Dagblaðið - 08.09.1976, Blaðsíða 8
8
DAGBLAÐIÐ. MIÐVIKUDAGUR 8. SEPTEMBER 1976.
Láttu Canon
klára dœmin!!
CANON gildir allar götur frá grunnskóla upp úr
háskóla.
SKÓLAFÓLK, gerið sameiginleg innkaup — hjá
okkur er það hagkvœmara.
FYRIRTÆKI OG EINKAAÐILAR, athugið úrval
þessara hentugu og ódýru vasareikna fyrir yður.
Verð frá kr. 6.970,00
Skrifúélin hf
f>(\^
o G
Suðurlandsbraut 12, Sími 85277.
VÉLSETJARI
Góður vélsetjari óskast
strax. Gott kaup fyrir
góðan mann. Tilboð sendist
Dagblaðinu merkt:
„VÉLSETJARI" fyrir 15. þ.m.
Dagblað
án rfkisstyrf'c
Japanir neita að
skila MIG-þotunni
— en Ford býður flugmanninn velkominn
Japönsk stjórnvöld hafa
hafnað sovézkri kröfu um að
skila þegar í stað orrustuflug-
vél af gerðinni MIG-25, sem
sovézkur liðþjálfi lenti á
norðurhluta Japanseyja á
mánudaginn á flótta frá heima-
landi sínu. Þotan er talin
mikilsvert hernaðarleyndar-
mál. Þá hafa yfirvöld í Japan
einnig neitað að leyfa sovézk-
um diplómötum að ræða við lið-
þjálfann, Viktor Belenko.
Kiichi Miyazawa, utanríkis-
ráðherra Japans, sagði igærað
ekki væri hægt að verða við
kröfu Sovétmanna um að skila
þotunni strax aftur, þvi hún
hefi rofið japanska lofthelgi og
því þyrfti að rannsaka málið
gaumgæfilega. Síðan yrði að
semja um að skila þotunni eftir
diplómatískum leiðum, sagði
Miyazawa við fréttamenn.
Hernaðarsérfræðingar á
Vesturlöndum telja að flótti
Belenkos liðþjálfa geti orðið til
þess að þeir fái einstakt tæki-
færi til að rannsaka þotuna sem
er hraðfleygasta orrustuþota í
heimi.
t Washington sagði blaðafull-
trui Fords forseta að forsetinn
hefi sjálfur ákveðið að veita
Benko hæli sem pólitískum
flóttamanni i Bandaríkjunum
færi hann fram á það. Aftur á
móti væri það alveg á valdi
Japana hvað gert yrði við þot-
una.
Miklar óeirðir í Höfðaborg:
TVEIR LÉTU LÍFIЗ
NOKKRIR HVÍTIR
MENN HANDTEKNIR
Lögreglan í Höfðaborg hóf
skothríð á hópa fólks af
blönduðum kynþáttum (rétt er
að geta þess að þegar sagðar
eru fréttir frá S-Afríku
gleymist oft að taka fram, að
þar er fjöldi Asíumanna og
kynblendinga) er óeirðir brut-
ust út í borginni í gær.
Tveir menn létu lífið og
mikill fjöldi er talinn særður.
Þessar kynþáttaóeirðir
hófust i miðborg Höfðaborgar
og breiddust síðan út í
úthverfin, þar sem litaðir menn
eru í meirihluta.
Að sögn lögreglunnar hófust
óeirðir í útborginni Revensmea
þar sem einn maður var skotinn
til bana og einn inni í miðborg
Höfðaborgar.
Að sögn fréttamanna í
Höfðaborg urðu þeir vitni að
því er lögreglan skaut
manninn.
Jóhannes Vorster, sem nú er
nýkominn úr ferð sinni til
Zurich, þar sem hann hitti
Kissinger, utanríkisráðherra að
máli, undirbýr nú mikla ræðu
sera hann ætlar að flytja
þjóðinni í kvöld.
Talsmaður lögreglunnar oaigði
í gær, að mxkill fjö’.di þeirra,
sem særzt hefðu í gær, væri
bifreiðastjórar, sem orðið
hefðu fyrir glerbrotum er
unglingar vörpuðu grjóti að
bílum þeirra.
En að sögn fréttamanna,
sem horfðu á óeirðirnar í
miðborg Höfðaborgar, mátti sjá
fjölmarga falla fyrir skotum
lögreglunnar og kylfuhöggum.
Þá hefur fjöldi hvítra manna,
sem þátt tekur í baráttu litaðra
manna í landinu farið vaxandi,
og a.m.k. tveir hvítir menn voru
handteknir i gær.
„Gimsteinastríð"
Indverjar og Pakistanar eru nú
komnir í hár sarnan vegna
yfirráðaréttar yfir hinum fræga1
Koh-i-Noor gimsteini sem er
einn gimsteina brezku krúnunnar
og hefur verið í vörzlu hennar
síðan 1849.
Aðeins nokkrum klukkustund-
um eftir að forsætisráðherra
Pakistan, Ali Bhutto hafði ritað
James Callaghan forsætis-
ráðherra Breta bréf, þar sem
hann fór fram á það, að
gimsteininum yrði skilað, lýstu
Indverjar því yfir, að þeir ættu
steininn.
Æðsti sendifulltrúi Indverja í
London sagði við fréttamenn í
gær: „Gimsteinninn er eign Ind-
verja. Bhutto getur geit hvaða
kröfur sem hann vill, en það eru
fleiri, sem hafa áhuga á
gimsteininum."
Þessu svaraði sendiherra
Pakistana: „Persónulega get ég
ekki skilið, hvers vegna Ind-
verjar telja sig eiga steininn. Ég
yrði mjög undrandi. ef þeim yrði
afhentur hann.“