Dagblaðið Vísir - DV - 15.05.2003, Blaðsíða 27

FIMMTUDAGUR 15. MAÍ 2003
43»
DV
Sport

metur heimavellina í Landsbankadeildinni
Valsvöllur er líklega slakasti
heimavöllurinn í Landsbankadeild-
inni þegar þau atriði, sem um er
rætt, eru metin, en það skal þó tekið
fram að Valsmenn hafa skrifað und-
ir samkomulag við borgaryfirvöld
um nýtt og stórglæslegt skipulag á
félagssvæðinu.
Aðstaða áhorfenda er mjög slök.
Við völlinn stendur lítil heiðurs-
stúka sem er komin til ára sinna og
hefur örugglega ekki verið ætlað að
standa svo lengi sem raunin er, en
afgangurinn af áhorfendum þarf að
standa eða sitja á steinpöllum eða
liggja i grasinu. Áhorfendapallar
liggja lágt og sjá áhorfendur illa yfir
völlinn. Áhorfendur þurfa að fara
langa leið til að nálgast salernisað-
stöðu en hún er í íþróttahúsinu og
þarf að ganga fyrir malarvöllinn og
bílastæðin til að komast í hana. Bíla-
stæði eru næg en aðkoman aö svæð-
inu er ákaflega snúin og er þar
kannski fyrst og fremst að eiga við
skipulagsyfirvöld.
Áðstaða blaðamanna er innandyra
en liggur lágt eins og aöstaða áhorf-
enda og er þannig úr garði gerð að
ekki er nægilega auðvelt að fylgjast
með leiknum á öllum vellinum. Að-
staðan er þó mun betri en þegar
blaðamenn höfðu aðstöðu í sendi-
ferðabíl við hliðarlínuna og voru þar
með illa varðir fyrir veðri og vind-
um þar sem bíllinn var opinn eftir
endilangri hliðinni.
Varðandi búningsaðstöðu leik-
manna má segja að hún gerist ekki
víðar minni. Búningsklefarnir eru
ekki nægilega stórir, en liðin nota
tvo samliggjandi klefa. Þess utan er
forkastanlegt að leikmenn þurfi að
ganga yfir bílastæðið þegar gengið er
til leiks. Knattspyrnusambandið
skyldar hins vegar félagið til að
verja gönguleiðina eins og kostur er
en það er eflaust ekki ákjósanlegur
kostur fyrir félag í efstu deild að
þurfa að gera þetta með þessum
hætti.
Leikvöllurinn sjálfur virðist í
ágætu ásigkomulagi en Valsmenn
hafa átt í basli með völlinn á undan-
fórnum árum og hefur hann alls ekki
verið nógu góður. Valsmenn eru þó
svo heppnir að geta breytt staðsetn-
ingu knattspyrnuvallarins, þar sem
vallarsvæðið er nokkuð rúmgott.
Þetta gerir einnig að verkum að upp-
hitunarsvæði i kringum völlinn eru
góð og nægjanleg á bak við bæði
mörk.
Varðandi þær kröfur, sem gerðar
eru í leyfishandbók KSÍ, þurfa Vals-
menn að gerbreyta áhorfendaað-
stöðu vaEarins. Á vellinum eru í dag
engin sæti en það þurfa í það
minnsta að vera 700 sæti í yfir-
byggðri stúku. Eins og áður sagði
hefur Valur nú gert samning við
Reykjavíkurborg sem felur meðal
annars í sér yfirbyggða stúku, auk
þess sem svæðinu verður öllu breytt,
byggður yfirbyggður knattspyrnu-
völlur og aðalvöllurinn færður á það
svæði þar sem malarvöllurinn er nú.
Síðan veröur byggð stúka utan á nýtt
íþróttahús þar sem keppnishús Vals-
manna stendur nú.
