkurra
fyrirtækja á svæðinu. Hlutafé fyrir-
tækisins er 4.410.000 og er Akureyrar-
bær stærsti hluthafinn með rúma eina
og hálfa milljón. Kaupfélag Eyfirðinga
lagði til 1 milljón, Þingeyjarsveit 500
þúsund en aðrir hluthafar upphæðir á
bilinu 10 til 100 þúsund krónur.
í aðalstjóm félagsins voru valdir
Pétur Þór Jónasson, framkvæmda-
stjóri Eyþings, Andri Teitsson, fram-
kvæmdastjóri KEA svf., og Ásgeir
Magnússon, forstöðumaður skrifstofú
atvinnulífsins á Norðurlandi. Að sögn
Kristjáns Þórs Júlíussonar, bæjar-
stjóra á Akureyri, er um merkan
áfanga að ræða. „Jarðgöng í gegnum
Vaðlaheiði tákna bættar samgöngur á
svæðinu og það styrkir svæðið í heild
sinni, en þó sérstaklega sveitarfélög
Frá stofnfundinum
austan heiðarinnar. Stofnun þessa
einkahlutafélags er áfangi í rétta átt
og þokar okkur nær farsælli lausn,"
segir Kristján.
Athygli vakti á fúndinum að áður
en stofnsamningurinn var samþykkt-
ur þurfti að fá uppgefið hjá nokkrum
sveitarfélögum og fyrirtækjum sem
skráð vom á stofnsamninginn hversu
háa upphæð þau ætluðu að leggja til
félagsins. Meðal annars vom Land-
flutningar/Samskip hf. þar á meðal.
Forsvarsmenn sveitarfélaganna af-
greiddu þetta á fundinum en stutt hlé
var gert meðan fulltrúar Eyþings
hringdu í Landflutninga/Samskip.
Landflutningar/Samskip ákváðu að
taka ekki þátt í verkefninu og vekur
það athygli miðað við þá miklu hag-
ræðingu sem fyrirtækið hefur af bætt-
um samgöngum. Þess má geta að
Flytjandi/Eimskip lagði til 100 þúsund
í hlutafé, auk þess sem aörir minni aö-
ilar í greininni lögðu til hlutafé. -ÆD
DVTAYND HARI
Bolla, bolla
Bakarí landsins eru nú yfírfull af gómsætum bollum en bolludagurinn er í
dag. Bakarameistarinn er þar engin undantekning en hann hefur opnað eitt
stærsta bakarí landsins í verslunarmiðstöðinni f Glæsibæ. Hér má sjá
starfsstúlkur Bakarameistarans spá í bollurnar.
Akureyrarbær enn
brotlegur í jafnréttismálum
- Soffía Gísladóttir talin hæfari sem íþrótta- og tómstundafulltrúi
Kærunefnd jafnréttismála hefur
úrskurðaö að brotið hafi verið á Soff-
íu Gísladóttur á Húsavík, varaþing-
manni Sjálfstæöisflokksins, þegar
Kristinn Svanbergsson hafi veriö
ráðinn íþrótta- og tómstundafulltrúi
Akureyrarbæjar. í úrskurði kæm-
nefndar segir m.a. að reynsla í stjóm-
sýslu í félagsmálum vegi þyngra en
almenn stjómunarreynsla og þekk-
ing á íþrótta- og tómstundamálum.
Tekist var á um það í bæjarstjóm Ak-
ureyrarbæjar hvort háskólamenntun
Sofflu Gísladóttur ásamt reynslu af
stjómunarstörfum væri mikilvægari
en íþróttamenntun Kristins Svan-
bergssonar. Soffía kærði ráðninguna
þar sem hún taldi sig hafa meiri
menntun en Kristinn, auk þess sem
mjög hafi hallað á hlut kvenna í
stjómunarstörfum hjá Akureyrarbæ.
Akureyrarbær hefur fengið á sig
nokkra dóma á undanfómum árum í
jafnréttismálum, m.a. í launamálum,
og Hæstiréttur hefur m.a. dæmt Ak-
ureyrarbæ til að greiða tveimur kon-
um sem gegndu stjómarstörfum
launabætur.
Oktavía Jóhannesdóttir, bæjar-
fulltrúi Samfylkingarinnar, segir
að meirihlutinn hafi vitað allan
tímann að Soffla væri hæfari til
starfsins, en þrjóskast við, enda
hafi verið ákveðiö strax í upphafi
að ráða Kristin, málið kýlt í gegn.
