Dagblaðið - 07.09.1976, Page 3

DAGBLAÐIÐ, ÞRIÐJUDAGUR 7. SEPTEMBER 1976.
Starfsstúlkur taki að sér
rekstur mjólkurbúða
Guðmundur Jónsson frá Kóps-
vatni skrifar:
Nú .er gert ráð fyrir að
Mjólkursamsalan hætti allri
smásölu á mjólk eftir 1. febr. á
næsta ári, og er það í samræmi
við lagabreytingu, sem sam-
þykkt var á Alþingi s 1. vor. Um
réttmæti þessarar skipulags-
breytingar á mjólkursölunni
eru nú mjög skiptar skoðanir
og reyndar voru bændur lengi
vel mjög tregir til að sieppa
allri smásölu úr höndum
Mjólkursamsölunnar því að
þeir óttuðust að kaupmenn
myndu með þessu fá alltof
sterka einokunaraðstöðu.
En nú er bara alls ekki víst,
að nógu margir kaupmenn séu
Raddir
lesenda
Tiivaiið tækifæri er nú að sýna í verki atvinnulýðræði með því að
starfsstúlkur í mjólkurbúðum reki þær sjálfar.
reiðubúnir til þess að taka að
sér mjólkursölu, og þess vegna
verði kannski engin mjólk eða
aðrar mjólkurvörur til sölu í
sumum hverfum borgarinnar,
eins og Garðar Vilborg bendir
réttilega á í grein í Dagblaðinu
26. ágúst sl.
Svo má gera ráð fyrir, að
margar starfsstúlkurnar í
mjólkurbúðunum missi vinn-
una, neytendurnir óttast, að
þjónustan við þá verði lakari,
og þá mega bændur líka búast
við minni vörusölu.
En hvað er þá til ráða?
Skipulagsbreytingunni, sem
ákveðin er snemma á næsta ári,
verður tæplega frestað.
Þó má vera, að ein leið kunni
að reynast fær. Hún er sú, að
starfsstúlkurnar taki sjálfar að
sér rekstur sumra mjólkur-
búðanna, þar sem mest hætta
er á, að einstök borgarhverfi
verði afskipt með mjólkursölu.
Væntanlega myndi Mjólkur-
samsalan reyna að stilla
söluverðinu í hóf og fallast á
hagstæða greiðslusamninga.
Svo er sanngjarnt að fara þess á
leit við verkalýðsfélögin, að
þau veiti þessu máli einhvern
stuðning, t.d. með lánsfjárfyrir-
greiðslu. Neytendurnir geta
líka lagt sitt af mörkum með
því að leggja fram lánsfé eða
hlutafé, ef heppilegra þykir að
stofna hlutafélög um rekstur
einstakra búða.
Þarna gefst tilvalið tækifæri
til að sýna í verki atvinnu-
iýðræði, sem margir virðast
lofa en fáir virðast þó treysta
sér til að hrinda í framkvæmd.
Kópsvatni 27. ágúst 1976.
Guðmundur Jónsson.
Hvort lestu heldur
iþróttasíðu eða
poppsíðu
dagblaðanna?
Sigmundur Salvarsson nemi:
íþróttaslðuna. Ég les að vísu
poppsiðuna lika en kannski ekki
eins oft.
i*»
Sverrir Sverrisson nemi: Popp-
siðuna. Mér finnst hún miklu
skemmtilegri lesning en þessar
íþróttir. Þær eru alltaf eins.
Hjalti Guðmundsson prestur: Eg
les frekar íþróttirnar en glugga
nú samt í poppið lika.
TIL ÞESS ERU VÍTIN
AÐ VARAST ÞAU
Ásgeir Beinteinsson skóla-
stjóri skrifar:
Hvað er að verða úr íslenzku
þjóðinni? Hvar eru stoltu vík-
ingarnir sem létu sig ekki gegn
ofurvaldinu? Hvar er þjóðin
sem barðist fyrir sjálfstæði
sínu? Þessar spurningar sækja
á hugann. Hver vill svara?
Mikill er skriðdýrsháttur ís-
lendinga orðinn. Nú ætla þeir
sér að fara að skrifa upp á einn
víxilinn enn og innleiða kana-
sjónvarpið á ný. Á kanasjón-
varpið að verða prófsteinn á
mannréttindi á Islandi.
Hvernig getur það átt sér stað?
Jú, ef meirihluti landsmanna
vill horfa á kanasjónvarpið, þá
á að leyfa það. Hafi meirihluti
landsmanna ekki vit fyrir sér, á
minnihlutinn þá ekki að
fá að ráða? Vitaskuld. Eru
foreldrar á heimilum yfir-
leitt ekki i minnihluta, eða
hvað? Menning Bandaríkja-
manna er ekki til neinnar fyrir-
myndar og því ber að forðast
hana. Menning segi ég! Hvað er
það sem menn vilja sjá í kana-
sjónvarpinu? Hasarmyndir
auðvitað. Hasarmyndir snúast
venjulega um morð. Jú, það er
allt í lagi með morð, menn hafa
bara gott af því að horfa á svo-
leiðis. Sér er nú hver menning-
in! Ég fæddist fyrir framan
kanasjónvarpið, næstum því,
vildi ég sagt hafa. Ég skaðaðist
ekkert af því. Ég þekki hins
vegar mann sem fæddist líka
fyrir framan kanasjónvarpið.
