Dagblaðið Vísir - DV - 03.06.2003, Blaðsíða 14
14 ERLENDAR FRÉTTIR ÞRIÐJUDAGUR 3. JÚNÍ2003
Saddam Hussein og Osama bin Laden eru ófundnir
og eru helsta vopn demókrata gegn Bush forseta
HEIMSUÓS
Oddur Ólafsson oddur@dv.is
Ótal sögur eru á kreiki um af-
drif Saddams Husseins sem
hvergi finnst þótt leyniþjón-
ustur margra landa geri sitt
besta til að hafa uppi á hon-
um og herafli sé hvergi spar-
aður til að komast að dvalar-
stað hans og sona hans. Fleiri
útgáfur eru sagðar og birtar
um hvernig einræðisherrann
fyrrverandi reynir á trú-
mennsku lífvarða sinna.
Ein er sú að skömmu eftir að
Bandaríkjaher hemam Bagdad hafi
Saddam bankað upp á á heimili vinar
síns í borginni. Þar fékk hann tesopa,
reykti nokkrar sígarettur og svaf til kl.
5 um morguninn og hvarf á braut.
Á meðan hann dvaldi hjá vini sín-
um var knúð dyra og nokkrir banda-
rískir hermenn heimtuðu að fá að
gera húsleit. Húsráðandi neitaði og
bar við að kona sín væri sofandi og
létu hermennimir sér það vel líka og
höfðu sig á brott. Sagan segir að
Saddam hafi með þessu viljað fá
sönnur á trúverðugleika vinarins sem
ekki iét freistast til að segja til forset-
ans til að koma sér í mjúkinn hjá her-
námsliðinu.
Önnur útgáfa af hvemig trú-
mennska lífvarðanna er prófuð er að
Saddam hafl dvalið áifam í Bagdad
eftir að borgin féll og látið aka sér að
veitingahúsi og farið þar inn. Á undan
og eftir bíl hans vom bílar lífvarðanna.
Þeir biðu fyrir utan en leiðtoginn snar-
aðist gegnum veitingahúsið og út bak-
dyramegin þar sem annar bíll beið
hans og kom honum á brott. Lífverð-
imir vöktuðu veitingahúsið um langa
hríð en enginn þeirra freistaðist til að
koma upp um dvalarstaðinn, þótt vit-
að sé að sá eða þeir sem geta vísað á
dvalarstað Saddams muni hljóta ríf-
lega umbun hjá hemámsliðinu. Sögur
af þessu tagi ganga meðal Iraka og er
þeim trúað eins og nýju neti.
Enginn veit
Sannleikurinn er sá að nær tveim
mánuðum eftir að forsetinn hvarf og
styttur af honum vom brotnar sem
tákn um að valdaferli hans væri lokið
er ekki vitað um ferðir hans eða dval-
arstaði, ekki einu sinni hvort hann er
lífs eða liðinn en hitt er víst að á með-
an ekki flnnst tangur né tetur af lík-
amsleifum né neinar sannanir fyrir
þvf að jarðvist hans sé lokið er gert ráð
fyrir að einræðisherrann fyrrverandi
sé lifandi og geti enn haft áhrif.
Vel getur verið að hann sé enn í
Bagdad, í einhverjum af leyndum
neðanjarðarbyrgjum, eða á sífelldri
ferð með vömbílum um landið eða í
felum annars staðar. Enginn veit neitt
og víst þykir að enginn af þeim sem
kunna að vita um dvalarstaði hans
hafa gerst uppljóstrarar.
Samtímis því að nafri Saddams er
strikað út úr skólabókum, styttur hans
brotnar og myndir af honum hverfa af
veggjum er hann algjörlega horfinn
öllum hemaðarmætti Bandaríkjanna,
sem átti það erindi inn í landið að
útmá persónu hans og gera gereyð-
ingarvopnabirgðir upptækar en þær
finnast hvergi heldur.
Fullkominn hátæknibúnaður ör-
yggistofnunar og leyniþjónustu BNA
Fullkominn hátæknibún-
aður öryggistofnunar og
leyniþjónustu BNA finnur
ekki haus né sporð á
flóttamanninum.
finnur ekki tangur eða tetur af flótta-
manninum. Þúsundir metra af mynd-
böndum, sem teknar eru úr könnun-
arvélum, og óteljandi myndir sem
teknar em úr gervihnöttum, þar sem
kembdar em allar mögulegar undan-
komuleiðir og dvalarstaðir Saddams,
gefa engar gagnlegar vísbendingar um
karlinn.
Tæknibrellum beitt
Símahleranir úr gervihnöttum og
landstöðvum gera heldur ekkert gagn
í leitinni. Öllum þekktum tæknibrell-
um er beitt til að ná rödd forsetans
fyrrverandi en hann notar greinilega
ekki síma af neinu tagi né aðra þekkta
fjarskiptatækni. Allur herinn, sem leit-
ar og hlustar, þarf ekki að skilja orð af
því sem sagt er því tæknin nemur
röddina á óskeikulan hátt ef Saddam
Hussein lætur frá sér heyra og þá á að
vera auðvelt að vita nákvæmlega hvar
hann er staddur. Allir njósnarar og
uppljóstrarar, sem sendir em út af
örkinni, fara sömu erindisleysu og
tæknisnillingamir með öll sín tól og
marglofuðu tækni.
