Dagblaðið Vísir - DV - 23.05.2003, Blaðsíða 14

Dagblaðið Vísir - DV - 23.05.2003, Blaðsíða 14
14 FÖSTUDAGUR 23. MAÍ 2003 Menning ,,„,_, _. Wagner á veislufati Tónleikar Sinfóníuhljómsveit- ar íslands í gærkvöldi voru helg- aðir tónlist eftir eitt tónskáld - hinn umdeilda snilling Richard Wagner. Umdeildur var hann mest í sínum eigin samtíma. í dag reyna fáir að mótmæla því að þar fór maður með afar fágæta hæfileika sem hann nýtti til að lýsa í tónlist hreinni fegurð og heitum tilfinningum. Margir hafa reynt þetta en hann er einn af örfáum sem tókst það og það oftar og betur en margir þora að viðurkenna. Tonlist Wagner var fyrst og fremst óp- erusmiður og því eðlilegt að for- leikir ættu stóran hlut í efnis- skránni í gær, en þeir voru fjór- ir. Auk þess söng Magnea Tómas- dóttir eftir tónskáldið vel valda kafla sem kalla má aríur þó þeir séu ekki allir afmarkaðir með hefðbundnum hætti. Aríur þess- ar komu úr óperunum Lohengrin, Tannháuser og Trist- an og Isolde - og hljóta nú allir Wagner-aðdáendur að vera farnir að lygna aftur augum. Tónleikarnir hófust hins vegar með flutningi á Wesendonck Lieder, undurfagurri tónsmíð við ljóð eftir Mathilde Wesendonck sem var ástkona Wagners á sjötta áratug nítjándu aldar. Verkið er sem sagt ekki óperusmíð en tengist órjúfan- lega því sem mátti heyra síðast á efnis- skránni, þ.e. óperunni um Tristan og ísolde og tónleikarnir þannig vel rammaðir inn hvað varðaði efnisval. Það er ákveðin blóðtaka þegar margir af fremstu hljóðfæraleikurum Sinfóníuhljóm- sveitarinnar eru fjarverandi en ástæða þess nú er Rússlandsferð Kammersveitar Reykja- Magnea Tómasdóttir á æfingu Á tónleikunúm var Wagnersöngkonan ígrænum glitrandi víkur. Ekki er þó víst að sú staða hafi valdið almennu óstuði í leik hljómsveitarinnar fyr- ir hlé. Flöt túlkun skrifast að mestu leyti á hljómsveitarstjórann Gregor Btihl en falskar nótur og feilslegnar gera það ekki. Mörg neyðarleg augnablik tengdust fiðluleiknum sem var oft vandræðalega óhreinn, svo sem í lok fyrri forleiksins úr Lohengrin og aftur í lok forleiks og Bakkusarhátíðar úr Tannhauser. Þar hreinlega héldu fiðlur ekki viðkvæmum tóni í lokin í réttri tónhæð heldur seig tónninn þegar styrkur var minnkaður. Þetta þætti léleg lat- ína hjá t.d. söngvurum og er auð- vitað óviðunandi. Hins vegar mátti heyra fagra tóna úr ástaró- bói í höndum Kristjáns Stephen- sen og svo bassaklarínettunni hjá Kjartani Óskarssyni í forleiknum að Tristan, svo eitthvað sé nefht. Sellóin fengu margt fallegt að spila úr og gerðu oft vel en bass- ar voru stundum óhreinir. Eftir hlé var almennt sem menn hefðu spýtt í lófana og voru allir bestu sprettirnir í hljóðfæraleik teknir þá. Magnea Tómasdóttir hefur sér- stæða og stóra, svolítið þunga en oft um leið mjög bjarta rödd. Beiting hennar er ekki alveg nógu markviss og rennsli upp og inn í tónana ótrúlega hljómljótt og fráhrindandi. Þetta gerist þó miklu sjaldnar en svo að það nái að skyggja á þær stundir þegar hljómfegurð og styrkur tónn samhliða mjög vel unninni túlk- un einkenna flutning hennar. Ar- ían úr Lohengrin var fallega sungin, gleði Elísabetar vel túlk- dv^ynde.óluö og síðast en kannski fremst var flutningurinn á Liebestod sl0kJo1 hrífandi. Magnea hefur alla burði til að vera mjög vaxandi söng- kona og næsta víst að Richards Wagner verð- ur oftar getið á efnisskrám hennar en margra annarra. Sigfríður Björnsdóttir Slnfðníuhljómsveit íslands lék verk eftir Richard Wagner I Háskólabíói 22.05.03. Elnsöngvari: Magnea Tómasdóttir. Stjórnandl: Gregor Buhl. Söngvaseiour bestur Guörún Jónsdóttir og Ingunn Ósk Sturludóttir í hlutverkum Maríu og abbadísarinnar. Söngvaseiður Nú er uppselt á þrjár sýningar á Söngva- seiði sem Isfirðingar sýna í Þjóðleikhúsinu í tilefhi af því að uppsetningin