Manntetrinu gengur herfilega
með íslenzka stafsetningu en er
góður i þeirri ensku. Ef hann
þarf að útskýra eitthvað, sem
ekki finnst orð yfir í daglegu
íslenzku máli, þá notar hann
ensk orð. Hvað er auðugasta
tungumál veraldar þessu fólki?
Svo eg snúi mér að dálitlu
öðru, popptextum. Nú eru
popparar ekki menn með
mönnum nema þeir semji texta
sína á ensku. Miklir vesalingar
eru þessir menn. Geta þeir ekki
bögglað út úr sér textum á is-
lenzku? Nei, það virðist ekki
vera. Þeir ætla sér víst að
komast á heimsmarkað með
þessu móti. Athugið að Laxness
skrifaði á íslenzku og hann
komst á heimsmarkað. Drengir
mínir, ef það er gott sem þið
flytjið þá slær það í gegn.
Já, það er gaman að skríða
fyrir kananum. Þeir hafa látið
svo margt gott af sér leiða.
Kæru bræður, eigum við að
telja saman eða eigum við að
sleppa því? Hafið þið kannski
ekki lesið bókina „Svo fór ég að
skjóta"? Það er afskaplega
skemmtilegt rit. Ég er viss um
að Hitler hefur ekki haft eins
mikið hugmyndaflug í orðavali
og misþyrmingum og þeir.
Hverjir eru máttarstólpar ríkis-
stjórnar Chile aðrir en Banda-
ríkjamenn? Þið hafið vonandi
lesið um það í Dagblaðinu,
hvernig farið er með fólk þar.
Svo er það Suður-Kórea. Hvað
skyldi nú vera gert við fólk sem
mótmælir stjórninni þar?
Hlustið á fréttirnar. Hverjir
studdu einræðisstjórn Francos
eða herforingjastjórnina á
Grikklandi? Við vitum það öll.
Kannski þetta sé nóg um morð
og annan yfirgang. Hvað með
peningana þeirra, dollarana?
Hefur þeim ekki verið lætt ofan
í vasann hjá prinsum og ráð-
herrum út um allan heim, svo
Lockheed gæti selt flugvél-
arnar sínar? Þetta er allt svo
fallegt og indælt. Svo eru spek-
ingarnir hér heima farnir að
tauta ofan í bringu sér, hvort
þeir geti nú ekki fengið pínu-
lítið af þessum bleðlum. Það
kallast því fallega og vísinda-
leea nafni „aronismi“.
Já, á ekki að taka leigu fyrir
herstöðina? Kæru bræður, sjáið
þið ekki hvað bandarísk ógnar-
stjórn leiðir af sér út um allan
heim? Það er allt í lagi, þeir
gera okkur ekki neitt. Ég hef
heyrt um fólk sem hefur átt
samskipti við CIA á Islandi
bæði jákvæð og neikvæð, ef
litið er á þetta stærðfræðileg-
um skilningi með núllpunkt í
ást á kananum. Ég kemst senni-
lega á skrá hjá CIA fyrir þessa
grein, sennilega fæ ég mínus
fjóra. Sama er mér. Eg er
Islendingur sem hef skoðanir.
Islendingar, sjáið að ykkur
áður en það er um seinan.
Reynum ao stanoa saman gegn
hersetu. Þjóðrækin fyrirtæki á
íslandi, merkið vöru ykkar sem
fer erlendis „Made in occupied
Iceland“, eins og Japanir gerðu
á sínum tíma. Stöndum saman
sem sjálfstæð þjóð.
Mig langar í lokin að vitna í
orð eins.af forsetum Bandaríkj-
anna, en þau eru fremur kald-
hæðnisleg. „Smám saman
munu allar þjóðir heims fá að
vita sannleikann um hin frið-
samlegu markmið bandarísku
þjóðarinnar og virðingu hennar
fyrir réttindum annarra...".
Dvvight D. Eisenhower.
Kristjana Sigurðardóttir nemi:
Mér finnst íþróttaslðan miklu
skemmtilegri. Ég hef ekki áhuga
á poppsíðunum, kíki kannski bara
á myndirnar á henni.
Gunnlaugur Guðmundsson,
vinnur við sjávarútveg: Iþrótta-
síðuna. Það á ekki að lesa um
popp, það á að hlusta á það.
Jónína Kristjánsdóttir núsmóðir:
Mér finnst íþróttasíðan miklu
skemmtilegri lesning. Eg skoða
m.vndirnar á poppsíðunum og les
f.vrirsagnir.