Dagblaðið - 25.08.1976, Blaðsíða 7
7
DAGBLAÐIÐ. MIÐVIKUDAGUR 25. ÁGÚST 1976.
Erlendar
fréttir
Sovétríkin:
FLÝTTU SÉR TIL JARÐAR
— eftir 48 daga í geimnum
Ferð hins mannaða geimfars
Sovétmanna. Soyuz-21, sem
verið hefur á braut umhverfis
jörðu í tengslum við geimstöð
þeirra, Salyut-5 lauk öllum að
óvörum í gærkvöldi, er geim-
fararnir lentu heilu og höldnu
skömmu eftir miðnætti á
steppum Mið-Asíurikisins
Kazakstan.
Geimfararnir, Boris Volynov
og Vitaly Zholobov, háfa verið
úti í geimnum i rúma 48 daga,
en það vekur athygli frétta-
manna, að lendingin var gerð
eftir miðnætti i náttmyrkri,
sem torveldar mjög störf leitar-
sveita. Er jafnvel talið, að ein-
hver bilun hafi orðið i
geimfarinu, því að síðast, er
lending var gerð eftir að nátt.
myrkur var skollið á, árið 1974
var það vegna þess, að hilun
hafði orðið í ítækjabúnaði í
Soyuz-15 geimfarinu. Auk þess
þykir það tíðindum sæta, að
ekki skyldi vera haldið lengur
út, því að fyrra met Sovét-
manna : geimferðum er 63
dagar og met Bandaríkjamanna
84. Ekki er þess getið í til-
kynningu Tass-fréttastofunnar
um málið, að bilun hafi komið
upp, en búizt er við því, að
einhver vtðunandi skýring fáist
á málinu innan skamms.
Eviahafsdeila Grikkja oa Tvrkia:
Samþykkt Öryggisráðs
SÞ lögð fiwn í dag
Öryggisráð Sameinuðu þjóð-
anna mun i dag reyna að fá Grikki
og Tyrki til að komast að friðsam-
legri lausn í Eyjahafsdeilu þeirra
með samþykkt ályktunar, sem
gerir ráð fyrir beinum samninga-
viðræðum.
Uppkast ályktunarinnar var
lagt fram í gær af bandalags-
þjóðum Grikklands og Tyrklands
í NATO, eða Bandaríkjunum,
Bretlandi, Frakklandi og Ítalíu.
Hvorugur deiluaðila getur fellt
sig við ályktunina eins og hún
n var lögð fram, en ástæðurnar
fyrir því eru ekki hinar sömu.
Utanríkisráðherrar landanna,
Grikkinn Dimitri Bitsois og Tyrk-
inn Ihsan Caglayangil, eru enn í
New York. Þeir hafa áður setið
fyrri fundi ráðsins vegna málsins
og munu báðir taka til máls á
fundinum í dag.
Umræðurnar um málið í
Öryggisráðinu hófust 12. ágúst að
frumkvæði Grikkja, sem sökuðu
Tyrki um ítrekaðan átroðning á
landgrunni sínu í Eyjahafi með
því að senda olíuleitarskipið Sis-
mik I. til rannsóknarstarfa þar.
í höfuðstöðvum SÞ telja menn
að ályktun Öryggisráðsins verði
samþykkt með tólf atkvæðum
gegn engu. Fimmtán ríki eiga
sæti í ráðinu og reikna menn með
að þrjú muni sitja hjá við at-
kvæðagreiðsluna.
Á þessu korti má sjá hið umdeilda hafsvæði. Brotna línan sýnir
mörkin, sem Tyrkir telja sig geta farið inn fyrir, þ.e. hægra megin á
kortinu.
Kórea:
Flugránið i Egyptalandi:
Norður-Kóreumenn
„varaðir við" með
B-5 2 sprengjuvélum
Bandariskar sprengjuflugvélar
af gerðinni B-62, sú tegund sem
notuð var til að varpa milljónum
smálesta af sprengjum yfir
Víetnam á sínum tíma, hafa farið
daglega í æfingaflug yfir Suður-
Kóreu síðan á föstudaginn, að því
er skýrt var frá í varnarmála-
ráðuneyti Bandaríkjanna í
gær.
Æfingar þessar eru greinilega
til að vara Norður-Kóreumenn
við í framhaldi af morðum
tveggja Bandaríkjamanna á hlut-
lausa beltinu á milli lands-
hlutanna í síðustu viku.
