Dagblaðið Vísir - DV - 30.05.2003, Blaðsíða 14
14
Menning
Sunnudagstónleikar
Norræna húsiö virðist vera
tilvalinn staöur til tónleika-
halds fyrir orgeltríó eins og B3.
Á tónleikum þeirra á sunnu-
daginn var hljómaði tríóið eins
og best verður á kosið. Allir
dökku tónar orgelsins, sem oft
virðast týnast í stærri sam-
komusölum, svo sem bassa-
gangurinn, skiluðu sér prýði-
lega.
Þeir félagar hafa
er
Nú er því miður svo komið í
djasslífi höfuðborgarinnar að
hinn ágæti djassklúbbur Múl-
inn liggur í dvala (eftir að hinn
mæti forkólfur klúbbsins, Jón
Kaldal, féll frá) og djasstónleik-
ar virðast því takmarkast við
svokallaða „útgáfutónleika"
sem margir hvérjir rígbinda
efnisskrá sína við efni nýút-
kominna geisladiska.
Tónleikar orgeltríósins B3
voru haldnir í tilefni útgáfu
fyrsta disks þeirra félaga. Diskurinn ber
nafnið Fals en það er heiti fyrsta lagsins á
diski þeirra sem kom út fyrir skömmu. Lagið
er eftir Ásgeir Ásgeirsson, gtr., sem ásamt
Agnari Má Magnússyni, org., og sænska
trommuleikaranum Erik Qvik, skipa tríóið.
Tríóiö hefur leikið saman af og til undanfar-
in tvö ár. Þeir félagar hafa náð vel saman og
leika létta og áferðarfallega djasstónlist, sem
er mestmegnis samin af þeim Agnari Má og
Ásgeiri.
Agnar Már Magnússon er fyrst og fremst
píanóleikari. Hann hefur náö prýðilegri
Orgeltríóiö B3
náö vel saman og leika létta og áferöarfallega djasstónlist sem
mestmegnis samin af þeim Agnari Má og Ásgeiri.
tækni, sem felst í tveimur hlutverkum,
þ.e.a.s. hljómum og laglínum með hægri
hendi en þá vinstri notar hann á neðra hljóm-
borðinu til að leika bassalínur. Þriðja hlut-
verkið, sem felst í fótspili bassalínunnar, nýt-
ir hann ekki. Agnar sýndi ágæt tilþrif á tón-
leikunum, sem skiluðu sér ekki síst í samleik
þeirra félaga. En við hlustun á sömu lög á
diskinum kemur í ljós enn meiri færni í ein-
leik en við heyrðum á tónleikunum.
Ég hef lengi vel verið þeirrar skoðunar aö
djasspíanistar eigi ekki að vera að fikta við
orgel en nú hef ég skipt um skoöun. Agnar
Már hefur náð góðum tökum á
þessu erfiða hljóðfæri, sem von-
andi kemur til meö að skila okk-
ur djassáhugamönnum mörgum
ánægjustundum í höndum þessa
ágæta píanista.
Erik Qvick, trm., er mikilvæg-
ur hluti tríósins. Hin netta tækni
hans, ekki síst burstatæknin, hef-
ur afgerandi áhrif á heildina.
Leikur hans í „fjórum" á móti fé-
lögum sínum var einstaklega
smekklegur. Eins virtist hann
gefa leik félaga sinna mikinn og
góðan gaum, sem ekki er öllum
trommuleikurum gefið.
Gítarleikarinn Ásgeir Ásgeirs-
son nam við tónlistarskóla FÍH
og síðan við Conservatorium van
Amsterdam. Ásgeir hefur mjög
áferðarfallegan leikstO, sem kem-
ur ekki síst fram í leik hans í eig-
in tónsmíðum. Lög hans á diskin-
um eru flögur talsins, m.a. titil-
lagið, öll mjög áheyrileg.
Eina lagið sem ekki virtist ná
flugi hjá tríóinu var hið góðkunna Have You
Met Miss Jones eftir Richard Rogers. Þar
virtist útsetning Ásgeirs vera þess eðlis að
gegnumgangandi bassalína náði ekki að
halda verkinu saman - og spilamennskan því
sundurlaus.
Þökk fyrir góðan disk og ánægjulega tón-
leika.
Ólafur Stephénsen
Tríóiö B3: Tónleikar í Norræna húsinu sunnudaginn
25.5. 2003. Agnar Már Magnússon, Ásgeir Ásgeirs-
son, Erik Qvick.
MYND HENRIK STENBERG
Stjörnur Konunglega danska ballettsins dansa Appollon eftlr George
Balanchine.
