Dagblaðið Vísir - DV - 07.05.2003, Blaðsíða 20
20
MIÐVIKUDAGUR 7. MAÍ 2003
MIÐVKUDAGUR 7. MAÍ 2003
21
Útgáfufélag: Útgáfufélagið DV ehf.
Framkvæmdastjóri: Örn Valdimarsson
Aöalritstjóri: Óli Björn Kárason
Ritstjóri: Sigmundur Ernir Rúnarsson
Aöstoöarritstjóri: Jónas Haraldsson
Ritstjórn, skrifstofur, auglýsingar, smáauglýsingar, blaöaafgreiösla, áskrift:
Skaftahlíð 24,105 Rvík, sími: 550 5000
Fax: Auglýsingar: 550 5727 - Ritstjórn: 550 5020 - Aörar deildir: 550 5749
Ritstjórn: ritstjorn@dv.is - Auglýsingar: auglysingar@dv.is. - Dreifing: dreifing@dv.is
Akureyri: Hafnarstræti 82, sími: 462 5000, fax: 462 5001
Setning og umbrot: Útgáfufélagiö DV ehf.
Plötugerð og prentun: Árvakur hf.
DV áskilur sér rétt til aö birta aösent efni blaðsins I stafrænu formi og i gagnabönkum án endurgjalds.
DV greiðir ekki viömælendum fýrir viðtöl viö þá eöa fyrir myndbirtingar af þeim.
Öflugir grannar Reykvíkinga
Sérstakir Kópavogsdagar hófust
um helgina og standa fram á sunnu-
dag. Þessa daga er boðið upp á metn-
aðarfulla menningardagskrá fyrir
íbúa kaupstaðarins og gesti. Þetta
ágæta framtak bæjarbúa vekur athygli á þeirri miklu grósku
sem ríkt hefur í Kópavogi undanfarin ár.
Ýmsir vilja líta á Kópavog sem stórt úthverfi Reykjavíkur
en svo er alls ekki. Mannfjöldaauknmg og uppbygging hefur
verið hlutfallslega miklu meiri í Kópavogi en Reykjavík mörg
undanfarin ár. Fólk hefur sóst eftir búsetu í kaupstaðnum og
bæjaryfirvöld hafa kappkostað að úthluta byggingarlóðum í
samræmi við mikla eftirspurn. Um leið hefur atvinnuuppbygg-
ing í sveitarfélaginu verið öflug.
í Kópavogi búa nú um 25 þúsund manns, í öðru stærsta
sveitarfélagi landsins. Hin öra uppbygging í bænum, mann-
fjöldaauking og fjölgun fyrirtækja, hefur styrkt stöðu sveitarfé-
lagsins, gert það öflugra á allan hátt. Um leið hefur bæjarlífið
orðið fjölbreyttara og sjálfstæðara. Þar skipta ekki síst máli
hinar ágætu menningarstofnanir í miðbæ Kópavogs, Listasafn
Kópavogs, Gerðarsafn annars vegar og Salurinn hins vegar.
Innan veggja þeirra hefur orðið til miðstöð menningar, ekki
aðeins Kópavogsbúa heldur íbúa alls þéttbýlissvæðisins á suð-
vesturhorni landsins.
Margt var frumstætt í Kópavogi á fyrstu uppvaxtarárum
bæjarfélagsins. Vaxtaverkirnir voru umtalsverðir, lagnir til
bráðabirgða, götur ófrágengnar og ýmislegt sem ekki stóðst
samanburð við gróin nágrannasveitarfélögin. Á þessu hefur
orðið gjörbreyting. Ekki aðeins að Kópavogsbúar hafi náð ná-
grönnum sínum. Þeir hafa um margt tekið forystu.
Uppgangur Kópavogs undanfarin ár hefur verið á valdatíma
Sjálfstæðisflokks og Framsóknarflokks. Samstarf þeirra hefur
verið farsælt enda hófu þeir, eftir sveitarstjórnarkosningarnar
í fyrra, sitt fjórða kjörtímabil saman í meirihluta bæjarstjórn-
ar Kópavogs. Forystumenn flokkanna tveggja hafa verið sam-
stiga í því að bjóða nýja íbúa velkomna með því að brjóta land
í austur enda nær byggð í Kópavogi nú frá Kársnesi i vestri að
Elliðavatni i austri. Samhliða þessari uppbyggingu var farið af
krafti í endurgerð gamalla gatna þannig að eldri hverfi kaup-
staðarins gengu í endurnýjun lífdaga. Allt hefur þetta stuðlað
að því að fasteignaverð hefur verið hvað hæst á landinu í
þessu öfluga nágrannasveitarfélagi höfuðborgarinnar.