var valin áhugaleiksýning ársins. Sú fyrsta verður á sunnudagskvöldið. Tólf leikfélög sóttu um að koma til greina við valið með alls þrettán sýningar og þótti dómnemd mikiö til um það kraftmikla og mikilvæga starf sem áhugaleik- félögin standa fyrir um land allt. Alls koma um sjötíu manns að sýningu Litla leikklúbbsins og Tónlistarskólans á ísa- flrði á Söngvaseiði, og er þetta viðamesta áhugasýningin sem valin hefur verið til sýn- ingar í Þjóðleikhúsinu til þessa. Leikstjóri sýningarinnar er Þórhildur Þorleifsdóttir, sem einnig samdi dansa. Höfundur leikmynd- ar er Messíana Tómasdóttir og lýsingu hann- aði Sveinbjörn Björnsson. Tónlistar- og kór- stjóri er Beáta Joó. Um tónlistarflutning sér hljómsveit Tónlistarskóla ísafjarðar og hljóm- sveitarstjóri er Janusz Frach. í umsögn dómnefndar segir að sýningin sé einstaklega metnaðarfull og í raun þrekvirki hjá þessum aðilum að setja upp söngleik af þessari stærðargráðu með þessum árangri. Leikarar eru á öllum aldri og var sérstaklega ánægjulegt að sjá hvað barnahópurinn stóð sig vel, enda dyggilega studdur af sterkum hópi eldri leikara. Allt yfirbragð sýningar- innar var tilgerðarlaust og agað, og tókst að- standendum og leikurum með einlægni og húmor að sneiða hjá þeirri tilfmningasemi sem óneitanlega býr í verkinu. í Söngvaseiði sameinar tónlistarfólk og leikhúsfólk krafta sína í óvenjulega heilsteyptri sýningu sem allt bæjarfélagið má vera stolt af. Konur gera Á fimmtudagskvöldið frumsýndi nýr sviðslista- hópur, íslenska samband- ið ehf., leikritið Plómur eftir önnu Rósu Sigurð- ardóttur í Tjarnarbíói. Uppsetningin er „debútt" í margföldum skilningi því um er að ræða frumraun Önnu Rósu sem höfundar og leikara hérlendis en hún stund- aði leiklistarnám í Bandaríkjunum. Leik- stjórinn Hera Ólafsdóttir er sömuleiðis að stýra sinni fyrstu uppfærslu og Rósa Guðmundsdóttir, höfundur og flytjandi tón- listar, hefur ekki starfað við leikhús fyrr. Þau Eg- ill Ingibergsson og Móeið- ur Helgadóttir, sem eru hönnuðir leikmyndar, lýsingar og búninga, eru mun sjóaðri og þá sér- staklega Egill sem hefur verið helsti ljósahönnuð- ur Nemendaleikhússins um langt skeið. í Plómum segir frá Guðrúnu sem á sér þá ósk heitasta að verða rithöfundur. Hennar helsta átrúhaðargoð er August Strindberg og sagan sem Guðrún deilir með áhorfend- um á ýmislegt sameiginlegt með þekktum verkum sænska skáldjöfursins. Skil draums og veruleika eru óljós og þótt frá- sögnin sé römmuð inn með stuttum eintöl- um er atburðarásin án eiginlegs upphafs og endis. Framvindan er lýsing á draum- kenndu ástandi sem á stundum verður æði martraðarkennt enda tekur andi Strind- bergs sér bólfestu í líkama Guðrúnar. HF • m. ÁJ4^1 BP^ ^^^k ^^¦^.s.v."«~;. i*'. -iOStill^^^^Kr *¦& "4H t, Anna Rósa Sigurðardóttlr í Plómum Öguö líkamleg tækni er eitt helsta aöalsmerki hennar. Leiklist Eðlilega er nokkur byrjendabragur á Plómum en þar eru líka prýðilegar og vel útfærðar hugmyndir. Að ósekju hefði mátt stytta verkið og þétta auk þess sem tempó sýningarinnar var dálítið einsleitt. Anna Rósa, sem eðli málsins samkvæmt er á sviðinu allan tímann, sveiflar sér fhnlega milli hlutverka og tilfinninga. Öguð líkam- leg tækni er eitt helsta aðalsmerki Önnu og það nýtir leikstjórinn á afar áhrifaríkan hátt. Hreyfanlegu klippimyndirnar, sem gegna hlutverki leikmyndar, eru einstak- lega skemmtilegar og gæða sýninguna létt- leika og húmor. Tónlist Rósu Guðmunds- dóttur fellur vel að efninu og gefur tilefni til heilmikilla væntinga. Aðstandendur uppfærslunnar mega vel við una og eiga hrós skilið fyrir þá djörfung að skapa sér verkefni í stað þess að bíða eftir að tæki- færin komi upp i hendurnar á þeim. Halldóra Friðjónsdóttir islenska sambandio ehf. sýnir Plómur eftir Önnu Rósu Siguröardöttur í