Dagblaðið - 02.07.1976, Blaðsíða 7
DAGBLAÐIÐ — FÖSTUDAGUR 2. JÚLÍ 1976,
7
Erlendar
fréttir
OMAH'".. *MEpf ;9
VALDIMARSSON ' PEfURSSON
REUTER
15 fulltrúar á
fundi NA-fisk-
veiðinefnd-
arinnar
NA-Atlantshafsfiskveiði-
nefndin kemur saman til
fundar í Estoril í Protúgal. Að-
alumræðuefnið á fundinum í
ár verður verndun fiskstofna.
Fimmtán þjóðir senda
fulltrúa sína á fundinn, þar á
meðal Bretar, Islendingar,
Norðmenn, Spánverjar og
Portúgalir. Fimm þjóðir eiga
sína áheyrnarfulltrúa.
Fyrr í þessari viku sökuðu
Norðmenn Portúgali og
Spánverja um að stunda
rányrkjuveiðar í Barents-
hafinu. Hyggjast Norð-
mennirnir hefja„máls á þessu
atriði á fundinum nú.
Berlinguer ánœgður
með Berlínarfundinn
Enrico Berlinguer, leiðtogi
ítalska kommúnistaflokksins,
sagði í gær um Berlínarfund
evrópskra kommúnista, að
hann væri mikið framfara-
skref í þá átt, að sjálfstæði
einstakra flokka væri
viðurkennt.
Berlinguer sagði þetta í
samtali við fréttamenn í Róm
þegar hann kom heim frá
Berlín. Hann sagðist hafa átt
stutran fund með Sovét-
leiðtoganum Brézhnev og
hefði sá fundur verið „kurteis-
legur.“
100 manns enn í gíslingu í Uganda:
ísraelsmenn vilja
sleppa „ákveðnum
fjölda" skœruliða
úr fangelsum
íísraelí
skiptum fyrir
líf allra gíslanna
Palestínu-vinveittir skæru-
liðar, sem enn halda hundrað
manns í gislingu á Entebbe-
flugvellinum í Uganda, standa
nú í miklum samninga-
viðræðum við rfkisstjórnar-
fulltrúa nokkurra landa um líf
gíslanna. Skæruliðarnir vilja fá
fimmtíu og þrjá nafngreina
Palestínumenn — eða
stuðningsmenn frelsisbaráttu
þeirra — lausa úr fangelsum. I
Israel eru fjörutíu þessara
manna og í gær brá israelska
stjórnin út af vana sinum og
féllst á að ræða við skæru-
liðana.
Israelsmenn tóku þessa
ákvörðun stundarbili áður en
fresturinn, sem skæruliðarnir
veittu, rann út. Að þeim tíma
liðnum ætluðu skæruliðarnir
að sprengja í loft upp flug-
vélina og alla um borð, eða tvö
hundruð manns.
Patriciu Hyman var ekki hlátur
í hug þegar hún slapp fyrst
þeirra 226, sem upphafiega
voru í rændu flugvélinni.
Patricia slapp á flugvellinum í
Benghasi í Líbýu eftir að hún
hafði sannfært ræningjana um
að hún væri aivarlega sjúk og
þyrfti læknishjálp.
Þegar heyrðist frá Israel létu
skæruliðarnir helming gíslanna
lausa og veittu nýjan frest — í
þetta skipti þar til klukkan
ellefú á sunnudagsmorguninn
— til að kröfum þeirra yrði
svarað.
I fréttum frá Úganda segir að
að áhöfninni frátalinni séu allir
gíslarnir, sem eftir eru,
ísraelsmenn eða einstaklingar
með tvenns konar ríkisborgara-
rétt, trúlegast Gyðingar.
Israel stendur í samninga-
viðræðunum í gegnum frönsk
stjórnvöld en vélin er frönsk.