Kópavogsbúar bjóða því stoltir til menningarveislu i bæ sín-
um, veislu sem stendur til loka afmælisdags bæjarins, næsta
sunnudag, 11. maí.
Eðlilegt baráttutœki
Vinstri grænir vöktu í gær athygli
á auglýsingum stjórnmálaflokkanna
fyrir alþingiskosningarnar á laugar-
dag og kostnaði við þær auglýsingar.
Þótt flokkurinn sé með þessu að
vekja athygli á því að aðrir flokkar
auglýsi fyrir hærri upphæðir en hann, og um leið að kalla eft-
ir reglum i því sambandi, er fráleitt að gera auglýsingar stjórn-
málaflokka tortryggilegar. Þær eru þvert á móti eðlilegar og
nauðsynlegar. Með því móti koma flokkarnir stefnumálum sín-
um á framfæri við kjósendur þótt það gerist að sjálfsögðu
einnig með öðrum hætti í kosningabaráttunni.
Spurningin hlýtur hins vegar að vera sú hvort hið opinbera
styrki nægilega flokka og framboð sem vissulega þurfa að
kosta talsverðu til svo koma megi mismunandi sjónarmiðum
og baráttumálum á framfæri. Lýðræðið kostar sitt og því ber
að styrkja, svo gagn sé að, þá aðila sem með réttum hætti
bjóða fram.
Skerðingar á framlögum annarra til flokkanna, eða reglur
um ákveðið hámark sem nota má til auglýsinga stefnumála eða
frambjóðenda, eiga hins vegar ekki rétt á sér.
Jónas Haraldsson
Skoðun
Asgeir Hannes
Eiriksson
verslunarmaður k
Bush yngri Bandaríkjafor-
seti á þakkir skildar fyrir
aö felia nýju fötin keisar-
ans og koma tii dyranna
eins og hann er klæddur.
Af tvennu illu er vargur í
úlfsham illskárri félags-
skapur en vargur
í sauðargæru.
Hamskipti forsetans hljóta samt
aö koma helstu klappstýrum hans í
opna skjöldu en ameríski draumur-
inn lætur ekki að sér hæða þegar
hann rætist loks í landi hinna
frjálsu og djörfu. En oft vakna
draumar til veruleika.
Forseti Bandaríkjanna ferðast
nú með hnefann á lofti um heims-
byggðina og ógnar hverri þjóðinni
á fætur annarri eins og ótíndur ter-
roristi. Forsetinn er reyndar sjálf-
ur mesti vopnaskelfir ailra tíma
því hann ræður yfir margföldu
vopnabúri annarra ríkja heimsins
og hvorki Saddam né bin Laden
komast í hálfkvisti við hann.
Bandaríki Norður-Ameríku eru
ekki lengur gjafmildi frændinn
Samúel sem strauk smáþjóðum um
vangann og hlóð þau gjöfum á borð
við Marshallaðstoð. í dag eru ís-
lendingar annaðhvort með amer-
ísku terroristunum eða á móti
þeim, að viðlagðri lokun á Keíla-
olíulindir í staðinn. Bandaríkin
réðust á írak til að finna sýkla-
vopn en fundu skotmörk fyrir
vopn sín í staðinn. Bandaríkin réð-
ust á írak til að láta verkin tala en
fengu verktaka frá Texas í staðinn.
Og Bandaríkin réðust á írak til að
fella Saddam en felldu lýðræðið í
staðinn.
Árásin á írak er þó aðeins upp-
haf þess sem koma skal og mun
kosta bandarísku þjóðina milljarða
á milljarða ofan en óvíst er hvort
þjóðin stendur undir langvarandi
árásarferðum forsetans um heim-
inn. Með hverri árás vænkast hins
vegar hagur vopnasalanna í Texas.
Með hverri olíulind vænkast hag-
ur olíusalanna í Texas. Með hverri
húsarúst vænkast hagur verktak-
anna í Texas. Með hverri hung-
ursneyð vænkast hagur Baptista-
kirkjunnar í Texas. Og með batn-
andi hag sinna manna vænkast
hagur forsetans í næstu kosning-
um.