Það er erfiður biti að kyngja fyrir
frelsara fraks, sem em að koma þar á
vestrænu lýðræði og stjómarháttum
og endurreisa þjóðina, að geta ekki
sýnt fram á að þeir geti handsamað
eða drepið Saddam. íraska þjóðin er
sundurleit og ótal samsæriskenningar
ganga þar manna og flokka á milli.
Ibúamir þurfa að sjá lík Saddams eða
hann sjáífan í jámum til að viður-
kenna að hann sé fallinn frá.
Sögusagnir ganga um að hann sé
við góða heilsu og að undirbúa valda-
töku flokks síns á ný og muni reka her-
námsliðið úr landi. Það er því eins gott
að gera sér ekki allt of dælt við vest-
ræna sendiboða og hermenn þeirra.
Siguryfir hinu illa
Bush forseti talar digurbarkalega
um vel heppnaða herför og sigur yfir
hinu illa. En heima fyrir aukast vand-
ræði hans. Ekki síst fyrir þá sök að
hann finnur ekki uppáhaldsandstæð-
inga sína sem svo mikið hefur verið
kostað til að ryðja úr vegi.
Forsetakosningar em á næsta ári og
demókratar em að ná vopnum sínum
og úr þeirra röðum kemur hver
kandfdatinn af öðmm og býr sig und-
ir að ná tilnefningu flokksmanna
sinna til að bjóða sig fram á móti sitj-
andi forseta. Þeir nota vandræðagang-
inn við að ná í Saddam og bin Laden til
að sanna vanhæfni forsetans og hans
manna til að vinna endanlegan sigur á
uppáhaldsóvinunum. Bush er sagður
hafa malað býkúpuna en flugurnar em
lausar svo ekki sé talað um drottning-
una sem kannar liðið á ný.
(Heimild The Sunday Times)
Saddam
hefur
forskot
Mun auðveldara ætti að
vera að finna Saddam en
Osama bin Laden. Þótt írak
sé stórt land að flatarmáli er
það að mestu leyti sandi orp-
in eyðimörk sem erfitt er að
leynast í. Afganistan aftur á
móti er kjörlendi fyrir flótta-
menn og útlaga.
Saddam á sér ekki alþjóð-
leg samtök eins og hermdar-
verkasamtökin al Qaeda.
Hann er hataður og fyrirlit-
inn í arabaheiminum, bæði
fyrir grimmd og fyrir að vera
leiðtogi flokks og lands sem
ekki byggir á íslam. Meira að
segja er álitið að vinirnir í
Damaskus hætti ekki á að
reita Bandaríkjastjórn til reiði
með því að leyfa Saddam
landvist í Sýrlandi. En auður
Saddams gerir honum kleift
að borga vel fyrir sig og gefur
það honum gott forskot í
feluleiknum.
Læra ekki af mistökum
Leyniþjónustur Bandaríkj-
anna hafa ekki lært af mistök-
um sínum í Afganistan. Þær
hafa fáa starfsmenn sem tala
arabísku eða mállýskur sem
gilda í írak. Þvf síður skilja
þær hugsunarhátt og hefðir
ótal ættbálka og trúarhópa.
Flóttamaðurinn Saddam
Hussein hefur lært af bin
Laden að fara ekki of langt frá
sínu landi eða stöðvum.
Hann talar ekki í farsíma og
sendiboðar eru notaðir til að
koma skilaboðum áleiðis eða
að þau eru send í dulkóðuð-
um tölvupósti. Undir ára-
mótin 2001 fékk bandaríska
leyniþjónustan öruggar
heimildir fyrir að bin Laden
og lið hans héldu sig í Tora
Bora-fjöllum. Þar voru gerðar
harðar loftárásir og flest
sprengt sem sprungið gat.
Saddam á sér ekki
alþjóðleg samtök
eins al Qaeda.
Hann er hataður og
fyrirlitinn í araba-
heiminum.
Nýlega bárust flugufréttir
um að Uday, elsti sonur
Saddams, væri um það bil að
gefa sig fram. Bundnar eru
vonir við að hann komi upp
um afdrif föður síns. Vonast
er til að einhver af trúnaðar-
mönnum Saddams svíki
hann og komi upp um hvar
hann heldur sig.
25 milljónir dollara
Fyrir löngu var það gert
heyrinkunnugt að 25 milljónir
dollara væru lagðar til höfuðs
bin Laden. Ekki mun síður
gróðavænlegt að koma upp
um Saddam Hussein og fær sá
sem það afrek vinnur ekki
lægri upphæð að launum.
Enginn hefur enn komið upp
um bin Laden, enda mun ekki
hættulaust að vinna sér inn 25
milljónir dollara fyrir viðvikið.
í fyrra fundust þrjú lík á
landamærum Afganistan og
Pakistan. Úr þeim öllum var
tungan skorin og dollarabúnti
stungið í munninn í staðinn.
Það eru greinileg skilaboð um
hvað verður um þá sem
hyggja á að svíkja foringjann
og málstaðinn.
Menn eru því varla ginn-
keyptir fyrir að koma heldur
upp um Saddan Hussein,
sem heilt risaveldi er á hött-
unum eftir að finna.