Nýtt og klassískt
Konunglegi danski ballettinn heimsækir Þjóðleikhúsiö
Næstkomandi þriðjudags- og
miðvikudagskvöld, 3. og 4. júní,
verður Konunglegi danski ballett-
inn með tvær gestasýningar í Þjóð-
leikhúsinu. Þar sýna tólf dansarar
fimm balletta, tvo klassíska og þrjá
nútímaballetta. Nokkrir af fremstu
sólódönsurum Konunglega leik-
hússins eru í hópnum, Silja
Schandorff, Christina Olsson,
Claire Still og Kenneth Greve sem
einnig hafa dansað með frægum
ballettflokkum annars staðar í Evr-
ópu og Bandaríkjunum.
Á efnisskrá eru verk eftir klass-
ísku dansmeistarana Balanchine
og Boumonville sem Konunglegi
danski ballettinn er þekktur fyrir
víða um heim. Eftir Balanchine er
dansinn Appollon en 3. þáttur úr
verkinu Napoli eftir Bournonville,
Sá dans var á efnisskrá flokksins í
Kaupmannahöfn þar til um síðustu
helgi.
Einnig verða verk eftir tvo af
fremstu danshöfundum nútíma-
balletts; eftir John Neumeier dans-
ar flokkurinn Adagietto, en eftir
Tim Rushton verkin Nomade og
Triplex. Tónlist við verkin er eftir
Arvo Párt, Gustav Mahler, Johan
Sebastian Bach, Igor Stravinsky og
fleiri.
Listrænn stjórnandi sýningar-
innar er Peter Bo Bendixen sem til
skamms tíma var einn helsti sóló-
dansari Konunglega danska ball-
ettsins. Aöeins verða þessar tvær
sýningar og hetjast þær kl. 20 bæði
kvöldin.
Víðförult óperuþykkni
Hugleikur sýnir Bíbí og Blakan í Borgarleikhúsinu
Bíbí og Blakan á sviði í Gatchina í Rússlandi haustiö 2002
Þorgeir Tryggvason, Aöalheiöur Þorsteinsdóttir píanóleikari sýningarinnar,
lögreglukórinn (Ylfa Mist Helgadóttir, Hulda B. Hákonardóttir og Þórunn
Guömundsdóttir) og Silja Björk Huldudóttir sem Bíbí.
Reykvíska áhugaleikfélagið Hug-
leikur sýnir gamanóperuna Bíbí og
Blakan á Nýja sviði Borgarleik-
hússins annað kvöld kl. 20 í tilefni
af nýafstaðinni leikferð með verkiö
á þýska leiklistarhátíð. Bíbí hefur
sjaldan sést á íslandi en hún hefur
áður verið sýnd á hátíðum í Lit-
háen og Rússlandi við mikið lof
gagnrýnenda og áhorfenda. Aðeins
verður þessi eina sýning hér á
landi nú.
Óperan, bæði tónlist og
„libretto", var skrifuð af þeim Ár-
manni Guðmundssyni, Sævari Sig-
urgeirssyni og Þorgeiri Tryggva-
syni í höfundasmiðju Leikfélags
Reykjavíkur vorið 1996, Höfund-
arnir kusu að kalla verkið „óperu-
þykkni“, enda er þetta stutt og
snörp ópera sem inniheldur öll
helstu einkenni góðrar óperu, í
hugleikskum stíl þó.
Bíbí og Blakan segir frá hinni
einmana Bíbí (Silja Björk Huldu-
dóttir) sem þráir ást, en finnst
samt nóg um þegar tveir vonbiðlar
birtast sömu nóttina, dularfullur
rúmenskur innflytjandi (Einar Þór
Einarsson) og alvörugefinn emb-
ættismaður (Þorgeir Tryggvason)
með lögreglukór í eftirdragi sem
ber þann rúmenska þungum sök-
um. Engin ástæða er til að rekja
söguþráðinn nánar, enda meö viö-
eigandi ólíkindum. Höfundar leita
víða fanga í tónlistarsögunni og
bregður fyrir öllum stílbrigðum og
blygðunarlausum lagastuldi á
stundum.
Þorgeir Tryggvason sagði að er-
lendir gagnrýnendur hefðu meðal
annars hrósað samþættingu leiks
og söngs í sýningunni, fjölbreyti-
legum tilvísunum í tónlistinni og
hve auðveldlega hefði gengið að
skipta úr einni stíltegund yfir í
aðra.
„Það er mikið hlegið á sýningum
á Bíbí í útlöndum,“ sagði Þorgeir,
„og því meira undrandi verður
fólk þegar við segjum frá því að
mest af gríninu liggi í textanum!"
Um framhaldslíf Bíbíar segir
Þorgeir að allt sé á huldu eins og
stendur þannig að aðdáendur Hug-
leiks ættu til öryggis að drífa sig í
Borgarleikhúsið strax annað
kvöld.