I tilkynningu um samningsvilja
ísraelsmenna sagði, að yfirvöld
þar i landi væru reiðubúin að
ræða að veita „ákveðnum
fjölda“ fangelsaðra skæruliða
frelsi í staðinn fyrir líf
gfslanna.
Þetta er i fyrsta skipti, sem
tsraelsmenn láta undan kröfum
Kort af flugleiðinni eftir að
vélinni var rænt á leiðinni frá
Tel Aviv tilAþenu. Þaðan var
farið til Benghasi. siðan til
Khartoum i Súdan og loks til
Uganda.
skæruliða um viðr?eður. Sam-
göngumálaráðherra landsins,
Gad Yaacobi, sagði í sjónvarps-
viðtali í gærkvöld, að þetta
hefði verið „mjög, mjög erfið
ákvörðun."
Pólska stjómin
leitar stuðnings
Stjórnvöld í Póllandi hafa hafið
mikla áróðursherferð til að
sannfæra Pólverja um að hækkun
á vöruverði sé nauðsynleg. I
síðustu viku kom til óeirða á
nokkrum stöðum, þegar tilkynnt
var um hækkanir á nauðsynja-
vörum.
Óeirðirnar urðu til þess, að
hætt var við verðhækkanirnar
sólarhring eftir að tilkynnt hafði
verið um þær.
Blöð, útvarp og sjónvarp er nú
allt notað. Er lögð áherzla á þá
staðreynd, að það sé efnahagslegt
sjálfsmorð fyrir Pólverja að halda
áfram að borga 100.000.000 zloty á
ári í niðurgreiðslur matvæla.
Þeessi upphæð hefur fimmfalazt
síðan árið 1970.
Edward Gierek, pólski flokksleið-
toginn.
Lestarslysið
í Halsingborg
Fimm mínútum eftir að farþegalestin fór frá Hálsingborg í Svíþjóð
á þriðjudaginn rakst hún á vöruflutningalest. Vöruflutningalestin
eyðilagði gjörsamlega fremsta farþegavagninn. Atta manns biðu
bana og fimmtán meiddust alvarlega.
Mannaveiðar
Enska konungsfjölskyldan
sem styður ákaft og stundar
refaveiðar, hefur nú fundið sér
nýtt tómstundagaman: Manna-
veiðar. Þær eru það nýjasta
nýtt frá Englandi, nú á siðustu
tímum.
Nafnið eitt er nóg til þess að
menn sperra eyrun, en þó er
hér um mun saklausari hlut að
ræða. Byggjast veiðarnar á því,
að blóðhundar eru látnir elta
mann.sem hefur fengið
verulegt forskot. Veiði-
mennirnir fylgja hundunum
fast á eftir á hestbaki. Engan á
að saka í gamni þessu, þvert á
móti, þegar búið er að finna
„bráðina", safnaðst allir
umhverfis hana og menn skegg-
ræða, hversu gaman þetta hafi
allt saman verið.
Enski aðallinn tekur þessu
gamni með mikilli alvöru.
Er Elísabet drottning heyrði
um þessa nýju íþróttagrein lét
hún þegar í stað sjá til þess, að
slíkar veiðar yrðu haldnar með
leynd í Windsor Great Park.
Eftir veiðarnar, þar sem
nokkrir menn voru „veiddir",
lýsti hún þvi yfir, að þetta hefði
verið „ákaflega gaman“ .
Meðal dýravina i Englandi
hafa kröfur magnazt þess efnis,
að refaveiðar verði bannaðar.
Bæði Karl prins og Anna Breta-
prinsessa eru miklir refa-
veiðimenn og hafa bæði lýst þvi
yfir, að þau muni ekki leggja
þann sið af.
ALLTIFÓKUS HJÁ
A rcent/S.
Ljósmyndapappír
r • •
I
og gerðum
Einnig
plastpappfr
SMÁSAIA FÓKUS HEILDSALA
Lœkjargötu 6b, sími 15555