Dagblaðið Vísir - DV - 03.06.2003, Blaðsíða 12

72 INNLENDAR FRÉTTIR ÞRIÐJUDAGUR 3.JÚNÍ2003
Neytendur
Verökannanir ■ Nýjungar • Tilboð
Netfang: hlh@dv.is
Sími:550 5819
Áfengið kemur í Mýrdalinn
Mýrdælingar og nágrannar
geta senn skroppið og fengið
sér rauðvínsflösku eða kampa-
vín án þess að hafa stóran fyr-
irvara á þeim innkaupum. Þá
fara þeireinfaldlega íVíkur-
skála sem allir vita hvar er.
Þann 19. júnf verður opnuð
þar áfengisútsala sem mun
vera sú 42. hjá ÁTVR. Á dögun-
um var slík verslun opnuð í
Þorlákshöfn við nokkuð al-
mennar vinsældir. Guðmund-
ur Elíasson, umsjónarmaður
sölustaða Esso á Suðurlandi,
segir að meiningin sé að í Vík-
urskála verði búð með úrvali
70 vinsælla tegunda.Vlnbúðin
verður þar sem olíuafgreiðsla
var áður.
Á batavegi eftir að hafa fengið pott með heitu vatni yfir sig:
Arnar Geir brenndist iila á
22% líkamans og hefur þurft
að liggja á sjúkrahúsi í fimm
vikur en slysið átti sér stað á
páskadag.
Tvö alvarlega slys hafa orðið á
síðustu vikum eftir að eldavélar,
sem eru ekki festar við vegg, sporð-
reisast þegar börn hafa dottið á
ofnskúffur eða stigið á þær. Margir
telja að þetta bendi til þess að al-
menningur sé sér ekki nógu með-
vitandi um hættuna af því að festa
ekki eldavélar tryggilega.
Arnar Geir datt á opna
ofnskúffu á eldavél sem
sporðreistist með þeim
afleiðingum að hann
fékk brennandi heitt
vatn úr potti yfir sig.
„Það þarf ekki mikið til svo elda-
vélar sporðreisist á þennan hátt en
það gera sér fáir grein fyrir því.
Eins og við komumst svo að er
mikilvægt að koma í veg fyrir að
þetta geti gerst því annars getur
mjög illa farið," segir Bjarki Þór
Bjarkason en sonur hans, Arnar
Geir, varð fyrir því óláni að brenn-
ast illa eftir að eldavél valt yfir
hann. Atvikið átti sér stað þannig
að Arnar Geir datt á opna ofn-
skúffu á eldavél sem sporðreistist
með þeim afleiðingum að hann
fékk brennandi heitt vatn úr potti
yfir sig.
Arnar Geir brenndist iila á 22%
líkamans og hefur þurft að liggja á
sjúkrahúsi í fimm vikur en slysið
átti sér stað á páskadag.
Afmælisdagurinn á spítala
Þegar DV bar að garði var hann í
dagsleyfi frá spítalanum, því þriðja
Kirfilega fest: Feðgarnir Bjarki Þór Bjarkason og Arnar Geir Bjarkason við eldavélina sem féll yfir Arnar á páskadag með þeim afleiðingum að hann brenndist illa.
Bjarki Þór hefur nú fest eldavélina og bendir öðrum á að gera slíkt hið sama til að koma í veg fyrir frekari slys. DV-myndÞÖK
frá því að atvikið afdrifaríka átti sér
stað. Arnar varð átta ára fyrir
skömmu og þurfti að verja afmæl-
isdeginum á spítala, sem var alls
ekki það sem hann hafði óskað sér.
Hann hefur þó náð ágætum bata
og segist Bjarki vera þó ánægður
með að ekki hafi farið enn verr.
Bjarki segist að sjálfsögðu vera
núna búinn að festa eldavélina
kirfilega við vegginn með „mublu-
vinklum" og hafi það ekki verið
flókin aðgerð. „Ég hvet alla til að
ganga úr skugga um hvort eldavél-
arnar þeirra séu örugglega festar
því eins og við komumst að um
síðustu páska getur farið verulega
illa ef svo er ekki," segir Bjarki Þór
Bjarkason. kja@dv.is
Eldavélin slysagildra
Auðvelt að festa eldavélar
Það er sjaldnast flókið að ganga
þannig frá eldavélum að útilokað
sé að þær sporðreisist. Arnar Freyr
Gunnarsson, sölumaðurhjá Rönn-
ing, segir að öllum eldavélum sem
seldar eru þar fylgi vinklar sem
festa vélarnar við vegg og halda
þeim kyrrum jafnvel þótt ýtt sé
ofan á opna ofnskúffu. „Ég veit
ekki betur en að allar nýjar elda-
vélar séu hannaðar þannig að auð-
velt sé að koma í veg fyrir að þær
sporðreisist og við brýnum fyrir
kaupendum mikilvægi þess að
festa þær, en stundum er vandinn
meiri þegar eldri vélar eiga í hlut,"
segir Arnar. Þeim hefur þá ekki
fylgt sérstakur festingarbúnaður,
eigendur hafa í upphafi ekki áttað
sig á mikilvægi þess að bæta vinkl-
um eða öðrum festingum við og
eldavélarnar geta þvf oltið ef átak
kernur á opna ofnskúffu.
„Allir sem kaupa af okkur elda-
vélar bregðast vel
við þegar við
bendum þeim á
að festa þær við
végg, þannig að
við vitum ekki
betur en að fólk
sé meðvitað um
þessa hættu og
reyni að kóma i
veg fyrir hana,"
segir Arnar Freyr.
í ljósi atburða
síðustu vikna er
hins vegar ljóst að
einhverjir mis-
brestir eru á því að allir festi elda-
vélar sínar og því skiptir miklu að
fólk átti sig á mikilvægi forvarna af
þessu tagi. -kja@dv.is
Mikilvægir vinklar: Arnar Freyr Gunnarsson sýnir vinklana sem koma eiga í
veg fýrir að eldavélar geti dottið fram ef ýtt er ofan á opnar ofnskúffur.
DV-mynd £Ó/.