Dagblaðið Vísir - DV - 12.05.2003, Blaðsíða 4

Fréttir
MÁNUDAGUR 12. MAÍ 2003
DV
Össur Skarphéöinsson myndi skoöa „rækilega“ samstarf meö Framsókn:
Forsætisráðherrakort-
ið ekki í okkar spilum
„Mér finnst sjálfum með ólík-
indum ef Halldór Ásgrímsson
túlkar niðurstöðu kosninganna
með þeim hætti að það sé sérstakt
hlutverk hans að tryggja Sjálf-
stæðisflokknum áframhaldandi
vist í ríkisstjórn," sagði Össur
Skarphéðinsson, formaður Sam-
fylkingarinnar, í samtali við DV í
gærkvöld. Hann segir einnig að
„harður skellur" Sjálfstæðis-
flokksins sé til marks um eindreg-
in skilaboð frá kjósendum um að
skipta eigi um ríkisstjórn.
„Ég tel þess vegna að á þessari
stundu sé ekki hægt að útiloka neitt
og það er alveg ljóst að Samfylking-
in er fús til að skoða þá möguleika
sem eru í stöðunni til þess að skapa
öðruvísi ríkisstjórn,“ segir Össur.
Spuröur hvort hann horfi þar til
samstarfs Samfylkingar og Fram-
sóknarflokks svarar hann: „Þær
hugmyndir sem Framsóknarflokk-
urinn hefrn- boðað á ýmsum sviðum
eru ekki mjög fjarri því sem við höf-
um boðaö og auðvitað er ekki hægt
að horfa fram hjá því að þessir
flokkar hafa meirihluta ef þeir legðu
saman. Það er þess vegna möguleiki
sem Samfylkingin hiýtur að skoða
rækilega ef hann kemur upp.“
Guömundur Árni Stefánsson:
Draumurinn
hefur ræst
Guðmundur Ámi Stefánsson,
leiðtogi Samfylkingarinnar í Suð-
vesturkjördæmi, sagði á kosn-
ingahátíð í Hafnarfírði þegar lín-
ur fóru að skýrast að sér litist
ákaflega vel á stöðuna í kjördæm-
inu, þau væru að vinna umtals-
verðan sigur og væru nánast
jafnoki Sjáifstæðisflokksins.
„Landslag stjórnmála hefur
breyst, það er kominn fram flokk-
ur sem er með á fjórða tug pró-
senta í atkvæðamagni og á svip-
uðu róli og Sjálfstæðisflokkurinn.
Draumurinn um að hér verði stór
jafnaðarmannaflokkur, sem verð-
ur burðarafl í stjóm landsmála,
hefur ræst. Mér fmnst það ekki
skipta meginmáli hvort ríkis-
stjómin hangi, það eru ekki von-
brigði, það hefði verið betra að
hún félli tölulega en hún er kol-
fallin siðferðislega. í öllum öðrum
siömenntuðum löndum mundi
þessi ríkisstjórn fara frá. Forsæt-
isráðherra hefur lýst yfir ósigri
sínum og rétt keflið áfram. Þessi
úrslit eru ákall um breytingar á
landstjórninni og Samfylkingin er
tilbúin að axla ábyrgð á stjórn
landsmála," sagði Guðmundur
Ámi Stefánsson. -GG
Samfylkingarmenn gleöjast yfir
fylgisaukningunni.
Biölaö til Halldórs?
„í þeirri stööu, sem komin er upp er Ijóst - ef maöur ætlar að vera raunsær -
aö forsætisráöherrakortiö er ekki í okkar spilum eins og sakir standa, “ segir
Össur Skarphéöinsson sem telur aö kjósendur vilji skipta um ríkisstjórn.
En hvað sem því líður telur Össur
aö Samfylkingin eigi litla möguleika
á forsætisráðherraembættinu. „Við
lögðum upp með forsætisráðherra-
efni og stefndum að því að fella rík-
isstjórnina. Nú horfum við hins veg-
ar framan í annan veruleika og i
þeirri stöðu sem komin er upp er
ljóst - ef maður ætlar að vera raun-
sær - að forsætisráðherrakortið er
ekki í okkar spilum eins og sakir
standa."