Forsetar og andkristar
Sjáandinn frægi, Nostradamus,
spáir þrem andkristum í spágátum
sínum og talið er að tveir þeirra
hafi nú þegar séð dagsljósið í þeim
Bónaparte og Adólf heitnum,
hvernig sem það má nú vera. Sá
þriðji er væntanlegur á hverri
stundu og heitir því merkilega
nafni Mabus en ýmsir seinni tíma
skýrendur Nostradamusar töldu
hann vera sjálfan Saddam
Hussein. Árásin á írak gerbreytir
þeirri spátúlkun á einni nóttu og
nafnið Ma-BUS hefur eignast ann-
an og líklegri holdgerving síðustu
vikurnar.
Saddam garmurinn Hussein
keppir því ekki bara við forseta
Bandaríkjanna um kristilegar olíu-
lindir í sandauðnum Mesópótamíu
heldur líka um hásætið í dularfull-
um spáheimi andkristninnar.
„Á meðan Rússlandsforseti boðar lýðrœði hafnar Bandaríkjaforseti lýðræðinu. Hér
víxlast bœði hausar og hlutverk. “
víkurflugvelli. Um aðra kosti er
ekki að ræða í stöðunni.
Kommar og Kanar
Saddam Hussein er hvorki meiri
né minni þrjótur en aðrir leppar
sem Kanar ala við brjóst sér í
mörgum heimsálfum, og jafnræði
er með honum og Bush forseta.
Innrásin í írak er hvorki stríð né
styrjöld, heldur vídeóslátrun hins
sterka, ríka og fræga fyrir opnum
tjöldum. Blóðbaðið í landinu stað-
festir að ógnarjafnvægi kalda
stríðsins hefim raskast og gamla
hættan af kommum í austri stafar
nú af Könum í vestri. Á meðan
Rússlandsforseti boðar lýðræði
hafnar Bandaríkjaforseti lýðræð-
inu. Hér víxlast bæði hausar og
hlutverk.
Kjallarahöfundur hefur oft undr-
ast einfalda túlkun Ameríkana á
kommúnisma. Kanar fletta hvorki
upp í Kapítali Marx né spá í and-
ann á bakvið Kommúnistaávarpið.
Kommar eru bara skítugir Rússar
sem vilja rústa ameríska drauminn
og ekkert meir! Á næstu misserum
munu íbúar í landi hinna frjálsu og
hugrökku kynnast sínum eigin
kommúnisma svo rækilega að
McCarthy fárið verður sem
lágróma drengjakór í þeim saman-
burði.
Af vænum högum
Bandaríkin réðust á írak til að
frelsa írösku þjóðina en frelsuðu
Terroristap og andkristar
Ekki hefur verið sýnt fram á að uppboð á leigumarkaði eða ákvarðanir valdhafa um ráðstöf-
un aflaheimilda fylgi skýlaust farvegi réttlætisins, segir greinarhöfundur m.a.
Innköllun aflaheimilda
Kjallari
Siguröur
Líndal
lögfræðingur
og fyrrverandi
prðfessor
Samfylkingin og Vinstri
grænir vilja koma á sátt um
stjórn fiskveiða; Vinstri
grænir með því að taka á
hverju ári 5% af kvótanum,
úr einkaeign, síðan úthluta
honum aftur, þriðjungi til
sveitarfélaga, setja þriðj-
ung á opinn leigumarkað
og síðan leigja afganginn
þeim útgerðum sem frá var
tekið á kostnaðarverði til
sex ára í senn.
Samfylkingarmenn lögðu á hinn
bóginn einu sinni til að innkalla
10% en nú er aðallega talað um að
innkalla aflaheimildir á 10-20
árum og bjóða þær til leigu til
fimm ára í senn.
Samlíking til skýringar
Nú skulum taka samlíkingu til
skýringar, þótt ekki sé algerlega
sambærileg. Væri það vænlegt úr-
ræði, ef verulegur skortur væri á
húsnæði, að sett yrðu lög um að
innkalla til ríkisins 5-10% hús-
eigna á ári, uns allar væru komnar
í eigu ríkisins að 10-20 árum liðn-
um og síðan gætu húseigendur tek-
ið hluta þeirra á leigu með nánar
tilgreindum kjörum, en því sem
umfram væri yrði ráðstafað til
þeirra sem húsnæðislausir væru?
