Dagblaðið - 01.09.1976, Síða 15

DAGBLAÐIÐ. — MIÐVIKUDAGIJR 1. SEPTEMBER 1976.
Popphátíð '69:
ÞANNIG SKíMMTUM VIÐ
OKKUR í GAMIA DAGA
15
N
Mikill troöningur bítilóöra
ungmenna haföi myndazt fyrir
framan sviðið. Hann steig upp á
stól sem brotnaði strax undan
þunga hans og hinna tveggja
sem stóðu fyrir á honum. Þá
var bara stokkið upp á annan
stól sem brotnaði einnig. Þá
voru ekki fleiri stólar heilir í
fremstu röðunum, — þeir voru
allir orðnir að ónýtu spýtna-
braki.
Uppi við sviðið dansaði stór
svoli í gulri úlpu og öskraði:
Trúbrot, Trúbrot, þeir eru
beztir. Smástelpur í kringum
hann skríktu Bjöggi, Ævýitýri,
Bjööööögggi! Og svo létu þær
Ííða yfir sig. Á sviðinu var Trú-
brot og reyndi að koma lögum
sínum út í salinn í gegnum
bilað söngkerfi.
Þessar eru endurminningar
manns, sem var 15 ára þegar
popphátíð ’69 var haldin,' —
popphátíðin, þegar Björgvin
Halldórsson var kjörinn popp-
stjarna íslands og Ævintýri var
kosin vinsælasta hljómsveitin.
Tíu hljómsveitir
það kvöldið
Það voru hvorki meira né
minna en tíu hljómsveitir,
sem léku á Popphátíðinni
’69. Þær voru Arfi, Dúmbó,
Pops, Tárið, Ævintýri, Öð-
menn, Náttúra, Júdas, Roof
Tops og Trúbrot. Hátfðin átti að
hefjast klukkan átta um kvöld-
ið en tafðist í klukkutíma þar
eð hljóðfæraleikararnir kröfð-
ust þess að fá hluta af kaupinu
sínu greiddan áður en fjörið
byrjaði. Það hafðist í gegn, en
seinni hluti kaupsins kom ekki
fyrr en í fyrra, er þrotabú
hátíðahaldarans var gert upp.
Arfi var fyrsta hljómsveitin
sem kom fram. Hún vakti
fremur litla athygli, nema hvað
þar voru tveir góðir menn. Þeir
hétu Ásgeir Óskarsson trommu-
leikari og Tómas Tómasson
bassaleikari. Síðan kom hver
hljómsveitin af annarri fram.
Pops léku lög af dansleikja-
prógrammi sínu og nauðguðu
sýningardúkku á sviðinu.
Samtímalýsing úr táningablað-
inu Jónínu segir eftirfarandi:
„...Öttar fékk inn á sviðið út-
stillingarbrúðu í fullri líkams-
stærð. Tók hann síðan að þreifa
á henni og klæddi hana síðan
úr buxunum. Kjass og kossa-
flens fylgdi, en síðan þeytti
hann kvendinu í gólfið svo fast,
að höfuðið losnaði af búknum
og stórskaddaðist að auki. Eftir
það greip hann gítarinn sinn
aftur og tók til við spila-
mennskuna á nýjan leik, en
stakk öðrum fæti sínum milli
fóta hinnar höfuðlausu brúðu
og hreyfði fram og aftur við
mikil fagnaðarlæti áhorfenda.”
(Jónína 2. tbl., 1. árg. 1969).
Þegar næstsíðasta
hljómsveitin, Roof Tops, kom
fram trylltust áhorfendur og
ruddust að sviðinu. Roof-
Topsmenn sögðu eftir á að þeir
hefðu orðið steinhissa, því að
þeir héldu að þeir væru ekki
svo vinsælir. Lætin héldust
síðan á meðan Trúbrot Iék.
Skrítnar
vinsœldakosningar
Mörgum þótti furðulega
staðið að vinsældakosningum
sem fram fóru á meðan á
hátiðinni stóð. Kjósendur urðu
að skila seðlum sínum áður en
allar hljómsveitirnar höfðu
lokið leik sínum og þótti það all
furðulegt. Svo skrýtnar þóttu
kosningarnar að engar slíkar
fóru fram í iangan tíma á eftir.
Annars féllu atkvæði þannig
að poppstjarna ársins var
kjörinn Björgvin Halldórss. í
öðru sæti varð Rúnar Júlíusson.
Aðrir fengu minna. Björgvin
hafði mikla yfirburði yfir aðra.
Tilkynnt var á popphátlðinni að
atkvæði hans hefðu nægt til að
fylla heilan kassa. Margir veltu
síðar fyrir sér stærð kassans.
Vinsælasta hljómsveitin var
Ævintýri en þar var Björgvin
söngvari. Hljómsveitin fékk
726 atkvæði. Næsta hljómsveit
á eftir Ævintýri, Trúbrot, hlaut
700 atkvæði.
Eftir að úrslitin höfðu verið
birt lék Ævintýri við mikil
fagnaðarlæti og píkuskræki.
Einars þóttur
Sveinssonar
Maðurinn að baki
popphátíðinni var Einar
nokkur Sveinsson. Hann hvarf
úr landi skömmu eftir hátiðina
og fréttist af honum á E1 Salva-
dor þar sem hann mun vera
búsettur enn þann dag í dag.
Gróði popphátíðarinnar hefur
vonandi nægt honum til að
koma fótunum fyrir sig þar
ytra. Alls voru þetta um 4000
manns sem skemmtu sér í
Laugardalshöllinni þetta
septemberkvöld fyrir sjö árum,
og hefur það sem kom í kassann
væntanlega verið sæmilega
feitt.
-ÁT
POPPSTJARNA ’69. Björgvin
Halldórsson fórnar höndum í
fögnuði.
ÚTSTILLINGARBRÚÐAN sví-
virt: Hljómsveitin Pops sló á
léttari strengi er hún afkiæddi
gínu og hausbraut hana. Á
myndinni eru þeir Ólafur Sig-
urðsson, Pétur Kristjánsson og
Óttar Felix Hauksson. Hann
stendur einmitt fyrir hátiðinni
í kvöld.