Dagblaðið Vísir - DV - 20.11.2003, Blaðsíða 23

DV Sport
FIMMTUDAGUR 20. NÓVEMBER 2003 23
á nýjan leik eftir þriggja ára fjarveru
Titli fagnað Jesper Sören sen fagnar hér íslandsmeistaratitlinum sem hann vann með
KR-ingum árið 2000.
hæfileikaríkur leikmaður og það er
alveg frábært að hann skuli hafa
komist inn í NBA-deildina. Hann er
líka sterkur andlega og ég held að
hann geti náð mjög langt í þessari
sterkustu deild í heimi ef hann
heldur rétt á spöðunum. Það er líka
mjög gott fyrir íslenskan
körfuknattleik að hann skuli vera
farinn að spila í NBA-deildinni því
að þá fær hann meiri athygli. Annars
verð ég að viðurkenna ða ég fylgist
ekkert sérstaklega vel með NBA en
ég er stoltur af Jóni.“
Há markmið
Það er mikill hugur í Jesper og
það má greina í orðum hans að
hann er ekki kominn til íslands til að
slappa af. Þegar hann var spurður
um markmið vetrarins var svarið
einfalt og stutt:
„Vinna íslandsmeistaratitilinn
með KR.“
Hann viðurkenndi þó að það yrði
hægara sagt en gert að ná því
markmiði.
„Við verðum að setja okkur há
markmið. Annars næst enginn
árangur. Það eru mörg góð lið í
deildinni í ár, hún er jöfn, en mér
sýnist að Suðurnesjaliðin þrjú muni
verða okkar helstu andstæðingar.
Við þurfum að vera skynsamir í leik
okkar og ekki spila of hratt. Ef við
gerum það þá munu lið eins Keflavík
og Grindavfk, sem lifa á því að skora
þriggja stiga körfur og ljúka helst
sóknum sínum á innan við tíu
sekúndum, slátra okkur."
Vörn vinnur meistaratitla
Það er einkenni á deildinni hér á
íslandi að það er leikinn mjög
hraður körfuknattleikur, hlaupið og
skotið, en við KR-ingar þurfunt líka
að leggja áherslu á varnarleikinn. Ef
hann verður áfram eins góður og
hann var gegn Haukum þá getum
við gert stóra hluti. Það hefur oft
verið sagt að sókn vinni leiki en vörn
vinni meistaratitla og ég held að það
sé hárrétt," sagði Daninn geðþekki
Jesper Sörensen að lokum. oskar@dv.is
iesper Sörensen og Ingi Þór
Steinþórsson Jesper Sóren sen
hlustar her á inga Þor
Steinþórsson, þjálfara KR-inga, i
úrslrtakeppninni fyrir rumum
þi emur árum. Jesper er genginn til
liðs við KR-inga á nyjan leik og
mun, efmarka ma frammistoðu
hans í fyrsta leiknum styrkja liðið
gifurlega íátökum vetrarins.
Arnold Schwarzenegger vendir sínu kvæði í kross
Steratröll á móti sterum
Arnold Schwarzenegger,
nýkjörinn ríkisstjóri Kaliforníu og
fyrrum vaxtaræktartröll, sem er
sennilega þekktasti neytandi
steralyija í heiminum í gegnum
tíðina, vill að lyfjaeftirlit í
íþróttaheiminum verði hert til
muna og segir það vera eina
möguleikann til að minnka notkun
ólöglegra lyfja í íþróttum.
„Ég held að það mikilvægasta sé
að hafa strangt og mikið
eftirlit," sagði Schwarzenegger á
si'num fyrsta blaðamannafundi sem
ríkisstjóri en hann var á sínum yngri
árum konungur í
vaxtaræktarheiminum.
„Vaxtaræktarmenn hafa verið
með stíft lyflaeftirlit undanfarin
fimmtán ár og það eru allir
keppendur prófaðir nú til dags.“
Schwarzenegger sagði að það
væri mikil vinna fyrir lyfjaeftirlitsfólk
að finna nýju lyfin sem væru í
stöðugri þróun.