Vissulega væri það göfugt mark-
mið að leysa vandamál hinna hús-
næðislausu, þótt skertur væri rétt-
ur þeirra sem byggju í allt of stór-
um húsum. Söguleg dæmi eru um
tilraunir til áþekkra ráðstafana
sem ekki er rúm til að rekja hér en
ekki varð úr nein sátt, heldur
stöðugar ýfingar og deilur.
Aflaheimildir og stjórnarskrá
Nú hefur verið bent á með rök-
um að fymingarleiðir þær sem
boðið hefur verið upp á komi illa
við sjávarútvegsfyrirtæki og séu
líklegar til að valda taprekstri,
jafnvel gjaldþroti. Ekki skal dómur
lagður á það hér en greinilegt er að
nokkuð skortir á að málið hafi ver-
ið skoðað sem skyldi. Þá hefur ekki
verið sýnt fram á að uppboð á
leigumarkaði eða ákvarðanir vald-
hafa um ráðstöfun aflaheimilda
fylgi skýlaust farvegi réttlætisins.
En eitt hefur bersýnilega
gleymst: Stæðist löggjöf sem sett
yrði á þessum grundvelli ákvæði
stjómarskrár og alþjóðlegra mann-
réttindasáttmála um vernd eignar-
réttarins? Þótt áhugavert sé að fá
úrlausnir innlendra og erlendra
dómstóla á slíkum álitaefnum væri
skynsamlegt að huga að þeim áður
en lengra er haldið.
Sandkom
sandkorn@dv.is
Davíö & Co hjá Jóni Gerhard?
Kosningavaka Sjálfstæðisflokks-
ins verður haldin á hótelinu sem
áður hét Hótel Esja en núna Hótel
Nordica. Gárungarnir minnast
þess að Nordica er einmitt nafnið á
hinu umdeilda fyrirtæki Jóns Ger-
alds Sullenbergers - Davíð Odds-
son var sagöur hafa kallað Jón
Gerhard í frægri frétt. Eftir því
sem næst verður komist á Jón Ger-
ald hins vegar ekkert í téöu hóteli,
heldur mun það vera í eigu Stoða,
sem eru að stórum hluta til í eigu
fyrrverandi viðskiptafélaga hans,
Jóns Ásgeirs Jóhannessonar.
Trúin ekki sjálfum sér
Það virðist meginkeppikefli
sumra fjölmiðla að gera sem allra
minnst úr þeim skoðanakönnun-
um þar sem Samfylkingunni geng-
ur illa. Og sumir fræðimenn taka
óspart undir þetta. Þegar Samfylk-
ingin fór niður fyrir 30% í könnun
DV 1. apríl sagði Ólafur Þ. Harðar-
son í viðtali við fréttastofu Útvarps
að þessari niðurstöðu bæri að taka
með miklum fyrirvara, „miklu lík-
legra“ væri að þetta væri „svoköll-
uð úrtakssveifla" en raunveruleg
breyting og fleiri kannanir þyrfti
til að skera úr um þetta. Og núna,
þegar Samfylkingin fer niður fyrir
kjörfylgi sitt í könnun Gallups, þá
segir Þorlákur Karlsson hjá Gallup
í viðtali við sömu fréttastofu að
þessari niðurstöðu beri að taka
með miklum fyrirvara og von sé á
fleiri könnunum frá Gallup. „Ég
vil raunverulega bara taka mark á
síðustu könnuninni," sagði Þorlák-
ur og tekur þannig ekki mark á
sinni eigin könnun! Það virðist
sem sagt vera fræðilega útilokað
að sýna fram á minna fylgi Sam-
fylkingarinnar með skoðanakönn-
unum.
Ummæli
Kjarnyrtur að vanda
„Að kenna
Frjálslynda
flokkinn við ein-
hverja sáttagerð
ríkisstjórnarinn-
ar í sjávarút-
vegsmálum er
ótrúleg ósvífni
og ekki öðrum
ætlandi en þeim sem skeytir ekki
um skömm né heiður í málflutn-
ingi sínum og talar til þess heimsk-
asta i hópnum.“
Sverrir Hermannsson
I Morgublaðsgrein.