ValsvöRur
Einkunnagjöfin
Aðstaða áhorfenda 3 Leikvöllurinn 3
Aðstaða leikmanna Staða gagnvart staðli ©
Aðstaða blaðamanna 3 Heildarstigin 15
Gnkunnagjofin
Aðstaða áhorfenda 3
Aðstaða leikmanna 3
Aðstaða blaðamanna 3
Leikvöllurinn 3
Staða gagnvart staðli 3
Heildarstigin 20
Fylkisvöllur er staðsettur inni í
miðju íbúðarsvæði í Árbænum í
Reykjavík og verður að segja að það
er dálitið að honum þrengt. Það eru
þó hugsanlega blikur á lofti með
framtíð aöalvallarins þar sem ekki
er víst að Fylkismenn fái að byggja
stúku við núverandi aðalvöll félags-
ins.
Aðstaða áhorfenda er fyrir utan
stúkuleysið alveg þokkaleg. Stein-
Pcdlar eru eftir endilöngum vellin-
um öðrum megin hans og þar sem
þeim sleppir tekur grassvæði við.
Pallamir eru þokkalega brattir
þannig að áhorfendur geta séð ágæt-
lega yfir völlinn en auðvitað er
þetta ekki fullnægjandi aðstaða fyr-
ir oft á tíðum fjölmarga áhorfendur
á Fylkisvelli. Samgöngumál í kring-
um völlinn eru oft ákaflega erfið þar
sem fyrir utan oft góða aösókn að
leikjum Fylkis er við hliðina á vell-
inum ein fiölsóttasta sundlaug á
svæðinu. Möguleiki er að nota mal-
arvöllinn sem bílastæði en leiðir til
og frá þessu svæði eru þröngar og
tekur langan tíma fyrir ökumenn að
komast burtu af svæðinu eftir leiki.
Salemisaðstaða er í nýlegu íþrótta-
húsi sem liggur við völlinn og er
hún góð.
Aðstaða fyrir leikmenn er ágæt.
Búningsklefar er rúmgóðir en leið
leikmanna til og frá velli er æði
löng. Hún liggur yfir lokað svæði
sem að mestu liggur yfir æfingavöll
félagsins.
Aðstaða fyrir blaðamenn hefur
ekki verið nægilega góð. Komið var
fyrir litlu bráðabirgðahúsi fyrir of-
an áhorfendaaðstöðuna sem stendur
þokkalega hátt. Útsýni úr þessu litla
húsi er hins vegar ekki alveg nægi-
lega gott og uppfyllir ekki kröfur
um aðstöðu blaðamanna. í húsinu
era þó blaðamenn varðir fyrir veðri
og vindum.
Leikvöllurinn sjálfur er í ágætu
ásigkomulagi og virðist koma ágæt-
lega undan vetri. Fylkismenn hafa
undanfarin ár verið í dálitlum vand-
ræðum með yfirborö vallarins og •c'
eftir að hann var tekinn upp fyrir
nokkrum ár kom í ljós dálítið sig á
miðjum vellinum sem liggur
nokkurn veginn eftir honum endi-
löngum.
Vegna góðrar aðsóknar á Fylkis-
völl að undanfomu gerir KSÍ þá
kröfu að sæti séu fyrir 1500 manns
og þar af þurfa 600 þeirra að vera í
yfirbyggðri stúku. Eins og staðan er
í dag er langt í þetta en Fylkismenn
eru þó að skoða hvemig þeir geta
komið þessu fyrir. Samkvæmt upp-
lýsingum frá KSÍ rúmar völlurinn
nú um 2000 manns í stæði. Ef ekki C
fæst leyfi hjá nágrönnum félagsins,
þ.e.a.s. íbúum í hverfinu til að
byggja stúku á aðalvöllinn, hefur
verið rætt um að færa hann jafnvel
þangað sem malarvöllurinn stendur
nú, eða fyrir neðan sundlaug. Ef það
reynist ekki fýsilegur kostur er ekki
loku fyrir það skotið að reisa nýjan
aðalvöll annars staðar í hverfinu.