FÖSTUDAGUR 30. MAÍ 2003
DV
Umsjón: Silja Aðalsteinsdóttir silja@dv.is
Hátíð hafsins
Hátíð hafsins verður haldin á morgun
og sunnudaginn við Reykjavíkurhöfn þeg-
ar slegið verður saman hafnardeginum og
sjómannadeginum eins og gert hefur ver-
ið undanfarin ár. Hátíðin verður flautuð
inn af skipslúðrum kl. 10 í fyrramálið og
síðan tekur hvað við af öðru.
Sýningin Þorskastríðið - lokaslagurinn
verður opnuð í Hafnarhúsinu kl. 13.30.
Þar eru ljósmyndir teknar á ógnvænleg-
um augnablikum í íslenskri landhelgi á
áttunda áratugnum þegar íslendingar
börðust fyrst fyrir 50 mílna landhelgi og
síðan 200 mílna. Á morgun og sunnudag
verða fyrrverandi skipherrar úr Land-.
helgisgæslunni með leiðsögn um sýning-
una.
Strax upp úr hádegi verður hægt að
spila franska kúluspilið Mondial Billes á
Miðbakkanum, það verður leikur, dans og
söngur - meira að segja syngur sjálf
Birgitta Haukdal ásamt írafári - og í
tjaldborg verða á boðstólum gómsætir
sjávarréttir frá fjarlægum löndum mat-
reiddir af félögum í Fjölmenningarsam-
tökum nýrra íslendinga.
Á sjómannadaginn verður hátíðardag-
skrá á Miðbakkanum kl. 14, síðan er hin
sígilda róðrarkeppni og ráarslagur. Þá
verður líka úrslitakeppnin í Mondial
Billes, en hinum heppna vinningshafa er
boðið til Frakklands til að keppa um
heimsmeistaratitilinn.
15:15
15:15 tónleikasyrpan á Nýja sviði Borg-
arleikhússins heldur áfram á morgun. Að
þessu sinni eru Ferðalög á dagskránni,
nánar tiltekið „Bergmál Finnlands". Á
efhisskrá eru verk eftir Aulis Sallinen og
Esa Pekka Salonen og sönglög eftir Jean
Sibelius.
Flytjendur eru Þórunn Guðmundsdóttir
sópran, Hrefna Eggertsdóttir píanóleikari,
Sigurður Halldórsson sellóleikari, Krist-
inn Öm Kristinsson píanóleikari, Eydís
Franzdóttir óbóleikari, Hildigunnur Hall-
dórsdóttir fiðluleikari, Steef van Ooster-
hout slagverksleikari og Snorri Sigfús
Birgisson stjómandi.
150. Völuspáin
í tilefni þriggja ára sýningarafmælis,
150 sýninga og nýlokinnar leikferðar til
Noröur-Ameriku efhir Möguleikhúsið til
sérstakrar hátíðarsýningar á Völuspá eft-
ir Þórarin Eldjám á sunnudaginn kl. 20.
Verkið er byggt á hinni fornu Völuspá og
veitir áhorfendum sýn inn í hugmynda-
heim heiðinnar goðafræði.
Leikstjóri er Peter Holst en á sviðinu
eru Pétur Eggerz sem leikur öll hlutverk-
in og Stefán Öm Arnarson sellóleikari.
Árbæjarsafn opnaö
Sumarstarfsemi Árbæjarsafns hefst á
sunnudaginn. Þá verður safnið opið frá
kl. 10-18 en kl. 14 verða opnaðar tvær nýj-
ar sýningar. í Komhúsi er sýningin Dag-
legt líf í Reykjavík. Sjötti áratugurinn. I
Lækjargötu 4 verður opnuö sýningin Lár-
us Sigurbjömsson og minjavarslan í
Reykjavík. Auk þess verður boðið upp á
fjölbreytta dagskrá allan daginn. Hús-
freyjan í Árbæ bakar lummur í tilefni
dagsins og handverksfólk verður á bað-
stofulofti við tóvinnu. Farið verður í bú-
leik og fleiri gamla góða leiki og teymt
veröur undir börnum við Árbæinn.
Sýningin Daglegt líf í Reykjavík r sjötti
áratugurinn er samvinnuverkefni Árbæj-
arsafns og Háskóla íslands en sýningin er
gerð af nemendum í sagnfræði við Há-
skólann undir stjóm Eggerts Þórs Bem-
harðssonar í samvinnu við Árbæjarsafh.
Á sýningimni er fylgst með sex Reykvík-
ingum á ólíkum aldri í amstri hversdags-
ins á árunum 1950-1960. Dvalist er viö
iðju þeirra einn tiltekinn dag og þeim
fylgt eftir frá morgni til kvölds. Jafnframt
er litið inn á heimili sex manna fjöl-
skyldu í bænum 2. september 1958 og
reynt aö endurskapa andrúmsloft á dæmi-
gerðu Reykjavíkurheimili þess tíma.