Eða i Borgarnes
„Umræðustjórnmál. Hverjum
datt í hug að það hugtak yrði sölu-
vara á markaðstorgi stjórnmál-
anna? Mér flnnst einhvem veginn
að ég þurfi að fara á ráðstefnu í
Munaðarnes áður en ég get tekið
mér þetta orð í munn.“
Gunnar Smári Egilsson I „Mín
skoðun" í Fréttablaðinu.
Lítið hald - og þó
„Eina leiðin til að hindra [að
Davíð verði við völd i 16 ár] er, að
forsætisráðherraefni Samfylkingar-
innar taki við af honum eftir kosn-
ingar. Að vísu er lítið hald í Sam-
fylkingunni í málum auðlinda hafs
og hálendis, en með réttum sam-
starfsflokkum í ríkisstjórn ætti já-
kvæð þróun þeirra mála að vera
trygg næstu fjögur árin.“
Jónas Kristjánsson á vef sínum.
Er hægt að kaupa traust og trúverðugleika?
„Er það eðlilegt og sjálfsagt að stjórnmálaflokkar kaupi
sér pláss í fjölmiðlum í stórum stíl og leggi undir sig öll
auglýsingaskilti landsins til að vegsama sjálfa sig - er það
eðlilegt að stjórnmálamenn kaupi sér aðdáun og hól?“
Ögmundur
Jónasson r
frambjóðandi wtejBP
Vinstri- p r
hreyfingarinnar -
Mikið er þjóðfélag okkar
gallalaust. Hvergi er að
finna nokkra hnökra.
Framúrskarandi réttsýnt
fólk hefur stjórnað iandinu
okkar, fólk sem ber tak-
markalausa virðingu fyrir
umhverfi og náttúru, fólk
sem ber hag aldraðra fyrir
brjósti, fólk sem setur
málefni sjúkra jafnan í for-
gang og allra þeirra sem
eiga við vanda að stríða.
Ábyrgð og festa einkennir
stjórnarfarið og allt er í
lukkunnar velstandi.
Þetta er okkur nú sagt í látlaus-
um auglýsingum í útvarpi og sjón-
varpi og á síðum dagblaðanna.
Hér er dásamlegt að lifa. Hér er
vinna, vöxtur og velferð, segja for-
kólfar Framsóknar og við hljótum
að hrópa í einum kór rétt eins og
hugmyndahönnuðir Sjálfstæðis-
flokksins; áfram ísland, út af með
dómarann!
Stjórnarflokkarnir kynna sig
Heilir húsveggir eru nú
betrekktir með Halldóri Ásgríms-
syni og Jónínu Bjartmarz, ekki
dugir minna til að hamra það inn
í vitund okkar hve mjög þau séu
traustsins verð og góð við allt og
alla. Ekki má heldur gleyma um-
hverfissinnanum Siv Friðleifsdótt-
ur sem er búin að klappa og hlúa
að náttúrunni af mikilli natni. Sér-
staklega hefur henni verið annt
um Kárahnjúkasvæðið eins og öll-
um er kunnugt er um. Hún segir í
sjónvarpsauglýsingu að okkur
beri skylda til að ganga vel um
umhverfið, „bæði land og haf‘.
Ungir framsóknarmenn segja í
bæklingi að spyrja þurfi þjóðina
hvernig hún vOji ráðstafa náttúru
landsins. Ekki er tíundað hvort
slíkt skuli gert í þjóðaratkvæða-
greiðslu.
Og hvílík guðsgjöf hefur Sjáif-
stæðisflokkurinn verið íslenskri
þjóð. Hann hefur sýnt stórkostlega
framsýni í öllu sem lýtur að vel-
ferð okkar og ef hans hefði ekki
notið við væri hér allt á vonarvöl.
Af auglýsingum Sjáifstæðisflokks-
ins má ráða að það sé honum bein-
línis að þakka að sjávarafurðir
okkar seljist, ferðamenn komi til
landsins, fólk setji á laggirnar fyr-
irtæki og að yfirleitt þrífist hér
nokkur atvinnustarfsemi. Ekkert
virðist gleymast. Að vísu er ekkert
minnst á hlut flokksins í súrefn-
inu sem er jú undirstaða lífs á
landi voru.
Gleymist ekki eitthvað?