„í hvert einasta sinn sem upp
kemst um lyf þá kemur annað lyf á
markaðinn sem ekki er hægt að
finna. Þetta er endalaust stríð en það
stríð verður að heyja hversu
vonlaust sem það lítur út fyrir að
vera."
Arnold hefur sjálfur viðurkennt
að hafa neytt stera þegar hann var á
hátindi sínum sem
vaxtarræktarmaður og segist iðrast
þess.
„Við vissum einfaldlega ekki
betur í þá daga. Það er heimskulegt
að nota stera og þeir gera ekkert
annað en að eyðileggja líkamann
þegar til lengri tíma er litið," sagði
Schwarzenegger á blaðamanna-
fundinum í Sacramento í Kaliforníu-
ríki í gær.
oskar@dv.is
Arnold Schwarzenegger Hefur sjálfur viðurkennt að hafa neytt stera I óhóflegu magni á
sinum yngri árum en vill nú skera upp herör gegn hvers konar lyfjamisnotkun - batnandi
mönnum er best að lifa.

Framtíð Sir Alex Ferguson hjá Man. Utd i óvissu
Kærði stærstu hluthafana
Það leikur allt á reiðiskjálfi í herbúðum Manchester
United þessa dagana eftir að Sir Alex Ferguson ákvað að
fara í mál við þá John Magnier og JP McManus en þeir
eru stærstu einstöku hluthafarnir í félaginu - eiga
samanlagt 23% í Man. Utd. Málið er allt hið
vandræðaiegasta fyrir ensku meistarana því þeir voru
tilbúnir með nýjan fjögurra ára samning við Ferguson en
þeir Magnier og McManus hafa farið fram á að
samningurinn verði ekki undirritaður fyrr en málið
hefur verið til lykta leitt.
Þrætuefnið veðhlaupahestur
Þrætuefnið er eigendaréttur á einum sigursælasta
hesti Bretlandseyja undanfarin ár sem heitir Rock of
Gibraltar. Hesturinn hefur aflað eigendum sínum mikils
fjár undanfarin ár og verðlaunaféð eitt og sér nær vel yfir
milljarð undanfarin þrjú ár. Hann er þar að auki metinn
á um 100 milljónir punda þannig að það eru
umtalsverðir íjármunir í húfi. Ferguson telur sig vera
með pottþétt mál í höndunum en það var eiginkona
Magniers sem seldi honum hlut í hestinum á sínum
tíma.
Ekki nýtt af nálinni
Málið er síður en svo nýtt af nálinni. Ferguson hefur
eingöngu rætt við þá Magnier og McManus í gegnum
lögfræðinga síðan í janúar og þrátt íyrir mörg sáttatilboð
af hálfu Magniers og McManus hefur enginn botn
fengist í málið og því ætlar Ferguson með það alla leið.
Þessar fréttir koma eflaust mörgum á óvart enda hefur
löngum verið talið að mjög gott væri á milli þeirra
þriggja. Þegar Magnier og McManus juku hlut sinn í
United á dögunum þá óttuðust margir að þeir væru með
á prjónunum yfirtöku á félaginu og það undir
handleiðslu Fergusons. Menn sjá í dag að það er fjarri
sannleikanum.
Vandræðalegt fyrir Manchester United
Eins og áður segir er málið mjög vandræðalegt fyrir
Manchester United en forráðamenn félagsins hafa reynt
að klóra í bakkann með því að segja að málið sé
einkamál á milli þeirra þriggja og hafi ekkert með United
að gera. Þeir eru ekki margir sem trúa því að þannig sé
litið á málið á Old Trafford.
Fastlega er búist við þvf að það taki ár að fá botn í
málið og ljóst er að eitthvað verður undan að láta að
lokum hvort heldur sem það verður Ferguson eða
einhver annar. henry@dv.is
AlexFerguson Hefur rifist af krafti við fyrrum félaga sína, John
Magnier og JP McManus vegna veðhlaupahests.
*