Tjarnarbíói. Mynd- og hljóðstjórn: Guo- rún Magnúsdóttir. Danshöfundur: Ástrós Gunnarsdótt- ir. Tónlist: Rósa Guömundsdóttir. Leikmynd, IJós og búnlngar: Egill Ingibergsson og Móeiöur Helgadóttir. Lelkstjóri: Hera Ólafsdóttir. Umsjón: Silja Aðalsteinsdóttir silja@dv.is Söngfélagið sunnan heiða Á sunnudaginn kl. 17 heldur Söngfélagið sunnan heiða tónleika í Salnum í Kópavogi ásamt Ólafi Kjart- ani Sigurðarsyni baríton, Helgu Bryndísi Magnúsdótt- ur píanóleikara og Pétri Björnssyni kvæðamanni. Stjórnandi er Kári Gestsson. Á efnisskrá er aðallega íslensk tónlist, þar á meðal verk sem Gunnsteinn Ólafs- son tónskáld samdi fyrir kórinn. Að sögn Gunnsteins átti það að byggjast á kvæða- lögum sem Kvæoamannafélagið Iðunn hef- ur kveðið frá því á fjórða áratug 20. aldar. „Ég átti í pússi mínu níu stemmur sem Steindór Andersen hafði eitt sinn kveðið fyrir mig. Ég tók fram uppskrift m'ma á lögunum og samdi kórverkið svo til í ein- um áfanga. Lögin féllu hvert að öðru eins og þau hefðu alltaf átt að sameinast í einni tónsmíð." Graduale og Eivör Vortónleikar Gradu- alekórs Langholtskirkju verða í Langholtskirkju á sunnudaginn kl. 20. Ein- söngvari með kórnum verð- ur Eivör Pálsdóttir og hljóð- færaleikararnir Guðmund- ur Sigurðsson, Gunnar Hrafnsson, Kjartan Valdemarsson, Pétur Grétarsson og Sigurður Flosason leika með. Stjórnandi er Jón Stefánsson. Á efnisskrá verða m.a. þjóðlagaútsetn- ingar eftir Jón Ásgeirsson, verk eftir Hildigunni Rúnarsdóttur, Jakob Hallgríms- son o.fl. Aðalverk tónleikanna er Háb (Von) eftir danska tónskáldið John Hoybye í tilefni af ráðstefnu samtaka norrænna, tónlistaruppalenda, kórsrjóra og tónlistar- kennara. Tónskáldið verður aðalgestur ráðstefnunnar ásamt finnska kórstjóranum Erki Pohjola, stofnanda hins heimsþekkta Tapiolakórs. I sumar fer Gradualekórinn í tónleika- ferð til Finnlands og verður gestur á Sympatti-kórahátíðinni. Sex barnakórar frá fjórum heimsálfum eru boðnir á hátíð- ina sem felst í sameiginlegum tónleikum gestakóranna í upphafi og við lok hátíðar- innar en auk þess er skipulögð viku tón- leikaferð fyrir hvern kór um Finnland. Álfasagan mikla Á sunnudaginn var hófst á Rás 1 þáttaröðin Tveggja heima sýn i umsjá Mariu Önnu Þorsteinsdóttur um álfasöguna miklu, Sögu Ólafs Þórhallasonar eftir Eirík Laxdal, sem talin er rituð um aldamótin 1800. í þáttunum býður hún hlust- endum að kynnast fram- andi heimi þessarar sögu sem kölluð hefur verið fyrsta íslenska skáldsagan. Heimi þar sem álfar eru aöalpersónur og aðrar kunnuglegar verur úr þjóðsagnaarfinum, svo sem útilegumenn og sæbúar, auk venjulegra íslendinga sem ofanjaröar búa. í næsta þætti kl. 10.15 á sunnudaginn verða íslenskar þjóðsögur til umfjöllunar og verður Baldur Hafstaö prófessor gestur þáttarins. Þættirnir eru endurfluttir á mánudögum kl. 15. Stórsveitartónleikar Á morgun kl.15 heldur Stórsveit Reykja- víkur útgáfutónleika í Ráðhúsi Reykjavík- ur í tilefni þess að hljómsveitin var að gefa út geislaplötu þar sem eingöngu eru flutt lög sem tengjast Reykjavíkurborg. Einvalalið söngvara er líka á plötunni; Andrea Gylfadóttir, Björgvin Halldórsson, Egill Ólafsson, Kristjana Stefánsdóttir, Páll Óskar Hjálmtýsson, Páll Rósinkranz og Ragnar Bjarnason, Stjórnandi á tónleikunum verður Sæ- björn Jónsson en Skífan gefur diskinn út. Thorvald Steen Nýr rithöfundur var búinn til í frétt í blaðinu í fyrradag um árbókina Nordisk litteratur. Var nafnið sett saman úr höf- undarnafhinu, Thorvald Steen, og nafninu á ljósmyndara hans, Helene Andersen! Það er sem sagt Thorvald Steen sem skrifar skáldsöguna Den lille hesten með Snorra Sturluson sem aðalpersónu. Þorleifur Hauksson fjallar um hana og fleiri nýjar norrænar skáldsögur um Sturlungaöldina í ritinu.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.