Oktavía segir að í úrskurðinum
hafl verið ákvæði um að bæta ætti
Soffiu það að gengið væri fram hjá
henni.
Málið er ekki á dagskrá bæjar-
stjórnar Akureyrar á þriðjudag,
og komist það ekki á málaskrá,
mun Oktavía ræða það á fundi
bæjarráös 6. mars nk.
Kristján Þór Júlíusson bæjar-
stjóri segir það spumingu af hverju
Akureyrarbær sé stöðugt að lenda í
þessari aðstöðu, af hverju þetta
sveitarfélag sé meira kært en önnur.
„Ég fullyrði að það er ekki unnið
með öðrum hætti að þessum málum
hjá Akureyrarbæ en annars staðar.
Það er kannski orðin venja aö kæra
allar ráöningar hjá bænum,“ segir
Kristján Þór Júlíusson bæjarstjóri.
-GG
Svalan við bryggju
Skipið kemur með flutningaskipi til
Reyðarfjarðar næsta laugardag.
Færeyingar smíða stálskip:
Svalan til
fóðurgjafar
hjá Sæsilfri
Skipasmíðastöðin Hydro Tech á
Eiði í Færeyjum hefur afhent fisk-
eldisfyrirtækinu Sæsilfri í Mjóafirði
16 tonna tvíbytnu, 12 metra langa,
sem verður notuð til fóðurgjafar,
slátrunar o.fl. hjá fyrirtækinu. Hann
ber 22 tonn af fóðri, en skipið er tví-
bytna fyrst og fremst vegna stöðug-
leikans en 18 metra langur krani
þarf að bera a.m.k. eitt tonn. Þetta
er fyrsti stálbáturinn sem Færeying-
ar smíða fyrir íslendinga og kostar
hann um 30 milljónir íslenskra
króna. Sæsilfúr hefur til þessa þurft
að leigja skip til ýmissar þjónustu,
s.s. loðnuskipið Sigurð Jakobsson
þegar nýlega var slátrað. Sá kostnað-
arliöur er úr sögunni að sögn Guð-
mundar Vals Stefánssonar, forstjóra
Sæsilfurs.
Að sögn Jóhannesar Mörköre, for-
stjóra Hydro Tech, hafa fleiri íslensk
fyrirtæki sýnt áhuga á viðskiptum,
m.a. fyrirtæki í þorskeldi. -GG
Náttúruverndarsamtök íslands:
Telja eðlilegt
að reyna að
hafa áhrif
Náttúruvemdarsamtök íslands
segja það eðlilegt að umhverfis-
samtök reyni að hafa áhrif á er-
lendar fjármálastofnanir þannig
að þær veiti Landsvirkjun ekki
lán vegna Kárahnjúkavirkjunar.
Alþjóðlegu umhverfisverndarsam-
tökin, International Rivers
Network, hafa ritað Sumitomo
Misui-bankanum bréf og hvatt
hann til þess að synja Landsvirkj-
un um lán vegna Kárahnjúka-
virkjunar. Jafnframt ætla sam-
tökin að hafa samband við önnur
fjármálafyrirtæki í sömu erinda-
gjörðum.
Eftirlitsstofnun EFTA er um
þessar mundir að fara yfir það
hvernig lán eru veitt til fram-
kvæmda vegna byggingar Kára-
hnjúkavirkjunar og hefur til
skoðunar samning Alcoa og
Landsvirkjunar vegna orkusölu-
samnings að sögn Árna Finnsson-
ar, formanns Náttúruvemdarsam-
taka íslands. Ámi segir í viðtali
við RÚV að hann dragi I efa að
ákvörðun um Kárahnjúkavirkjun
hafi verið tekin eftir lýðræðisleg-
um reglum, en dómstólar munu
úrskurða þar um innan tíðar, og
ekki víst aö umhverfisráðherra,
Siv Friðleifsdóttir, hafi beðið um
réttan úrskurð um mat á um-
hverfisáhrifum. -GG
MHrið um rúðubrot
Samkvæmt upplýsingum frá
lögreglunni á Akureyri gengur
yfir bæinn bylgja af rúðubrotum
í strætisvagnaskýlum í Glerár-
hverfi. Lögreglan segir að rúðu-
brotin komi í bylgjum. „Þetta hef-
ur gerst nokkrum sinnum í vetur
og það er eins og einhver eða ein-
hverjir brjóti rúðuna þegar hann
á leið fram hjá.“ Málið er í rann-
sókn og lögregla biður alla sem
gætu gefið upplýsingar um málið
að hafa samband. -Kip