Dagblaðið - 07.09.1976, Blaðsíða 8

s
DAGBLAÐIÐ. ÞRIÐJUDAGUR 7. SEPTEMBER 1976.
Tugþúsunda lítra bensíngeymir
slapp við ókaft neistaflugið
— einstakt lán að vindáttin var norðlœg, segir slökkviliðsstjórinn
„Þafi var alveg einstakt lán
hvernig vindurinn stóð,“ sagði
Stefán Teitsson, slökkviliðs-
stjóri á Akranesi. í viðtali við
DB á brunastað þar i gær-
kvöldi, en í aðeins rúmlega 100
metra fjarlægð frá brunastaðn-
um stendur tugþúsunda iitra
bensíngeymir. Sagði Stefán að í
60 tii 70 prósentum tilvika
stæði vindur af brunastaðnum í
átt til geymisins, sem er í norð-
vestur frá staðnum, en í gær-
kviildi var hins vegar stinnings-
gola úr norðvestri og stóð
neistaflugið því ekki yfir geym-
Það var um það bil 15
mínútum f.vrir kl. 19 í gær-
kvöldi að slökkviliðinu á Akra-
nesi var tilk.vnnt um eld í Nóta-
stöðinni hf. við Breiðargötu,
sem er vestan og skammt utan
við bæinn Að sögn Stefáns,
slökkviliðsstjóra, var húsið al-
elda strax og liðið kom á vett-
vang enda sögðu sjónarvottar
að það hafi orðið alelda á svip-
stundu.
Slökkviliðsmenn gerðu sér
strax grein fyrir því að vonlaust
var að bjarga húsinu eða
nokkru innan úr því og ein-
beittu sér að þvi að verja
geymsluskemmu stöðvarinnar,
sem aðeins er í nokkurra metra
fjarlægð. Þar eru geymdar 8 til
10 síldar- og loðnunætur ásamt
öðrum verðmætum veiðar-
færum, sem ekki verða metin
nema í tugum milljóna. Tókst
slökkviliðinu að verja skemm-
una og innihald hennar, þótt
eitthvað hafi hitnað í því, en
skemmdir voru ekki sjáanlegar
á veiðarfærum í gærkvöldi.
Um 40 manna lið tók þátt i
slökkvistarfinu og sneri liðið
sér að fuðrandi húsinu, þegar
skemman var úr allri hættu.
Var ekkert annað að gera en að
dæla vatni á eldinn og rifa frá
plötur til að greiða gang vatns-
ins á hann. Húsið hrundi ger-
samlega til grunna og er ger-
ónýtt ásamt öllu sem i þvi var.
— G.S.
Netaverkstæðið að mestu hrunið, en slökkviliðinu tókst að verja
netageymsluna i aðeins þriggja metra fjarlægð. Mynd: A.P.
Hiisið varð alelda á nokkrum minútum og er þessi mynil tekin skömnui et'lir að eldurinn kom upp.
Mynd: Þórólfur Agústsson.
Stefán Teitsson slökkviliðsstjóri og Pétur Georgsson, einn eigenda
Nótastöðvarinnar, á brunastaðnum í gærkvöldi. Mynd: A.P.
Einn eigandi Nótastöðvarinnar:
ÞAÐ VERÐUR AÐ HALDA ÁFRAM
AÐ ÞJÓNUSTA BÁTAFL0TANN
— œtlar strax að leita að öðru húsnœði — nœtur tveggja
Norðursjóvarbóta brunnu inni
„Það veðrur á einhvern hátt
að halda áfram að þjóna bátun-
um og við verðum strax að leita
okkur að öðru húsnæði," sagði
Pétur Georgsson, einn eigenda
og forstöðumanna Nótastöðvar-
innar á Akranesi, er DB ræddi i
gærkvöldi við hann er hann
horfði á eldtungurnar tortíma
f.vrirtæki sínu.
..Þetta er eina netaverk-
stæðið á staðnum og auk þess
þjónum við bátum víða að,“
sagði hann, ,,og ekki er annað
hægt en að halda þjónustunni
áfram." Hann sagði að húsið,
sem var járnvarið timburhús,
hefði verið reist 1947, og hafi
12 til 14 nianns haft fasta at-
vinnu í stöðinni að undanförnu.
Fyrir utan það að öll verkfæri
og önnur verðmæti stöðvarinn-
ar eyðilögðust gersamlega,
brunnu inni tvær síldarnætur.
önnur af Hilmi SU, hin af
Árna Signrði AK, en báðir
þessir bátar áttu að fara á síld-
veiðar með þessar nætur eftir
nokkra daga.
Pétur sagði að lokum að
stöðin hafi verið brunatryggð
þótt hann byggist ekki við að
tjónið yrði nokkru sinni bætt að
fullu. Ekki vildi hann slá
neinni krónutölu á tjónið.
— G.S.
Tugmilljóna tjón:
Eldsupptök fró rafmagni
Svo virðist í fljótu bragði, að
eldsupptök i Nótastöðinni hafi
verið í rafmagnsinntakinu í
húsið. Sjónarvottar að upphafi
eldsins sögðu að þeir hefðu
fyrst séð eldinn á þeim stað, þar
sem rafmagnið er tekið inn í
húsið. Húsið er kynt með olíu-
kyndingu og var hún ekki i
gangi, þegar eldurinn kom upp,
né neitt annað er gæti hafa
kveikt eldinn. Rannsókn er
ekki endanlega lokið.
— G.S.
Ilúsið hruiiið aó inestu en i hakgruiiniiium gna'fir stóri hensintank-
urimi. sem slapp við neistaflugið og ef til vill slapp við að springa.
vegna óvenjulegrar vindáttar. M: Arni P.