Þrátt fyrir áferðarfallega kynn-
ingu gerist sú hugsun áleitin að
eitthvað fleira en súrefiiismálin
vanti í þessa mynd sem stjórnar-
flokkamir draga upp í auglýsing-
um sínum. Öryrkjadómurinn er til
dæmis gleymdur og hvergi koma
við sögu náttúruspjöll af völdum
stórvirkjana. Og ef ekki brestur
minni mitt þá var á kjörtímabil-
inu eitthað skrafað um að anna-
samt hafi verið hjá Mæðrastyrks-
nefnd.
Og hvað með allar biðraðirnar
eftir húsnæði í kjölfar þess að rík-
isstjórnin rústaði félagslega hús-
næðiskerfiðl998? Hvað með uppá-
klædda og gleiðbrosandi ráðherra
þegar ríkisbankarnir voru afhent-
ir í Þjóðmenningarhúsinu fyrir
skemmstu?
Hefði Framsóknarflokkurinn
ekki getað fengið skot af þeim há-
tíðlegu uppákomum hjá sjónvarps-
stöðvunum og sparað sér þannig
útgjöld í auglýsingastríðinu?
Flokkurinn minnir ekki einu
sinni á að kaupendumir hafi feng-
ið þá á slíkum kostakjörum að
þeir komi til með að borga sig upp
sjálfir. Og ekki er minnst á helm-
ingaskiptin sem eru jú alltaf
traustasti grunnurinn að góðu
hjónabandi.
Peningafúlgum er ausið í falleg-
ar og vel stroknar myndir, en í
heimildasöfnum sjónvarpsstöðv-
anna er til heilmikið efiii sem
stjórnarflokkarnir hefðu án efa
getað fengið afnot af. En til að
menn sækist eftir slíku efhi þarf
að sjálfsögðu að vera fyrir hendi
áhugi á því að varpa upp sannri
mynd af veruleikanum.
Samfylkingin er i söluham
Samfylkingin er í lit á flestum
sínum auglýsingum og þar á bæ er
mikið hugsað um völd og foringja.
Ekki svo að skilja að Samfylking-
in sé á móti foringjum. Síður en
svo. Hún vill einfaldlega að sinn
foringi ráði, að appelsínugula for-
ingjahöndin fái lykilinn að Stjórn-
arráðinu.
Annað veifið segist Samfylking-
in vera félagslega sinnuð. En ekki
kemur það nú sérstaklega fram í
auglýsingum flokksins og sannast
sagna er dapurlegt að hlusta á
hvem talsmann hans á fætur öðr-
um vitna í það sem foringinn ætli
að gera á komandi kjörtímabili.
Allt er þetta þó í góðu lagi þangað
til menn fara að villa á sér heim-
ildir. Og er þar einmitt komið að
inntaki þessarar greinar.
Er þetta alveg saklaust?
Er það eðlilegt og sjálfsagt að
stjórnmálaflokkar kaupi sér pláss
í fjölmiðlum í stórum stíl og leggi
undir sig öll auglýsingaskilti
landsins til að vegsama sjálfa sig -
er það eðlilegt að stjórnmálamenn
kaupi sér aðdáun og hól? Nei, það
getur ekki talist eðlilegt en marg-
falt verra er þó ef dregin er upp
röng mynd af raunveruleikanum.
Auglýsingaflóði stjórnarflokk-
anna og Samfylkingarinnar er
stefnt gegn öllu því sem sann-
gjarnt má kalla.
En spyrja má; er auglýsinga-
kapphlaupið um atkvæði fólks
ekki að snúast upp í annað og
miklu verra? Grefur það ekki und-
an lýðræðinu? Lýðræðið felst ekki
bara í kosningum með reglulegu
millibili heldur byggir það ekki
síður á sannleik og trúverðug-
leika. Og þegar trúverðugleikinn
er orðinn að söluvöru, rétt eins og
þvottaefni eða kex, hvar á vegi
erum við þá stödd?
Væri ef til vill ráð að Neytenda-
samtökin skerist í leikinn, skoði
auglýsingar flokkanna og bendi á
hverjar þeirra eru að lýsa svikinni
vöru? Það er eins gott að hafa hrað-
ar hendur. Eindagi er 10. maí. í
þessum efnum verður réttur neyt-
enda ekki tryggður eftir á.
+