Talsmaður Pentagon — varnar-
málaráðuneytisins — sagði í gær,
að hann vissi ekki til þess að
sprengjuflugvélar af þessu tagi
hafi flogið yfir Kóreu áður.
Með B-52 flugvélum er hægt að
flytja kjarnorkusprengjur.
Bardaginn um tréð. sem sést hér á myndinni miðri, kann að eiga eftir að valda miklum örugleikum
samskiptum Bandarikjanna og N-Kóreu.
Nafn Trumans límt á minnismerki fallinna
Skilti. þar sem á var letrað
nafn Harry Trumans. fyrrum
forseta Bandarikj.anna. var
límt á minnismerkiö um fallna
borgara Ilirosima nú fyrir
skötnmu. Truman var forseti
Bandarikjanna árið 1945, er
þeir létu varpa kjarn-
orkusprengju á borgina, sem
varð tugum þúsunda manna að
bana.
Umsjónarmenn minnis-
merkisins, en á því stendur
áletrunin „Hvílið í friði. Við
munum aldrei gera þessi mis-
tök", fjarlægðu skiltið.
FjórðS maðurim
handtekim í gœr
Fjórði maðurinn hefur verið
handtekinn í Kairó í sambandi
við rán egypzkrar flugvélar á
mánudaginn, að því er sagði í
blaðinu Al-Ahram, hálf-
opinberu málgagni egypzku
stjórnarinnar, í morgun.
Þar sagði að flug-
ræningjarnir þrír, sem
egypzkar víkingasveitir hand-
tóku um borð í flugvélinni á
Lux'or-flugvelli þegar far-
þegum og áhöfn var bjargað,
hefðu komið upp um félaga
sinn og sagt hann hafa tekið
þátt í undirbúningi flugvélar-
ránsins. Blaðið birti nafn
mannsins, en gat ekki þjóðernis
Þremenningarnir, sem hand-
teknir voru (og særðust i
áhlaupinu á vélina) ei u tveir
Líbýumenn og einn Egypti.
Þeir verða dregnir fyrir herrétt
á þriðjudaginn, að því er sagði i
frétt Al-Ahram í morgun.
Blaðið greindi einnig frá því,
að vopnaðir verðir væru nú um
borð í öllum flugvélum
Egyptair og að Mamdouh Sal-
em, forsætisráðherra Egypta-
lands, hefði fyrirskipðað að
leitartækjum yrði komið fyrir á
öllum flugvöllum til að leita á
farþegum.
Salem hefur sakað Muammar
Gaddafi, þjóðarleiðtoga Líbýu
um að hafa fjármagnað flug-
ránið. Líbýumenn neita og saka
Egypta sjálfa um að hafa
skipulagt atvikið til að hafa af-
sökun til að níða Gaddafi niður.
Sambúð Líbýu og Egypta-
lands hefur farið hríð-
versnandi. Hóta Líbýumenn
nú að slita stjórnmálasambandi
við Egypta á miðvikudaginn (1.
sept.) verði ekki breyting til
batnaðar á afstöðu þeirra.
USA:
Þingmaður dœmdur
fyrir dónaskap
Yfirréttur i Utah-ríki í
Bandaríkjunum hefur staðfest
dóm undirréttar um brot þing-
mannsins Allan Howe á sið-
gæðislögum fylkisins, en hann
er fundinn sekur um að hafa
farið fram á það við tvær lög-
reglukonur, að þær gerðu hon-
um kynferðislegan greiða.
Undirréttur hefur þegar
kveðið úrskurð sinn í máli
þessu.
Þingmaðurinn, sem er fimm
barna faðir, grét og faðmaði að
sér börn sín og eiginkonu, er
dómarinn sagði. að hann
myndi birta dómsúrskurð sinn
á morgun. Má þingmaðurinn
búast við því að hljóta allt að
299 dollara sekt og sex mánaða
fangelsi.
Howe var handtekinn í júní
s.l. í ótuktarhverfi Salt Lake-
borgar, eftir að hann hafði
boðið tveim dulbúnum lög-
reglukonum 20 dollara fyrir
blíðu þeirra, sem hann tók sér-
staklega fram, að sögn
lögreglukvenna. Eru ströng
viðurlög við slíku í Utah-riki
eins og.sjá má.