Halldór Ásgrimsson upplýsti í um-
ræðum í Sjónvarpinu í gærkvöld að
þeir Össur hefðu ræðst við í síma í
gær. „Liggur það ekki í augum uppi:
Um stjómmál," segir Össur, spurður
að því um hvað þeir hefðu rætt.
Stærst í tveimur
Össur sagði við kjósendur í
Smáralind skömmu fyrir kosning-
ar að markmið Samfylkingarinn-
ar væri að verða stærsti flokkur-
inn. „Við einsettum okkur það -
og við urðum það í tveimur kjör-
dæmum, þar á meðal í kjördæmi
forsætisráðherrans. Þegar maður
skoðar niðurstöðuna blasir við
það sem mér finnst vera sögulegt,
að við erum innan við 3 prósentu-
stigum frá Sjálfstæðisflokknum.
Við náum því sögulega marki að
ná 30% fylgi, sem enginn nema
Sjálfstæðisflokkurinn hefur náð í
rúm sjötíu ár; þetta eru mikil tíð-
indi og gleðja mig ósegjanlega,"
segir Össur.
Össur segir alveg ljóst að hann
bjóöi sig fram til formennsku
áfram á landsfundi Samfylkingar-
innar síðar á þessu ári og til þess
hafi hann meðal annars stuðning
Ingibjargar Sólrúnar Gísladóttur.
En hver er staða Ingibjargar Sól-
rúnar í flokknum? „Hún er partur
af tvíeyki sem er í blóma lífsins
og ef guð lofar á íslenska þjóðin
eftir að sjá mikið til þess á næstu
árum. Hún er í forystusveit."
-ÓTG
DV-MYND E.ÖL.
Ingibjörgu Sólrúnu fagnað á Broadway
Mikil fagnaöarlæti brutust út þegar Ingibjörg Sólrún Gísladóttir, talsmaöur Samfylkingarinnar í kosningabaráttunni,
kom í hóp stuöningsmanna á Broadway á kosninganótt.
Vafaatkvæði í Reykjavík norður og suður:
Sambærileg atkvæði
ólíkt meðhöndluð
Sambærileg vafaatkvæði voru
meðhöndluð með ólíkum hætti í
Reykjavíkurkjördæmunum tveim-
ur við talningu í fyrrakvöld.
Nokkuð bar á því að ekki væri
merkt við listabókstaf framboðs-
lista heldur nafn framboðsins eða
listabókstafurinn einfaldlega rit-
aður á auða bakhlið atkvæðaseð-
ilsins, þ.e. þá hlið sem blasti við
kjósendum áður en þeir opnuðu
atkvæðaseðilinn.
Þessi atkvæði voru ekki talin
gild í Reykjavíkurkjördæmi norð-
ur. Þórunn Guðmundsdóttir, for-
maöur yfirkjörstjórnar í kjördæm-
inu, segir að það hafi verið ákveð-
ið með vísan til 84. greinar kosn-
ingalaganna, þar sem segir að aðr-
ar merkingar á kjörseðli en „x“
framan við listabókstaf eigi að
varða ógildingu. Þórunn segir að
þetta hafi áður komið upp við
kosningar og þessi atkvæði þá
ekki verið talin gild. Umboðs-
menn flokkanna hafi ekki gert
ágreining um þetta og ekki lagt
fram kæru. „Þetta voru ekki mörg
atkvæði, nokkrir tugir, og dreifð-
ust á alla flokkana," segir Þórunn.
í Reykjavíkurkjördæmi suður
voru þessi atkvæði hins vegar úr-
skurðuð gild. „Það var samstaða
um það hjá okkur,“ segir Sveinn
Sveinsson, formaður yfirkjör-
stjómar. „Það er vilji kjósandans
sem ræður, viö eigum að taka til-
lit til hans eins og hægt er með
því að lesa út vilja kjósandans.
Það voru allir sáttir viö þessa nið-
urstöðu," segir Sveinn.
Gísli Baldur Garðarsson, varafor-
maður landskjörstjórnar, segist ekki
geta tjáð sig um hvort eðlilegt sé að
sambærileg atkvæði séu ekki með-
höndluð með sama hætti alls staðar
á landinu þar sem hugsanlega þurfi
landskjörstjóm að fjalla um málið.
Hins vegar hafi ekkert erindi borist
um það, né raunar um önnur
ágreiningsmál. -ÓTG
Dagný og Jón fagna
Dagný Jónsdóttir og Jón Kristjáns-
son fögnuöu mikilli velgengni í Norö-
austurkjördæmi.
Dagný Jónsdóttir:
Trúi þessu varla
„Ég er varla farin að trúa þessu
enn,“ sagði Dagný Jónsdóttir þar
sem hún var stödd á kosningavöku
framsóknarmanna í Hótel Valaskjálf
á Egilsstöðum í fyrrinótt. Dagný
hrósaði góðu gengi í kosningunum,
var örugg inni alveg frá fyrstu töl-
um í Norðausturkjördæmi.
Gríðarleg stemning var á kosn-
ingavöku Framsóknar fyrir austan í
fyrrinótt og mikill fögnður þegar töl-
ur fóru að berast. Jón Kristjánsson
og Dagný vora hyllt af sínu fólki og
ekki laust við að fólki vöknaði um
augu í látunum.
Dagný þakkaði samstarfsmönnum
og flokksfélögum góðan stuðning og
sagði það forréttindi að hafa fengið
að vinna með þeim Jóni og Valgerði,
svo reynslumiklu fólki.
„Ég vona sannarlega að ég standi
undir væntingum og vil nota tæki-
færið og koma þakklæti til kjósenda
minna,“ sagði Dagný þegar úrslit
lágu endanlega fyrir. -heb
Páll Magnússon:
Bræðravíg
Páll Magnússon,
sem skipaði 2. sætið
á lista Framsóknar-
flokksins í Suðvest-
urkjördæmi, sagði á
kosninganótt að
fram undan væri
spennandi tími þvi
að framsóknarmenn
hefðu skynjað að möguleiki væri á
því að hann yrði kjörinn á þing sem
uppbótarþingmaður.
„Þegar búið var að telja 68% at-
kvæða virtist ég vera inni sem jöfn-
unarmaður og felldi þar með Árna
bróður minn sem er í 2. sæti í
Reykjavík norður. Þetta verður
spennandi en vonandi stöndum við
uppi með þingmann í fjölskyldunni!"
sagði Páll Magnússon.
Það var þó ekki fyrr en á tíunda
timanum á sunnudagsmorgun, eftir
að tölur bárast úr Suðurkjördæmi,
að ljóst var að Ámi var þingmaður,
hafði sigur á bróður sínum og einnig
Ingibjörgu Sólrúnu Gísladóttur. -GG
Birgir Ármannsson:
Samstarf með
Samfylkingu
ekki fýsilegt
Birgir Ármanns-
son náði kjöri fyrir
Sjálfstæðisflokkinn
sem þingmaður fyr-
ir Reykjavíkurkjör-
dæmi suður.
„Ég átti von á því
að Sjálfstæðisflokk-
urinn stæði sterkar
að vígi og kæmi betur út úr þessum
kosningum en þessar tölm’ benda til.
En það skiptir miklu máli að ríkis-
stjómin heldur meirihlutanum. For-
sendur era fyrir hendi um áfram-
haldandi sfjómarsamstarf og ég tel
að ríkisstjómarflokkamir ættu að
skoða þann kost fyrst. Við eigum
auðvitað kost á tveggja flokka stjóm
með Samfylkingunni en sá kostur
finnst mér ekki eins fýsilegur og
fremur ólíklegt að sú staða muni
koma upp. Eins og Samfylkingin
hefur hagað sinni kosningabaráttu
verður erfitt að mynda ríkisstjóm
þessara tveggja flokka," sagði Birgir.
-GG